Қуддусдаги Ал-Ақсо масжиди ибодат учун очилди

217
Қуддусдаги Ал-Ақсо масжиди ислом дунёсидаги муқаддас жойлардан бири саналади. У коронавирус туфайли 70 кун олдин ёпилган эди.

ТОШКЕНТ, 31 май — Sputnik. Коронавирус туфайли ёпилган Қуддус шаҳридаги Ал-Ақсо масжиди 70 кундан сўнг ибодат учун ўз эшикларини очди. Бу ҳақда WAFA агентлиги хабар қилмоқда.

“Қуддусдаги Ал-Ақсо масжиди бугун тонгда коронавирус туфайли 70 кун ёпилгандан сўнг очилди”, - дейилган хабарда.

Масжид директори Умар ал-Кисвани масжид Соғлиқни сақлаш вазирлиги тавсияларига амал қилган ҳолда очилганини маълум қилган.

Ал-Ақсо масжиди мўмин-мусулмонлар учун Макка ва Мадина шаҳарларидаги Масжидул Ҳаромлардан кейинги учинчи улуғ қадамжо ҳисобланади.

217
Аэропорт Астаны

Қозоғистон 5 октябрдан янги мамлакатлар билан парвозларни тикламайди

42
Қозоғистон ҳукумати 5 октябрдан бошқа мамлакатлар билан парвозларни қайта тиклашни вақтинча тўхтатиб қўйишга қарор қилди.

ТОШКЕНТ, 1 окт — Sputnik. Қозоғистон 5 октябрдан бошқа мамлакатлар билан парвозларни қайта тиклашни вақтинча тўхтатиб қўяди. Бу ҳақда Sputnik Қозоғистон хабар қилмоқда.

“Қозоғистонга инфекция олиб кирилишининг олдини олиш мақсадида идоралараро комиссия жорий йил 5 октябридан қуйидаги қарорга келди: бошқа мамлакатлар билан авиақатновларни қайта тиклашни вақтинча тўхтатиб қўйиш, авиақатнов тикланган мамлакатлар билан рейслар сонини кўпайтирмаслик, Туркияга рейслар сонини қисқартириш”, - деди мамлакат соғлиқни сақлаш вазири Алексей Цой.

Вазирнинг сўзларига кўра, авиақатнов тикланган мамлакатлардан келаётганлар учун қуйидаги мажбурий талаблар ўрнатилади: ҳароратни ўлчаш, анкета тўлдириш, сўнгги 72 соат ичида коронавирусга топширилган тест таҳлили.

Агар маълумотнома бўлмаган тақдирда мамлакатга келганлар COVID-19 га лаборатория таҳлилини ўтказиш учун икки кунгача карантин стационарида яккаланади.

Муқобил талаблар ЕОИИ мамлакатлари ва Ўзбекистон билан давлат чегарани автомобилда ва пиёда кесиб ўтаётганлар учун ҳам қўлланилади.

Эслатиб ўтамиз, аввалроқ Қозоғистон ССВ янги мамлакатлар билан мунтазам парвозларни қайта тикламасликни таклиф қилгани эди.

Ўзбекистон ва Қозоғистон 11 сентябрдан расман мунтазам парвозларни қайта тиклаган.

42

Путин, Трамп ва Макрон Қорабоғдаги вазиятга оид қўшма баёнот берди

143
(Янгиланган 17:41 01.10.2020)
Россия, АҚШ ва Франция президентлари минтақадаги кескинликни қатъиян қоралашди ва томонларни зудлик билан ўт очишни тўхтатишга чақиришди.

ТОШКЕНТ, 1 окт — Sputnik. Россия, АҚШ ва Франция президентлари Владимир Путин, Дональд Трамп ва Эммануэль Макрон Тоғли Қорабоғдаги вазиятга оид қўшма баёнот берди.

Давлат раҳбарлари минтақадаги кескинликни қатъиян қоралашган ва томонларни зудлик билан ўт очишни тўхтатишга чақиришган.

“Биз иштирок этаётган томонларнинг қуролли кучлари ўртасидаги ҳарбий ҳаракатларни зудлик билан тўхтатишга чақирамиз. Шунингдек, биз Арманистон ва Озарбайжон раҳбарларини зудлик билан виждонан ва дастлабки шартларни илгари сурмасдан ЕХҲТнинг Минск гуруҳи ҳамраислари кўмагида ҳал қилиш бўйича музокараларни тиклашга чақирамиз”, - дейилади Кремль сайтида эълон қилинган қўшма баёнотда.

Дунёда Тоғли Қорабоғ можаросига қандай муносабат билдирилди ва ким "оловга ёғ қуймоқда"?

Шунингдек, президентлар ҳалок ва ярадорлар бўлганларнинг оилаларига ҳамдардлик билдиришган.

143

ЕИ мамлакатлари Беларус мухолифатини қўллашдан нима манфаат кўради - эксперт фикри

14
Сиёсатшунос, РФ жамоатчилик палатаси аъзоси Сергей Марков Евроиттифоқ Беларусга нисбатан қандай ўйин қўллаётгани ва бу Россия билан қандай боғлиқлигини тушунтирди

Яқинда Вильнюсда Франция президенти Эммануэль Макроннинг Беларус президентлигига собиқ номзод Светлана Тихановская билан учрашуви бўлиб ўтди.

Тихановскаянинг айтишича, француз етакчиси "беларусларни эркинлик учун курашда қўллаб-қувватлайди ва мамлакатдаги сиёсий инқирозни бартараф этишда ёрдам бериш учун барча ишни амалга оширишга ваъда берган".

Германия канцлери Ангела Меркель ҳам шунга ўхшаш позицияни эгаллади. Меркель Беларус сайловлари натижаларини тан олмаслигини маълум қилди ва Тихановская билан учрашиш истагини билдирди.

Беларусдаги тўнтаришга умид боғлаб ва Светлана Тихановскаяни қўллаб-қувватлаб, ЕИ мамлакатлари етакчилари "америка кун тартиби бўйича ҳаракатланишмоқда", деб ҳисоблайди сиёсатшунос Сергей Марков.

Унинг таъкидлашича, буларнинг барчаси - Россияга босим ўтказиш мақсадида амалга оширилаётганини пайқаш қийинмас.

"Нега Меркель ва Макрон Россия билан мулоқотни тобора яхшилаш ғоясига хоинлик қилиб, куч сценарийси, хусусан, Беларусдаги тўнтаришни қўллаб-қувватлаш ва Навальний заҳарланиши воқеасидан фойдаланиб Кремльни расво қилиб кўрсатишга умид боғлашмоқда? Бу Меркель ва Макроннинг даҳшатли хатосидир ва озод Европа ғоясига хоинлик қилиш ЕИдаги хавфсизлик ва тараққиётнинг барбод бўлишига олиб келади", - дея қайд этди Марков.

Экспертнинг тўлиқ изоҳини радиоподкастда рус тилида тингланг.

Почему странам ЕС выгодно поддерживать оппозицию Беларуси — мнение политолога
14