Американский истребитель F-16, взлетающий во время учений на военно-воздушной базе Хуалянь в Восточном Тайване

Тайвань Хитойни нишонга олди, АҚШ эса бунда “нишонга олишга кўмаклашувчими”?

645
(Янгиланган 11:38 26.05.2020)
Тайбэй ва Пекин ўртасидаги муносабатлар кескинлашмоқда, баёнотлар ва сиёсий ҳаракатлардан қурол-яроғли тўқнашувгача етиб бормоқда (ҳозирча мажозий маънода). АҚШ эса доим оловга ёғ сепишга тайёр. Коронавирус ҳам орол ва ХХР ўртасидаги муносабатларни мураккаблаштирмоқда.

Агар АҚШ Пекинни барча коронавирусга оид гуноҳларда айблашда давом этса, Тайванга нима бўлади? Тайбэй Хитой Вашингтон билан янада яқин шерик бўлишига йўл қўймаслик учун узил-кесил оролни куч билан“қўшиб олишга” уриниши мумкин деб ўйлайди. Дарҳақиқат, ушбу вазиятда Тайвань ҳар қандай Хитойга қарши ҳаракатларнинг плацдармига айланиши мумкин.

The South China Morning Post нашрининг хабар беришича, ўзини фараз қилинган "тажовуздан" ҳимоя қилиш учун Тайвань ўзининг баллистик ракеталарини Хитойнинг қисми етиб бориши учун такомиллаштириши мумкин. Афтидан, улар аллақачон ракеталар синовларини ўтган ой ўтказиб бўлган.

Умуман олганда, Тайбэй тезда қуролланмоқда: ўз сув ости кемалари гуруҳини тузиб, Пекинни АҚШдан улар учун торпедаларни сотиб олишлари мумкинлиги билан жиғига тегмоқда. ОАВларнинг ёзишича, оролда америкалик шерикларининг ёрдамини кутган ҳолда Хитойнинг қолган қисмидан ўзини ҳимоя қилиш сценарийсини жиддий ўрганишмоқда.

Аммо Хитой ва АҚШ учун Тайвань нимани англатади? Савдолашиш мавзуси. Агар келажакда Вашингтон ва Пекин савдо муаммолари, сиёсий қийинчиликлар ва бошқа муаммоларни енга олишса, америкаликларнинг Тайбейга ҳомийлиги тез ва жиддий сустлашиши мумкин.

Қитъадаги Хитойнинг мустақил оролни куч билан жиловлаб олиш уриниши назарий жиҳатдан очиқ қарама-қаршиликка олиб келиши мумкин, бу эса иштирокчиларнинг ҳар бирига номақбул. АҚШ ҳам буни тушунади ва бутун жанговар кучи (ёки ҳатто қисман) билан ҳам Тайвань учун "туриб бериши" даргумон. Энг муҳими, ҳар қандай вазиятда ҳам, Тайваннинг ўзининг бунда омади чопмайди: ёки Пекин, ёки Вашингтон унинг автономиясини тортиб олади ёки у қарама-қаршиликлар майдони ва савдолашиш воситасига айланади.

Муаллиф Мария Меркулова, Sputnik Радиоси

645

Ғалаба паради иштирокчилари COVID-19 билан касалланмади

86
Таъкидланишича, бундай натижага ўз вақтида қабул қилинган самарали хавфсизлик чоралари туфайли эршишига муваффақ бўлинган.

ТОШКЕНТ, 13 июл — Sputnik. Россияда Улуғ Ватан урушининг 75 йиллигига бағишланган Ғалаба парадида иштирок этган ҳарбийларнинг ҳеч бири коронавирус билан касалланмади. Бу ҳақда РИА Новости хабар қилмоқда.

Россия Мудофаа вазирлиги ҳарбий-тиббиёт бош бошқармаси бошлиғи Дмитрий Тришкиннинг сўзларига кўра, бундай натижага ўз вақтида қабул қилинган самарали хавфсизлик чоралари туфайли эришишга муваффақ бўлинган.

