Атамбаев спецназ ходимини ўққа тутганмиди - Қирғизистон бош прокуратураси баёноти

288
(Янгиланган 13:15 19.05.2020)
Бош прокуратура баёнотига кўра, адвокатнинг сўзлари ҳақиқатга мос эмас ва жамоатчиликни чалғитмоқда, сабаби спецназ ходимларининг кўрсатмалари тўлалигича ўз аксини топмаган.

ТОШКЕНТ, 19 май — Sputnik. Қирғизистон Бош прокуратураси Алмазбек Атамбаевнинг адвокати Замир Жоошевнинг "сиёсатчи Қўй-Тошда спецназ ходимини ўлдирмагани" тўғрисидаги баёнотига изоҳ берди, деб ёзади Sputnik Қирғизистон.

Идора хабарига кўра, шу кунларда айрим медиаресурсларда ""Альфа қўмондони ўринбосари Усенбек Ниязбековни ким ўлдирган? Гувоҳлар кўрсатмалари" ва "Қўй-Тошда Атамбаев ҳибсида иштирок этган "Альфа" бўлинмаси жангчилари кўрсатмалари" сарлавҳаси остида мақолалар пайдо бўлган.

Жоошев Facebookда ОАВлар Ниязбеков Атамбаевга тегишли қурол - Драгунов снайпер милтиғидан ҳалок бўлгани тўғрисида ёлғон хабарларни тарқатишаётгани ҳақида маълум қилган. Ҳуқуқшунос ДМХҚнинг "Альфа" спецназ жангчилари орасидаги жарбланганлар кўрсатмалари асосида президент ва унинг тан соқчиси Ниязбековнинг ўлимига айбдор эмаслиги тўғрисида баёнотни чоп этган.

Бош прокуратура спецназ ходимларининг кўрсатмалари тўлиқ ўз аксини топмагани туфайли, адвокатнинг сўзларини "ҳақиқатга мос эмас ва жамоатчиликни чалғитувчи", деб топган. Таъкидланишича, ушбу кўрсатмаларга "аниқлик ва тўлдиришлар киритилган, натижада эса "воқеанинг асл ҳолати ўрнатилган". Жабрланганлар сўроқ қилинган, ҳодиса юз берган жой кўздан кечирилган, тегргов экспериментлари ўтказилган, экспертизалар тайинланган ва улар ўлароқ Атамбаев ва унинг тан соқчиси Ниязбеков ўлими ҳамда бошқа кўплаб одамларга уюштирилган суъиқасдларга алоқадорлиги ўрнатилган.

"Ниязбековга унинг ўлимига сабаб бўлган тан жароҳатлар қайси қуролдан етказилгани аниқланган. Экспертиза шуни исботладики ўқнинг кириш ва чиқиш (7,62 миллиметр калибрли) тешиги ва Ниязбековнинг кийими ва бронежилетида қолган, таркибида қўрғоншин бўлган ўқ қолдиқлари, спецназ жангчиси айнан Атамбаевга дегишли Драгунов снайпер милтиғидан ўққа тутилганини билдиради", - дейилади хабарда.

Бош прокуратура ҚР Жиноят-процессуал кодексининг 160-моддаси жиноят иши бўйича судгача бўлган суд жараёни давомида олинган маълумотларни ошкор этишни таъқиқлашини таъкидлаб ўтган.

Айни вақтга қадар суд тергови тадқиқоти предметига айланмаган ушбу маълумотларни тарқатган адвокат қонунни бузганлиги ҳақида огоҳлантирилган.

Эслатиб ўтамиз, 2019 йил 7 август куни кечқурун Қўй-Тош қишлоғида Қирғизистон миллий хавфсизлик давлат қўмитаси спецназ ходимлари Атамбаевни ўз қароргоҳида қўлга олиш бўйича операцияни амалга оширишга уринган эди. Аммо штурмга сиёсатчининг тарафдорлари тўсқинлик қилди. Бир нафар спецназ ходими ҳалок бўлди. 8 август куни ҳуқуқни муҳофаза қилиш ходимлари такрорий штурмни амалга оширдилар, натижада Атамбаев таслим бўлди. Собиқ президент спецназ ходимининг ўлимидан ташқари, тартибсизликларни ташкиллаштиришда, гаров олишда ва бошқа жиноятларда айбланмоқда.

