Избранный президент США Дональд Трамп приветствует президента Барака Обаму на инаугурации

Трамп Обамани давлатга хоинликда айблади

293
Трамп АҚШ махсус хизматлари ходимлари 2016 йилда унинг сайловолди дастури устидан кузатувни амалга оширишгани ҳақида олдин ҳам кўп бора таъкидлаган эди.

ТОШКЕНТ, 23 июн — Sputnik. АҚШ президенти США Дональд Трамп 2016 йилда ўзининг сайловолди кампанияси кузатувда бўлгани ҳақида маълум қилиб, ўтмишдоши Барак Обамани давлатга хоинликда айблади. Бу ҳақда РИА Новости хабар бермоқда.

"Бу давлатга хоинлик. Қаранг, анча олдин мен қилган чиқишимда улар бизнинг кампаниямиз ортидан жосуслик қилишганини айтган эдим. Улар бизни тинглашган, бу қўштирноқ ичида айтилган бўлиб, эшитишнинг замонавий усулларини англатарди... Улар менинг кампаниям ортидан жосуслик қилишган, мен бу ҳақда анча олдин айтганман. Кўриниб турибдики, мен ҳақ эканман", — деган Трамп CBN News телеканалига берган интервьюсида.

Трамп АҚШ махсус хизматлари ходимлари 2016 йилда унинг сайловолди дастури устидан кузатувни амалга оширишгани ҳақида олдин ҳам кўп бора таъкидлаган эди. 2016-17 йилларда демократ-президент Обама даврида ФҚБ (ФБР) Трампга қарши суриштирув ишларини ўтказган эди. Бу суриштирув "Хочсимон олов бўҳрони", дея номланган. Терговчилар президентликка номзод сайловларда ғолиб чиқиш учун Россия ҳукумати билан тил бириктирган бўлганми, шуни аниқлаштиришга ҳаракат қилганлар. Сал кейин худди шу масала мустақил махсус прокурор Роберт Мюллер томонидан ўрганилган ва у 2019 йилнинг баҳорида бундай тил бириктирув бўлганлиги ҳақида далиллар мавжуд эмас, деган хулосага келган.

Россия ва Трамп бу айбловларни кескин рад этиб келганлар, АҚШ президенти уларни сиёсий мотивацияланган, деб билади.

293

"Йиғлатаман": Чак Норрис Лукашенкога пўписали видеомурожаат ёзди

48
Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

ТОШКЕНТ, 15 авг - Sputnik. Дунёга машҳур актёр Чак Норрис Беларус президенти Александр Лукашенконикига ташриф уюштирмоқчи. Жангари фильмлар юлдузи урушга шай, у сиёсатчини йиғлашга мажбур этмоқчи, деб хабар қилади NEWS.ru.

Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

"Биласанми, пиёз тўғраганимда, мен йиғламайман. Пиёз йиғлайди. Шу учун, агар ҳозир қилаётган ишларингни тўхтатмасанг, у ҳолда қароргоҳларингнинг бирига бораманда, сени йиғлашга мажбур этаман", - деган Норрис.

Жангари фильмлар юлдузи бошқа ҳеч қандай аниқлик киритмаган. Айтган жумлаларини ҳам ойдинлаштирмаган. Норриснинг расмий аккаунтларида ушбу видеоролик йўқ. Ролик биринчи бўлиб Беларус мухолифати билан боғлиқ бўлган ижтимоий тармоқларда тарқатила бошланган.

Беларусьдаги норозилик акциялари, 9 август президент сайловларида амалдаги давлат раҳбари Александр Лукашенко ғолиб бўлганидан кейин бошланган эди. МСК маълумотларига кўра, у 80,1% овоз олган. Якшанба кунидан буён Минск ва республиканинг бошқа шаҳарларида санкцияланмаган оммавий норозилик намойишлари давом этмоқда, аммо куч тузилмалари намойишларни куч билан бостирмоқда. Норозилик акциялари иштирокчиларини тарқатиш учун ҳуқуқни муҳофаза қилиш идоралари кўз ёш келтирувчи газ, шовқин гранатаси, резина ўқлардан фойдаланмоқда. Расмий маълумотларга кўра, митинглар давомида 6,5 мингдан ортиқ одам ҳибсга олинган.

Беларусь ИИВ тартибсизликлар давомида юзлаб одамлар жабрлангани ҳақида маълум қилган. Бир нафар одам ҳалок бўлган, ИИВ маълумотларига кўра, у милиция ходимларига қўлбола портловчи қурилмани отишга уринаётиб, ҳалок бўлган.

48
“Талибан” снова наступает: в Афганистане произошла серия терактов

Толиблар Тожикистон чегараси яқинида ҳужум уюштирди

753
Толибларнинг Тожикистон чегараси яқинида Афғонистон армияси кучларига қуролли ҳужуми муваффақиятсизлик билан якун топди.

ТОШКЕНТ, 15 авг — Sputnik. Тожикистон билан чегарада афғон ҳарбийлари толиблар ҳужумини қайтарди, деб хабар қилди Sputnik Тожикистонга афғон миллий армиясининг 217-"Помир" корпуси матбуот-котиби.

Террорчилар 14 август куни 6.30да Бадахшон провинциясининг Куф-Аб уезди ҳудудида армия ва полиция кучларига ҳужум уюштирган.

Афғонистон ҳарбийлари ҳаракатлари натижасида 10 нафар жангари ўлдирилган, 6 нафари жароҳатланган, 4 нафари асир олинган.

Жангарилардан 1 та гранатомет, 1та Калашников автомати ва бошқа қуроллар олиб қўйилган.

Муваффақиятсиз ишғолдан сўнг, толиблар чекинган. Афғонистон армияси томонидан бўлган йўқотишлар ва/жароҳатланганлар ҳақида маълумотларга аниқлик киритилмаган.

753