Россияда конституцияга ўзгартиш киритиш бўйича сўнгги овоз бериш куни ўтмоқда

120
Марказий сайлов комиссиясида таъкидланганидек, Марказий сайлов комиссиясининг махсус йиғилишини талаб қиладиган жиддий қоидабузарликлар аниқланмади. Умумроссия жамоат фикрини ўрганиш маркази (ВЦИОМ) маълумотларига кўра, сайловчиларнинг иштироки 55% дан ошди.

ТОШКЕНТ, 1 июл - Sputnik. Бугун мамлакатнинг Асосий қонунига ўзгартириш киритиш зарурияти бўйича умумроссия овоз беришининг охирги куни. Дарвоқе, Россия президенти Владимир Путин ҳам овоз беришда қатнашди ва айнан масофадан эмас, балки шахсан барча хавфсизлик талабларига риоя қилган ҳолда.

РФ Марказий сайлов комиссиясининг маълумотларига кўра, овоз беришда (Москва вақти билан) соат 10.00 га овоз берувчиларнинг энг юқори кўрсаткичи Чечняда қайд этилди - 85,66%.

Шунингдек, Тува Республикасида ҳам овоз берувчиларнинг юқори - 86,32% иштироки қайд этилди.

Ҳозирги вақтгача овоз беришда Марказий сайлов комиссиясининг махсус йиғилишларини талаб қиладиган жиддий қоидабузарликлар аниқланмади. Бу ҳақда Россия Марказий сайлов комиссияси раҳбари Элла Памфилова маълум қилди.

Барча ҳудудларда зарур хавфсизлик талабларига риоя қилинмоқда: кириш жойларида антисептиклар ўрнатилган ва барча фуқароларнинг ҳарорати ўлчанмоқда.

Сайлов участкалари ҳодимлари ҳатто энг ғаройиб овоз берувчиларни ҳам эътиборсиз қолдирмаяптилар. Масалан, Барнаулда овоз бериш учун ҳайвонот боғи директори ўринбосари Даша лақабли айиқча билан келган.

Бошқа мажбурий санитария талаблари қаторида - барча кабиналарни мажбурий дезинфексия қилишдир. Бундан ташқари, участка ҳодимлари 1,5 метрлик зарур ижтимоий масофани таъминлашга эътибор беришмоқда.

Бирор сабабга кўра сайлов участкаларига кела олмаган фуқаролар уйларига, улар овоз бера олишлиги учун участка ҳодимлари келишмоқда. Масалан бундай тизим, Челябинск вилояти Солнечний қишлоғида яшовчи Улуғ Ватан уруши қатнашчиси Григорий Скриповга овоз беришга имкон берди.

Шу билан бирга, овоз бериш нафақат Россияда, балки чет элда ҳам бўлиб ўтмоқда.

Эслатиб ўтамиз, Россия Федерацияси Конституциясига ўзгартиришлар киритиш бўйича бутунроссия овоз бериши 22 апрелга белгиланган эди, аммо мамлакатдаги эпидемиологик вазият мураккаб бўлгани сабабли уни кейинга қолдиришга қарор қилинди. Кейинчалик президент овоз бериш 1 июл куни бўлиб ўтишини эълон қилди.

Масофавий овоз беришда икки синов ҳудуди - Москва ва Нижний Новгород вилояти аҳолиси иштирок этиши мумкин. РФ Конституциясига киритилган ўзгартишлар бўйича масофавий электрон овоз бериш 25-30 июн кунлари бўлиб ўтди.

120
Тело Владимира Ильича Ленина в Мавзолее В.И. Ленина

АҚШда Ленин жасадини сотиб олиш учун 50 миллион доллар тўплашди

639
(Янгиланган 18:01 18.09.2020)
АҚШда Лениннинг мўмиёланган жасадидан арт-объект сифатида фойдаланишмоқчи бўлишди. Бунинг учун улар Россияга мўмай пул таклиф қилишди.

ТОШКЕНТ, 18 сен — Sputnik. Владимир Лениннинг мўмиёланган жасадини сотиб олиш учун АҚШда 50 миллион доллар жамланди, деб хабар қилмоқда РИА Новости, америкалик рассом Дэвид Датунага асосан. 

Бироз олдин Датуна Вашингтонда Ленин мавзолейи нусхасини қуришни ва у ерга Ленин жасадини олиб келишни таклиф қилган эди. Ушбу таклиф Америка ва Россия фуқаролари томонидан қўллаб-қувватланди.

Дастлаб рассом дастлаб жасадни сотиб олиш учун ўз ҳисобидан 1 миллион доллар таклиф қилган, лекин бир сутка ичида ушбу таклифни амалга ошириш тарафдори бўлган турли фуқаролардан кўплаб таклифлар келиб тушган. Ташаббускорлар "Лойиҳа"ни амалга ошириш учун 50 миллиондан ортиқ маблағ жамлашга тайёрлигини билдиришган. 

