АҚШ очиқ осмон шартномасидан чиқишини эълон қилди

395
(Янгиланган 10:59 22.05.2020)
Шартнома 2002 йилдан бери амал қилиб келади ва иштирокчи давлатларга бир-бирининг қуролли кучлари ва ўтказаётган тадбирлари тўғрисида очиқ маълумотларни тўплаш имкониятини беради.

ТОШКЕНТ, 22 май - Sputnik. Президент Дональд Трамп АҚШ очиқ осмон бўйича шартномадан чиқишини маълум қилди. Америка президентининг сўзларига кўра, Москва ушбу келишувга риоя қилмаган.

"Менимча, Россия билан муносабатларимиз жуда яхши, аммо Россия (шартномага - таҳр.) риоя қилмади", - деб баёнот берган Трамп.

"Шу боис, улар риоя қилмагунча, биз чиқиб турамиз. Аммо янги шартномага эришиш ёки ушбу шартномани қайтариш учун бирон бир иш қилишимиз учун жуда яхши имконият бор", - дея қўшимча қилган Америка етакчиси.

Давлат котиби Майк Помпео, ўз навбатида, АҚШ олти ойдан кейин шартномадан чиқиб кетишини айтди. Шунингдек, у Россия ушбу шартномага "риоя қилишга қайтган тақдирда" Оқ уй ушбу қарорни қайта кўриб чиқиши мумкинлигини таъкидлади.

Вашингтон даъволари

Давлат котибининг сўзларига кўра, Россия АҚШ ва шартноманинг бошқа томонларидан фарқли ўлароқ, "йиллар давомида шартномани турли йўллар билан намойишкорона ва доимий равишда бузиб келган".

Хусусан, Помпео Россияни "ўзи хоҳлаган пайтда" шартнома бўйича парвозларга рухсат бермаганлигида ёки чеклаганлигида айблади.

Унинг сўзларига кўра, Москва ўзининг Абхазия ва Жанубий Осетия билан чегарадош бўлган ўн километрлик коридорда кузатув парвозларини амалга оширишдан бош тортди ва "ушбу анклав йирик ҳарбий потенциал жойлаштирилган ҳудуди бўлиб қолганига" қарамай, "ноқонуний равишда Калининград бўйлаб парвозларга чекловларни ўрнатди".

Шунингдек, унинг сўзларига кўра, Россия 2019 йилда АҚШ ва Канадага йирик ҳарбий машғулотлар ўтказиладиган ҳудуд бўйлаб биргаликда парвоз қилишга рухсат бермади.

Россия ҳеч нарсани бузмади

Россия ташқи ишлар вазирининг ўринбосари Александр Грушко РИА Новостига берган интервьюсида Москва томонидан Шартноманинг бузиши ҳолатлари бўлмаганлигини айтди ва Москва "ушбу фундаментал келишувдан чиқишга баъзи техник сабаблар мавжудлиги билан ўзини оқлашга" уринишларни рад этади.

"АҚШ бугунги кунда Россия томонидан қандайдир қоидабузарликлар сифатида тақдим этишга ҳаракат қилаётган ушбу техник муаммоларни муҳокама қилишни давом эттиришга ҳеч нарса тўсқинлик қилмайди", - деди Грушко.

Унинг таъкидлашича, мулоқотни давом эттириш учун шартномадан чиқиш шарт эмас, аммо чиқиш пайтида техник муаммоларни ҳал қилиш имконсиз бўлади.

Дипломатнинг таъкидлашича, ДОН (Очиқ осмон бўйича шартнома-таҳр.) 20 йилдан кўпроқ вақт давомида Европада тинчлик ва хавфсизликни қўллаб-қувватлаб келган ва "барча элементлар ўзаро боғлиқ бўлган ҳарбий хавфсизлик тизимининг ажралмас қисми бўлган".

"Бузиш - қуриш дегани эмас".

Россиянинг Вена шаҳридаги халқаро ташкилотлардаги доимий вакили Михаил Ульянов РИА Новости-га АҚШ чиқиб кетмоқчи бўлган очиқ осмон бўйича Шартнома йигирма йил давомида ҳарбий соҳада юқори даражадаги ишончни берди.

