День города в Грозном

Генерал Дўстумга маршал унвони берилади

745
(Янгиланган 15:28 18.05.2020)
Афғонистон президенти фармони билан Генерал Абдул Рашид Дўстумга Афғонистон Ислом Республикаси Қуролли кучлари маршал унвони берилади.

ТОШКЕНТ, 18 май — Sputnik. Келиб чиқиши ўзбек бўлган генерал, Абдул Рашид Дўстумга Афғонистон ҚК маршал унвони берилади. Бу ҳақда 17 май президент Ашраф Ғани ва собиқ бош вазир Абдуллоҳ Абдуллоҳ имзолаган битимда айтилган.

“Собиқ вице-президент, генерал Абдул Рашид Дўстумга президент фармони билан маршал унвони берилади”, - дейилган ҳужжатда. Унинг матни Tolo News томонидан чоп этилди.

Шунингдек, Дўстум ҳукумат Олий Кенгаши ва Миллий хавфсизлик Кенгашига аъзо бўлади.

Эслатиб ўтамиз, Афғонистон президентлигига қайта сайланган Ашраф Ғани 9 мартда қасамёд қабул қилди ва расмий равишда лавозимга киришди. Абдуллоҳ Абдуллоҳ сайловларда ўз мағлубиятини тан олмади ва шу куннинг ўзида мамлакат раҳбари сифатида ўз инаугурациясини ўтказди. Икки кундан кейин Ғани Абдуллоҳ эгаллаб турган ҳукуматдаги лавозимини қисқартирди.

Май ойи бошида Абдуллоҳ Абдуллоҳ  ва Ашраф Ғани билан "музокараларда олдинга силжиш бўлгани ва бир қатор принциплар бўйича дастлабки келишувга эришганини" айтди.

Келишувга биноан, Абдуллоҳ миллий ярашув бўйича Олий кенгашни бошқаради. Унинг жамоаси аъзолари Вазирлар Маҳкамасига киритилади.

745
Землетрясение в Турции

Туркия ва Грецияда кучли зилзила юз берди - видео

235
(Янгиланган 19:30 30.10.2020)
Туркиянинг ғарбий қисмида 6,6 балли зилзила юз берди - Туркия Фавқулодда вазиятлар бошқармаси (AFAD).

ТОШКЕНТ, 30 окт — Sputnik. Туркиянинг ғарбий қисмида 6,6 балли зилзила юз берди, деб хабар берди Фавқулодда вазиятлар бошқармаси (AFAD).

Зилзила эпицентри Измир вилоятининг Сеферихисар шаҳри ҳудудида жойлашган.

ОАВ ва гувоҳларнинг хабар беришича, зилзила кучи мамлакат ғарбидаги турли вилоятларда ва Истанбулда сезилган. Дастлабки маълумотларга кўра, 4 киши ҳалок бўлди, 120 киши жароҳатланди.

Туркия ички ишлар вазири Сулаймон Сойлу Twitter’да 6 бино зарар кўрганини маълум қилди.

Аввалроқ Грециядаги Додекан оролларида 6,6 балли зилзила қайд этилгани ҳақида хабар берилган эди. Афина университети сейсмик лабораториясининг маълумотларига кўра, манба Самосдан 24 километр шимоли-ғарбда, 10 километр чуқурликда жойлашган. Афинада ҳам зилзила сезилган.

235
 Хабиб Нурмагомедов

Нурмагомедов мусулмонлар ҳақида айтган сўзлари учун Макронни ҳақорат қилди

428
(Янгиланган 19:07 30.10.2020)
Россиялик UFC чемпиони Ҳабиб Нурмагомедов Франция президенти Эммануэл Макрон ва бошқа франциялик вакилларининг сўзларини кескин танқид қилганлар сафига қўшилди.

ТОШКЕНТ, 30 окт — Sputnik. Россиялик UFC чемпиони Ҳабиб Нурмагомедов Франция президенти Эммануэл Макрон ва бошқа франциялик вакилларининг сўзларини кескин танқид қилганлар сафига қўшилди. Спорт-РИА Новости хабарига асосан.

Спортчи "улар сўз эркинлиги шиори остида бир ярим миллиарддан зиёд мусулмонларнинг ҳис-туйғуларини ҳақорат қилди", - деб ҳисоблайди.

"Биз мусулмонмиз, Пайғамбаримиз Муҳаммад (соллаллоҳу алайҳи ва саллам)ни оналаримиз, оталаримиз, фарзандларимиз, хотинларимиз ва қалбимизга яқин бўлган барча одамлардан кўра кўпроқ яхши кўрамиз. Ишонинглар, бу провокациялар уларга ёмонлик билан қайтади", - деб ёзган Нурмагомедов.

Спортчи Макроннинг исмини тилга олмаган, аммо постга қуйидаги суратни илова қилди.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

Эслатиб ўтамиз, октябрь ойи бошида Макрон Франциядаги диний сепаратизмга қарши катта нутқ билан чиқиш қилган ва республика қадриятларини кучайтиришга қаратилган қонунчилик лойиҳаси 9 декабрда тақдим этилиши ҳақида хабар берган эди.

Франция етакчиси "Францияни чет эл таъсиридан озод этиш" ва масжидлар молиялаштирилиши устидан назоратни кучайтириш зарурлиги хусусида фикр билдирди.

Франция президенти Charlie Hebdo сатира журналида сентябр бошида Муҳаммад пайғамбарга чизилган карикатураларга изоҳ берар экан, мамлакатда шаккоклик қилиш эркинлиги мавжудлигини алоҳида таъкидлаган эди. Тарих муаллими Самюэль Пати қотиллигидан сўнг Макрон Францияда карикатуралар чоп этилишидан воз кечилмаслигини маълум қилди.

428
UzAuto Motors начнет выпускать машины в новых цветах

Монополияга қарши қўмитаси судда UzAuto Motors’га мағлуб бўлди

110
Монополияга қарши курашиш қўмитаси Махсус комиссиясининг 21/31-сонли иши бўйича 2020 йил 19 августдаги қарори ҳақиқий эмас деб топилди.

ТОШКЕНТ, 30 окт — Sputnik. Монополияга қарши курашиш қўмитаси судда UzAuto Motors компаниясига ютқазди.

Тошкент шаҳар маъмурий судининг 2020 йил 30 октябрдаги ҳал қилув қарорига асосан аризачи “UzAuto Motors” АЖнинг жавобгар Монополияга қарши курашиш қўмитасига нисбатан Махсус комиссиясининг 21/31-сонли иш бўйича 2020 йил 19 августдаги қарорини ҳақиқий эмас деб топиш ҳақидаги шикоят аризаси қаноатлантирилди.

Монополияга қарши курашиш қўмитаси Махсус комиссиясининг 21/31-сонли иши бўйича 2020 йил 19 августдаги қарори ҳақиқий эмас деб топилди.

Монополияга қарши курашиш қўмитасидан аризачи “UzAuto Motors” АЖ фойдасига шикоят келтиришда тўланган давлат божи 2 230 000 сўм ва 20 000 сўм почта харажатлари ундириш белгиланди.

Шунингдек, Монополияга қарши курашиш қўмитаси томонидан қонун ҳужжатлари талаблари бузилганлиги ҳолати юзасидан хусусий ажрим чиқариш йўли билан муносабат билдирилди.

110