Флаги стран-участниц ШОС

МДҲ, ШҲТ ва КХШТ орасида уч томонлама ҳамкорликнинг асоси яратилмоқда

145
(Янгиланган 15:38 27.05.2020)
Коллектив хавфсизлик шартномаси ташкилоти ШҲТ ва МДҲ билан икки ва уч томонлама ҳамкорликни ривожлантиради.

ТОШКЕНТ, 27 май - Sputnik. Коллектив Хавфсизлик Шартномаси Ташкилотига аъзо давлатлар хавфсизлигига таҳдидлар ошиб бормоқда, деди КХШТ бош котиби Станислав Зась ушбу ташкилотнинг ташқи ишлар вазирлари кенгашининг видеоконференция шаклида бўлиб ўтган йиғилишидан кейин.

© Sputnik / Григорий Сысоев

Унинг сўзларига кўра, бу "бўёқларни қандайдир сунъий тўқлаштирилиши ёки қадр-қимматларни кескинлаштириш эмас" - "ҳақиқат шундай аччиқдир" ва бу ҳам ҳисобга олиниши керак.

Бундай вазиятда КХШТ аъзолари хавфсизлигини таъминлаш учун бошқа давлатлар ва халқаро ташкилотлар билан ҳамкорликни кучайтиришлари керак - Зась таъкидлаганидек, бундай фикрни Россия ташқи ишлар вазири Сергей Лавров билдирди.

КХШТ бош котиби сўнгги йилларда катта ишлар амалга оширилганини ва МДҲ билан  ҳарбий соҳада ва ШҲТ билан терроризмга қарши курашда амалий ҳамкорлик ташкил этилганини эслатди, деб ёзади Sputnik Беларус.

"Биз ўтган йилдан бундай уч томонлама ҳамкорликнинг асосини яратишни бошладик. Икки томонлама ҳамда уч томонлама ҳамкорликни ҳам ривожлантириб олдинга ҳаракатланишимиз керак, - деди Станислав Зась. Ва биз МДҲ ва ШҲТнинг юқори мартабали мулозимлари бу каби ҳамкорликни барча ташкилотларимиз учун афзаллилигини тушунаётганидан мамнунмиз. Бу келгуси олдинга ҳаракат учун ажралмас шартдир".

Тўлиқ шарҳни аудиофайлда тингланг.

Зась: угрозы странам ОДКБ — реальность, а не "сгущение красок"
145

Эрон газеталаридан бири Макронни иблис қиёфасида тасвирлади

404
Француз етакчиси карикатураси газетанинг олд саҳифасига "Париж иблиси" сарлавҳаси билан чоп этилган. Макрон қизил афт, учли қулоқлар, ёвуз нигоҳ ва сўйлоқтишли бир аҳволда тасвирланган.

ТОШКЕНТ, 27 окт – Sputnik. Эроннинг "Ватане Эмруз" ("Ватан бугун") газетаси Франция президенти Эммануэль Макронни шайтон кўринишида тасвирлади. Бу сурат Макрон Муҳаммад пайғамбарга чизилган карикатураларни Франция ҳукумат биноларида илиб чиқиш ҳақидаги қароридан сўнг пайдо бўлди.

Француз етакчиси карикатураси газетанинг олд саҳифасига "Париж иблиси" сарлавҳаси билан чоп этилган. Макрон қизил афт, учли қулоқлар, ёвуз нигоҳ ва сўйлоқтишли бир аҳволда тасвирланган.

Нашр босма ҳамда онлайн-форматда чиққан.

​Илгарироқ Эрон ташқи ишлар вазирлиги "франция расмий шахслари пайғамбарга чизилган таҳқирловчи карикатураларни қатъият билан қўллаб-қувватлаётганига" протест рамзи сифатида француз дипломатини чақиртирган эди. Идора Франция ҳукуматининг бу сингари позициясини қоралади ва номақбул деб топди.

