Дания “Шимолий Оқим-2”ни янги кемалар ёрдамида битказишга рухсат берди

392
(Янгиланган 17:15 06.07.2020)
Дания ҳукумати ўз ҳудудий сувларида “Шимолий Оқим-2”ни янги кемалар ёрдамида битказишга рухсат берди.

ТОШКЕНТ, 6 июл - Sputnik. Дания Энергетика агентлиги (DEA) Nord Stream 2 AG-га ўз сув ҳудудида “Шимолий Оқим-2”ни лангарли жойлашиш тизимига эга қувур ётқизадиган кемалар ёрдамида битказишга рухсат берди, деб хабар қилмоқда РИА Новости назоратчи идорага таяниб.

Энди янги кемалардан алоҳида ва динамик жойлашиш тизими билан жиҳозланган кемалар билан биргаликда фойдаланиш мумкин. Таъкидланишича, қурилишни Дания рухсати бўйича шикоят қиритиш муддати тугагунгача – 3 августгача бошлаб бўлмайди.

Nord Stream 2 AG ушбу лойиҳа Дания позицияси ва атроф-муҳитга таъсири ҳисобга олинган ҳолда амалга оширилишини маълум қилди. Оператор таъкидлашича турли хил вариантларни кўриб чиқилиши давом этмоқда ва қурилиш режалари ҳақида “ўз вақтида” ҳабардор қилишга ваъда берди.

Дания илгари Балтика денгизининг тубида портламай қолган ўқ-дориларга тегиши мумкин бўлган лангарли жойлашувига эга кемалар ишлатилишини тақиқлаган эди.

Газ қувурини қурилиши

“Шимолий Оқим-2” Россия қирғоқларидан Балтика денгизи орқали Германияга ўтадиган иккита қувур қуришни назарда тутади. Ўз суюлтирилган газини Европада илгари сураётган АҚШ, ҳамда Украина ва бир қатор Европа давлатлари ушбу лойиҳага қарши фаол чиқмоқда.

Ўтган йил охирида АҚШ мудофаа бюджетини қабул қилганидан сўнг қувур ёткизиш ишлари тўхтатилди. Унга “Шимолий Оқим-2”ни қуришда иштирок этган компанияларга қарши санкциялар киритилган. Шунда газ қувурини ётқизиш билан шуғулланган, Швейцариянинг Allseas компанияси ўз фаолиятини тўхтатди.

АҚШ санкциялари

Аввалроқ АҚШнинг Вакиллар палатасида газ қувури лойиҳасига қарши санкцияларни кучайтирилишини кўзда тутувчи қонун лойиҳаси киритилган эди. Бундан ташқари, июн ойининг бошида АҚШ Сенатига “Шимолий Оқим-2”-га қарши яна бир қонун лойиҳаси киритилди. У газ қувурини ётқизиш билан шуғулланаётган кемаларнинг суғурталовчиларига нисбатан санкциялар жорий қилишни таклиф қилмоқда.

Германия ҳукумати Оқ уй газ қувурига нисбатан қўшимча санкциялар таҳдидини амалга оширса, жавоб тайёрлашга ваъда берди. Германия Иқтисодиёт вазирлигининг ички ҳужжатига кўра, АҚШнинг янги санкциялари Европанинг кўплаб компаниялари ва банкларига, шунингдек ҳукумат ташкилотларига таъсир қилиши мумкин. Бунга жавобан Меркел ҳукумати ЕИнинг мувофиқлаштирилган ҳаракатлар режасини кўриб чиқмоқда.

392
Работа программиста

Масофадан туриб ишлаб энг катта маош оладиганлар аниқланди

250
(Янгиланган 14:13 19.10.2020)
Россияда масофадан туриб ишлаб энг катта маош оладиган касблар аниқланди - аксарияти компьютер дастурчилари ва шунга яқин соҳалар.

ТОШКЕНТ, 19 окт — Sputnik. Россия меҳнат бозорида масофадан туриб ишлаб, энг катта маош оладиган касблар санаб ўтилди, РИА Новости хабарига асосан.  

Работа.ру портали маълумотига кўра, энг юқори маош 1С дастурчи-таҳлилчисига – 270 минг рубл (3500 $) таклиф қилинмоқда. Номзоддан камида 4 йиллик тажриба ҳамда 1С конфигурацияларидан бирини мукаммал билиш ва маълумотлар базаси билан ишлаш кўникмалари талаб қилинади.

Иккинчи ўринда, 200 минг рубл (2500$) маош билан Ташқи иқтисодий-алоқалар менеджери қидирилмоқда. Ундан хориждан wending автоматлар сотиб олиш, уларни Россия ҳудудига олиб келиш схемасини ташкил қилиш талаб қилинади. Номзоддан 5 йиллик тажриба ва хорижий тилларни билиш ва музокаралар олиб бориш тажрибаси талаб этилади.

