Вид на Тбилиси с высоты птичьего полета

Биринчилардан: Грузия туристлар учун ўз чегараларини очади

355
Грузия чет эллик меҳмонларни қабул қилиш учун ўз чегараларини ва инфратузилмасини очган биринчи давлатлардан бири бўлади. Пандемиясидан кейин 1 июлдан хорижий сайёҳларни қабул қила бошлайди.

ТОШКЕНТ, 7 май - Sputnik. Грузия Бош вазири Георгий Гахария, коронавирус пандемиясидан кейин мамлакатда 1 июлдан хорижий сайёҳларни қабул қила бошлашини айтди.

"15 июндан бошлаб Грузия маҳаллий сайёҳлик хизматларини тақдим этиш учун очилади, 1 июлдан бошлаб эса Грузия хорижий сайёҳларни қабул қилишга тайёр бўлади. Биз буни қуруқликдаги чегараларда хавфсиз йўлакни таъминлаш орқали ҳамда бизга туристик жиҳатдан қизиқ мамлакатлар билан икки томонлама музокаралар нуқтаи назаридан хавфсиз йўлак тақдим этиш орқали амалга оширамиз. Грузия чет эллик меҳмонларни қабул қилиш учун ўз чегараларини ва инфратузилмасини очган биринчи давлатлардан бири бўлади", -деб ҳабар беради РИА Новости Гахариянинг сўзларидан иқтибос келтирган ҳолда.

Бош вазир бир ой ичида бунга тайёр бўлиш учун барча тегишли идоралар синчковлик билан ишлашлари кераклигини таъкидлади.

Шунингдек, 11 майдан бошлаб Грузияда аста-секин апрел ойининг ўрталаридан бошлаб COVID-19 нинг тарқалиши туфайли чекловлар амал қилган шаҳарлар, шу жумладан Тбилиси очилишни бошлайди.

Фавқулодда ҳолат режими 22 майгача амал қилишини, шунингдек соат 21:00 дан 6:00 гача (Москва вақти билан 20:00 дан 5:00 гача) комендантлик соати амал қилиши ҳақида аниқлик киритилди. Ҳаракатни тақиқлаш апрел ойининг ўрталарида тўртта шаҳарда: Батуми, Кутаиси, Рустави ва Тбилисида жорий этилган. 27 апрелдан бошлаб Грузия ҳукумати фавқулодда вазият шароитида қўйилган чекловларни босқичма-босқич олиб ташлашни бошлади. Батуми ва Кутаиси бундан олдинроқ очилган эди.

"Тбилиси 11 май кунидан тўлиқ очилади. Тбилисига кириш ва чиқиш бўйича барча чекловлар олиб ташланади. 14 май куни Рустави ва Гардабани шаҳарлари, 18 май куни эса Марнеули шаҳри очилади", - дея тушунтирди Гахария.

11 март куни Бутунжаҳон соғлиқни сақлаш ташкилоти COVID-19янги коронавирус инфекциясини пандемия деб эълон қилди. БССТнинг сўнгги маълумотларига кўра, дунёда 3,5 миллиондан ортиқ касалланиш қайд этилган, 247 мингдан ортиқ одам вафот этган. Пайшанба куни Грузияда коронавирус билан оғриган беморларнинг сони 615 га етди, 275 киши тузалишга муваффақ бўлишди.

355
Мавзу:
COVID-19 умумжаҳон пандемияси (1345)
Жители города Душанбе в защитных масках на улице

Тожикистон COVID-19 ни енгдими: Марказий Осиёдаги вазият

422
(Янгиланган 17:19 17.01.2021)
Ўтган суткада Қозоғистонда қарийб 1000 кишида коровирус аниқланди. Тожикистонда эса 6 кундан буён ҳеч ким касалланмаяпти.

ТОШКЕНТ, 17 янв — Sputnik. Қозоғистонда Марказий Осиё мамлакатларининг бошқаларига қараганда энг кўп коронавирус аниқланмоқда.

Қозоғистонда ўтган куни 978 та коронавирус билан касалланиш ҳолати аниқланди. Мамлакатда жами 168 096 кишида инфекция аниқланган. Шулардан 153 035 нафари соғайиб кетган. 2349 киши вирус қурбонига айланган.

