Американский длллар и юань

Қоидаларни бузишса SWIFT'ни ўчирамиз. АҚШга Гонконгни деб долларнинг қулаши керакми?

465
Вашингтон Хитойга “Гонконг автономиясини қулатиши ва инсон ҳуқуқларини бузганлиги” учун санкцияларни ваъда қилмоқда. Ҳозирча гап хитойлик амалдорларга визаларни чеклаш хақида бормоқда.

Вашингтон Хитойга “Гонконг автономиясини қулатиши ва инсон ҳуқуқларини бузганлиги” учун санкцияларни ваъда қилмоқда. Ҳозирча гап хитойлик амалдорларга визаларни чеклаш хақида бормоқда, аммо янада кескинроғи - Хитойни SWIFT банк ўтказмалари тизимидан узиб қўйишгача чоралар эҳтимолдан ҳоли эмас.

Оддий ҳақиқат ҳаммага аён: SWIFT дунёнинг иқтисодий моделининг бир қисми сифатида геосиёсатга қизиқиш билдирмайди, лекин геосиёсат SWIFT-га қизиқади. Ҳеч кимга сир эмаски, яқиндан бери ушбу халқаро пул ўтказмалари тизими АҚШ қўлида шантаж воситасига айланди.

Вашингтонга ҳар қандай давлат “ўзини нотўғри” тутаётгани кўриниши биланоқ, Оқ уй дарҳол унга халқаро пул ўтказмалари тизимидан узиш билан таҳдид қилмоқда.

Тўғри, одатда АҚШ таҳдидлари кўпинча амалга ошмайди, лекин давлатларнинг ушбу тизим хизматларидан узиб қўйишнинг икки ҳолати бўлган. Масалан, 2017 йилда ушбу чора Шимолий Кореяга нисбатан қўлланилган, бундан олдин эса 2012 йилда Эрон SWIFT'га кириш ҳуқуқидан маҳрум бўлган эди. Мана энди эса навбат Хитойга.

Мутахассисларнинг фикрига кўра, мамлакатни SWIFT тизимидан узиб қўйиш хавфи жуда жиддий, чунки бу ҳолатда мамлакатнинг ўзи эмас, балки америкаликлар танлаган “нишон” билан ишлайдиган барча компаниялар зарба остида қолади.

Хитой ҳолатида эса маълум зарар етказилиши мумкин, чунки Хитой ташқи савдосининг бир қисми доллар кўринишида амалга оширилади. Аммо бу ҳолда, Пекин ҳозирда нафақат синовдан ўтказаётган, балки аллақачон 96 мамлакатни қамраб олган CIPS тўлов тизими унга жуда қўл келади.

Шунинг учун, энг ёмон ҳолатда ҳам, Хитой SWIFT'га тўлиқ ўринбосарни ишга тушириши мумкин. Бу ҳолда, дунёда иккита бир-биридан ажралган молиявий тизим вужудга келади ва натижада бу америкаликларнинг ўзига жиддий зарба бериши мумкин.

Ахир бунда АҚШ ихтиёрий равишда янги молиявий платформанинг асосий валютасига айланадиган юанни кучайтиришига тўғри келади. АҚШнинг ўзи, триллион долларлик космик давлат қарзини ҳисобга олган ҳолда, қолган дунёни доллардан “қочишини” ва олдинги мавқеини йўқолишига олиб келадиган дефолтни кутиши мумкин.

Шунинг учун, Оқ уйнинг бу таҳдидларини фақатгина АҚШ ва Хитой ўртасидаги савдо битими бўйича музокараларнинг навбатдаги босқичи қадами маъносида кўрса бўлади. Трамп, одатдагидек, муҳим учрашув олдидан ставкаларни кўтаради. Аввалига у вазиятни кескинлаштиради, уни иложи борича қиздиради, кейин эса Си Цзинпинни унинг энг яқин дўсти эканлигини ва томонлар музокараларни давом эттираётганини маълум қилади.

Айтиш жоизки, Пекин Гонконгдаги вазият бўйича Хитой расмийларига қарши санкцияларни жорий этиш қарори борасида Вашингтонга “қатъий норозилик” билдирди. Хитой АҚШга “жиддий қаршилик” билан таҳдид солиб, ўз ички ишларига аралашмасликка чақирди – аҳир Хитой учун SWIFT'нинг ўз аналогини ишга тушириш муаммо ҳисобланади.

Шу сабабли, ҳозирги шароитда АҚШ доллар тизимининг тобутига яна бир михни ўз қўллари билан қоқиши керакми деган савол яна қуруқ гапга ўхшаб қолмоқда.

Муаллиф Ольга Гаврилова, Sputnik радиоси

465
Сотрудники правоохранительных органов и журналисты у здания бизнес-центра Леонардо в Киеве

Киевда банкни портлатиш билан таҳдид қилган Суҳроб Каримов психоневрологик рўйхатда туради

260
Украина Ички ишлар вазирлиги Киевда банкни портлатиш билан таҳдид қилган ўзбекистонликнинг руҳий носоғлом эканини тасдиқлади.