" Бузиш - қуриш дегани эмас. Шартнома йигирма йил давомида амал қилди ва трансатлантик минтақада транспарентликни, ҳарбий соҳага ишончнинг юқори даражасини таъминлади", - деди у.

"Аммо чиқиб кетиш қарори, Қўшма Штатларнинг қурол-яроғ назорати бўйича "янги давр" ҳақидаги тезисини тушунтиришга ўхшайди. Кўринишидан, "янги давр" ҳеч қандай назоратнинг йўқлигини англатади. Буларнинг ҳаммаси ачинарли", - дея қўшимча қилди Ульянов.

Жавоб режаси тузилган

Давлат Думасининг халқаро ишлар бўйича қўмитаси раҳбари Леонид Слуцкийнинг таъкидлашича, Россия АҚШнинг Очиқ осмон тўғрисидаги шартномадан чиқиб кетишига жавоб бериш режаси бор, миллий хавфсизликни ҳимоя қилиш мақсадларига мувофиқ чоралар кўрилади.

"Албатта, Россиянинг ДОН бўйича Америка қадамларига жавоб бериш режаси бор, гарчи шартнома кўп қирралилик ҳусусиятига эга. Аминманки, биз миллий хавфсизликни ҳимоя қилиш мақсадларига тўла мос равишда мувозанатлаштирилган қарор қабул қиламиз", - деди Слуцкий журналистларга.

Унинг сўзларига кўра, АҚШнинг очиқ осмон бўйича шартномадан чиқиш тўғрисидаги қарори деструктив ва Европадаги ҳарбий хавфсизлик тизимига таҳдид солади.

"АҚШнинг очиқ осмон шартномасидан чиқиши бу Европа қитъасида ҳарбий хавфсизлик тизимини хавф остига қўйиши мумкин бўлган деструктив қарордир. Бу АҚШ маъмуриятининг ДРСМД шартномасини қулашидан кейин қуролларни назорат қилиш борасидаги асосий битимларни йўқ қилишдаги яна бир қадами", - деди у.

Слуцкийнинг сўзларига кўра, Очиқ осмон шартномаси билан боғлиқ вазиятда Россияга қарши айбловлар аввал ишлатилган қолиплар асосида шакллантирилмоқда.

Барча шартномаларнинг қулаши

Жамоат палатаси котибининг ўринбосари Сергей Орджоникидзенинг фикрига кўра, АҚШнинг амалдаги маъмурияти қуролларни чеклаш бўйича барча халқаро шартномаларни бекор қилиш бўйича иш олиб бормоқда".

Унинг фикрича, АҚШ раҳбарияти халқаро хавфсизлик нуқтаи назаридан катта хатога йўл қўймоқда.

"Бундай қадам янги қурол пойгасининг бўсағаси бўлади", - деди мутахассис "Известия" газетаси билан суҳбатда.

Унинг таъкидлашича, ДОН СНВ-3 шартномаси билан чамбарчас боғлиқ, унинг муддати 2021 йил февралда тугайди ва ҳозирда унинг муддатини узайтириш масаласи шубҳа остида қолмоқда.

Очиқ осмон шартномаси

Очиқ осмон бўйича шартнома 1992 йилда имзоланган ва совуқ урушдан кейин Европада ишончни мустаҳкамлаш чораларидан бири бўлган. Битимни 34 давлат имзолаган.

Шартнома 2002 йилдан бери амал қилиб келади ва иштирокчи давлатларга бир-бирининг қуролли кучлари ва ўтказаётган тадбирлари тўғрисида очиқ маълумотларни тўплаш имкониятини беради.

395

Пандемия йилида Россияда автомобил савдоси қандай бўлди?

211
(Янгиланган 18:35 15.01.2021)
Россия автомобил бозори икки йилдан буён камайиб келмоқда. Мутахассислар хулосасига кўра 2021 йилда ҳам тикланиш сезиларли даражада бўлмайди.

ТОШКЕНТ, 15 янв — Sputnik. Ўтган 2020 йил нафақат соғлиқни сақлаш, туризм, ошхона ва бошқа хизматлар соҳаси, балким автомобил савдоси учун ҳам мураккаб йил бўлди.

