Флаги стран ЕАЭС. Архивное фото

ЕОИИ бош вазирлари учрашуви 17 июл куни бўлиб ўтади

214
(Янгиланган 13:27 02.07.2020)
ЕОИИнинг 17 июлдаги учрашуви ушбу интеграцион иқтисодий иттифоқнинг мустаҳкамланиши учун хизмат қилади.

ТОШКЕНТ, 2 июл — Sputnik. Евроосиё иқтисодий иттифоқи бош вазирларининг учрашуви 17 июл куни бўлиб ўтади, деди журналистларга Россиянинг Минск шаҳридаги элчиси Дмитрий Мезенцев. РИА Новости хабарига асосан.  

"Биз 17 июл куни ЕОИИ давлатлари бош вазирларининг учрашуви бўлиб ўтишини кутмоқдамиз. Қандай кўринишда бўлмасин у иқтисодий интеграцион уюшманинг мустаҳкамланиши учун қўйилган қадам бўлади", - деди Мезенцев. 

Евроосиё иқтисодий иттифоқи - халқаро интеграцион иқтисодий уюшма бўлиб, 2015 йилнинг 1 январидан буён фаолият юритиб келмоқда. Унинг иштирокчилари - Россия, Арманистон, Беларус, Қозоғистон ва Қирғизстон. 2020 йил ЕОИИда Беларус Республикаси раислигида ўтади. 

2020 йилнинг апрел ойида Ўзбекистон Олий Мажлиси Республиканинг ЕОИИга кузатувчи мақомида қўшилишини қўллаб-қувватлади. 

214

Путин Россия нега гипертовушли қурол яратишга мажбур бўлганини айтди

124
Россия президенти Владимир Путин Россиянинг гипертовушли қурол яратиш сабабларини маълум қилди. Бунга АҚШнинг ракетага қарши мудофаа бўйича шартномадан чиқиб кетиши туртки бўлган.

ТОШКЕНТ, 20 сен — Sputnik. Россия президенти Владимир Путин Россиянинг гипертовушли қурол яратиш сабабларини маълум қилди. Бу ҳақда у “ВПК “НПО машиностроения” ОАЖ фахрий бош қурувчиси, бош директори Герберт Ефремов билан видеоконференция вақтида маълум қилди.

Путиннинг сўзларига кўра, АҚШ ракетага қарши мудофаа бўйича шартномадан чиқиб кетганидан сўнг Москва ушбу қуролни яратишга мажбур бўлган.

“Америка Қўшма Штатларининг 2002 йилда Ракетага қарши мудофаа бўйича шартномадан чиқиши Россияни гипертовушли қурол ишлаб чиқаришга киришишга мажбур қилди. Келгусида бутун ядро потенциалимизни амалда йўқ қилиш хусусиятига эга бўлиши мумкин бўлган АҚШнинг Ракетага қарши мудофаа стратегик тизимини кенгайтиришига жавобан бу қуролни яратишимиз шарт эди”, - деди Путин.

Путин ҳозир Россия илк бор энг янги тарихда энг замонавий қурол турларига эга эканлигини таъкидлади. Ҳозирда бундай қурол ҳеч кимда йўқ.

Ракетный комплекс Авангард
Министерство обороны РФ
Ракетный комплекс "Авангард"

“Ўнлаб йиллар давомида биз доим қувувчи ролида бўлишимизга тўғри келди, сиз буни яхши биласиз. Бу атом, ядро қуроллари, сўнгра стратегик авиация, ундан кейин қитъалараро ракета техникаси соҳаларида. Мана энди, янги тарихимизда илк бор Россия энг замонавий қурол турларига эга, улар бугунги кунда мавжуд барча қуроллардан кучи, тезлиги, аниқлиги бўйича бир неча баравар устун, бундай қурол ҳеч кимда йўқ, ҳар ҳолда, ҳозирча йўқ", - деди у.

© Sputnik / Михаил Климентьев
Герберт Ефремов — почетный генеральный директор, почетный генеральный конструктор НПО Машиностроения, советник главы корпорации по науке

Россия етакчиси суҳбат давомида “Авангард” гипертовушли мажмуасини айнан Герберт Ефремов яратганини маълум қилди.

124

Лукашенко 5 ноябрдан президент сифатида тан олинмайди - Европарламент

613
(Янгиланган 17:08 19.09.2020)
Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган.