Ушбу таклиф Россия Коммунистик партияси етакчиси Геннадий Зюганов томонидан кескин кутиб олинди. Сиёсатчи америкаликлар таклифига "Фақат сотқинларгина ўз ватанини, тарихини ва даҳоларини сотади" деб жавоб берди. 

Бунга америкаликлар "Ахир Ленин нафақат Россиядаги балким бутун дунё пролетариатининг отаси бўлган. Агар бутунлай беришни истамасангиз, балким вақтинча бериб турарсизлар", - деб жавоб қайтаришди. 

Айтиш жоизки, америкалик санъат ишқибозларининг ушбу таклифи асосида - соф тижорий манфаатлар ётибди. Рассом айтишига қараганда, ҳозир АҚШда кўплаб социал-коммунистик ўзгаришлар содир бўлмоқда ва мавзолей ана шундай ўзгаришлар тимсолига айланиши мумкин. Бундай арт-объектларга сайловлар олдидан талаб жуда катта бўлади.

Асли келиб чиқиши грузиялик бўлган рассом Дэвид Датуна ўзининг сиёсий портретлар ва байроқлар акс этган суратлари ва инсталляциялари билан танилган. 

Эслатиб ўтамиз, бироз олдин Россия Архитекторлар иттифоқи Ленин танаси мавзолейдан олиб кетилганидан сўнг ушбу бинодан қандай фойдаланиш мумкин, деган мавзуда танлов эълон қилган эди. Лекин Россияда ушбу таклиф кўпчиллик томонидан танқид остига олинди ва айни дамда Иттифоқ ўз танловини бекор қилган. 

639

Исроил дунёда биринчи бўлиб такрорий карантинни жорий қилди

256
(Янгиланган 17:06 18.09.2020)
Аввал бошдан одамларга уйдан 500 метр масофага узоқлашиш таъқиқланиши режалаштирилаётган эди, аммо натижада ҳукумат рухсат берилган масофани бир километргача узайтирди.

ТОШКЕНТ, 18 сен — Sputnik. Исроилда коронавирус туфайли такрорий умуммиллий карантин кучга кирди, деб хабар бермоқда РИА Новости.

Чекловлар уч ҳафтага узайтирилиши имкони билан киритилмоқда. Карантин чекловлари яҳудийларнинг кузги байрамлари вақтида ҳам амал қилади, дейилади хабарда.

Аввалроқ одамларга уйдан 500 метр масофага узоқлашишни таъқиқлаш режалаштирилаётган эди, аммо натижада ҳукумат рухсат берилган масофани бир километргача узайтирди.

Рухсат этилган масофадаги паркларга, болалар майдончалари ва диний ибодатларга чиқиш мумкин.

Бир километрдан ортиқ масофага фақатгина ишга, дори-дармонга, биринчи эҳтиёж товарлари, оғир шароитдаги одамларга ёрдам, дафн маросимлари, суд ёки донорлик марказига бориш мумкин.

Шунингдек, норозилик акцияларида иштирок этиш учун ҳам карантин қоидаларини бузиш мумкин.

Исроил ҳукумати меҳмонга бориш, пляжларда дам олиш, ўн кишидан ортиқ компанияларда йиғилишни чеклаган.

Таълим ва кўнгилочар муассасалари, кафе, ресторанлар ва спорт клублари, савдо марказлари, сартарошхоналар ва гўзаллик салонлари қаторида ёпиқ.

Бен Гурион номидаги аэропорт мамлакатга келиб-кетувчилар учун жорий этилган қоидалар асосида ўз ишини давом эттирмоқда. Исроилга чет элликларнинг келиши бўйича чекловлар март ойи ўртасидан бошлаб амал қилмоқда.

Карантин чекловларига амал қилинишини минглаб полициячилар назорат қилишади. Улар асосан тушунтириш ишларини олиб борадилар, "чидаб бўлмас" ҳолатлар учун жарималар кўзда тутилган.

Такрорий карантиннинг зарурлигини ўзининг махсус мурожаатида бош вазир Биньямин Нетаньяху тушунтириб ўтган.

"Менинг бош вазир сифатидаги мажбуриятларим ва масъулиятим нафақат сизнинг соғлиғингиз, балки ҳаётингиз учун ҳам қайғуришдан иборат. Агар геометрик прогрессияда ўсиш бор экан, сиз бунинг нималигини тушунишингизни истардим: бу фақатгина ноқулайлик эмас, бу фақатгина оғир касалларнинг кўплиги эмас, бу шундай ҳолатки, ҳатто касалхона койкалари кўпайтирилса ҳам - биз улар сонини кўпайтирдик, ҳатто зарур бўлган ИВЛ аппаратлари қўшилса-да - биз уни ҳам қўшдик, ҳатто врачлар ва ҳамширалар сони кўпайтирилганидан кейин ҳам бригадалар касалланиш тезлигини бошқара олмаяптилар - ҳамма нарсанинг ўз чегараси бор. Бунинг ортидан қурбонлар сони ортмоқда", — деди у.

