Вахидулла Хамиди

“Жуда оғир бўлди”: афғон йигити коронавирусни қандай енгди

2295
(Янгиланган 20:50 24.03.2020)
Афғонистонлик йигит Ваҳидулла Ҳамиди коронавирус юқтириб олгани ва даволаниш жараёни ҳақида сўзлаб берди.

ТОШКЕНТ, 24 мар — Sputnik. Ваҳидулла Ҳамиди Афғонистонда коронавирусга чалинган биринчи бемор ҳисобланади. Айни вақтда у соғайиб, одатий ҳаётга қайтган.

Sputnik Афғонистон’га берган интервьюда Ҳамиди Эронда коронавирус юқтириб олгани ҳақида сўзлади.

“Мен беш кунга Эроннинг Кум шаҳрига келдим. Ҳиротга қайтгандан кейин, Кумда коронавирус юқтириш ҳолати қайд этилганини билдим”, - дейди Ҳамиди.

Унинг сўзларига кўра, икки кундан сўнг ўзини ёмон ҳис қилиб, шифохонага борди.

“Уч кундан кейин шифокорлар менда коронавирус аниқладилар. Шикофорлар менда бу вирус борлигини айтишганда, озгина қўрқдим, аммо оилам далдаси ва шифокорлар ёрдами туфайли мен касалликни енгдим”, - дейди йигит.

Ваҳидулла даволаниш вақтида палатада мутлақо бир ўзи бўлгани сабабли касаллик жуда оғир кечганини тан олди. Йигит коронавирусга жиддий эътибор бериш кераклиги, беморлар эса нима бўлса ҳам курашиш лозимлигини алоҳида таъкидлади.

Ваҳидулла Афғонистон барча аҳолисини мамлакат Соғлиқни сақлаш вазирлиги тавсияларига қатъий риоя қилишга чақирди.

Унинг сўзларига кўра, 20 кундан ортиқ вақт карантинда бўлган, яқинлари билан фақат ойна орқали мулоқот қилган.

“Шифохонадан жавоб берилгандан сўнг, мен яна 10 кун уйда карантинда бўлдим, бу оғир бўлганди: мен ҳатто фарзандимни бағримга боса олмас эдим”, - деб қўшимча қилди афғонистонлик.

 

2295
Мавзу:
COVID-19 умумжаҳон пандемияси (937)
Министерство иностранных дел России

АҚШ разведкаси наркотиклар савдоси иштирокчиси - Россия ТИВ

304
Олдинроқ New York Times америка разведкасидаги аноним манбаларига таяниб, РФ ҳарбий разведкаси толибларга алоқадор жангариларга Афғонистондаги америка солдатларига ҳужум учун мукофот пули таклиф этгани ҳақида мақола эълон қилган эди

ТОШКЕНТ, 4 июл – Sputnik. Россияни толиблар билан тил бириктирувда айблаётган АҚШ разведкаси наркотрафикка аралашган, бу Қобулдаги ҳар бир афғонга аён, деб баёнот қилди РФ Афғонистон бўйича махсус вакили, Россия ТИВнинг Осиё иккинчи департаменти директори Замир Кабулов "Россия-1" телеканалига берган интервьюсида.

"Ўша ердаги лойиҳалардан ажратиладиган сон-саноқсиз улушлар бизникиларни наркотрафикда айблаётган ажабтовур америкалик разведкачилар иштироки туфайлидир. Уларнинг самолётлари Қандаҳор ва Баграмдан ҳеч қандай текширувсиз исталган томонга - истаса Германияга, истаса Руминияга қараб учади. Албатта, шундай бизнес-ку. Қобулда исталган афғон сизга бу ҳақда гапириб бериши мумкин, ҳатто, энг дангасаси ҳам бу мавзуда гапиришга тайёр. Бу ҳаммага аён бўлган сир кўпчиликнинг жонига тегиб бўлган. Барча бу ҳолатга аллақачон қўл силтаган", - деди Кабулов.

Олдинроқ New York Times америка разведкасидаги аноним манбаларига таяниб РФ ҳарбий разведкаси толибларга алоқадор жангариларга Афғонистондаги америка солдатларига ҳужум учун мукофот пули таклиф этгани, АҚШ президенти Дональд Трамп бу ҳақда хабардор этилгани ҳақида мақола эълон қилган эди.

Ҳолат бўйича далиллар тақдим этилмаган.

АҚШдаги РФ элчихонаси сал олдин Россия ва Афғонистон ҳақидаги хабарлардан сўнг дипломатлар номига келиб тушаётган таҳдидлар туфайли мамлакат ҳукуматидан бу ҳолатга адекват реакция билдиришни талаб қилган. РФ ТИВ оммавий ахборот воситаларида чоп этилган хабарларни "фейк", дея атади. Трамп ушбу мақолани "буюртма", деб ҳисоблашини маълум қилди.