ТОШКЕНТ, 19 сен — Sputnik. Европарламент Александр Лукашенкони 5 ноябрдан бошлаб республика раҳбари деб ҳисоблашдан тўхташлари ҳақида баёнот берди.

"Амалдаги аторитар етакчи Александр Лукашенконинг ваколатлари муддати тугаши билан <…>, парлмент уни мамлакат президенти сифатида бошқа тан олмайди", - дейилади резолюцияда.

Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган. Шунингдек, Европарламент Лукашенкога нисбатан эҳтимолий санкцияларни ҳам қўллаб-қувватлаган.

Беларус ТИВ Европарламентнинг ушбу ҳаракатларидан ихлоси қайтганлигини маълум қилди. Идора, шунингдек, ўзини холис ва демократик тузилма сифатида намойиш этадиган ушбу ташкилот "бурнидан нарироққа қарашга" ўзида сиёсий ирода топа олмаганлигини қайд этган.

Республика кенгашида резолюциянинг қабул қилиниши давлатнинг ички ишларига аралашув сифатида баҳоланди. Россия Давлат думаси спикери Вячеслав Володин ҳам ушбу ҳужжатга "ички аралашув" сифатида баҳо берган эди. Володинга кўра, резолюциянинг қабул қилиниши мамлакатдаги ҳукумат органларини алмаштиришга бўлган уринишдир.

Беларусдаги воқеалар

Беларусдаги оммавий протестлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 фоиз овоз олган. Оппозиция сайловларда Светлана Тихановская ғалаба қозонди, дея ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомет, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Расмий маълумотларга, илк кунларда 6,7 мингдан зиёд қўлга олинган. ИИВ хабарига кўра, тартибсизликлар давомида юзлаб одамлар жабрланган, жумладан, 120дан ортиқ куч ходимлари ҳам. Беларус ҳукумати маълумотига кўра, уч киши қурбон бўлган.

613
Аллея на Ганге

Оқилов болалар орасида ҳам коронавирус билан касалланиш кўпаётганини маълум қилди

24
Коронавирусга қарши кураш штаби аъзосининг сўзларига кўра, ҳозирда педиатрик койкалар захираси тайёрланмоқда.

ТОШКЕНТ, 20 сен — Sputnik. Коронавирусга қарши кураш штаби аъзоси Ҳабибулла Оқилов Ўзбекистонда ҳам болалар орасида коронавирус билан касалланиш ортаётганини маълум қилди.

“Мана, мактаблар ишлашни бошлади. Табиийки, касалланиш сони бугунга келиб ошиб бормоқда. Минг афсус, Ўзбекистонда олдин болалар деярли касал бўлмаётганди, ҳозир болалар контингентининг ичида ҳам касалланиш бор. Шунинг учун биз педиатрик койкалар захирасини ҳам тайёрлаяпмиз ва педиатр кадрларни ҳам тайёрлаш режалаштирилган”, - деди у “Ўзбекистон 24” телеканалига берган интервьюсида.

Аввалроқ 17 сентябрь куни Ўзбекистонда коронавирус пандемияси бошланган буён биринчи марта 11 ёшли бола вафот этгани маълум бўлганди.

Бўстонлиқ тумани Ғазалкент шаҳрида истиқомат қилган 11 ёшли фуқаро 5 сентябрь куни туман тиббиёт бирлашмаси қабул бўлимига тез тиббий ёрдам машинасида олиб келинган. Болада ўша вақтда бурундан қон кетиши, тана ҳароратининг 38 даражага кўтарилиши, нафас сиқиши кузатилган. Кўкрак қафаси ренгени қилинганда 50 фоиз зарарланиш аниқланган.

Бола 2012 йилдан буён сурункали гломерулонефрит, нефротик шакли, сурункали буйрак етишмовчилиги, камқонлик ва семизликнинг учинчи даражаси ташхиси билан диспансер назоратида турган ва ногиронлик нафақаси олиб келган.

Кўрилган даво чораларига қарамасдан, бемор сурункалн гломерулонефрит, буйрак етишмовчилининг терминал босқичи, семизлик ва анемиянинг учинчи даражаси,  икки томонлама пневмониянинг оғир шакли натижасида вафот этган.

24
Теглар:
Ўзбекистон, коронавирус
Мавзу:
COVID-19 умумжаҳон пандемияси