АҚШ етакчиси Доналд Трамп пайшанба куни Вашингтон Очиқ осмон шартномаси (ДОН) дан чиқиб кетиши ва Россия "ўз мажбуриятларини бажармагунча" келишувдан чиқиб туришини эълон қилди. Шу билан бирга у янги келишувлар ишлаб чиқилишини истисно қилмади.
Россия шартномани бузганлиги ҳақидаги АҚШнинг даъволарини бир неча бор рад этди. Жума куни Россия Ташқи ишлар вазирлиги Москва АҚШ билан , шу жумладан ДОН бўйича, фақат ўзаро келишув асосида музокаралар олиб боришини ва Вашингтоннинг ҳар қандай ультиматумлари номақбуллигини эълон қилди.
Сиёсатшунос, РАНХиГС филиали - Сибир Бошқарув институти, сиёсат ва халқаро алоқалар факультети декани Сергей Козлов таъкидлаганидек: Трампга айнан ўзи ташқи сиёсат кун тартибини белгилайдиган шахс эканлигини кўрсатиши муҳим, чунки у президентлигича қолишига яқинлашди.
Экспертнинг фикрига кўра, бу Америка раҳбарининг очиқ осмон, СНВ-3 шартномаси ва халқаро тартибини қайта қуриш тўғрисидаги баландпарвоз баёнотлар беришининг сабабларидан биридир.
"Бироқ, унинг барча истаклари қайсидир маънода амалга ошади дейишга ҳали эрта. Очиқ осмон бўйича шартнома қурол назорати таъминланишининг муҳим элементи ҳисобланади. Уларнинг самолётлари бизнинг ҳудудимиз ва бизникилар ларнинг ҳудуди узра учиши ҳар бир мамлакатнинг ўз мудофааси соҳасида қилаётган ишини назорат қилиш имкониятини беради. Трампнинг шартномадан воз кечишга уриниши айнан шу шартноманинг қанчалик муҳимлигини намойиш этади. Трампнинг сўзлари қанчалик баландпарвоз бўлса, уларнинг амалга ошмаслиги эҳтимоли шунчалик юқори бўлади",- деди сиёсатшунос Sputnik радиосида.
Тўлиқ шарҳни радиоподкастда тингланг.
