Шифокорлар коронавируснинг янги аломатларини аниқлашди

2984
(Янгиланган 13:02 10.03.2020)
Сипгапурлик шифокорлар олиб борган тадқиқотда беморларда коронавирус учун одатий бўлган аломатлар тумов, йўтал ва томоқдаги оғриқ кабилар бўлмаган. Лекин таҳлиллар буни аксини кўрсатган.

ТОШКЕНТ, 10 мар — Sputnik. Сингапурда бир гуруҳ шифокорлар коронавируснинг янги аломатларини аниқлашди. Уларнинг тадқиқот натижалари Lancet журналида чоп этилган.

Олиб борилган тадқиқотларга қараганда, баъзи беморларга аввалига денге безгаги ташхиси қўйилган. Улар юқори ҳарорат ва қичитадиган тошмалардан шикоят қилишган. Шу билан бирга уларда коронавирус учун одатий бўлган аломатлар тумов, йўтал ва томоқдаги оғриқ кабилар бўлмаган.

Уларга денге безгагидан даволаниш ёрдам бермаган. Беморлар нафас олишнинг қийинлашишидан шикоят қила бошлаганлар. Сўнгра уларни коронавирус бор ёки йўқлигини аниқлаш мақсадида қўшимча равишда текширишган. Таҳлиллар ижобий натижаларни кўрсатган.

Шифокорлар ҳамкасбларини ташхис ўтказишга жиддий ёндашишга чақиришган ва нотўғри табобат жамоатчилик соғлиғига путур етказишини эслатиб ўтишган.

COVID-19

2020 йилнинг 10 март ҳолатига кўра, дунё бўйича COVID-19 коронавируси билан касалланганларнинг умумий сони 114 мингдан ошган. Коронавирус 100 дан зиёд мамлакатда қайд этилган. Жанубий Корея, Япония, Италия ва Эронда вируснинг авж олиши кузатилмоқда. Мазкур касалликдан 4019 киши вафот этган ва салкам 64 минг киши эса тузалиб кетган.

2984
Мавзу:
COVID-19 умумжаҳон пандемияси (1229)
Не дали взять живым или мертвым: Атамбаев сделал заявление

Изолятор ўзгарди: Атамбаев очлик эълон қилди

126
(Янгиланган 17:24 26.10.2020)
Қирғизистон собиқ президенти Алмазбек Атамбаев МХДҚ изоляторидан пойтахтдаги 1-тергов изоляторига олиб ўтилгани сабабли очлик эълон қилди.

ТОШКЕНТ, 26 окт — Sputnik. Қирғизистоннинг собиқ президенти Алмазбек Атамбаев Миллий хавфсизлик давлат қўмитасининг ҳибсхонасидан пойтахтдаги 1-тергов изоляторига кўчирилиши муносабати билан очлик эълон қилди. Бу ҳақда унинг адвокати Сергей Слесарев РИА Новостига маълум қилди.

"У СИЗО-1га ўтказилди. Шу муносабат билан у очлик эълон қилди", - деди адвокат.

МХДҚ СИЗО - Қирғизистон махсус хизматлари биносидаги тергов изолятори ҳисобланди. Одатда коррупцияда гумон қилган юқори лавозимли мансабдор шахслар, жамоат ва миллий хавфсизликка таҳдид солувчи шахслар, Давлат қўмитаси ходимлари томонидан ушланган - террорчилар, экстремистлар, чет эллик ёлланма жиноятчилар жойлаштирилади.

СИЗО-1 - Бишкек марказидаги тергов ҳибсхонаси бўлиб, у ерда пойтахт ва Чуй вилоятида жиноят содир этганликда гумон қилинаётган шахслар сақланади.

6 октябрга ўтар кечаси тартибсизликлар шароитида собиқ президент тарафдорлари томонидан Миллий хавфсизлик идораси қамоқхонасидан озод қилинганди. Бироқ, 10 октябрь куни у яна махсус хизмат ходимлари томонидан қўлга олинди.

126

Жапаров Қирғизистон президенти сайловларида номзодини илгари суради

71
Қирғизистон президенти вазифасини бажарувчи Садир Жапаров сайловларда иштирок этиш учун декабрь ойида президент ваколатларини зиммасидан соқит қилмоқчи.

ТОШКЕНТ, 26 окт — Sputnik. Қирғизистон президенти вазифасини бажарувчи, бош вазир Садир Жапаров давлат раҳбари лавозимига ўз номзодини илгари суришини маълум қилди.

Жапаровнинг сўзларига кўра, бунинг учун у декабрда истеъфога чиқишни режалаштирмоқда.

“Мен бошқалар қатори сайловларда иштирок этаман. Агар ғалаба қозонсам президент бўламан, бўлмаса барча каби оддий фуқаро бўламан”, - деди Жапаров. Унинг сўзларидан Sputnik Қирғизистон иқтибос келтирган.

Қирғизистонда муддатидан аввалги президент сайловлари 2021 йил 10 январь куни бўлиб ўтади. Мамлакат Конституциясига биноан президент в.б. ўз номзодини илгари суриш ҳуқуқига эга эмас.

Аввалроқ Жапаров агар қонунчиликка тегишли ўзгартириш киритилса, президент сайловларида иштирок этишга тайёрлигини маълум қилган эди.

71
В Ферганской области несовершеннолетний водитель сбил насмерть пешехода

Фарғонада вояга етмаган ҳайдовчи пиёданинг умрига зомин бўлди

4
Қува туманида вояга етмаган ҳайдовчи йўл четида турган пиёдани уриб юборди. Пиёда ҳодиса жойида ҳалок бўлди.

ТОШКЕНТ, 26 окт — Sputnik. Фарғона вилояти Қува туманида вояга етмаган ҳайдовчи пиёдани уриб юборди. Бу ҳақда вилоят ИИБ ахборот хизмати хабар қилмоқда.

Йўл-траснпорт ҳодисаси 21 октябрь куни Ўрта хўжа Ҳасан кўчасида рўй берган. “Nexia-2” машинасини бошқариб кетаётган вояга етмаган ҳайдовчи йўл четида турган пиёда Қ.З.ни уриб юборган. Натижада пиёда тан жароҳати олиб, ҳодиса жойида вафот этган.

В Ферганской области несовершеннолетний водитель сбил насмерть пешехода
УВД Ферганской области
В Ферганской области несовершеннолетний водитель сбил насмерть пешехода

Мазкур ҳолат юзасидан Жиноят кодексининг 266-моддаси 2-қисми билан жиноят иши қўзғатилган.

ЙҲХББ 16 ёшдан машина ҳайдашга рухсат бериш таклифига муносабат билдирди

Ҳозирда тергов ҳаракатлари олиб борилмоқда.

4