Бош вазир шунингдек, аҳоли ва тадбиркорларни иқтисодий қўллаб-қувватлаш дастури тўғрисида ҳам тўхталиб ўтган.

Дастурга кўра, айрим юқори лавозимли давлат хизматчиларининг маошини 10 фоизга қисқартириш, бизнесга ёрдам кўрсатиш критерийларига ўзгартириш киритиш (бу товар айланмаси камида 25 фоизга пастлаган корхоналарга чиқимларни қоплаб беришни назарда тутади), пул тўловларини тезлаштирилган тартибда олиш, маҳаллий солиқ тўловларида ёрдам сингари бандларни ўз ичига олган.

Исроил умуммиллий карантинни такроран эълон қилган биринчи давлатга айланди. Карантин чекловлари май ойида, беморлар қайд этилиши суткасига бир нечтагача пастлаганда бекор қилинган эди. Хусусан, Соғлиқни сақлаш вазирлигига кўра, Исроилда 16 май куни фақатгина 2 киши COVID-19ни юқтирган. Аммо июнь ойидан бошлаб беморланиш ҳолатлари яна ўсишни бошлади, сентябр ўрталарига келиб суткасига олти минггача етди. Пандемия давомида 1169 киши вафот этди.

256
Автомобили во время снегопада

Бу йил қиш совуқ келиши кутилмоқда: мавсумга тайёргарлик бўйича қарор қабул қилинди

27
Вазирлар Маҳкамасига туман ва шаҳарлардаги ҳақиқий ҳолатдан келиб чиқиб, куз-қишга тайёргарлик юзасидан Тошкент шаҳрининг 12 та тумани, Қорақалпоғистон ва ҳар бир вилоят бўйича алоҳида-алоҳида қарор қабул қилиш топширилди

ТОШКЕНТ, 19 сен - Sputnik. Бу йил қиш совуқ келиб, ҳаво ҳарорати олдинги йилларга нисбатан 2-5 даража паст бўлиши кутилмоқда. Шу муносабат билан  Вазирлар Маҳкамасига туман ва шаҳарлардаги ҳақиқий ҳолатдан келиб чиқиб, куз-қишга тайёргарлик юзасидан Тошкент шаҳрининг 12 та тумани, Қорақалпоғистон ва ҳар бир вилоят бўйича алоҳида-алоҳида қарор қабул қилиш топширилди, деб хабар бермоқда Ўзбекистон президенти матбуот-хизмати.

Ўзбекистон Бош вазири Тошкент шаҳри туманларига, Бош вазирнинг биринчи ўринбосари вилоятларга шу масалалар бўйича масъул этиб бириктирилди.

Тайёргарлик ишларини, энг аввало, бу борада аҳвол оғир бўлган 56 та туман ва шаҳардан бошлаш кераклиги таъкидланди.

1 ноябрга қадар 3 мингдан зиёд таъмирга муҳтож кўп қаватли уйни куз-қиш мавсумига тайёрлаш, 131 та ижтимоий соҳа объектини мукаммал ва 3 мингтасини жорий таъмирлаш вазифаси қўйилди. Тиббиёт ва таълим муассасаларининг тайёргарлик ҳолати кўриб чиқилди.

Бу йил куз-қиш мавсуми учун 6 миллион тонна кўмир маҳсулотлари зарурлиги қайд этилиб, уларни ғамлаш ва етказиб бериш бўйича чора-тадбирлар белгиланди. Кўмир арзон бўлиши учун уни импорт қилувчи тадбиркорларга темир йўлда ташиш бўйича чегирма бериш муҳимлиги таъкидланди.

Бош прокуратурага кўмир нархини асоссиз ошириб юбориш, тамагирлик ва талон-торож ҳолатларининг олдини олиш юзасидан кўрсатма берилди.

"Ҳудудгазтаъминот" акциядорлик жамиятига табиий газ танқис ҳудудларга 385 минг тонна суюлтирилган газ етказиб бериш вазифаси қўйилди.

Жорий мавсумда электр энергиясига талаб ўтган йилгига нисбатан 7,5 фоиз кўп бўлиши кутилмоқда. Бу соҳа барқарор ишлаши учун иссиқлик электр станцияларини табиий газ ва мазут билан таъминлаш, электр тармоқлари, подстанция ва трансформаторларни таъмирлаш муҳимлиги таъкидланди.

Видеоселектор йиғилишида ҳукумат аъзолари, тегишли тармоқ ва ҳудудлар раҳбарлари ахборот берди.

27