Пандемия туфайли Хитой ва бошқа давлатлардан эҳтиёт қисмлар етказиб беришда муаммолар туғилди, кўплаб автомобил ишлаб чиқарувчи корхоналар, дилерлик марказлари ўз фаолиятини тўхтатиб туришга мажбур бўлишди.

2020 йилнинг иккинчи ярмишга келиб Россия автомобил бозори секин-аста тиклана бошлади, лекин йил охирига қадар  ўтган йилги ҳажмини тиклай олмади.

Европа Автомобил ишлаб чиқарувчилари бизнеси Ассоциацияси маълумотига кўра, Россияда янги енгил ва тижорат автомобиллари савдоси 2019 йилга нисбатан 9,1%га қисқарган. Сотилган жами автомобиллар сони – 1,59 млн донани ташкил қилган. 2019 йилда жами 1,76 млн дона автомобил сотилган эди.

Россияда 2020 йилда энг кўп автомобил сотган компаниялар:  

  • Lada - 343 минг дона (2019 йилга нисбатан камайиш - 5%)
  • Kia –   201 минг (-11%),
  • Hyundai – 163 минг  (-9%),
  • Renault –  128 минг (-11%),
  • Volkswagen – 105 минг (-5%)
  • Skoda – 94 минг (+7%)
  • Toyota – 91 минг (-12%)
  • Nissan – 56 минг (-13%)
  • ГАЗ – 51 минг (-20%)
  • BMW – 42 минг (+3%)
  • Mercedes-Benz – 40 минг (-7%)

Шу ўринда пандемияга қарамасдан савдо миқдорини оширишга муваффақ бўлган компанияларни алоҳида қайд этиш керак.

Булар Skoda (+7%), BMW (+3%), Suzuki (+3%),Isuzu (+16%). Хитой брендлари ҳам бу йил яхши ўсиш қайд этишди Haval (+41%), Geely (+61%), Chery (+80%), Changan (+153%) ва FAW (+77%).

Қолган аксарият маркалар ўткан йилда савдо камайишини намойиш қилишди. Йирик брендлардан савдо ҳажми энг сезиларли даражада камайган компания Mitsubishi бўлди (- 30%).

АвтоВАЗ представил универсалы Lada Vesta SW и Lada Vesta SW Cross
Пресс-служба ПАО "АВТОВАЗ"

Энг кўп сотилган автомобил моделлари эса Лада Гранта (126 минг). Иккинчи ўринда Лада Веста (107 минг), Kia Rio (88 минг).  Кроссоверлар орасида Hyundai Creta - 73 минг, Toyota RAV4 – 36 минг, Volkswagen Tiguan – 32 минг, Renault Duster – 31 минг.

Европа ва жаҳон автомобил бозори билан солиштирганда Россия автомобил бозори пандемиядан унча катта зарар кўрмаганини тушуниш мумкин. Хусусан 2020 йилда Европа автомобил бозори қисқариши ўртача 33%ни ташкил қилган. Шимолий Америкада эса ушбу кўрсатгич 26 %ни ташкил қилган.

Европа автомобил бизнеси Ассоциацияси Россияда автомобил савдоси яқин вақт ичида қайта тикланишига умид билдирмаяпти. Уларнинг прогнозига кўра Россияда 2021 йилда автосаноат 2,1 %га тикланади холос.

211
АвтоВАЗ представил универсалы Lada Vesta SW и Lada Vesta SW Cross

АвтоВАЗ яна нархларни оширди

350
(Янгиланган 17:34 15.01.2021)
Пандемия ва автомобил савдоси қисқариши фонида Россия автомобил бозори етакчиси - АвтоВАЗ яна бир бор нархларини оширди.

ТОШКЕНТ, 15 янв — Sputnik. Россиянинг энг йирик автомобил ишлаб чиқарувчиси, "АвтоВАЗ" 15 январдан бошлаб нархи ошганини маълум қилди.

Автомобил нархлари барча моделлар учун ошган, фақат Lada Niva йўлтанламас нархи ўзгаришсиз қолган.

Lada Granta седан нархи энг кам ошган автомобил  бўлиб у фақат 10 минг рубльга қимматлаган. Энди унинг нархи 500 минг рублдан бошланади.

Lada Niva Legend (собиқ 4×4) нархи 12-14 минг рублга ошган. Уч ва беш эшикли модификациялари нархи 600 ва 645 минг рублдан бошланади.