ТОШКЕНТ, 3 авг — Sputnik. Киевда банк бўлимини портлатиш билан таҳдид қилган Ўзбекистон фуқароси Суҳроб Каримовга олигофрения касаллиги ташхиси қўйилган ва у психоневрологик рўйхатда туради. Бу ҳақда Украина Ички ишлар вазири ўринбосари Антон Герашенко Facebook’да пост ёзди.

“Суҳроб Каримов 1998 йилдан буён олигофрения касаллиги ташхиси билан Ўзбекистонда психоневрологик рўйхатда турган. Ушбу касаллик ташхиси унга 10 ёшлигида қўйилган. Каримов Украинада хотиржам ҳаёт тарзида яшаган ва аввал жиноий жавобгарликка тортилмаган”, – дейилган постда.

Шунингдек, ИИВ вакили банк бўлими биносида портловчи моддалар ва буюмлар топилмаганини маълум қилган.

“Энди у узоқ вақт давомида панжара ортида бўлишига тўғри келади”, – деб ёзган Герашенко.

260
Угрожающий взорвать бомбу в Киеве является гражданином Узбекистана

ТИВ Киевда бомба портлатиш билан таҳдид қилган шахснинг фуқаролигига аниқлик киритмоқда

333
(Янгиланган 20:27 03.08.2020)
Ўзбекистон Ташқи ишлар вазирлиги Киев банкида бомба портлатиш билан таҳдид қилган шахснинг фуқаролигига аниқлик киритмоқда.

ТОШКЕНТ, 3 авг — Sputnik. Ўзбекистон Ташқи ишлар вазирлиги ТИВ Киев марказида банкда бомба портлатиш билан таҳдид қилган шахснинг фуқаролигига аниқлик киритмоқда. Бу ҳақда республика ТИВ РИА Новостига маълум қилди.

“Ўзбекистон Ташқи ишлар вазирлиги расмий каналлар орқали Киевда юз берган ҳолат юзасидан маълумотни аниқлаштирмоқда. Хусусан, бинони портлатиш билан таҳдид қилаётган шахс Ўзбекистон фуқароси эканлигига аниқлик киритилмоқда”, - деди вазирлик ходими.

“Леонардо” бизнес-маркази банкида бомба портлатмоқчи бўлган киши 40 минг гривен (1440 доллар) талаб қилган.

Бундан аввал, Украина Ички ишлар вазири ўринбосари Антон Герашенко Киев банкида бомба портлатиш билан тахдид қилаётган фуқаронинг шахси аниқлаганлигини маълум қилди. Дастлабки маълумотларга кўра, террорчилик амалга ошириш билан таҳдид қилган шахс – Ўзбекистон фуқароси, 1988 йил 25 мартда туғилган Каримов Суҳроб Рахманович.

 

333

Лукашенконинг собиқ рақиби дунёнинг 32 етакчисига мактуб ёзди

47
Президентлик пойгасида Александр Лукашенконинг рақиби бўлган Валерий Цепкало 30дан ортиқ давлат етакчиларига мактуб ёзди ва унда айни вақтда Беларусь ҳукумати мамлакатда сайлов жараёнининг эркин ва адолатли ўтказилишига фаол тўсқинлик қилаётгани ҳақида баён этди

ТОШКЕНТ, 4 авг — Sputnik. Беларус президенти лавозимига даъвогарлик қилган собиқ номзод, Юқори технологиялар парки собиқ раҳбари Валерий Цепкало дунёнинг 32 давлат етакчиларига республикада эркин сайловларни ташкил этишда ёрдам сўраб мактуб йўллади, деб хабар бермоқда РИА Новости.

Айни вақтда Беларусда сайлов кампанияси бўлиб ўтмоқда, асосий овоз бериш куни 9 августга белгиланган. Муддатдан олдин овоз бериш 4 август куни бошланади. Президент лавозимига беш киши даъвогарлик қилмоқда, улар орасида олтинчи марта ўз номзодини президентликка илгари сурган амалдаги давлат раҳбари Александр Лукашенко ҳам бор.

"Бутун Беларус халқи номидан овоз бериш ва овозларни санашда халқаро кузатувни ташкил этишда қўллаб-қувватлашингизни, давлатингиз ҳудудида истиқомат қилувчи Беларус фуқаролари учун ҳам ушбу овоз бериш жараёнининг ўтказилишини қўллаб-қувватлашингизни сўрайман", - деб ёзган Цепкало.

У шунингдек, Беларусь оппозицияси мақсади - Светлана Тихановская ғалабаси эканлигини айтган. Сиёсатчининг сўзларига кўра, Тихановская давлат раҳбари этиб сайланган тақдирда, олти ойгача бўлган муддатда янги президент сайловлари ўтказилади ва унда барча номзодлар, жумладан, қамоқда бўлганлари ҳам иштирок этади.

Икки ҳафта бурун Цепкалонинг шошилинч тарзда Москвага йўл олгани хабар қилинган эди. Сиёсатчининг рафиқаси Беларусда қолган. РИА Новости билан суҳбатда, Цепкало, айни вақтда ҳибсга олиниши хавфи борлиги учун ватанга қайтиш нияти йўқлигини маълум қилган. Ўтган ҳафтада сиёсатчи Украинага етиб келган.

47