288
Мавзу:
Қирғизистон собиқ президенти Алмазбек Атамбаев қўлга олиниши (45)

Қуддусдаги Ал-Ақсо масжиди ибодат учун очилди

92
Қуддусдаги Ал-Ақсо масжиди ислом дунёсидаги муқаддас жойлардан бири саналади. У коронавирус туфайли 70 кун олдин ёпилган эди.

ТОШКЕНТ, 31 май — Sputnik. Коронавирус туфайли ёпилган Қуддус шаҳридаги Ал-Ақсо масжиди 70 кундан сўнг ибодат учун ўз эшикларини очди. Бу ҳақда WAFA агентлиги хабар қилмоқда.

“Қуддусдаги Ал-Ақсо масжиди бугун тонгда коронавирус туфайли 70 кун ёпилгандан сўнг очилди”, - дейилган хабарда.

Масжид директори Умар ал-Кисвани масжид Соғлиқни сақлаш вазирлиги тавсияларига амал қилган ҳолда очилганини маълум қилган.

Ал-Ақсо масжиди мўмин-мусулмонлар учун Макка ва Мадина шаҳарларидаги Масжидул Ҳаромлардан кейинги учинчи улуғ қадамжо ҳисобланади.

92

Трамп G7 саммитини сентябрга кўчирди ва унга Россияни таклиф қилиш ниятида

201
(Янгиланган 15:28 31.05.2020)
АҚШ президенти “Катта еттилик”ни “мамлакатларнинг жуда эскирган гуруҳи” деб атаган ва учрашувга яна тўртта давлатни таклиф қилиб, унинг форматини кенгайтирмоқчи эканини маълум қилган.

ТОШКЕНТ, 31 май — Sputnik. АҚШ президенти Дональд Трамп G7 саммитини июндан сентябрга қолдиришга қарор қилгани ва унга Россияни таклиф қилмоқчи эканини маълум қилди. Бу ҳақда CNN телеканали хабар қилди.

“Мен уни  қолдиряпман, чунки G7 дунёда юз бераётган ҳодисаларни тегишли равишда тақдим этаётганини ҳис этмаяпман. Бу жуда эскирган мамлакатлар гуруҳи”, - деган Трамп.

У саммитга яна тўрт мамлакатни таклиф этмоқчи эканини қўшимча қилган: Россия, Австралия, Ҳиндистон ва Жанубий Кореяни.

Ўз навбатида, Оқ уйнинг стратегик коммуникациялар бўйича директори Алисса Фараҳнинг сўзларига кўра, саммитнинг кенгайтирилган таркиби Хитой билан боғлиқ масалаларни муҳокама қилишга имкон беради.

G7 саммитини 10-12 июнь кунлари ўтказиш режалаштирилган эди. Кейинчалик июнь охирида бўлиб ўтиши айтилган эди. 

201

Crew Dragon парвозининг ёрқин кадрлари 2,5 дақиқада видео

0
(Янгиланган 20:40 31.05.2020)
Илон Маскнинг SpaceX компанияси инсоният тарихида илк бор фазогирларни космосга учирди. Бортида иккита астронавт бўлган Crew Dragon кемаси 30 май куни Флоридадаги Кеннеди космик марказидаги майдончадан муваффақиятли парвоз қилди.

Шу тариқа, тарихда илк бор одамзод космосга хусусий компания томонидан учирилмоқда.

2011 йилдан буён NASA астронавтлари Халқаро космик станцияга фақат Россиянинг “Союз” кемаларида олиб чиқилган.

Ушбу парвоз дастлаб 27 май кунига мўлжалланган эди. Бироқ об-ҳаво ноқулай бўлгани туфайли парвоз бошқа кунга қолдирилган эди.

Crew Dragon орбитада тахминан 19 соат бўлиши кутилмоқда.

0