Lada Largus нархи 15 минг рублга ошган. 7 ўринли универсалнинг нархи 669 минг рублдан бошланади, юк ташиш учун мўлжалланган фургон нархи эса— от 656 минг рубл.

Lada Xray йўлтанламасининг нархи 10-19 минг рублга ошган бўлиб 680 минг рублдан бошланади.

Lada Vesta ушбу рўйхатда энг нархи кўп ошган автомообил бўлди. Седан кузовидаги автомобил 20 минг рублга ошган ва 704 минг рублдан бошланади. Универсал модификациясининг нархи - 31 минг рублга ошган ва 791 минг рублдан бошланади.

Lada Vesta Cross – автомобили нархи 39 минг рублга ошган ва 906 минг рублни ташкил қилади.

Эслатиб ўтамиз 2020 йил давомида Вологабўйида жойлашган автомобил завода бир неча маротаба нархларини оширган эди, лекин ҳар сафар нархлар 1-2 % атрофида ошган.

Маълумот учун, Россияда икки йилдан буён янги автомобиллар савдоси камайиб боришда давом этмоқда. Ўтган 2020 йилда автомобил савдоси 9,1 %га қисқарди. Жами стоилган янги автомобиллар сони (енгил ва тижорат) 1,6 млн донани ташкил қилди. 2019 йилда 1,76 млн дона автомобил сотилган эди.

350
Бронетранспортер с узбекскими военнослужащими на конкурсе Чистое небо в Китае

Ўзбекистон дунёдаги энг қудратли армиялар рўйхатида юқорилади

521
(Янгиланган 20:51 15.01.2021)
Ўзбекистон Қуролли Кучлари ҳарбий кучларнинг глобал рейтингида ўз позицияларини яхшилади. Бу собиқ СССР давлатлари орасида тўртинчи кўрсаткич.

ТОШКЕНТ, 15 янв — Sputnik. Ўзбекистон Қуролли Кучлари ҳарбий кучларнинг Global firepower рейтингида ўз позицияларини яхшилаб, 51-ўринга кўтарилди (2020 йилда республика 52-ўринда бўлган). 

Бу собиқ СССР давлатлари орасида тўртинчи кўрсаткич. Россия (2-ўрин), Украина (25), Беларусь (51). Марказий Осиёдаги қўшнилар орасида Қозоғистон 62-ўринда.

Global Firepower ҳарбий рейтингида қайд этилган маълумотларга кўра, Ўзбекистон Қуролли кучлари 420 дона танк, 1215 дона зирҳли машина, 140 дона ўзиюрар артиллерия ва 98 дона кўп зарбали реактив тизимларига эга. Шунингдек, 80та қирувчи, 122та вертолёт ва бошқа авиация (жами 227) - ҳаво кучларининг асосини ташкил этади.

Ўзбекистон президенти Шавкат Мирзиёев аскар ва сержантлар, офицер ва генераллар, Қуролли Кучлар фахрийлари, ватандошларни Ўзбекистон Республикаси Қуролли Кучлари ташкил этилганининг 29 йиллиги ва Ватан ҳимоячилари куни муносабати билан табриклади.

Ўзбекистон етакчиси бундан 4 йил олдин мамлакатда ҳарбий қурилиш соҳасини тубдан ислоҳ қилиш бўйича энг муҳим ва устувор йўналишларни белгилаб олинганини, шу асосда мамлакат мудофаа қобилиятини мустаҳкамлаш ва Қуролли Кучларни ривожлантириш учун кенг кўламли ишлар амалга оширилаётганини айтган.

Ўтган қисқа даврда янги Мудофаа доктринаси қабул қилинди, ҳарбий тузилмаларнинг таркиби ва вазифалари чуқур қайта кўриб чиқилди, қўшинларни бошқариш тизими такомиллаштирилди, миллий армиямизни замонавий қурол-яроғ ва техника воситалари билан таъминлаш бўйича ўта муҳим лойиҳалар амалга оширилди, дея эслатган президент.

521
Теглар:
Беларусь, Қозоғистон, Украина, Россия, Ўзбекистон, ҳарбий техника, ҳарбий, Мудофаа вазирлиги, ҳарбийлар