Афганские силы безопасности. Архивное фото

Афғонистонда бозордаги портлаш оқибатида 10 киши ҳалок бўлди

100
Ҳилманд вилоятидаги чорвачилик бозорида рўй берган портлаш оқибатида 10 киши қурбон бўлди, 15 киши эса ярадор бўлди.

ТОШКЕНТ, 29 июн — Sputnik. Афғонистон жанубида жойлашган Ҳилманд вилоятидаги чорвачилик бозорида рўй берган портлаш оқибатида 10 киши қурбон бўлди, 15 киши эса ярадор бўлди. Бу ҳақда РИА Новости маҳаллий манбасига таянган ҳолда хабар қилмоқда.

Манбанинг сўзларига кўра, қўлбола портловчи қурилма “Толибон”* ҳаракат қиладиган Сангин туманида ҳаракатга келган.

Толиблар вакили Забиулла Мужаҳид бомба ҳаракатга келганини инкор қилмоқда. Унинг сўзларига кўра, аскарлар бозорда миномёт билан ўққа тутишган. Бунинг натижасида бир нечта тинч аҳоли ҳалок ва ярадор бўлган.

* Россия ва қатор давлатларда тақиқланган террорчилик ташкилот

100
Теглар:
Ҳилманд, портлаш, Афғонистон

БССТ коронавирус пандемияси сабабли мактаблар ёпилиши самарасига баҳо берди

17
Коронавирус инфекцияси билан беморланган инсонлар сонининг кескин ортиши Европа давлатларини чеклов чораларини қатъийлаштиришга мажбур этди

ТОШКЕНТ, 27 окт - Sputnik. Мактаблар ёпилиши – коронавирус пандемиясига қарши камтаъсирли чора, дея баёнот қилди Бутунжаҳон соғлиқни сақлаш ташкилотининг Европа бўйича минтақавий директори Ханс Клюге.

"Мактабларнинг ёпилиши инфекцияга қарши курашда кўпам самарали эмас, шу боис, уларни очиш лозим. Айниқса, ҳаётий қийин шароитдаги болалар катта таъсирда қолмоқда", - деб ёзди Клюге ўзининг Twitterдаги саҳифасида.

COVID-19га чалиниш ҳолатлари кўпаяётгани муносабати билан, БССТ европа бўлимига тегишли тавсияномалар келиб тушмоқда, деб таъкидлади у.

Коронавирус инфекцияси билан беморланган инсонлар сонининг кескин ортиши Европа давлатларини чеклов чораларини қатъийлаштиришга мажбур этди. Хусусан, Чехияда 5 октябрдан фавқулодда ҳолат режими амал қилмоқда, мамлакат мактаблари ёпилган. Германияда энг кескин чоралар Бавариянинг Берхтесгаденер-Ландесида киритилган, бу ерда болаларга узрли сабабларсиз уйдан ташқарига чиқиш таъқиқланган, мактаблар ҳам фаолият юритмаяпти.

Бутунжаҳон соғлиқни сақлаш ташкилоти 11 март куни янги турдаги COVID-19 коронавирус инфекциясини пандемия, деб эълон қилган эди.

17

Қодиров Макронни “эътиқодга маломат ёғдиришни бас қилишга” чақирди

77
(Янгиланган 18:03 27.10.2020)
Қодировнинг таъкидлашича, Макрон пайғамбарга чизилган ҳажвий расмлар диндорлар томонидан қанчалик оғир қабул қилинишини билмайди. У ўзининг хатти-ҳаракатлари билан оловни ўчирмаяпти, аксинча уни аланга олдирмоқда.

ТОШКЕНТ, 27 окт — Sputnik. Чеченистон раҳбари Рамзан Қодиров Франция президенти Эммануэль Макронни “эътиқодга маломат ёғдиришни бас қилишга” чақирди ва уни одамларни терроризмга Франция ҳукуматининг ҳозирги хатти-ҳаракати ва шахсан мамлакат президенти ундаётгани ҳақида огоҳлантирди.

Қодировнинг таъкидлашича, Макрон пайғамбарга чизилган ҳажвий расмлар диндорлар томонидан қанчалик оғир қабул қилинишини билмайди. У ўзининг хатти-ҳаракатлари билан оловни ўчирмаяпти, аксинча уни аланга олдирмоқда.

Чеченистон раҳбарининг сўзларига кўра, Макрон ва Европа мамлакатларининг бошқа етакчилари “дин”, “маданият”, “ахлоқ” каби тушунчаларга ҳурмат билан муносабатда бўлмас экан, уларнинг давлатларида муносиб келажак ва тартиб бўлмайди. Динга бўлган таҳқирли муносабат, унинг устидан кулишни улар сўз эркинлиги деб ҳисоблашади, бироқ ўзлари бошқа кишилар  қадриятларига чанг солишади.

“Ҳозирча кеч эмас экан, эътиқодга маломат ёғдириш ва иғволарни бас қил, Макрон. Бўлмаса тарихга аҳмоқона қарорларни қабул қилган президент сифатида кирасан. Сенинг ҳажвий расмларни чоп қилиш ҳақидаги абсурд позициянингни нафақат бутун дунё мусулмонлари, балки соғлом фикрли ҳар қандай бошқа дин вакиллари ҳам қораламоқда”, - дея ёзган Қодиров ўзининг телеграм каналида.

У эътиқод устидан кулиш Париж яқинидаги ўқитувчининг аянчли тақдирига сабаб бўлган деб ҳисоблайди.

“Нима ҳам дердим, Макрон, агар сен уни террорчи деб атасанг, унда сен юз карра ёмонсан, ахир сен терроризмга мажбурлаяпсан, одамларни унга ундамоқдасан, танлов қолдирмаяпсан, ёшлар миясида экстремистик  ғоялар экишга шароит яратмоқдасан. Сен қўрқмасдан ўзингни мамлакатингда терроризмнинг лидери ва илҳомлантирувчиси деб айтишинг мумкин”, - дея сўзларига якун ясаган у.

Аввалроқ Макрон Францияда сепаратизмга қарши кураш борасида катта нутқ билан чиқиш қилди ва республика қадриятларини мустаҳкамлашга қаратилган қонунчилик лойиҳаси 9 декабрда тақдим этилишини айтган эди.

Париж мусулмон давлатларидан француз товарлари бойкотини тўхтатишни талаб қилди

Макрон Франция мусулмонлар кенгаши билан биргаликда, мамлакатда "маърифатли исломни" қуришга ёрдам берадиган ташкилотни яратиш зарурияти ғоясини илгари сурди. Бундай ҳаракатларга Муҳаммад пайғамбарга чизилган карикатураларни намойиш қилган ва кейинчалик бу ҳаракати учун ўлдирилган ўқитувчи ҳодисаси сабаб бўлган эди.

Charlie Hebdo карикатуралари учун қасос: Парижда ўқитувчи бошидан жудо қилинди

Хусусан, Макрон Франция бунга ўхшаш ҳажвий суратларни чоп этишни давом эттиришини тасдиқлаган эди.

77