Демократлар Россия ва толиблар "тил бириктируви" ҳақида разведка ҳисоботини талаб қилмоқда >>>

Оқ уй, Пентагон ва АҚШ разведкаси ушбу хабарлар ҳозирча ўз тасдиғини топмагани ва Трамп бу ҳақда огоҳлантирилмагани ҳақида баёнот бермоқда.

Трампга кўра, Россиянинг толиблар билан тил бириктируви ўзи ва Республикачилар партиясига зиён етказиш учун ўйлаб топилган.

304
Тауэрский мост над рекой Темзой в Лондоне.

Британия "қул-маймунлар" меҳнати орқали олинган товарлардан воз кечди

194
Ушбу ҳолатлар аниқлангач, Буюк Британиядаги қатор супермаркетлар, шу жумладан, Waitrose, Ocado, Co-op ва Boots маймунлар қуллик меҳнати орқали етиштирилган маҳсулотларни сотишан бош тортишларини маълум қилишган.

ТОШКЕНТ, 4 июл - Sputnik. Буюк Британиянинг қатор йирик супермаркетлари маймунларнинг "қуллик" меҳнати маҳсули бўлган товарларни дўконлар расталаридан олиб ташлашга қарор қилди. Бу ҳақда Telegraph газетаси Ҳайвонлар ҳуқуқлар учун курашувчи халқаро ташкилот (PETA) осиё бўлимига таянган ҳолда хабар бермоқда.

PETA ҳайвонот дунёси ҳимоячилари ўтказган тадқиқотлар давомида, Таиландда чўчқадумли ёввойи макакалардан дарахтлардан кокосларни териб олишда фойдаланилгани аниқланди. Жониворлар қочиб кетмаслиги учун эски шиналарга занжирбанд қилинган ёки тор катакларда сақланган. Катаклар маймунлар танаси катталигида бўлиб, бундан ташқари, тишламаслиги учун жониворларнинг тишлари ҳам узиб ташланган.

Ушбу ҳолатлар аниқлангач, Буюк Британиядаги қатор супермаркетлар, шу жумладан, Waitrose, Ocado, Co-op ва Boots маймунлар қуллик меҳнати орқали етиштирилган маҳсулотларни сотишдан бош тортишларини маълум қилганлар.

"Waitrose & Partners" PETAнинг кокос саноатида маймунлар меҳнатидан фойдаланиш ҳолатига чек қўйиш бўйича мақсадини қўллаб-қувватлашини билдирган.

"Ҳайвонлар муҳофазаси бўйича олиб борадиган сиёсатимиз доирасида шу пайтдан эътиборан маймун меҳнати орқали олинадиган маҳсулотларни сотмаслик мажбуриятини оламиз", - деган компания менежери Жон Грегсон.

194

Путин Россия мигрантлар оқимига муҳтожлигини айтди

603
Россия президенти Владимир Путин мамлакатга таълим олишга тайёр ёки муайян малака ёхуд касбга эга бўлган ёшлар кераклигини алоҳида таъкидлади

ТОШКЕНТ, 4 июл — Sputnik. Россия иқтисодий ривожланиш учун мигрантлар оқимига эҳтиёж сезади, деб баёнот қилди президент Владимир Путин РФ Конституциясига киритиладиган тузатишларларни тайёрлаш бўйича ишчи гуруҳи аъзолари билан учрашувда.

"Россия мигрантлар оқимидан манфаатдор, аммо мамлакатга зарур бўлган оқимдан. <...> Россия янги фуқаролар оқимига муҳтож, чет давлатлардан одамларни жалб қилишга эҳтиёжи бор. <...> Иқтисодга тўхталадиган бўлсак, шу нарса аёнки, иқтисод ривожланиши билан - бизда ишчи кучи етишмай қолади: бу ҳолат тез кунда сезилади - ишчи кучи зарур", - деб айтган Россия етакчиси.

Путин ишчи кучи етишмаслигини мамлакат иқтисодий тараққиётига тўсиқ бўладиган объектив сабаб ҳамда жиддий муаммоларнинг бири сифатида кўрсатган.

Россия президенти мамлакатга таълим олишга тайёр ёки муайян малака ёхуд касбга эга ёшлар кераклигини таъкидлаган.

Шу билан бирга, президент, жалб этилаётган мигрантлар оқими Россия фуқаролари ҳуқуқларини бузмаслиги ёки чекламаслиги зарурлигини қайд этган.

Путин шунингдек, Россия рус тили ва маданияти ташувчилари оқимига уч карра муҳтожлигини қўшимча қилган.

603