Пустое кресло

Россияда амалдорлар арзимаган гуноҳлари учун ҳам ишдан олинмоқда

563
(Янгиланган 17:08 30.06.2020)
Россияда амалдор ва машҳурларнинг ҳар қандай қоидабузарлиги уларнинг қаттиқ жазоланишига олиб келмоқда.

ТОШКЕНТ, 30 июн - Sputnik. Ижевск шаҳри маъмурий суди Россия Савдо ва сановат вазири ўринбосари Дмитрий Завьяловнинг ишини кўриб чиқиб, унга 2 рубл жарима ёзди, деб хабар қилмоқда РИА Новости.

Маълум бўлишича Завьялов Ижевск шаҳри аэропортида, ўрнатилган хавфсизлик талабларига риоя қилмасликда айбланган. Амалдор 5 апрел куни аэропортга кириш вақти авиачиптасини кўрсатмаган ва полиция ходимига ҳурматсизлик қилган.

Ушбу воқеа акс этган видео интернетда кенг тарқалиб кетганидан сўнг, “Единая Россия” партияси уни ўз сафидан чиқарган эди. Бу ҳам етмагандан саноат ва савдо вазири Завьяловнинг бу қилмиши қоралаб чиққан эди. Бироздан сўнг уни ишдан ҳам бўшатишди, расман “лавозим бекор қилиниши муносабати билан”.

Дарҳақиқат, Россияда охирги вақтларда фуқаролар ва оддий мавқедаги давлат хизматчиларини менсимаган амалдорларга нисбатан тез ва кескин чоралар кўрилмоқда. Чувашия Республикаси губернатори Михаил Игнатьев иши эсингиздами? Янги машиналар калитини ўт ўчирувчиларга топшириш вақтида губернатор калитни баланд кўтариб ўт ўчирувчини сакрашга мажбур қилган эди. Ижтимоий тармоқларда унинг ушбу ҳаракати “менсимаслик” деб баҳо берилди ва қаттиқ қораланди. Губернатор “ишончни йўқотгани” сабаби билан ишдан олинди.

Худди шундай тақдир ўзини тутишни билмаган санъат ва спорт юлдузларларини ҳам четлаб ўтаётгани йўқ.

Ўтган йили Россия терма жамоаси аъзолари Кокорин ва Мамев кафеда уюштирган жанжали учун бир неча ой қамоқда ўтириб чиққан эди. 

Яқинда таниқли актёр Евремов иштирокида содир бўлган ЙТҲ бўйича суриштирув ҳалигача давом этмоқда. Жамоатчилик томонидан актёрнинг ушбу ҳаракати қаттиқ қораланмоқда. Актёр оғир касаллиги туфайлигина уй қамоғида бўлиб турибди.

Кечагина яна бир “юлдуз” собиқ балерина Анастасия Волочкова ҳам карантин туфайли кириш таъқиқланган аёллар монастирига кириб боргани ва полиция ходимларига менсимаслик қилгани маълум бўлди. РИА Новости хабарига кўра Волочкова ва унинг ҳайдовчисини суд ва жарима кутмоқда.

563
Сотрудники правоохранительных органов и журналисты у здания бизнес-центра Леонардо в Киеве

Киевда банкни портлатиш билан таҳдид қилган Суҳроб Каримов психоневрологик рўйхатда туради

260
Украина Ички ишлар вазирлиги Киевда банкни портлатиш билан таҳдид қилган ўзбекистонликнинг руҳий носоғлом эканини тасдиқлади.

ТОШКЕНТ, 3 авг — Sputnik. Киевда банк бўлимини портлатиш билан таҳдид қилган Ўзбекистон фуқароси Суҳроб Каримовга олигофрения касаллиги ташхиси қўйилган ва у психоневрологик рўйхатда туради. Бу ҳақда Украина Ички ишлар вазири ўринбосари Антон Герашенко Facebook’да пост ёзди.

“Суҳроб Каримов 1998 йилдан буён олигофрения касаллиги ташхиси билан Ўзбекистонда психоневрологик рўйхатда турган. Ушбу касаллик ташхиси унга 10 ёшлигида қўйилган. Каримов Украинада хотиржам ҳаёт тарзида яшаган ва аввал жиноий жавобгарликка тортилмаган”, – дейилган постда.

Шунингдек, ИИВ вакили банк бўлими биносида портловчи моддалар ва буюмлар топилмаганини маълум қилган.