У ҳар бир параддан ўтувчи гуруҳга тиббиёт ходимлари бириктирилгани ва улар иштирокчиларнинг соғлиғини назорат қилиш боришганини таъкидлади.

Эслатиб ўтамиз, Россияда 24 июнь куни Ғалабанинг 75 йиллигига бағишланган парад бўлиб ўтди. Коронавирус пандемияси туфайли тантанали тадбирларни бошқа муддатга қолдиришга тўғри келган эди. Қизил майдонда бўлиб ўтган маросимда жами 225 та ҳарбий техника, 13 та давлатдан 14 минг аскар ва зобитлар иштирок этди. Россия пойтахти узра парад сафида 55 самолёт ва 20 вертолёт учиб ўтди.

86
Теглар:
коронавирус
Мавзу:
COVID-19 умумжаҳон пандемияси

Россияда коронавирусга қарши дунёдаги биринчи вакцина синовлари якунланди

1278
Сеченов университети коронавирусга қарши дунёдаги биринчи вакцина синовларини кўнгиллиларда муваффақият билан якунлади.

ТОШКЕНТ, 12 июл — Sputnik. Россия пойтахти Москвада коронавирусга қарши дунёдаги биринчи вакцина синовлари муваффақиятли якунланди. Бу ҳақда РИА Новости хабар қилмоқда.

“Сеченов университети коронавирусга қарши дунёдаги биринчи вакцина синовларини кўнгиллиларда муваффақият билан якунлади”, - деди Сеченов университетининг трансляцион тиббиёт и биотехнология институти директори Вадим Тарасов.

Аниқлик киритилишича, кўнгиллиларнинг биринчи гуруҳига чоршанба, 15 июль, иккинчи гуруҳига 20 июль куни жавоб берилади. Бироқ улар тиббий кузатув остида бўлишда давом этадилар, чунки шифокорлар уларнинг иммунитетига баҳо беришлари керак.

Эслатиб ўтамиз, аввалроқ Россияда коронавирусга қарши вакцинанинг якуний синов босқичи бошлангани хабар қилинган эди.

1278
Теглар:
вакцина, Россия, коронавирус
Президент Узбекистана Шавкат Мирзиёев прибыл в Турцию с визитом

Ўзбекистон ва Туркия ўртасида яна бир ҳужжат кучга кирди

23
Ҳужжатга биноан, икки давлат ваколатли органлари ўртасида ахборот алмашишнинг янгиланган тартиби назарда тутилмоқда. Битим солиқларни ундиришда кўмаклашишга оид янги норма билан тўлдирилмоқда

ТОШКЕНТ, 13 июл — Sputnik. Ўзбекистон ва Туркия ўртасида 1996 йил 8 майдаги Даромадларга икки томонлама солиқ солишга йўл қўймаслик тўғрисидаги ҳукуматлараро битимга ўзгартиришлар киритиш тўғрисидаги баённома 9 июлдан эътиборан кучга кирди.

Ҳужжат Ўзбекистон президенти Шавкат Мирзиёевнинг 2017 йил 25-октябрда Туркияга ташрифи давомида имзоланган.

Ҳужжатга биноан, икки давлат ваколатли органлари ўртасида ахборот алмашишнинг янгиланган тартиби назарда тутилмоқда, шунингдек, Битим солиқларни ундиришда кўмаклашишга оид янги норма билан тўлдирилмоқда.

Тузатишлар “солиқ шаффофлиги”ни таъминлашга қаратилган бўлиб, бу икки мамлакатнинг жисмоний ва юридик шахслари томонидан солиқларни тўлашдан бўйин товлашга қарши курашиш самарадорлигини оширишга ёрдам беради.

Ушбу ўзгартириш ва қўшимчалар шартномавий-ҳуқуқий базани такомиллаштириш ва битим қоидаларини икки мамлакатнинг амалдаги солиқ қонунчилигига мувофиқлаштириш зарурияти билан белгиланади.

23
Теглар:
Ўзбекистон, Туркия