Пассажиры у стойки регистрации билетов в международном аэропорту

Чет элликларнинг Россияга кириш тақиқи узайтирилди

735
Хорижликлар Россияга коронавирус билан боғлиқ вазият яхшиланмагунга қадар киритилмайди. Россия бош вазири тегишли фармонга имзо чекди.

ТОШКЕНТ, 30 апр — Sputnik. Хорижликлар учун Россияга кириш учун ўрнатилган чеклов коронавирус билан боғлиқ вазият яхшиланмагунга қадар узайтирилади. Бу Россия бош вазири Михаил Мишустин маълум қилди.

“Ҳозирча коронавирус туфайли жорий этилган чекловлар қачон тўлиқ олиб ташланиши мумкинлигининг аниқ санасини айтиб бўлмайди. Жумладан – Россия чегарасини кесиб ўтиш. 30 апрелга қадар чет эл фуқароларининг учун мамлакатимизга кириши чеклов амал қилмоқда. Мен Ҳукуматнинг инфекция билан курашиш якунланмагунча ва эпидемиологик вазият яхшиланмагунча ушбу муддатни узайтиришга доир фармонини имзоладим”, - деди у COVID-19 билан курашиш бўйича мувофиқлаштирувчи кенгаш раёсати мажлисида.

Мишустин Россияга кириш чеклови айрим тоифадаги чет эл фуқароларига тааллуқли эмаслигини таъкидлади.

Хусусан, мамлакатда импорт ускуналар техник хизмати билан шуғулланувчи мутахассислар учун бундай чеклов йўқ.

Россия ҳукумати раҳбарининг фикрига кўра, ушбу чора Россия саноат корхоналари, жумладан, коронавирус инфекцияси билан кураш учун ускуна ишлаб чиқарувчилар фаолиятига етказилган салбий таъсирни камайтиришга имкон беради.

Эслатиб ўтамиз, Россия Ҳукумати 2020 йил 18 мартдан 1 майга қадар чет эл фуқаролари ва фуқаролиги бўлмаган шахсларнинг Россияга киришини вақтинча чеклашга қарор қилган эди. Кейинчалик ушбу чеклов МДҲ, Абхазия ва Жанубий Осетия фуқароларига қўлланилмаслигига оид ўзгартириш киритилди.

Сўнгги маълумотларга кўра, Россияда коронавирус билан боғлиқ 106 498 та ҳолат қайд этилган. Беморлардан 11 619 нафари тузалиб кетган, 1073 киши эса вафот этган.

735

Лукашенко 5 ноябрдан президент сифатида тан олинмайди - Европарламент

465
(Янгиланган 17:08 19.09.2020)
Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган.

ТОШКЕНТ, 19 сен — Sputnik. Европарламент Александр Лукашенкони 5 ноябрдан бошлаб республика раҳбари деб ҳисоблашдан тўхташлари ҳақида баёнот берди.

"Амалдаги аторитар етакчи Александр Лукашенконинг ваколатлари муддати тугаши билан <…>, парлмент уни мамлакат президенти сифатида бошқа тан олмайди", - дейилади резолюцияда.

Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган. Шунингдек, Европарламент Лукашенкога нисбатан эҳтимолий санкцияларни ҳам қўллаб-қувватлаган.

Беларус ТИВ Европарламентнинг ушбу ҳаракатларидан ихлоси қайтганлигини маълум қилди. Идора, шунингдек, ўзини холис ва демократик тузилма сифатида намойиш этадиган ушбу ташкилот "бурнидан нарироққа қарашга" ўзида сиёсий ирода топа олмаганлигини қайд этган.

Республика кенгашида резолюциянинг қабул қилиниши давлатнинг ички ишларига аралашув сифатида баҳоланди. Россия Давлат думаси спикери Вячеслав Володин ҳам ушбу ҳужжатга "ички аралашув" сифатида баҳо берган эди. Володинга кўра, резолюциянинг қабул қилиниши мамлакатдаги ҳукумат органларини алмаштиришга бўлган уринишдир.

Беларусдаги воқеалар

Беларусдаги оммавий протестлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 фоиз овоз олган. Оппозиция сайловларда Светлана Тихановская ғалаба қозонди, дея ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомет, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Расмий маълумотларга, илк кунларда 6,7 мингдан зиёд қўлга олинган. ИИВ хабарига кўра, тартибсизликлар давомида юзлаб одамлар жабрланган, жумладан, 120дан ортиқ куч ходимлари ҳам. Беларус ҳукумати маълумотига кўра, уч киши қурбон бўлган.

465
Панорама Риги

Латвиялик шифокор русийзабон эркакка ёрдам беришдан бош тортганини айтиб мақтанди

626
Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга

ТОШКЕНТ, 19 сен — Sputnik. Латвия шифокорлари ҳамжамияти вице-президенти, анестезиолог-реаниматолог Робертс Фурманис касалхонага келган инсонга у фақат рус тилида гапиргани учун ёрдам беришдан бош тортгани ҳақидаги бир воқеа ҳақида сўзлаб берди. Sputnik Latvija хабари асосида.

Яқинда Ригадаги Страдыня номидаги касалхонада унга футболкасида "Россия" ёзуви бўлган эркак мурожаат қилган. Ташриф буюрувчи ундан туғруқхона бўлимини топишда ёрдам беришни сўраб, мурожаат қилган эди. Аммо латвиялик мутахассис эркакка бегона тилда гапиришдан бош тортган.

"Мен унга: "Хайрли кун. Бу ер Латвия. Аввало мулоқотни латиш тилида бошлаш кераклигини эслатмоқчиман", дедим. Эркак бурилди ва жўнаворди", — деди Фурманис.

Шифокорнинг сўзларига кўра, у "суягигача латиш", ва унда ҳатто айнан шундай ёзувлар битилган майкаси ҳам бор.

Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга.

626