Пробирка с коронавирусом 2019-nCoV

COVID-19дан даволанганлар атрофдагиларга зарарли эмас - олимларнинг янги кашфиёти

408
Олимлар коронавирус инфекциясидан даволанган беморлар, ҳаттоки тестлар вирус мавжудлигини кўрсатса ҳам, бошқаларга хавф туғдирмаслиги исботини топдилар.

ТОШКЕНТ, 20 май - Sputnik. Олимлар коронавирус инфекциясидан даволанган беморлар, ҳаттоки тестлар вирус мавжудлигини кўрсатса ҳам, бошқаларга хавф туғдирмаслиги исботини топдилар.

Бу ҳақда Bloomberg Жанубий Кореянинг Касалликларни назорат қилиш ва олдини олиш маркази (KCDC) томонидан ўтказилган тадқиқот маълумотларига асосланиб хабар берди.

Мутахассислар томонидан ўтказилган тадқиқотда 285та COVID-19 дан тузалган, аммо ташхиси қайта тасдиқлаган бемор иштирок этди. Касаллик тарқалиш таҳдидлар аниқланмади.

Коронавирусни ташхиси учун стандарт ПЦР тест тизимлари вирионларнинг ҳолатидан қатъий назар - яшовчан ёки улар аллақачон ўлиб бўлганми, барибир борлигини кўрсатади. Бошқача қилиб айтганда, инсон организмида тирик вирус йўқ бўлса ҳам, тест ижобий бўлади.

Агар вирус бўлмаса, бемор ҳеч кимни юқтиролмайди ҳам. Тадқиқотлар айнан шуни тасдиқлади.

KCDC синовлари синовдан ўтаётган тузалгандан кейин ҳам танасида COVID-19 вирусининг 80 кундан кўпроқ вақт давомида қолишлигини тасдиқлади.

Шу билан бирга, бир савол очиқ қолмоқда: даволаниб чиққан бемор ҳақиқатан ҳам коронавирусни яна юқтириши мумкинми?

Олимларнинг фикрига кўра, касалликнинг ривожланиши билан беморнинг танасида вирусга қарши антитаначалар ҳосил бўлади, улар COVID-19 нинг қайта инфекцияга чалинишдан ҳимоя қилувчи қобиқни яратадилар. Бироқ, ҳозирча бу илмий жиҳатдан исботланмаган.

Сўнгги маълумотларга кўра, дунёда 4,89 миллионта коронавирус билан боғлиқ ҳолати аниқланган, 323 мингдан ортиқ одам қурбонга бўлган, 1,7 миллионга яқин киши шифо топган.

408

Қуддусдаги Ал-Ақсо масжиди ибодат учун очилди

118
Қуддусдаги Ал-Ақсо масжиди ислом дунёсидаги муқаддас жойлардан бири саналади. У коронавирус туфайли 70 кун олдин ёпилган эди.

ТОШКЕНТ, 31 май — Sputnik. Коронавирус туфайли ёпилган Қуддус шаҳридаги Ал-Ақсо масжиди 70 кундан сўнг ибодат учун ўз эшикларини очди. Бу ҳақда WAFA агентлиги хабар қилмоқда.

“Қуддусдаги Ал-Ақсо масжиди бугун тонгда коронавирус туфайли 70 кун ёпилгандан сўнг очилди”, - дейилган хабарда.

Масжид директори Умар ал-Кисвани масжид Соғлиқни сақлаш вазирлиги тавсияларига амал қилган ҳолда очилганини маълум қилган.

Ал-Ақсо масжиди мўмин-мусулмонлар учун Макка ва Мадина шаҳарларидаги Масжидул Ҳаромлардан кейинги учинчи улуғ қадамжо ҳисобланади.

118

Трамп G7 саммитини сентябрга кўчирди ва унга Россияни таклиф қилиш ниятида

255
(Янгиланган 15:28 31.05.2020)
АҚШ президенти “Катта еттилик”ни “мамлакатларнинг жуда эскирган гуруҳи” деб атаган ва учрашувга яна тўртта давлатни таклиф қилиб, унинг форматини кенгайтирмоқчи эканини маълум қилган.

ТОШКЕНТ, 31 май — Sputnik. АҚШ президенти Дональд Трамп G7 саммитини июндан сентябрга қолдиришга қарор қилгани ва унга Россияни таклиф қилмоқчи эканини маълум қилди. Бу ҳақда CNN телеканали хабар қилди.

“Мен уни  қолдиряпман, чунки G7 дунёда юз бераётган ҳодисаларни тегишли равишда тақдим этаётганини ҳис этмаяпман. Бу жуда эскирган мамлакатлар гуруҳи”, - деган Трамп.

У саммитга яна тўрт мамлакатни таклиф этмоқчи эканини қўшимча қилган: Россия, Австралия, Ҳиндистон ва Жанубий Кореяни.

Ўз навбатида, Оқ уйнинг стратегик коммуникациялар бўйича директори Алисса Фараҳнинг сўзларига кўра, саммитнинг кенгайтирилган таркиби Хитой билан боғлиқ масалаларни муҳокама қилишга имкон беради.

G7 саммитини 10-12 июнь кунлари ўтказиш режалаштирилган эди. Кейинчалик июнь охирида бўлиб ўтиши айтилган эди. 

255

Crew Dragon парвозининг ёрқин кадрлари 2,5 дақиқада видео

0
(Янгиланган 20:40 31.05.2020)
Илон Маскнинг SpaceX компанияси инсоният тарихида илк бор фазогирларни космосга учирди. Бортида иккита астронавт бўлган Crew Dragon кемаси 30 май куни Флоридадаги Кеннеди космик марказидаги майдончадан муваффақиятли парвоз қилди.

Шу тариқа, тарихда илк бор одамзод космосга хусусий компания томонидан учирилмоқда.

2011 йилдан буён NASA астронавтлари Халқаро космик станцияга фақат Россиянинг “Союз” кемаларида олиб чиқилган.

Ушбу парвоз дастлаб 27 май кунига мўлжалланган эди. Бироқ об-ҳаво ноқулай бўлгани туфайли парвоз бошқа кунга қолдирилган эди.

Crew Dragon орбитада тахминан 19 соат бўлиши кутилмоқда.

0