Президент Туркменистана Гурбангулы Бердымухамедов прибыл в Ташкент

Гурбангули Бердимуҳамедов Москвага Ғалаба парадига келишдан бош тортди

1132
(Янгиланган 20:35 20.06.2020)
Россия президенти Владимир Путин билан мулоқот давомида Туркманистон президенти Гурбангули Бердымуҳамедов Москвага ташрифни қолдириш учун муҳим сабабларни келтириб ўтди.

ТОШКЕНТ, 20 июн — Sputnik. Туркманистон президенти Гурбангули Бердимуҳамедов Россия президенти Владимир Путин билан телефон мулоқотида 24 июнь куни Москвада бўлиб ўтадиган Ғалаба парадига ташриф буюра олмаслигини маълум қилди. Бу ҳақда "Тукрманистон. Олтин аср" нашри хабар қилмоқда.

Президент Гурбангули Бердимуҳамедов Москвада ўтказиладиган Буюк Ғалабанинг 75 йиллиги муносабати билан ташкиллаштириладиган умумий байрамда иштирок эта олмаслиги сабабларини тушунтирди.

Бунинг боиси 29 июнь куни туркман етакчиси 63 ёшга тўлади - яъни у Муҳаммад (с.а.в.) ёшига етади. Миллий анъаналарга кўра, бу санани оила, яқинлар ва қариндошлар, бутун халқ билан биргаликда нишонланади.

Пандемия туфайли Туркманистонда хориждан келадиган барча учун мажбурий 14 кунлик карантин жорий этилган. Демакки, Бердимуҳаммедов Москвага борадиган бўлса, икки ҳафта ўз-ўзини изоляциялашига тўғри келади ва муҳим санани оиласи билан биргаликда нишонлашдан воз кечишга тўғри келади.

Президент ўрнига Москвада ўтказиладиган Ғалаба парадига Туркманистондан мудофаа вазири генерал-майор Бегенч Гундогдыев бошчилигидаги делегация юборилади.

1132

Жапаров Қирғизистон президенти сайловларида номзодини илгари суради

26
Қирғизистон президенти вазифасини бажарувчи Садир Жапаров сайловларда иштирок этиш учун декабрь ойида президент ваколатларини зиммасидан соқит қилмоқчи.

ТОШКЕНТ, 26 окт — Sputnik. Қирғизистон президенти вазифасини бажарувчи, бош вазир Садир Жапаров давлат раҳбари лавозимига ўз номзодини илгари суришини маълум қилди.

Жапаровнинг сўзларига кўра, бунинг учун у декабрда истеъфога чиқишни режалаштирмоқда.

“Мен бошқалар қатори сайловларда иштирок этаман. Агар ғалаба қозонсам президент бўламан, бўлмаса барча каби оддий фуқаро бўламан”, - деди Жапаров. Унинг сўзларидан Sputnik Қирғизистон иқтибос келтирган.

Қирғизистонда муддатидан аввалги президент сайловлари 2021 йил 10 январь куни бўлиб ўтади. Мамлакат Конституциясига биноан президент в.б. ўз номзодини илгари суриш ҳуқуқига эга эмас.

Аввалроқ Жапаров агар қонунчиликка тегишли ўзгартириш киритилса, президент сайловларида иштирок этишга тайёрлигини маълум қилган эди.

26

“Спутник V” вакцинасини яна бир ишлаб чиқарувчиси рўйхатга олинди

42
(Янгиланган 15:07 26.10.2020)
Россия Соғлиқни сақлаш вазирлиги “Спутник V” вакцинасининг яна бир ишлаб чиқарувчисини рўйхатга олди.

ТОШКЕНТ, 26 окт — Sputnik. Россия Соғлиқни сақлаш вазирлиги “Спутник V” вакцинасининг яна бир ишлаб чиқарувчиси – “Генериум” компаниясини рўйхатга олди.

Пандемияга уч марта зарба: Россияда коронавирусга қарши 3-чи вакцинани синовлари бошланди
Ruptly / РФПИ / АФК "Система", завод "Биннофарм" / Роспотребнадзор

Бундан аввал препаратни рўйхатга олиш гувоҳномасига Гамалея эпидемиология ва микробиология илмий-тадқиқот маркази “Медгамал” филиали ва “Биннофарм” компанияси киритилган эди.

Янги ишлаб чиқариш майдонлари ишлаб чиқарилаётган вакцина ҳажмини сезиларли даражада оширади.

Августда ССВ Гамалея электрокимё тадқиқот маркази томонидан ишлаб чиқилган COVID-19нинг олдини олиш учун дунёдаги биринчи вакцинани рўйхатдан ўтказганди. Уни “Спутник V” деб номлашди.

Октябр ойида Роспотребнадзорнинг Вектор марказида яратилган яна бир маҳаллий “ЭпиВакКорона” препарати рўйхатдан ўтказилди. Шунингдек, ҳозирги вақтда Россия Фанлар академиясининг Чумаков номидаги иммунобиологик препаратларни тадқиқ қилиш ва ривожлантириш марказидан вакцина клиник синовлардан ўтмоқда.

Соғлиқни сақлаш вазири Михаил Мурашконинг сўзларига кўра, оммавий эмлаш катта ишлаб чиқариш ҳажмлари ишга туширилгандан сўнг бошланади. Бу бепул бўлади.

Саноат ва савдо вазирлиги раҳбари Денис Мантуров Россияда “Спутник V” вакцинасини ишлаб чиқариш ҳажмларини йил охирига қадар бир ярим миллион дозага етказиш режалаштирилганлигини маълум қилганди.

42