Пекинда топилган вирус Ухандагидан кўра юқумлироқ - мутахассис

530
(Янгиланган 12:37 16.06.2020)
Хитойлик мутахассислар айтишига қараганда Пекин бозорида топилган вирус тарқалишини олдини олишда иссиқ об-ҳаво ва коронавирус билан курашда орттирилган тажриба қўл келмоқда.

ТОШКЕНТ, 15 июн - Sputnik. Ухань университети Тиббиёт бўлимининг Вирусология институти профессори Янг Чжанцю Пекиннинг улгуржи бозорида топилган коронавирус Уханьдаги денгиз маҳсулотлари бозорида пайдо бўлган вирусга қараганда юқумлироқ деб ҳисоблайди.

"Менинг ўйлашимча, “Синьфади” бозорида аниқланган SARS-CoV-2 коронавируси Уханьдаги “Хуанань” бозоридаги вирусга қараганда анча юқумлироқ", - деди Янг Чжанцю “Хуаньцю Шибао” газетасига берган интервьюсида.

У иккала ҳолатда ҳам касалланганлар сонини таққослаб, Пекиндаги вазият Ухань кўрсаткичига деярли яқинлашмоқда деган хулосага келди.

У шунингдек, Уханьдаги эпидемия қишда содир бўлганини, Хитой пойтахтида ўрнатилган ёз ҳарорати эса касаллик тарқалишига тўсқинлик қилаётганини таъкидлади.

Унинг таъкидлашича, Пекиндаги жорий ҳолат ва Уханьдаги воқеалар ўртасидаги фарқ шундан иборатки, Хитой анчагина катта тажриба тўплаб, вирусдан ҳимоя қилишнинг самарали усулларини яратди.

Аммо янги вирус авжланишлари ва штаммларининг пайдо бўлиши вакциналарни тадқиқ этиш ва ишлаб чиқишни қийинлаштирмокда, дейди хитойлик профессор.

Фэнтай туманидаги “Синьфади” йирик улгуржи бозори шанба куни эпидемиологик текширувдан сўнг импорт қилинган лосос учун кесиш тахтасида коронавирус аниқланганидан кейин вақтинча ёпилди. Пекин ҳукумати вакилларининг таъкидлашича, якшанба куни шаҳарда 76499 киши коронавирус учун текширилган, 59 та таҳлил ижобий чиққан. Ҳаммаси бўлиб, ҳозирги вақтда шаҳар касалхоналарида COVID-19 билан 79 киши жойлаштирилган, улардан бири ўта оғир, иккитаси оғир аҳволда.

Sputnik радиоси аввалроқ Пекинда COVID билан касалланишнинг янги ҳолатлари туфайли ҳарбий ҳолат жорий этилганини хабар қилган эди.

530

Путин Россия нега гипертовушли қурол яратишга мажбур бўлганини айтди

85
Россия президенти Владимир Путин Россиянинг гипертовушли қурол яратиш сабабларини маълум қилди. Бунга АҚШнинг ракетага қарши мудофаа бўйича шартномадан чиқиб кетиши туртки бўлган.

ТОШКЕНТ, 20 сен — Sputnik. Россия президенти Владимир Путин Россиянинг гипертовушли қурол яратиш сабабларини маълум қилди. Бу ҳақда у “ВПК “НПО машиностроения” ОАЖ фахрий бош қурувчиси, бош директори Герберт Ефремов билан видеоконференция вақтида маълум қилди.

Путиннинг сўзларига кўра, АҚШ ракетага қарши мудофаа бўйича шартномадан чиқиб кетганидан сўнг Москва ушбу қуролни яратишга мажбур бўлган.

“Америка Қўшма Штатларининг 2002 йилда Ракетага қарши мудофаа бўйича шартномадан чиқиши Россияни гипертовушли қурол ишлаб чиқаришга киришишга мажбур қилди. Келгусида бутун ядро потенциалимизни амалда йўқ қилиш хусусиятига эга бўлиши мумкин бўлган АҚШнинг Ракетага қарши мудофаа стратегик тизимини кенгайтиришига жавобан бу қуролни яратишимиз шарт эди”, - деди Путин.

Путин ҳозир Россия илк бор энг янги тарихда энг замонавий қурол турларига эга эканлигини таъкидлади. Ҳозирда бундай қурол ҳеч кимда йўқ.