Октябр ойи бошида Макрон Франциядаги диний сепаратизмга қарши катта нутқ билан чиқиш қилган ва республика қадриятларини кучайтиришга қаратилган қонунчилик лойиҳаси 9 декабрда тақдим этилиши ҳақида хабар берган эди.

Франция етакчиси "Францияни чет эл таъсиридан озод этиш" ва масжидлар молиялаштирилиши устидан назоратни кучайтириш зарурлиги хусусида фикр билдирди.

Сал олдин, Франция президенти, Charlie Hebdo сатира журналида сентябр бошида Муҳаммад пайғамбарга чизилган карикатураларга изоҳ берар экан, мамлакатда шаккоклик қилиш эркинлиги мавжудлигини алоҳида таъкидлаган эди. Тарих муаллими Самюэль Пати қотиллигидан сўнг Макрон Францияда карикатуралар чоп этилишидан воз кечилмаслигини маълум қилди.

404
Львица атакует буйвола

Арслонлар ҳужумига учраган буқа машинага урилди видео

325
Крюгер миллий паркида уч асрлон буқага ҳужум қилиши видеога олинди. Буқа қочиб кетишига яқинда турган сафари-машина ёрдам берди.

ТОШКЕНТ, 27 окт — Sputnik. Жанубий Африка Республикасидаги Крюгер миллий паркида асрлонлар буқага ҳужум қилиши видеога олинди.

Видео муаллифи 39 ёшли гид Женнифер Коулман.

Дастлаб 3 бош асрлон буқага ҳужум қилади. Улардан қочишга уринган буқа айланиб сафари-автомобилига бориб урилади.

Бу ҳолат арслонни қўрқитиб юборди ва у четга қочиб кетди.

 

325

Эртага Ўзбекистонга Волгабўйидан совуқ антициклон киради

385
Илиқ ва совуқ ҳаво оқимларининг босимлари тафовути республика ҳудуди бўйича шамолнинг тезлиги секундига 17-22 метргача кучайишига олиб келади

ТОШКЕНТ, 27 окт - Sputnik. Эртага республика шимолига Россиянинг Европа қисми (Москва области)дан Волгабўйи орқали совуқ антициклон кира бошлайди, деб хабар бермоқда Ўзгидромет.

Эртага, 28 октябрда совуқ ҳаво бутун республика ҳудудига тарқалади, ҳарорат фони 8-10 даража пасаяди.

Аксарият вилоятларда кундузги ҳаво ҳарорати 10-13 даража атрофида бўлади. Кучсиз, асосан қор кўринишидаги ёғинлар мамлакатнинг тоғли ва баланд тоғли ҳудудларида кузатилиши мумкин.

Илиқ ва совуқ ҳаво оқимларининг босимлари тафовути республика ҳудуди бўйича шамолнинг тезлиги секундига 17-22 метргача кучайишига олиб келади.

Совуқ ҳаво оқимининг таъсири 29 октябрда ва 30 октябрда кечаси сақланиб туради, 30 октябрда кундузи антициклон шимоли-шарққа чекина бошлайди ва ҳаво аста-секин исийди.

29 ва 30 октябрь кунлари тунги ҳаво ҳарорати 0-3 даража илиққача тушади, айрим жойларда ҳавода биринчи аёз кузатилади — ҳарорат 1-2 даража совуқ бўлади. 29 октябрда кундузи 10-13 даража илиқ атрофида бўлади, 30 октябрда эса бироз — 13-16 даражагача исийди. Бу кунларнинг ҳарорати октябрь ойи учун хос бўлган меъёрий қийматлардан 7-9 даражага паст бўлади.

31 октябрда Ўзбекистон ҳудудига Эрон томондан иссиқ ҳаво кира бошлайди. Тунги аёз тўхтайди, кундузи эса ҳарорат 18 даража, айрим жойларда ундан ҳам юқори бўлади.

385