Сингапурлик олимлар Россияда коронавирус эпидемияси якунланиш санасини айтишди

1228
(Янгиланган 16:48 27.04.2020)
Сингапур университети тадқиқотчилари Россияда коронавирус тарқалиши билан боғлиқ вазият жорий йил июль ойида якунланишини башорат қилишди.

ТОШКЕНТ, 27 апр — Sputnik. Сингапур технологиялар ва дизайн университети (SUTD) тадқиқотчилари маълумотлар таҳлили асосида Россияда коронавирус тарқалиши билан боғлиқ вазият жорий йил июль ойида якунланишини башорат қилишди, дея ёзади РИА Новости.

Тадқиқотчилар фикрига кўра, Россияда вирус тарқалиши билан боғлиқ вазият 97 фоизга 20 майга келиб якунланади. 28 майга келиб вазият 99 фоизга ҳал қилинади, 20 июлда эса 100 фоиз унинг якунланишини тахмин қилинмоқда.

Тадқиқотга кўра, АҚШда COVID-19 билан боғлиқ вазият жорий йилнинг 27 августида, Германия ва Францияда 1 ва 5 августда батамом якунланади. Буюк Британияда эса 14 августда эпидемия ортда қолиши тахмин қилинмоқда.

Шу билан бирга, Россияда коронавирус ўзининг энг юқори чўққисига 24 апрель куни чиққани келтирилган.

Тадқиқотчилар коронавирусга оид маълумотларни 131 та мамлакат бўйича ўрганишган. Тахминни тузиш учун, хусусан, SIR-модель – инфекция тарқалишининг математика моделидан фойдаланилган. Моделда вирус юқтириб олганлар, тузалганлар, касалликка мойиллик суръати баён қилинган.

Тадқиқот муаллифлари ҳар ҳолда ҳар қандай тахминларга эҳтиёткорлик билан ёндашиш зарурлигини таъкидлашган ва унга ҳаддан ташқари умид боғлаш керакмаслиги ҳақида огоҳлантиришган.

Сўнгги маълумотларга кўра, дунёнинг 185 давлатида коронавирус билан боғлиқ 3 миллионга яқин ҳолат этилган. Шулардан 870 мингдан зиёд киши тузалиб кетган. 207 мингга яқин киши эса вирус қурбонига айланган.

Беморлар сони бўйича АҚШ етакчилик қилмоқда. У ерда 966 мингга яқин киши коронавирусга гирифтор бўлган. Кейинги ўринларда Испания (226 629), Италия (197 675), Франция (162 220), Германия (157 770) беморлар сони кўплиги билан қайд этилган. Россияда эса бугунга қадар жами 87 147 та коронавирус билан боғлиқ ҳолат аниқланган.

1228
Мавзу:
COVID-19 умумжаҳон пандемияси (1232)

Эрон газеталаридан бири Макронни иблис қиёфасида тасвирлади

360
Француз етакчиси карикатураси газетанинг олд саҳифасига "Париж иблиси" сарлавҳаси билан чоп этилган. Макрон қизил афт, учли қулоқлар, ёвуз нигоҳ ва сўйлоқтишли бир аҳволда тасвирланган.

ТОШКЕНТ, 27 окт – Sputnik. Эроннинг "Ватане Эмруз" ("Ватан бугун") газетаси Франция президенти Эммануэль Макронни шайтон кўринишида тасвирлади. Бу сурат Макрон Муҳаммад пайғамбарга чизилган карикатураларни Франция ҳукумат биноларида илиб чиқиш ҳақидаги қароридан сўнг пайдо бўлди.

Француз етакчиси карикатураси газетанинг олд саҳифасига "Париж иблиси" сарлавҳаси билан чоп этилган. Макрон қизил афт, учли қулоқлар, ёвуз нигоҳ ва сўйлоқтишли бир аҳволда тасвирланган.

Нашр босма ҳамда онлайн-форматда чиққан.

