Пассажиры в аэропорту

Туркия даволанишни режалаштирган ўзбекистонликлар учун чегарасини очмоқда

175
(Янгиланган 13:43 18.05.2020)
Бемор ва унга ҳамроҳ бўлган шахслар COVID-19га тест топширишлари керак. Агар бу тестлар ўз мамлакатларида мавжуд бўлса, унда тест сафардан 48 соат олдин топширилиши керак.

ТОШКЕНТ, 18 май - Sputnik. Туркия тиббий муассасаларда даволаниш учун мамлакатга ташриф буюраётган ўзбекистонликлар учун чегараларини очмоқда, деб хабар беради Daily Sabah.

“20 майдан бошлаб Туркия 31 давлат, шу жумладан, Россия, Қозоғистон, Грузия, Украина, Озарбайжон, Ўзбекистонга, шунингдек, Европа ва Яқин Шарқнинг бир қатор давлатлари фуқаролари киришига расман рухсат беради. Шу билан бирга, саёҳатларга пляж таътили эмас, балки соғломлаштириш таътили киради", - дейилади хабарда.

Города мира. Рим
© Sputnik / Наталья Селиверстова

Беморлар фойдаланиши мумкин бўлган хизматлар рўйхатига қуйидагилар киради: ортопедия, травматология, умумий жарроҳлик, болалар жарроҳлиги, урология, кўз касалликлари, кардиология, онкология, нейрохирургия, гематология, репродуктив терапия, органлар ва суяк илиги трансплантацияси.

Тиббий сайёҳлар мамлакатга кўпи билан икки киши ҳамроҳлигида киритилиши мумкин. Бемор ва унга ҳамроҳ бўлган шахслар COVID-19га тест топширишлари керак. Агар бу тестлар ўз мамлакатларида мавжуд бўлса, унда тест сафардан 48 соат олдин топширилиши керак. Туркияга кираётганда коронавирус тести таҳлили манфий тўғрисида сертификат бўлиши керак ёки Туркияга кирганда пуллик тест топшириш керак бўлади.

Эслатиб ўтамиз, олдинроқ Туркия Ички ишлар вазирлиги мамлакат ҳудудида халқаро юк ташиш қоидаларига ўзгартиришлар киритган эди. Чет эллик ҳайдовчилар 14 кунлик карантин даврини кутмасдан, мамлакатдан имкон қадар тезроқ чиқиб кетиш шарти билан Туркияга киришлари мумкин.

175
Президент РФ Владимир Путин

Путин СССРнинг 1924 йилдаги Конституциясини “ҳаракати кечиктирилган мина” деб атади

25
Владимир Путин СССР конститциясида мавжуд бўлган республикаларнинг иттифоқ таркибидан ажралиб чиқиши ҳуқуқи - келажакда унинг тарқалиб кетишига замин яратганини айтиб ўтди.

ТОШКЕНТ, 6 июл - Sputnik. Владимир Путин Совет Иттифоқи Конституциясида мавжуд бўлган, республикаларнинг иттифоқ таркибидан ажралиб чиқиши ҳуқуқи - клажакда унинг парчаланишига замин яратганини айтиб ўтди. 

“Бу Совет Иттифоқи ташкил топаётган пайтда, 1922 йилда ишга туширилган “ҳаракати кечиктирилган мина бўлган”, - деди Путин “Россия 1” телеканали эфирида.

Президент, шунингдек, замонавий Россия бунга йўл қўймаслиги кераклигини таъкидлади. Айнан шунинг учун Конституцияга ўзгартиришлар ишлаб чиқилдики, бу Путиннинг фикрича, мамлакатни сценарий такрорланишидан огоҳлантиришга ёрдам беради.

Эслатиб ўтамиз: РФ Конституциясининг янгиланган матни 4 июл кунидан кучга кирди. Бу 25 июндан 1 июлгача бўлиб ўтган Асосий қонунга ўзгартиришлар киритиш тўғрисида умумроссия овоз беришидан кейин мумкин бўлди.

100% протоколлар кўриб чиқилганидан, якуний иштирок 67,97 фоизни ташкил этди. Ўзгартиришларни иштирокчиларнинг 77,92% (деярли 58 миллион россияликлар) маъқуллади, 21,27% (тахминан 16 миллион киши) қарши овоз берди.

25
Вид города Эр-Рияд - столицы Саудовской Аравии

ОАВ: америкалик дипломатлар Саудия Арабистонини тарк этади

456
Нашрнинг ёзишича, яқин кунларда яна бир қанча америкалик дипломатлар Саудия Арабистонини тарк этиши кутилмоқда.

ТОШКЕНТ, 5 июл — Sputnik. Ўнлаб америкалик дипломатлар Саудия Арабистонида коронавирус билан касалланиш тобора кўпаяётгани ортидан подшоҳликни ўз оилалари билан бирга тарк этишмоқда. Бу ҳақда The Wall Street Journal нашри ўз манбасига таянган ҳолда хабар қилмоқда.

Таъкидланишича, АҚШ Давлат департаменти ўтган ҳафта бир неча ходимга мамлакатни тарк этишга рухсат берган. Яқин кунларда яна бир қанча дипломатлар Саудия Арабистонини тарк этиши кутилмоқда.

АҚШ вакилларининг сўзларига кўра, АҚШ элчихонасининг камида 30 ходимида коронавирус аниқланган. Улардан кўпчилиги АҚШ фуқаролари эмас. Улар март ойидан буён уйдан ишлаб келаётганларига қарамасдан вирус юқтириб олишган.

Нашрнинг ёзишича, июнь ойида элчихона ҳайдовчиси коронавирусдан вафот этган. Кейинчалик дипломат оиласи аъзоларидан бири касалхонага қабул қилинмаган. Элчихона аралашишига тўғри келган.

Бир қатор америкалик дипломатлар ҳам Саудия Арабистонидаги коронавирус билан боғлиқ вазиятдан хавотир билдирган ва подшоҳлик ҳукумати янги касалланиш ҳолатлари сонини камайтириб кўрсатиши мумкин деб ҳисобламоқда.

Охирги маълумотларга кўра, Саудия Арабистони дунёда аниқланган коронавирус ҳолати бўйича 13-ўринда қайд этилган. Подшоҳликда 205 мингдан зиёд коронавирус ҳолати аниқланган. 143 мингдан зиёд киши касалликни енгган. 1858 киши вирус қурбонига айланган.

456
Теглар:
Саудия Арабистони, АҚШ, коронавирус
Мавзу:
COVID-19 умумжаҳон пандемияси