Города мира. Пхеньян

Шимолий Корея АҚШ билан музокаралардан бош тортди

114
КХДР ТИВнинг АҚШ ишлари бўйича вакили Пхеньян Вашингтон билан музокаралар олиб бормоқчи эмаслигини маълум қилди.

ТОШКЕНТ, 7 июл - Sputnik. Пхеньян Вашингтон билан музокаралар олиб бормоқчи эмас. Бу ҳақда КХДР ТИВнинг АҚШ ишлари бўйича вакили Квон Чжон Гин маълум қилди, дея ёзади Шимолий Корея марказий телеграф агентлиги.

Нашр маълумотига кўра, Шимолий Корея ТИВ аввалроқ КХДР-АҚШ саммити ҳақидаги “бевақт” миш-мишларга нисбатан ўз позициясини аниқ баён қилган. Ташқи сиёсий идора баёнотида АҚШ КҲДРга нисбатан “қасддан қатъий ғаразли сиёсатни” қўллаётгани, ҳеч қандай янги шартларни таклиф қилишга тайёр эмаслиги ва ушбу мавзуни ички сиёсий инқирозни ҳал қилиш учун ишлатаётгани, шунинг учун Шимолий Корея юқори даражадаги музокараларда эҳтиёж сезмаётгани ва эҳтимолий саммит ҳақидаги хабарлардан ҳайратда эканлиги айтилган.

“Биз АҚШ билан юзма-юз учрашиш ниятимиз йўқлигини яна бир бор очиқчасига таъкидлаймиз”, - дейилган баёнотда.

Аввалроқ, корейслараро муносабатлар кескинлашганидан сўнг, турли мамлакатларнинг ОАВлари ва экспертлари, шунингдек, баъзи расмийлар Шимолий Корея ва АҚШ ўртасида саммит ўтказиш зарурлигини ва ҳатто мумкинлигини ҳам таъкидлашган. Саммитни АҚШ президентлик сайловларигача ўтказиш умидини Жанубий Корея етакчиси Мун Чже Ин билдирди. Шунингдек, 7-9 июль кунлари АҚШнинг КХДР бўйича махсус вакили Стивен Биган Жанубий Кореяга ташриф буюриши кутилмоқда.

АҚШ ва КХДРнинг тарихда биринчи саммити 2018 йил 12 июнь куни Сингапурда бўлиб ўтди. Шундан сўнг АҚШ президенти Дональд Трамп ва Шимолий Корея раҳбари Ким Чен Ин ўртасида яна иккита учрашув бўлиб, улардан бири Пханмунжомдаги қуролсизлантирилган ҳудудда бўлиб ўтди.

114
Теглар:
АҚШ, КХДР
Во Франции 300-килограммового мужчину вытащили из дома

Францияда 300 кг вазнли эркак кран ёрдамида уйдан олиб чиқилди

55
Францияда қутқарувчилар квартирадан 300 килограмм вазнли эркакни олиб чиқиш учун қурилиш кранидан фойдаланишди.

ТОШКЕНТ, 1 дек — Sputnik. Франциянинг жанубидаги Перпиньян шаҳрида қутқарувчилар қурилиш крани ёрдамида квартирадан 300 килограмм вазнли эркакни олиб чиқишди, деб хабар берди France3 Occitanie телеканали.

Октябр ойи охирида, ортиқча вазнга эга бўлган фуқаро бир йилдан буён ўз хонадонидан чиқа олмаётгани, унинг адвокати ички ишлар вазири Жералд Дарманенга мурожаат қилгани ҳақида хабар берилган эди. Ален исмли киши 2019 йил июлидан бери шаҳар мэриясидан ёрдам кутмоқда. Ўша вақтда эркак йиқилиб, тос суягини синдириб олган эди.

Сешанба куни қутқарув операциясига 50 га яқин одам - полиция ходимлари, ўт ўчирувчилар, шифокорлар ва шаҳар мэрияси вакиллари жалб қилинди. Алена уйи жойлашган тор кўчада жойлашгани туфайли операцияни мураккаблашди. Фасадни қисман олиб ташлаши эвазига квартиранинг деразаси кенгайтирилди. Уйда истиқомат қилувчилар вақтинча эвакуация қилинди.

Деразагача кўтарилган кран ёрдамида Ален махсус контейнерга жойлаштирилди. Ерда эса контейнер тез ёрдам машинасига жойлаштирилди. Эркак Монпельедаги касалхонага олиб келинди.

Тиббий кўрик ва керакли даволанишдан сўнг, Ален ортиқча вазнга эга одамлар учун Тулузадаги ихтисослаштирилган марказга жойлаштирилади.

55
Полицейский автомобиль в Германии

Германияда автомобиль пиёдаларни босиб кетди

30
(Янгиланган 18:45 01.12.2020)
Германиянинг Трир шаҳрида ҳайдовчи машинани пиёдалар устига ҳайдади. Маҳаллий ОАВлар икки киши қурбон бўлгани ва ҳайдовчи қўлга олингани ҳақида ёзмоқда.

ТОШКЕНТ, 1 дек — Sputnik. Германиянинг Трир шаҳрида  ҳайдовчи машинани пиёдалар устига ҳайдади.

Маҳаллий полиция хабарига кўра, бунинг натижасида бир неча киши жароҳат олган. Ҳозирда воқеа жойига полиция ва бошқа хизмат ходимлари етиб келган.

​Маҳаллий ОАВлар икки киши қурбон бўлгани ва ҳайдовчи қўлга олингани ҳақида ёзмоқда. Ҳукумат ҳозирча бу маълумотларни тасдиқламаган.

30
Теглар:
Трир, ҳодиса, Германия