Олимлар COVIDга иммунитет борасида ҳайратланарли хулосага келишди

1829
(Янгиланган 19:14 09.07.2020)
Ғарб олимлари, коронавирус иммунитети касаллик енгил кечган беморларда вақт ўтиши билан йўқолиб кетиши мумкинлигини аниқлашди.

ТОШКЕНТ, 8 июл - Sputnik. COVID-19 касалланиб чиққан баъзи беморларда вақт ўтиши билан танасида антитаначалар йўқ бўлиб кетиши мумкин. Бундай ҳулосага Испания миллий эпидемиология маркази мутахассислари бошчилигидаги халқаро олимлар гуруҳи келди, дея хабар беради RadioSputnik “Бизнес Online”га асосан.

Олимлар ўтказган тадқиқот даврида Испаниянинг 61075 аҳолиси антитаначаларга  тест топширди, баъзиларига эса микрозаррачаларга хемилюминесцент иммунотаҳлил ёрдамида синовлар ўтказилди. The Lancet тиббий журналида чоп этилган тажриба натижаларига кўра, Испания пандемиядан энг кўп азият чеккан мамлакатлардан бири бўлишига қарамай, беморларнинг атиги 4,6-5,2 фоизида антитаначалар ишлаб чиқилган.

Бундан ташқари, илгари антитаначалари аниқланган бўлган беморларнинг 14 фоизида, икки ой ўтгач, улар топилмади. Кўпинча антитаначалар, COVID-19нинг енгил шаклини ёки умуман аломатсиз ўтказган одамларда йўқолади. Рединг Университетининг вирусология профессори Иэн Джонснинг тушунтиришича, касаллик аломатсиз кечишида организм “иммунологик хотирани” яратишга қодир эмас. Унга кўра, антитаначага тестнинг ижобий натижаси бўлган беморлар яна инфекцияга чалиниши мумкин.

Шу билан бирга, олимлар иммунитет шаклланиши билан географик жойлашув ўртасидаги боғлиқликни аниқладилар: катта мегаполислар ҳудудида антитаначалари бор одамларнинг нисбати мос равишда 10% ва 7% дан ошди, аммо денгиз бўйида яшовчи аҳолиси орасида бу 3% дан кам чиқди.

Тадқиқотда айтилишича, тиббиёт ҳодимларида антитаначалар оддий одамларникидан икки маротаба кўпроқ аниқланган. Ҳаммадан камроқ - 10 ёшгача бўлган болаларда. Қонида антитаначалари аниқланганларнинг учдан бири аломатларсиз оғриган, шунингдек мутахассислар, касалланиш ва жинс ўртасидаги боғлиқликни ҳам аниқламадилар.

Мутахассислар коронавирус вакцинаси иммунитет тизимининг тезкор реакциясини келтириб чиқариши учун етарлича кучли бўлиши керак, деган хулосага келишди, акс ҳолда одамлар мунтазам равишда инъекция қилишлари керак бўлади. Бундан ташқари, инфекцияга қарши курашда коллектив иммунитетнинг шаклланишига таяниб бўлмайди, чунки баъзи даволаниб чиққанлар яна юқтириши мумкин.

Аввалроқ Sputnik радиоси олимлар коронавируснинг мия ишига таъсирини аниқлаганини хабар қилганди.

1829

Кардашьян сартарош олдида ухлаб қолди - сурат ҳаммани кулдирди

581
(Янгиланган 19:24 03.03.2021)
Америкалик актриса Ким Кардашьян сартарош-стилист олдида ухлаб қолгани акс этган сурат интернетда тарқалди.

ТОШКЕНТ, 3 мар — Sputnik. Ижтимоий тармоқларда америкалик актриса Ким Кардашьян сартарош олдида ухлаб қолиши акс этган сурат пайдо бўлди. Юлдузнинг стилисти Крис Эпплтон суратни Instagram’даги саҳифасида жойлаштирди.

Посмотреть эту публикацию в Instagram

Публикация от Chris Appleton (@chrisappleton1)

Суратда креслода ухлаб қолган Кардашьян тасвирланган.

“Ким, мен сени севаман”, - деб ёзган стилист сурат остида.

Сурат тезда ижтимоий тармоқларда тарқалди. Айни пайтда фойдаланувчилар турли мазмундаги изоҳларни қолдиришмоқда, суратга кўплаб мемлар тайёрланди.

Юлдузнинг ўзи ҳам сурат ҳақида билиб қолди. У жанжал кўтариш ўрнига, умумий флэшмобга қўшилди ва ўз аккаунтига суратни жойлаштирди.

Айни пайтда сурат 170 мингдан ортиқ лайк тўплаган.

Эслатиб ўтамиз, февралда Ким Кардашьян турмуш ўртоғи хонанда Канье Уэст билан ажрашишга ариза топширгани ҳақида хабарлар пайдо бўлди. Эр-хотин мулкий низоларни ҳал қилиш бўйича келишувга эришиш йўлида катта ютуқларга эришган.

