Военнослужащие НАТО осуществляют посадку в вертолет

"Ўз юртини ўзлари ҳимояласин": Трамп Афғонистондан америка қўшинини чиқаришга чорлади

473
Апрель ойи охирида АҚШ президенти Дональд Трамп ўз маслаҳатчилари билан суҳбатда Афғонистондан америка қўшинлари тўлиқ таркибда олиб чиқиб кетилишини деярли ҳар куни талаб қилаётгани ҳақида хабарлар тарқалган эди

ТОШКЕНТ, 27 май – Sputnik. АҚШ президенти Дональд Трамп америка аскарларини ватанга қайтаришга чорламоқда. Трампга кўра, афғонлар ўз мамлакатларини ўзлари ҳимоялаши лозим бўлган вақт келди.

"Афғонистонда ўзимиз ўйлаётган сингари жанговар куч эмас, полиция сифатида ҳаракат қилмоқдамиз. Орадан 19 йил ўтиб, улар (афғонлар - таҳр.) ўз мамлакатларида полиция хизматини ўзлари олиб борадиган вақт келди. Бизнинг аскарларимизни уйга қайтаринг, лекин рўй бераётган воқеаларни диққат билан кузатинг, агар зарурат бўлса, аввалгидан ҳам шиддатлироқ кураш олиб боринг", - деб ёзган Трамп Twitterда.

Апрель ойи охирида NBC телеканали ўз манбасига таянган ҳолда АҚШ президенти Дональд Трамп ўз маслаҳатчилари билан суҳбатда деярли ҳар куни Афғонистонда коронавирус эпидемияси авж олиши мумкинлиги ҳавотирида америка қўшинлари мамлакатдан тўлиқ таркибда олиб чиқиб кетилишини талаб қилаётгани ҳақида хабар берган эди.

Февраль ойининг охирида Қатарда бўлиб ўтган маросимда АҚШ ва "Толибон" радикал ҳаракати 18 йил деганда биринчи марта тинчлик ҳақида битим изоладилар. Битим 14 ой мобайнида Афғонистондан чет эл қўшинлари тўлиқ чиқарилишини ва март ойида ўзаро асир алмашинувидан сўнг афғонлараро мулоқот бошланишини кўзда тутади.

473
Мавзу:
Афғонистон: 30 йил тинчлик илинжида (61)

Космосдан ҳужум: Апофис астероиди Ерга қулаши мумкинми?

73
Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради.

ТОШКЕНТ, 5 мар — Sputnik. Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради. Бундай маълумотлар 2029 ва 2068 йилларда Ер билан тўқнашув эҳтимолини рад этиш ёки тасдиқлаш учун зарур. Апофиснинг сайёрага қулаши ҳалокатли оқибатларга олиб келиши мумкин. РИА Новости хабарига асосан.

2004 йилда Сонора чўлида (Аризона, АҚШ) жойлашган Китт-Пик миллий расадхонаси ходимлари Ерга нисбатан яқин бўлган номаълум астероидни аниқлашди. Ёмон об-ҳаво ва техник муаммолар астероидни яхшилаб кўриб чиқишни қийинлаштирди. Бироқ, бу самовий жисмнинг диаметри тахминан 400 метр эканлигини маълум бўлди.

Бир неча ойдан сўнг, Сайдинг-Спринг расадхонаси (Австралия) мутахассислари астериодни ўрганиб чиқди. Улар америкалик ҳамкасбларининг маълумотларини тасдиқлади ва орбита параметрларини аниқлади.

Декабрда, маълумотларни таҳлил қилгандан сўнг, NASA Ерга яқин объектларни ўрганиш маркази мутахассислари ҳисоблаб чиқдилар: Ер билан тўқнашув эҳтимоли тахминан 2 фоизни ташкил қилади ва табиий офатнинг тахмин қилинган санаси 2029 йил 13 апрел. 2004 MN4 астероиди (кейинчалик қадимги Миср зулмат ва ёвузлик худоси шарафига Апофис деб номланди) - астрономик объектга Турин шкаласи бўйича 4 балла берилган.

Кузатувлар туфайли олимлар деярли ҳар ҳафта потенциал хавфли объектларни аниқлайди. Уларнинг орбиталари сайёра орбитасини кесиб ўтади ва шунинг учун тўқнашув эҳтимоли жуда кичик. Апофис кашф этилганидан бери 20 мингга яқин бундай осмон жисмлари - астероидлар ва кометалар аниқланди. Бироқ, Апофис ҳануз энг жиддий таҳдидлардан бири ҳисобланади.

73
Теглар:
NASA (АҚШ аэронавтика ва космикни ўрганиш миллий идораси), Россия, АҚШ, Астероид, Қуёш, Ой, космос

Европа Иттифоқи “Спутник V” вакцинаси экспертизасини бошлади

393
Европада Россиянинг коронавирусга қарши “Спутник V” вакцинасининг экспертизаси бошланди. Ҳозирча ЕИнинг икки мамлакати EMA маъқуллашини кутиб ўтирмасдан вакцинани рўйхатдан ўтказган.

ТОШКЕНТ, 4 мар — Sputnik. Европа дори воситалари агентлиги (ЕМА) Россиянинг коронавирусга қарши “Спутник V” вакцинасининг рўйхатга олинган ҳужжатларининг экспертизасини бошлади. Бу ҳақда Россия тўғридан-тўғри инвестициялар жамғармаси хабар қилди.

Қарор катталарда ўтказилган лаборатория ва клиник тадқиқотлар натижаларини инобатга олган ҳолда қабул қилинган.

“EMA “Спутник V” вакцинасининг ЕИ томонидан ўрнатилган самарадорлик, хавфсизлик ва сифат бўйича стандартларга мос келишини баҳолайди”, - дейилган хабарда.

“Спутник V” дунёда фойдаланишга рухсат берилган коронавирусга қарши дунё вакциналарининг етакчи учлигига киради. Вакцинани рўйхатдан ўтказган 42 та мамлакатнинг жами аҳолиси 1,1 миллиарддан зиёдни ташкил этади. ЕИнинг икки мамлакати EMA маъқуллашини кутиб ўтирмасдан уни рўйхатдан ўтказди. Венгрия ва Словакия ҳукумати шундай қарор қабул қилди. Февраль охирида Чехия президенти Милош Земан ҳам мамлакатга “Спутник V”ни етказиб беришни сўраганди.

393
Теглар:
Европа дори воситалари агентлиги (ЕМА), вакцина, Спутник V, Россия тўғридан-тўғри инвестициялар жамғармаси, Европа Иттифоқи
Директор Департамента МИД России по работе с соотечественниками Олег Мальгинов

Россиянинг Ўзбекистондаги янги элчиси тайинланди

49
(Янгиланган 18:21 05.03.2021)
Россия президенти фармонига асосан Мальгинов Олег Сергеевич Ўзбекистондаги Россиянинг Фавқулодда ва Мухтор элчиси этиб тайинланди.

ТОШКЕНТ, 5 мар — Sputnik. Россия президенти Владимир Путин фармонига мувофиқ, Мальгинов Олег Сергеевич Ўзбекистондаги Фавқулодда ва Мухтор элчи этиб тайинланди.

У Ташқи ишлар вазирлигининг Хориждаги ватандошлар билан ишлаш департаменти бошлиғи бўлиб ишлаётган эди.

Мальгинов бу лавозимда 2009 йил ноябрдан бери РФнинг Ўзбекистондаги элчиси лавозимида фаолият юритиб келаётган Владимир Тюрденевни алмаштирди.

49