“Энди у узоқ вақт давомида панжара ортида бўлишига тўғри келади”, – деб ёзган Герашенко.

260
Угрожающий взорвать бомбу в Киеве является гражданином Узбекистана

ТИВ Киевда бомба портлатиш билан таҳдид қилган шахснинг фуқаролигига аниқлик киритмоқда

334
(Янгиланган 20:27 03.08.2020)
Ўзбекистон Ташқи ишлар вазирлиги Киев банкида бомба портлатиш билан таҳдид қилган шахснинг фуқаролигига аниқлик киритмоқда.

ТОШКЕНТ, 3 авг — Sputnik. Ўзбекистон Ташқи ишлар вазирлиги ТИВ Киев марказида банкда бомба портлатиш билан таҳдид қилган шахснинг фуқаролигига аниқлик киритмоқда. Бу ҳақда республика ТИВ РИА Новостига маълум қилди.

“Ўзбекистон Ташқи ишлар вазирлиги расмий каналлар орқали Киевда юз берган ҳолат юзасидан маълумотни аниқлаштирмоқда. Хусусан, бинони портлатиш билан таҳдид қилаётган шахс Ўзбекистон фуқароси эканлигига аниқлик киритилмоқда”, - деди вазирлик ходими.

“Леонардо” бизнес-маркази банкида бомба портлатмоқчи бўлган киши 40 минг гривен (1440 доллар) талаб қилган.

Бундан аввал, Украина Ички ишлар вазири ўринбосари Антон Герашенко Киев банкида бомба портлатиш билан тахдид қилаётган фуқаронинг шахси аниқлаганлигини маълум қилди. Дастлабки маълумотларга кўра, террорчилик амалга ошириш билан таҳдид қилган шахс – Ўзбекистон фуқароси, 1988 йил 25 мартда туғилган Каримов Суҳроб Рахманович.

 

334

Лукашенконинг собиқ рақиби дунёнинг 32 етакчисига мактуб ёзди

49
Президентлик пойгасида Александр Лукашенконинг рақиби бўлган Валерий Цепкало 30дан ортиқ давлат етакчиларига мактуб ёзди ва унда айни вақтда Беларусь ҳукумати мамлакатда сайлов жараёнининг эркин ва адолатли ўтказилишига фаол тўсқинлик қилаётгани ҳақида баён этди

ТОШКЕНТ, 4 авг — Sputnik. Беларус президенти лавозимига даъвогарлик қилган собиқ номзод, Юқори технологиялар парки собиқ раҳбари Валерий Цепкало дунёнинг 32 давлат етакчиларига республикада эркин сайловларни ташкил этишда ёрдам сўраб мактуб йўллади, деб хабар бермоқда РИА Новости.

Айни вақтда Беларусда сайлов кампанияси бўлиб ўтмоқда, асосий овоз бериш куни 9 августга белгиланган. Муддатдан олдин овоз бериш 4 август куни бошланади. Президент лавозимига беш киши даъвогарлик қилмоқда, улар орасида олтинчи марта ўз номзодини президентликка илгари сурган амалдаги давлат раҳбари Александр Лукашенко ҳам бор.

"Бутун Беларус халқи номидан овоз бериш ва овозларни санашда халқаро кузатувни ташкил этишда қўллаб-қувватлашингизни, давлатингиз ҳудудида истиқомат қилувчи Беларус фуқаролари учун ҳам ушбу овоз бериш жараёнининг ўтказилишини қўллаб-қувватлашингизни сўрайман", - деб ёзган Цепкало.

У шунингдек, Беларусь оппозицияси мақсади - Светлана Тихановская ғалабаси эканлигини айтган. Сиёсатчининг сўзларига кўра, Тихановская давлат раҳбари этиб сайланган тақдирда, олти ойгача бўлган муддатда янги президент сайловлари ўтказилади ва унда барча номзодлар, жумладан, қамоқда бўлганлари ҳам иштирок этади.

Икки ҳафта бурун Цепкалонинг шошилинч тарзда Москвага йўл олгани хабар қилинган эди. Сиёсатчининг рафиқаси Беларусда қолган. РИА Новости билан суҳбатда, Цепкало, айни вақтда ҳибсга олиниши хавфи борлиги учун ватанга қайтиш нияти йўқлигини маълум қилган. Ўтган ҳафтада сиёсатчи Украинага етиб келган.

49