Врачи скорой медицинской помощи доставили пациента с подозрением на коронавирус в больницу

Онаизор коронавирусдан вафот этган ўғлининг сўнгги сўзлари билан бўлишди

6012
(Янгиланган 14:47 09.04.2020)
Аёлнинг ўғли икки ҳафта давомида ўз-ўзини изоляция қилиш режимига амал қилган. Тўртинчи апрель куни беморнинг аҳволи оғирлашган.

ТОШКЕНТ, 9 апр – Sputnik. Лондонда яшовчи Анна Ньяк Daily Mail таблоидига коронавирусдан вафот этган ўғли ҳақида гапириб берди.

Эмека Ньяк автобус ҳайдовчиси бўлиб ишлаган ва эпидемияга қарамай, ўз вазифасини бажаришга мажбур бўлган. Онасининг сўзларига кўра, у барча хавфсизлик чораларига амал қилган ва имкони борича уйда қолишга ҳаракат қилган.

Ўттиз олти ёшли ҳайдовчининг раҳбарлари уни ҳимоя воситалари билан таъминлашмаган, автобус ҳам дезинфекция қилинмаган. Натижада, Ньяк вирусга чалинган.

У икки ҳафта давомида ўз-ўзини изоляция қилиш режимига амал қилган. Тўртинчи апрель куни эркакнинг аҳволи оғирлашган.

"У қўрқиб қолганди ва зўрға нафас оларди. Аҳволи жуда оғир эди. У тинмасдан мендан қачон тез тиббий ёрдам келиши ҳақида сўрарди. Унинг охирги сўзлари: "Ойижон, мен чиқа олмайман", - бўлди, деб ҳикоя қилди Анна Ньяк.

Аёлнинг ўғли шифокорлар бригадаси келгач, бир оз муддатдан сўнг вафот этган.

Ньякдан ташқари Лондон жамоат транспорти тизимининг яна тўққиз нафар ходими коронавирусдан вафот этган.

Вафот этганларнинг қариндошлари юз берган ҳодисада Британия пойтахти мэри Содиқ Хонни айблашди. Уларнинг фикрича, ҳукумат ишчиларни инфекцияга қарши махсус воситалар билан таъминламаган.

Бутунжаҳон Соғлиқни сақлаш ташкилоти охирги маълумотларига кўра, бутун дунёда вирусдан касалланганлар сони 1,35 миллиондан ошди. Британияда беморланганлар сони 55 мингга етган, 6 мингдан зиёд киши вафот этган.

6012
Мавзу:
COVID-19 умумжаҳон пандемияси (868)

ШҲТ саммити кузга кўчирилди

34
(Янгиланган 11:41 27.05.2020)
Санкт-Петербургда бўлиб ўтиши режалаштирилган ШҲТ саммити онлайн ўтказиш назарда тутилмаган, у кузда одатий тартибда бўлиб ўтади.

ТОШКЕНТ, 27 май — Sputnik. Россия президенти Владимир Путин ШҲТ саммитини куз мавсумига кўчиришга қарор қилди, деб хабар қилмоқда РИА Новости Россия президентига яқин бўлган манбаага асосан. 

ШҲТ саммити 22-23 июль кунлари Санкт-Петербургда бўлиб ўтиши режалаштирилган эди. Барча мамлакатларда муваффақиятли ҳал қилинмаган эпидмиологик вазият туфайли уни кузга кўчиришга қарор қилинди, - дейилган хабарда. 

"Саммитни видеоалоқа орқали ўтказиш назарда тутилмаган, батафсил фикр алмашиб олиш учун юзма-юз учрашув керак", - дейилган хабарда. 

ЖСТ 11 март куни умумжаҳон коронавирус пндемиясини эълон қилган эди. Бугунги кунда дунёда коронавирусга чалинганлар сони 5,4 миллион кишига яқинлашмоқда, улардан 343 минг нафари вафот этган. 

 

34

Чувашиянинг собиқ раҳбари Путиннинг қарорини ноқонуний деб судга берди

127
(Янгиланган 11:12 27.05.2020)
Ишончни йўқотиш муносабати билан ишдан бўшатилган губернатор Россия президенти қарорини ноқонуний деб судга мурожаат қилди.

ТОШКЕНТ, 26 май — Sputnik. Чувашия Республикасининг собиқ раҳбари Михаил Игнатьев Россия Олий судига ариза берди, деб хабар қилмоқда РИА Новости. 

Аризада собиқ губернатор ўзининг истеъфога чиқарилишини ноқонуний деб ҳисоблаши ва ушбу ишни маъмурий тартибда қайта кўриб чиқиш кераклиги қайд этилган. 

Эслатиб ўтамиз, Чувашиянинг собиқ губернатори Игнатьев, ФВВ ходимига янги автомобил топшириш вақтида калитни баланд кўтариб ходимни сакрашга мажбур қилади. Интернетда тарқалган ушбу видео кўпчилликнинг ғазабини келтирган эди. Шундан сўнг Россия презиеднти Владимир Путин Игнатьевни "Ишончни йўқотиш муносабати билан" лавозимидан бўшатган эди. Ўшанда собиқ губернатор "бу ҳазил эди, биз ФВВ раҳбари билан анчадан бери дўстмиз" деган эди. 

Чувашия Республикасида губернатор сайлови 2020 йил 13 сентябр куни бўлиб ўтиши кутилмоқда. Унда вақтинча раҳбар вазифасини бажарувчи Олег Николаев ҳам иштирок этишни режалаштирган. 

127
Олимжон Умаров

Олимжон Умаров бош вазир маслаҳатчиси этиб тайинланди

26
Олимжон Умаров 2017 йилнинг июнидан бошлаб ҳозирги вақтга қадар Ахборот технологиялари ва коммуникацияларини ривожлантириш вазирининг биринчи ўринбосари лавозимида фаолият юритаётган эди.

ТОШКЕНТ, 27 май — Sputnik. Олимжон Умаров Ўзбекистон бош вазирининг маслаҳатчиси IT-технологиялар, телекоммуникациялар ва инновацион фаолиятни ривожлантириш масалалари департаменти бошлиғи лавозимига тайинланди. Бу ҳақда Ахборот технологиялари ва коммуникацияларини ривожлантириш вазирлиги хабар қилди.

Ушбу лавозим президентнинг 2020 йил 12 май ПҚ-4710-сонли қарорига асосан жорий қилинган эди.

Умаров 2017 йилнинг июнидан бошлаб ҳозирги вақтга қадар Ўзбекистон Республикаси Ахборот технологиялари ва коммуникацияларини ривожлантириш вазирининг биринчи ўринбосари лавозимида фаолият юритаётган эди.

26