Сберавто backend-дастурчисига – 180 минг рубл (2300$) таклиф қилинмоқда. Ундан дастур ишлаб чиқиш, Golang дастурлаш тилини билиш ҳамда Docker ва Kubernetes дастурларидан фойдаланиш тажрибаси талаб қилинади.

Юқори малакали Html-дастурчига – 140 минг рубл таклиф қилинмоқда. Ундан 3 йиллик тажриба, HTML5 ва CSS3 тилларини билиш талаб этилади.

Шунингдек масофадан туриб ишлаш имконияти UX/UI веб дизайн курслари ўқитувчиларига ҳам таклиф қилинмоқда. Ушбу соҳада 3 йилдан ортиқ тажрибаси бўлган номзодларга 100 мингдан ортиқ маош таклиф қилинмоқда.

250

Қирғизистон президенти в.б. Жапаров сайловларда иштирок этиш шартини айтди

418
(Янгиланган 13:41 19.10.2020)
Ҳозир Қирғизистон Конституциясига кўра президенти вазифасини бажарувчи шахс президентликка номзодини илгари сура олмайди.

ТОШКЕНТ, 19 окт — Sputnik. Қирғизистон президенти вазифасини бажарувчи Садир Жапаров агар қонунчиликка тегишли ўзгартириш киритилса, президент сайловларида иштирок этишга тайёрлигини маълум қилди.

Ҳозир мамлакат Конституциясига кўра президенти вазифасини бажарувчи шахс президентликка номзодини илгари сура олмайди.

“Ҳозир парламентда парламент ва президент сайловлари тўғрисидаги қонунчиликка ўзгаришлар тайёрланмоқда. Агар қонуннинг бу ўзгаришлари натижасида сайловларда иштирок этишга рухсат этилса, мен иштирок этаман”, - деди Жапаров “Россия-24” телеканалига берган интервьюсида.

Унинг сўзларига кўра, бу ҳақда гапиришга ҳозирча эрта, бу масалага оид қарор ҳали қабул қилинмаган.

Намойишлардан истеъфогача: Қирғизистонда бўлган воқеалар қисқа сатрларда

5 октябрь куни Бишкекда парламент сайловлари натижаларидан норози бўлганларнинг норозилик намойишлари бошланди. Намойишлар тезда тартибсизликларга айланиб кетди. Қирғизистон бош вазири Кубатбек Боронов ва парламент спикери Дастанбек Жумабеков истеъфога чиқди. МСК сайлов натижаларини ҳақиқий эмас деб топди.

Қирғизистон косаси тўлган кун - тартибсизликларга нима сабаб бўлди

Канат Исаев парламент спикери ва намойишчилар қамоқдан озод қилган Садир Жапаров бош вазир этиб сайланди. 15 октябрь куни Қирғизистон президенти Сооронбай Жээнбеков истеъфога чиқишини эълон қилди. Исаев президент мажбуриятларини бажаришдан бош тортди. Конституцияга биноан президент ваколатлари бош вазир Жапаровга ўтди.

418

Ўткир тишли вирус, ниқоб ва шифокорлар: турли мамлакатлардаги граффитлар сара суратлар

0
Жорий йилда коронавирус пандемияси санъатнинг ажралмас қисмига айланди десак, асло муболаға бўлмайди.

Коронавирус ҳаётимизга шунчалик жиддий кириб келдики, ниқоб таққан кишилар ва вируслар 2020 йилда санъатнинг ажралмас қисмига айланди.

Дунёнинг турли бурчакларида шифокорлар, коронавирус ва пандемияга бағишланган граффитлар пайдо бўлди.

Sputnik жамланмасида сара суратлар.

0
  • © REUTERS / Piroschka van de Wouw

    Амстердамда Голландия ҳукумати томонидан эълон қилинган янги ижтимоий чекловлардан сўнг ниқоб кийган одам Халқаро кўча санъати музейида санъат асарига қараб турибди.

  • © AP Photo / Mosa'ab Elshamy

    Ниқоб таққан аёл Мароккода ниқоб таққан Мона Лиза граффити олдида.

  • © REUTERS / John Sibley

    Лондон марказида граффити қаршисида турган аёл.

  • © AFP 2018 / Vladimir Zivojinovic / STR

    Сербияда рассомлар граффит чизмоқда.

  • © AP Photo / Binsar Bakkara

    Индонезияда ниқоб тақиш зарурлигини эслатувчи граффит.

  • © AFP 2018 / Mohammed Abed

    Фаластинда болакай ўткир тишли вирус олдидан ўтиб кетяпти

  • © AFP 2018 / Juni Kriswanto

    Ява оролида ҳароратни ўлчаётган киши тасвирланган граффит.

  • © REUTERS / Edgard Garrido

    Мексикада тиббиёт ходимларига бағишланган граффит.

  • © AP Photo / Luca Bruno

    Италиядаги ҳамшира граффити.

  • © AFP 2018 / Oli Scarff

    Манчестерда одамлар тиббиёт ходими граффити қаршисида. Буюк Британия.