Гитлер аввало СССР халқларини йўқ қилишни режалаштирган - немис дипломати

1245
Адольф Гитлер ўзининг дастурий китобида яҳудийлардан ҳам аввал СССР халқларини йўқ қилишни ёки қул қилишни режалаштирган дейди немис дипломати.

ТОШКЕНТ, 8 май - Sputnik. Адольф Гитлернинг геноцид бўйича дастури асосан яҳудий миллатига мансуб бўлмаган СССР халқларига тегишли бўлган, деди Бруно Малов, немис дипломати, Германия Социалистик Бирлик Партияси (СЕПГ) марказий қўмитасининг халқаро бўлим бошлиғи ва Германиядаги "LINKE" чап қанотли партияси фаҳрийлар кенгаши аъзоси РИА Новости билан суҳбатда.

"Гитлернинг дастурий китобида ... ҳалқларни йўқ қилиш - геноциди бўйича дастури бўлган. Ва бу дастур нафақат яҳудий миллатига мансуб кишиларга, балки, аввало, йўқ қилиниши ёки қул қилиниши режалаштирилган СССР халқларига ҳам тегишли бўлган",- дея тушунтирди дипломат.

Тинчлик учун ҳаракат ва Совет Иттифоқи билан дўстликнинг аҳамияти ёрқин ифодаланган ГДРдан фарқли ўлароқ, собиқ Ғарбий Германияда миллатчи-социализм тажрибасини тарихий англаш  ва собиқ фашист жиноятчиларининг кенг қамровли фош этилиши бўлмаган, деб ҳисоблайди Малов. Унинг сўзларига кўра, "кўпчилик вермахт сафида бўлиб, СССРга қарши курашгадан уятда бўлган".

Малов, шунингдек, немисларнинг ёш авлоди "уларга ҳеч қандай алоқаси йўқ" деб изоҳлаб, бу мавзуни муҳокама қилишни ниҳоясига етказиш вақти келди ва бу жуда узоқ вақт олдин бўлган деб ҳисоблашади.

"Мен бунга ҳар доим шундай дейман: бўлган ишлар учун сиз жавобгар эмассиз, лекин сиз, шу жумладан бу такрорланмаслиги учун, тарихни билишингизга  жавобгарсиз", - деб тушунтиради Бруно Малов.

Дипломат шунингдек журналистларнинг илтимосига кўра Германия пойтахтида нацистлар қўшинлари таслим бўлганининг 75 йиллиги шарафига 2 май куни Берлинда Украинанинг Германиядаги элчисининг у билан гул қўйишидан воз кечганлигига изоҳ берди.

Маловнинг сўзларига кўра, "Ғалаба байрамини нишонлаш ҳеч қандай сиёсий вазиятга боғлиқ бўлиши мумкин эмас" ва "2013 йилда Украинада бошланган инқироз, Берлинни, кейин Германияни, Европани ва умуман бутун дунёни фашизмдан озод қилган Совет жангчиларининг буюк жасоратига ҳеч қандай алоқаси йўқ".

Аввалроқ Sputnik радиоси тарихчи Гитлерни 1945 йил май ойида қутқариб қолинганлиги ҳақидаги назарияни рад этгани ҳақида хабар берган эди.

1245

Путин COVID-19 га қарши эмлангандан сўнг Жанубий Кореяга боришга ваъда берди

27
(Янгиланган 16:36 29.09.2020)
Аввалроқ Жанубий Корея президенти маъмурияти Путин кореялик ҳамкасби Мун Чжэ Ин билан телефон орқали суҳбат чоғида Кореяга боришга тайёрлигини билдирганини хабар қилган эди.

ТОШКЕНТ, 29 сен — Sputnik. Россия президенти Владимир Путин ҳақиқатдан ҳам Жанубий Корея етакчисига коронавирусга қарши эмлангандан сўнг Сеулга боришга ваъда берди. Бу ҳақда Россия президенти матбуот котиби Дмитрий Песков маълум қилди.

Аввалроқ Жанубий Корея президенти маъмурияти Путин кореялик ҳамкасби Мун Чжэ Ин билан мамлакатлар ўртасидаги дипломатик алоқалар ўрнатилганига 30 йил тўлиши муносабати билан телефон орқали суҳбат чоғида Кореяга боришга тайёрлигини билдирганини хабар қилган эди.

“Ҳа, ҳақиқатдан ҳам, Путин кеча унинг жанубий кореялик ҳамкасби тиклаган амалдаги таклифномага эга. Ва Путин у эмланиш ҳақида қарор қабул қилгач, пайти келиб бу илтифотли таклифдан албатта фойдаланиш ниятида эканини тасдиқлади”, - деди Песков РИА Новостига.

Россия дунёдаги биринчи коронавирусга қарши “Спутник V” вакцинасини август ойида рўйхатга олди. У Гамалея номидаги марказ томонидан яратилган ва Россия тўғридан-тўғри инвестициялар жамғармаси билан ҳамкорликда ишлаб чиқарилмоқда.

Шунингдек, Россияда “Вектор” маркази томонидан яратилган вакцина клиник синовдан ўтмоқда. Куни кеча Россия ССВ Чумаков номидаги Илмий марказ томонидан яратилган коронавирусга қарши вакцинанинг клиник синовларига рухсатнома берди.