Қирғизистон энг кўп COVID-19 аниқланиш бўйича иккинчи ўринда. Ўтган суткада 123 кишида вирус аниқланган. Касалланганларнинг умумий сони 83 109 нафарга етган. Шулардан 78 994 нафари тузалган. Вирус туфайли 1384 нафар қирғизистонлик вафот этган.

Ўзбекистонда ўтган куни 64 кишининг коровирусга топширган тести мусбат чиққан. Шу тариқа касалланганларнинг умумий сони 77 968  нафарни ташкил этмоқда. Шуларнинг 76 436 нафари касалликни енгган. 619 киши вирус оқибатларидан вафот этган.

Тожикистон ССВ тақдим этган маълумотларга кўра, мамлакатда 6 кундан бери ҳеч ким коронавирус билан касаланмаяпти. Республикада жами 13 308 киши ковид юқтириб олган. Шулардан 13 218 нафари даволаниб чиққан. Шу билан бирга 90 бемор COVID-19 ўлган. Ушбу рақамларга ишонилса, мамлакатда коронавирус билан касалланганлар қолмаган.

Туркманистонда эса коронавирус расман қайд этилмаган ва у дунёда коронавирус аниқламаган саноқли давлатлардан бири ҳисобланади.

422

Гвинея президенти “Спутник V” билан эмланди

121
82 ёшли Гвинея президенти Алфа Конде коронавирусга қарши Россия вакцинаси “Спутник V” билан эмланди.

ТОШКЕНТ, 17 янв — Sputnik. Гвинея президенти Алфа Конде коронавирусга қарши Россия вакцинаси “Спутник V” билан эмланди. Бу ҳақда “Guinéenews” телеканали хабар қилди.

Конде куни президент қароргоҳи Секутуреяда эмланган. У вакцинанинг биринчи дозасини олган. Гвинея Москвадан “Спутник V” вакцинасининг 55 та намунасини олган. Аввалроқ мамлакатда 19 нафар юқори лавозимли амалдор, жумладан, мудофаа вазири эмланганди.

“Спутник V”: Нима учун Россия вакцинасига ишонч билдиришмоқда? - видео

Сўнгги маълумотларга кўра, Гвинеяда 14 мингдан зиёд киши COVID-19 билан касалланган. Шулардан 13,3 мингдан зиёд тузалиб кетган. Жами 81 бемор коронавирусдан вафот этган.

121
Теглар:
эмлаш, вакцина, Спутник V

Ҳайдовчиликка ўқиётган шахсларнинг давомати онлайн назорат қилиниши мумкин

66
Ўзбекистонда ҳайдовчилик гувоҳномасини олмоқчи бўлганларнинг давомати ва ўқув жараёнини онлайн назорат қилиш йўлга қўйилиши мумкин.

ТОШКЕНТ, 17 янв — Sputnik. 2021 йилда Давлат йўл ҳаракати хавфсизлиги хизмати (ДЙҲХББ) соҳасида амалга қатор истиқболли режалар амалга оширилиши кутилмоқда.

ИИВ Йўл ҳаракати хавфсизлиги бош бошқармаси хабарига кўра, ҳайдовчилик гувоҳномасини олиш учун ўқиётган номзодлар давомати ва ўқув жараёнини онлайн тарзда назорат қилиш тизимини яратиш режалаштирилмоқда. 

Бундан ташқари, 2021 йилда транспорт воситаларини давлат рўйхатидан ўтказишда аризаларни онлайн юбориш ҳам жорий этилиши кутилмоқда. Тўловларни эса тўлиқ биллинг тизимига ўтказиш мўлжалланган. Бу фуқароларнинг сабабсиз кутиб қолишларининг олдини олишга ёрдам бериши айтилмоқда.

Эслатаб ўтамиз, Ўзбекистонда 2021 йил 1 апрелдан тадбиркорлар ҳайдовчилик гувоҳномасини олиш учун имтиҳон ўтказиш ҳуқуқига эга бўлади.

66
Теглар:
Ўзбекистон янгиликлари, ҳайдовчилик гувоҳномаси