Ракетный комплекс Авангард
Министерство обороны РФ
Ракетный комплекс "Авангард"

“Ўнлаб йиллар давомида биз доим қувувчи ролида бўлишимизга тўғри келди, сиз буни яхши биласиз. Бу атом, ядро қуроллари, сўнгра стратегик авиация, ундан кейин қитъалараро ракета техникаси соҳаларида. Мана энди, янги тарихимизда илк бор Россия энг замонавий қурол турларига эга, улар бугунги кунда мавжуд барча қуроллардан кучи, тезлиги, аниқлиги бўйича бир неча баравар устун, бундай қурол ҳеч кимда йўқ, ҳар ҳолда, ҳозирча йўқ", - деди у.

© Sputnik / Михаил Климентьев
Герберт Ефремов — почетный генеральный директор, почетный генеральный конструктор НПО Машиностроения, советник главы корпорации по науке

Россия етакчиси суҳбат давомида “Авангард” гипертовушли мажмуасини айнан Герберт Ефремов яратганини маълум қилди.

85

Лукашенко 5 ноябрдан президент сифатида тан олинмайди - Европарламент

604
(Янгиланган 17:08 19.09.2020)
Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган.

ТОШКЕНТ, 19 сен — Sputnik. Европарламент Александр Лукашенкони 5 ноябрдан бошлаб республика раҳбари деб ҳисоблашдан тўхташлари ҳақида баёнот берди.

"Амалдаги аторитар етакчи Александр Лукашенконинг ваколатлари муддати тугаши билан <…>, парлмент уни мамлакат президенти сифатида бошқа тан олмайди", - дейилади резолюцияда.

Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган. Шунингдек, Европарламент Лукашенкога нисбатан эҳтимолий санкцияларни ҳам қўллаб-қувватлаган.

Беларус ТИВ Европарламентнинг ушбу ҳаракатларидан ихлоси қайтганлигини маълум қилди. Идора, шунингдек, ўзини холис ва демократик тузилма сифатида намойиш этадиган ушбу ташкилот "бурнидан нарироққа қарашга" ўзида сиёсий ирода топа олмаганлигини қайд этган.

Республика кенгашида резолюциянинг қабул қилиниши давлатнинг ички ишларига аралашув сифатида баҳоланди. Россия Давлат думаси спикери Вячеслав Володин ҳам ушбу ҳужжатга "ички аралашув" сифатида баҳо берган эди. Володинга кўра, резолюциянинг қабул қилиниши мамлакатдаги ҳукумат органларини алмаштиришга бўлган уринишдир.

Беларусдаги воқеалар

Беларусдаги оммавий протестлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 фоиз овоз олган. Оппозиция сайловларда Светлана Тихановская ғалаба қозонди, дея ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомет, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Расмий маълумотларга, илк кунларда 6,7 мингдан зиёд қўлга олинган. ИИВ хабарига кўра, тартибсизликлар давомида юзлаб одамлар жабрланган, жумладан, 120дан ортиқ куч ходимлари ҳам. Беларус ҳукумати маълумотига кўра, уч киши қурбон бўлган.

604
Скончался ветеран узбекского футбола Наримон Джалолов

Ўзбек футболи фахрийси Наримон Жалолов вафот этди

16
(Янгиланган 12:14 20.09.2020)
Наримон Жалолов ўзбек футболи ривожига қўшган ҳиссаси учун “Ўзбекистон Республикасида хизмат кўрсатган мураббий” фахрий унвони ва “Шуҳрат” медали билан билан тақдирланган.

ТОШКЕНТ, 20 сен — Sputnik. Бугун, 20 сентябрь ЎФА Фахрийлар кенгаши раиси Наримов Жалолов 88 ёшида оламдан кўз юмди. Бу ҳақда Ўзбекистон Миллий олимпия қўмитаси матбуот хизмати хабар қилмоқда.

Наримон Жалолов 1931 йил 23 сентябрь куни туғилган. Унинг ташаббуси билан Тошкент шаҳри ва вилоятларида кўплаб стадионлар қад ростлаган.

1968 йилда “Пахтакор” клуби раҳбари сифатида ишлаган ва ўша даврда жамоа Собиқ Иттифоқ кубогининг финалига қадар етиб борган эди. Мустақилликнинг илк йилларида ЎФФ вице-президенти лавозимида ишлаган.

Наримон Жалолов ўзбек футболи ривожига қўшган ҳиссаси учун ҳукумат томонидан “Ўзбекистон Республикасида хизмат кўрсатган мураббий” фахрий унвони ва “Шуҳрат” медали билан билан тақдирланган.

16