Люди с флагами Палестины

Фаластин Исроил ва АҚШ билан тузилган барча битимларни бекор қилди

138
(Янгиланган 12:11 20.05.2020)
Фаластин раҳбари, шунингдек, Исроилни халқаро ҳамжамият олдида “Фаластиннинг босиб олинган ҳудудидаги истилочи куч” сифатида жавоб беришга чақирди.

ТОШКЕНТ, 20 май — Sputnik. Фаластин Исроил ҳукуматининг ўзига Фаластин ерларини қўшиб олиш нияти сабабли Исроил ва АҚШ билан тузилган барча келишувларни бекор қилиш тўғрисида қарор қилди. Бу ҳақда Фаластин миллий маъмурияти раҳбари Маҳмуд Аббос маълум қилди.

“Фаластинни озод қилиш ва Фаластин давлати бугундан бошлаб АҚШ ва Исроил ҳукуматлари билан тузилган барча шартномалар бўйича, жумладан, хавфсизлик билан боғлиқ бўлган барча мажбуриятларни ўз зиммасидан соқит қилади”, - дея Аббос сўзларидан келтирган РИА Новости.

Фаластин раҳбари, шунингдек, Исроилни халқаро ҳамжамият олдида “Фаластиннинг босиб олинган ҳудудидаги истилочи куч” сифатида жавоб беришга чақирди.

Маҳмуд Аббос Фаластинни халқаро ташкилотлар таркибига қўшиш вақти келганини таъкидлаган.

Аббоснинг сўзларига кўра, Фаластин Фаластин-Исроил можаросига оид музокараларга учинчи томон воситачилигида қайтишга тайёр.

138

Қуддусдаги Ал-Ақсо масжиди ибодат учун очилди

120
Қуддусдаги Ал-Ақсо масжиди ислом дунёсидаги муқаддас жойлардан бири саналади. У коронавирус туфайли 70 кун олдин ёпилган эди.

ТОШКЕНТ, 31 май — Sputnik. Коронавирус туфайли ёпилган Қуддус шаҳридаги Ал-Ақсо масжиди 70 кундан сўнг ибодат учун ўз эшикларини очди. Бу ҳақда WAFA агентлиги хабар қилмоқда.

“Қуддусдаги Ал-Ақсо масжиди бугун тонгда коронавирус туфайли 70 кун ёпилгандан сўнг очилди”, - дейилган хабарда.

Масжид директори Умар ал-Кисвани масжид Соғлиқни сақлаш вазирлиги тавсияларига амал қилган ҳолда очилганини маълум қилган.

Ал-Ақсо масжиди мўмин-мусулмонлар учун Макка ва Мадина шаҳарларидаги Масжидул Ҳаромлардан кейинги учинчи улуғ қадамжо ҳисобланади.

120

Трамп G7 саммитини сентябрга кўчирди ва унга Россияни таклиф қилиш ниятида

256
(Янгиланган 15:28 31.05.2020)
АҚШ президенти “Катта еттилик”ни “мамлакатларнинг жуда эскирган гуруҳи” деб атаган ва учрашувга яна тўртта давлатни таклиф қилиб, унинг форматини кенгайтирмоқчи эканини маълум қилган.

ТОШКЕНТ, 31 май — Sputnik. АҚШ президенти Дональд Трамп G7 саммитини июндан сентябрга қолдиришга қарор қилгани ва унга Россияни таклиф қилмоқчи эканини маълум қилди. Бу ҳақда CNN телеканали хабар қилди.

“Мен уни  қолдиряпман, чунки G7 дунёда юз бераётган ҳодисаларни тегишли равишда тақдим этаётганини ҳис этмаяпман. Бу жуда эскирган мамлакатлар гуруҳи”, - деган Трамп.

У саммитга яна тўрт мамлакатни таклиф этмоқчи эканини қўшимча қилган: Россия, Австралия, Ҳиндистон ва Жанубий Кореяни.

Ўз навбатида, Оқ уйнинг стратегик коммуникациялар бўйича директори Алисса Фараҳнинг сўзларига кўра, саммитнинг кенгайтирилган таркиби Хитой билан боғлиқ масалаларни муҳокама қилишга имкон беради.

G7 саммитини 10-12 июнь кунлари ўтказиш режалаштирилган эди. Кейинчалик июнь охирида бўлиб ўтиши айтилган эди. 

256

Crew Dragon парвозининг ёрқин кадрлари 2,5 дақиқада видео

0
(Янгиланган 20:40 31.05.2020)
Илон Маскнинг SpaceX компанияси инсоният тарихида илк бор фазогирларни космосга учирди. Бортида иккита астронавт бўлган Crew Dragon кемаси 30 май куни Флоридадаги Кеннеди космик марказидаги майдончадан муваффақиятли парвоз қилди.

Шу тариқа, тарихда илк бор одамзод космосга хусусий компания томонидан учирилмоқда.

2011 йилдан буён NASA астронавтлари Халқаро космик станцияга фақат Россиянинг “Союз” кемаларида олиб чиқилган.

Ушбу парвоз дастлаб 27 май кунига мўлжалланган эди. Бироқ об-ҳаво ноқулай бўлгани туфайли парвоз бошқа кунга қолдирилган эди.

Crew Dragon орбитада тахминан 19 соат бўлиши кутилмоқда.

0