Ким Кардашьян ва Канье Уэст 2014 йилда турмуш қуришган. Жуфтликнинг тўрт нафар фарзанди бор. Канье Уэст Кардашьяннинг учинчи турмуш ўртоғи ҳисобланади.

581
Теглар:
Ким Кардашьян, АҚШ

COVID-19га тест-маълумотнома билан ЕОИИга киритишга рухсат бериш таклиф қилинди

212
(Янгиланган 15:33 03.03.2021)
Евроосиё иқтисодий комиссияси (ЕИК) ЕОИИга аъзо-давлатлари ҳудудига COVID-19 га IgG антитаначалар борлиги ҳақидаги маълумотнома билан фуқароларни киритишга рухсат беришни таклиф қилди.

ТОШКЕНТ, 3 мар — Sputnik. Евроосиё иқтисодий комиссияси (ЕИК) ЕОИИга аъзо-давлатлари ҳудудига COVID-19'га IgG антитаначалар борлиги ҳақида маълумотнома ёки ПЦР-тест салбий натижа билан фуқароларни киришга рухсат беришни таклиф қилди. Бу ҳақда авиа-йўловчи ташишларни қайта тиклаш бўйича профилактика чора-тадбирлар услубий қўлланма лойиҳасида айтилган.

"Ҳаво кемасида хориждан келган шахслар, ЕОИИ аъзо-давлат қонунчилиги билан белгиланган шахслардан ташқари, антитаначаларга лаборатория текширувидан ижобий натижа билан ўтган IgG маълумотномасини тақдим этиши зарур", - дейилган лойиҳада.

Ҳужжатда ёзилишича, ЕОИИ ҳудудига кириш учун иттифоқ фуқаролари COVID-19га ПЦР-услубида лаборатория текшируви, салбий натижа қайд этилган тест-маълумотномани ҳам (давлат чегарасини кесиб ўтишдан 72 соат олдин олинган бўлиши керак) тақдим этишлари мумкин.

Агар ЕОИИ давлатларига келаётган шахслар тегишли ҳужжатларга эга бўлмаса, улар тестдан ўтиш учун юборилади, натижа олингунга қадар, фуқаролар ўзини-ўзи яккалаш режимига риоя қилишлари шарт.

Шу пайтда, маълумотнома мавжудлигига қарамай, нафас олиш инфекциялари асоратлари бўлган кишилар, COVID-19 учун тест натижаларини олингунга қадар шифохонага ётқизилиши мумкин.

212
Теглар:
ЕОИИ, коронавирус пандемияси, коронавирус, Ўзбекистон, Россия
Мавзу:
COVID-19 умумжаҳон пандемияси
Президент Узбекистана принял делегацию ОАЭ

Мирзиёев БАА энергетика вазирини қабул қилди кўриб чиқилган масалалар

155
(Янгиланган 20:31 03.03.2021)
Шавкат Мирзиёев Бирлашган Араб Амирликлари энергетика ва инфратузилма вазири Суҳайл ал-Мазруий бошчилигидаги делегацияни қабул қилди.

ТОШКЕНТ, 3 мар — Sputnik. Ўзбекистон президенти Шавкат Мирзиёев Бирлашган Араб Амирликлари энергетика ва инфратузилма вазири Суҳайл ал-Мазруий бошчилигидаги делегацияни қабул қилди.

Президент Узбекистана принял делегацию ОАЭ
Пресс-служба президента Узбекистана
Президент Узбекистана принял делегацию ОАЭ

Учрашувда кўп қиррали Ўзбекистон-БАА ҳамкорлигини янада кенгайтиришнинг долзарб масалалари кўриб чиқилди.

Суҳбатда хусусий инвестицияларни жалб қилган ҳолда, шу жумладан қишлоқ хўжалиги маҳсулотларини етиштириш ва қайта ишлаш, Амирликлар бозори ва учинчи мамлакатларга етказиш бўйича агросаноат тармоғида қўшма лойиҳаларни илгари суришга алоҳида эътибор қаратилди.

Муқобил энергиядан фойдаланиш соҳасида, энергетика ва бошқа муҳим инфратузилма объектларини модернизация қилиш, замонавий меҳмонхона мажмуаларини барпо этиш бўйича йирик лойиҳаларни фаол ишлаб чиқиш ва амалга оширишни давом эттиришга, шунингдек, янги ишбилармонлик ташаббуслари доирасида инвестициялар портфелини кенгайтириш ва молиявий-техник кўмак дастурларини рўёбга чиқаришга келишиб олинди.

Бундан ташқари, таълим соҳасида самарали ҳамкорликни кенгайтириш ҳамда Бирлашган Араб Амирликларининг етакчи ташкилотлари иштирокида бошқарув соҳасида миллий кадрларни тайёрлаш муҳим экани таъкидланди.

155
Теглар:
БАА, Тошкент, Шавкат Мирзиёев, Ўзбекистон