Вид на телебашню Бордж-е Милад в Тегеране

Эрон генерали ҳақидаги маълумотни АҚШга берганликда айбланган шахс ўлимга маҳкум қилинди

330
Эронда Америка разведкасига генерал Қосим Сулаймонийнинг бир жойдан бошқа жойга ҳаракатланиши тўғрисидаги маълумотларни берганликда айбланган шахс қатл эттирилади.

ТОШКЕНТ, 9 июн — Sputnik. Эронда Америка разведкасига генерал Қосим Сулаймонийнинг бир жойдан бошқа жойга ҳаракатланиши тўғрисидаги маълумотларни берганликда айбланаётган Маҳмуд Мусавий Мажд ўлимга маҳкум қилинди. Бу ҳақда РИА Новости Эрон давлат телеканали IRIB маълумотларига асосланган ҳолда хабар қилмоқда.

Таъкидланишича, Маждни Америка марказий разведка бошқармаси ва Исроилнинг “Моссад” радведкаси жосуси деб аташмоқда.

“У Америка доллари учун Эрон инқилоб посбонлари корпусининг “Қудс” (унга Сулаймоний бошчилик қилган эди – Sputnik.) кучларида жосуслик билан шуғулланган, душманларга Қосим Сулаймонийнинг бир жойдан бошқа жойга ҳаракатланиши тўғрисидаги маълумотларни тақдим этган”, - деган суд ҳокимияти расмий вакили Гуломҳусайн Исмоилий.

Тез орада ҳукм ижро этилиши таъкидланган.

АҚШ 3 январь куни Бағдодда Эрон генерали Сулаймонийни йўқ қилиш бўйича ҳарбий амалиёт ўтказди. Бунга жавобан Эрон Америка ҳарбийлари жойлашган Ироқдаги базага ракета зарбасини берди. Аввалига АҚШ президенти Дональд Трамп ва Пентагон раҳбари ҳужум оқибатида жабрланганлар йўқлигини маълум қилди. Кейинчалик жабрланганлар борлиги тан олинди.

330
Теглар:
Эрон

Лукашенко 5 ноябрдан президент сифатида тан олинмайди - Европарламент

464
(Янгиланган 17:08 19.09.2020)
Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган.

ТОШКЕНТ, 19 сен — Sputnik. Европарламент Александр Лукашенкони 5 ноябрдан бошлаб республика раҳбари деб ҳисоблашдан тўхташлари ҳақида баёнот берди.

"Амалдаги аторитар етакчи Александр Лукашенконинг ваколатлари муддати тугаши билан <…>, парлмент уни мамлакат президенти сифатида бошқа тан олмайди", - дейилади резолюцияда.

Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган. Шунингдек, Европарламент Лукашенкога нисбатан эҳтимолий санкцияларни ҳам қўллаб-қувватлаган.

Беларус ТИВ Европарламентнинг ушбу ҳаракатларидан ихлоси қайтганлигини маълум қилди. Идора, шунингдек, ўзини холис ва демократик тузилма сифатида намойиш этадиган ушбу ташкилот "бурнидан нарироққа қарашга" ўзида сиёсий ирода топа олмаганлигини қайд этган.

Республика кенгашида резолюциянинг қабул қилиниши давлатнинг ички ишларига аралашув сифатида баҳоланди. Россия Давлат думаси спикери Вячеслав Володин ҳам ушбу ҳужжатга "ички аралашув" сифатида баҳо берган эди. Володинга кўра, резолюциянинг қабул қилиниши мамлакатдаги ҳукумат органларини алмаштиришга бўлган уринишдир.

Беларусдаги воқеалар

Беларусдаги оммавий протестлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 фоиз овоз олган. Оппозиция сайловларда Светлана Тихановская ғалаба қозонди, дея ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомет, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Расмий маълумотларга, илк кунларда 6,7 мингдан зиёд қўлга олинган. ИИВ хабарига кўра, тартибсизликлар давомида юзлаб одамлар жабрланган, жумладан, 120дан ортиқ куч ходимлари ҳам. Беларус ҳукумати маълумотига кўра, уч киши қурбон бўлган.

464
Панорама Риги

Латвиялик шифокор русийзабон эркакка ёрдам беришдан бош тортганини айтиб мақтанди

618
Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга

ТОШКЕНТ, 19 сен — Sputnik. Латвия шифокорлари ҳамжамияти вице-президенти, анестезиолог-реаниматолог Робертс Фурманис касалхонага келган инсонга у фақат рус тилида гапиргани учун ёрдам беришдан бош тортгани ҳақидаги бир воқеа ҳақида сўзлаб берди. Sputnik Latvija хабари асосида.

Яқинда Ригадаги Страдыня номидаги касалхонада унга футболкасида "Россия" ёзуви бўлган эркак мурожаат қилган. Ташриф буюрувчи ундан туғруқхона бўлимини топишда ёрдам беришни сўраб, мурожаат қилган эди. Аммо латвиялик мутахассис эркакка бегона тилда гапиришдан бош тортган.

"Мен унга: "Хайрли кун. Бу ер Латвия. Аввало мулоқотни латиш тилида бошлаш кераклигини эслатмоқчиман", дедим. Эркак бурилди ва жўнаворди", — деди Фурманис.

Шифокорнинг сўзларига кўра, у "суягигача латиш", ва унда ҳатто айнан шундай ёзувлар битилган майкаси ҳам бор.

Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга.

618