​Илгарироқ Эрон ташқи ишлар вазирлиги "франция расмий шахслари пайғамбарга чизилган таҳқирловчи карикатураларни қатъият билан қўллаб-қувватлаётганига" протест рамзи сифатида француз дипломатини чақиртирган эди. Идора Франция ҳукуматининг бу сингари позициясини қоралади ва номақбул деб топди.

Октябр ойи бошида Макрон Франциядаги диний сепаратизмга қарши катта нутқ билан чиқиш қилган ва республика қадриятларини кучайтиришга қаратилган қонунчилик лойиҳаси 9 декабрда тақдим этилиши ҳақида хабар берган эди.

Франция етакчиси "Францияни чет эл таъсиридан озод этиш" ва масжидлар молиялаштирилиши устидан назоратни кучайтириш зарурлиги хусусида фикр билдирди.

Сал олдин, Франция президенти, Charlie Hebdo сатира журналида сентябр бошида Муҳаммад пайғамбарга чизилган карикатураларга изоҳ берар экан, мамлакатда шаккоклик қилиш эркинлиги мавжудлигини алоҳида таъкидлаган эди. Тарих муаллими Самюэль Пати қотиллигидан сўнг Макрон Францияда карикатуралар чоп этилишидан воз кечилмаслигини маълум қилди.

360
Львица атакует буйвола

Арслонлар ҳужумига учраган буқа машинага урилди видео

310
Крюгер миллий паркида уч асрлон буқага ҳужум қилиши видеога олинди. Буқа қочиб кетишига яқинда турган сафари-машина ёрдам берди.

ТОШКЕНТ, 27 окт — Sputnik. Жанубий Африка Республикасидаги Крюгер миллий паркида асрлонлар буқага ҳужум қилиши видеога олинди.

Видео муаллифи 39 ёшли гид Женнифер Коулман.

Дастлаб 3 бош асрлон буқага ҳужум қилади. Улардан қочишга уринган буқа айланиб сафари-автомобилига бориб урилади.

Бу ҳолат арслонни қўрқитиб юборди ва у четга қочиб кетди.

 

310

Эртага Ўзбекистонга Волгабўйидан совуқ антициклон киради

337
Илиқ ва совуқ ҳаво оқимларининг босимлари тафовути республика ҳудуди бўйича шамолнинг тезлиги секундига 17-22 метргача кучайишига олиб келади

ТОШКЕНТ, 27 окт - Sputnik. Эртага республика шимолига Россиянинг Европа қисми (Москва области)дан Волгабўйи орқали совуқ антициклон кира бошлайди, деб хабар бермоқда Ўзгидромет.

Эртага, 28 октябрда совуқ ҳаво бутун республика ҳудудига тарқалади, ҳарорат фони 8-10 даража пасаяди.

Аксарият вилоятларда кундузги ҳаво ҳарорати 10-13 даража атрофида бўлади. Кучсиз, асосан қор кўринишидаги ёғинлар мамлакатнинг тоғли ва баланд тоғли ҳудудларида кузатилиши мумкин.

Илиқ ва совуқ ҳаво оқимларининг босимлари тафовути республика ҳудуди бўйича шамолнинг тезлиги секундига 17-22 метргача кучайишига олиб келади.

Совуқ ҳаво оқимининг таъсири 29 октябрда ва 30 октябрда кечаси сақланиб туради, 30 октябрда кундузи антициклон шимоли-шарққа чекина бошлайди ва ҳаво аста-секин исийди.

29 ва 30 октябрь кунлари тунги ҳаво ҳарорати 0-3 даража илиққача тушади, айрим жойларда ҳавода биринчи аёз кузатилади — ҳарорат 1-2 даража совуқ бўлади. 29 октябрда кундузи 10-13 даража илиқ атрофида бўлади, 30 октябрда эса бироз — 13-16 даражагача исийди. Бу кунларнинг ҳарорати октябрь ойи учун хос бўлган меъёрий қийматлардан 7-9 даражага паст бўлади.

31 октябрда Ўзбекистон ҳудудига Эрон томондан иссиқ ҳаво кира бошлайди. Тунги аёз тўхтайди, кундузи эса ҳарорат 18 даража, айрим жойларда ундан ҳам юқори бўлади.

337