27
Теглар:
Жанубий Корея, Путин, Спутник V, коронавирус, вакцина
Мавзу:
COVID-19 умумжаҳон пандемияси
Гризли

Улкан айиқ бирданига 20 бош бўри билан жанг қилди - видео

200
(Янгиланган 15:51 29.09.2020)
АҚШнинг Йеллоустон миллий боғида гризли - айиқ бирданига 20 бош бўри билан куч синашди ва улардан ўлжани олиб қўйди.

ТОШКЕНТ, 29 сен — Sputnik. Айиқ ва бўрилар галаси жанги акс этган видео АҚШнинг Йеллоустон миллий боғида тасвирга олинди. Бўрилар галаси тунги муваффақиятли овдан сўнг дам олаётган эди – улар бизонни енгишди. Улар олдига айиқ келди.

Россия National Geographic нашри ёзишича, Йеллостондаги гризли-айиқнинг оғирлиги 300 килога етиши мумкин, бўриларнинг вазни эса 50-60 килони ташкил қилади.

Йиртқичлар ўртасидаги жангда айиқ ғалаба қозонди, ҳеч қайси бўри нобуд бўлмади.

200

“Юксалиш” масъулларни коронавирусга оид кунлик батафсил ҳисобот эълон қилишга чақирди

8
(Янгиланган 17:29 29.09.2020)
Ташкилот ёпиқлик, айрим масалалар юзасидан сукут сақлаш ва ноаниқлик ваҳима, миш-мишлар тарқалишининг, ахборот маконида фейклар кўпайишининг омиллари бўлиб, пировардида фуқароларда ҳукуматга нисбатан ишончсизлик ортишига олиб келади деб ҳисоблайди.

ТОШКЕНТ, 29 сен — Sputnik. “Юксалиш” умуммиллий ҳаракати фуқароларни мамлакатдаги вазият ҳақида ишончли статистика ва холис ахборот билан таъминлаш муҳимлигини маълум қилди.

Ташкилот COVID-19 инфекцияси билан касалланиш ва ўлим ҳолати статистикаси қанчалик ишончлилиги, таҳлил натижаларини қанчалик тез олиш имкони борлиги, коронавирусга қарши кураш бўйича махсус штаб таркибига қайси шахслар киритилгани борасида қатор саволлар билан тегишли идораларга мурожаат қилган.

“Юксалиш” умуммиллий ҳаракати масъул идоралар раҳбарларини қуйидагиларга чақиради: 

  • Республика махсус комиссияси ва Соғлиқни сақлаш вазирлиги мамлакатда COVID-19 тарқалиши билан боғлиқ вазият тўғрисида фуқароларни тўлиқ ва холис ахборот билан таъминлаб бориш, хусусан, коронавирус инфекцияси тарқалишининг аниқ кўрсаткичлари ва ўчоқлари, уйда даволанаётган одамлар, вафот этганлар сони кўрсатилган кунлик батафсил ҳисоботларни эълон қилиб бориш;
  • COVID-19 юқиши натижасида келиб чиққан пневмония ҳолатларини ва коронавирус инфекциясини яхлит статистик маълумотлар кўринишида бирлаштириш, шу жумладан пневмонияни юқтирган ва унинг оқибатида вафот этганлар сонини тақдим этиш;
  • Коронавирусга қарши кураш бўйича штаб аъзоларининг тўлиқ рўйхатини жамоатчиликка тақдим этиш;
  • Фуқароларни эпидемиологик вазият ҳақида хабардор қилишга қаратилган брифинг ва матбуот анжуманларида вазирлик ва идоралар раҳбарияти даражасидаги ваколатли шахслар, Республика махсус комиссияси аъзоларининг иштирок этишини таъминлаш.

Ташкилот ёпиқлик, айрим масалалар юзасидан сукут сақлаш ва ноаниқлик ваҳима, миш-мишлар тарқалишининг, ахборот маконида фейклар кўпайишининг омиллари бўлиб, пировардида фуқароларда ҳукуматга нисбатан ишончсизлик ортишига олиб келади деб ҳисоблайди. Давлат раҳбари коронавирус инфекцияси билан зарарланишнинг ҳақиқий ҳолати бўйича рақамларни яширишга мутлақо йўл қўймаслик тўғрисида барча ҳоким ва раҳбарларни огоҳлантирган. Бунга уриниш жиноий жавобгарликкача бўлган қатъий чораларга олиб келиши мумкинлигини таъкидлаган.

Таъкидланишича, ишончли, холис, ўз вақтида берилган маълумотлар фуқароларга асосли қарорлар қабул қилишга, ўзлари ва бошқаларнинг соғлиғини ҳимоя қилиш учун масъулият билан ёндашишга имкон беради.  

“Пандемия бутун дунёда тўлиқ бартараф этилмас экан, хотиржамликка берилиб бўлмайди. Барча юртдошларимизни хушёрликка, жуда эҳтиёткорлик билан карантин ва санитария-гигиена қоидаларига қатъий амал қилишга чақириб қоламиз”, - дейилган мурожаат сўнгида.

Сўнгги маълумотларга қараганда, Ўзбекистонда жами 56 252 коронавирус билан касалланган. Шулардан 52 859 нафари тузалиб кетган. 465 киши эса вирус қурбонига айланган.

8
Мавзу:
COVID-19 умумжаҳон пандемияси