Продажа мяса на одном из рынков в Казахстане

Қозоғистон бозорларида думба ва ерқалампирга талаб кескин ошди

1368
(Янгиланган 18:03 15.07.2020)
Олма-ота бозорларида аҳоли коронавирусдан профилактика воситалари сифатида қўй ёғи, занжабил ва ерқалампирни оммавий равишда сотиб олишмоқда.

ТОШКЕНТ, 15 июл — Sputnik. Олма-ота аҳолиси коронавирусдан профилактика воситалари сифатида халқ воситалари - қўй ёғи, занжабил ва ерқалампирни оммавий равишда сотиб олмоқда.

Маҳаллий сотувчилар маълум қилишича, шу кунларда бу маҳсулотларга талаб кескин ошди. Sputnik Қозоғистон мухбири бозорлардан бирига келиб, нарх-наволарни ўрганди.

Думба ҳақида афсона

Сотувчиларнинг сўзларига кўра, Олмаота аҳолиси кўп миқдорда думба сотиб олишни бошладилар. Таъкидлаш керакки, илгари қўй ёғи унчалик кўп миқдорда сотилмас эди. Кўпчилик бу маҳсулот коронавирус ва пневмонияни олдини олиш учун самарали восита бўлиши мумкинлигига ишонмоқда.

Бундан ташқари, занжабил ва ерқалампир (хрен) инфекцияга қарши курашда яхши восита деб ҳисобламоқда. Шифокорлар бир неча бор аҳоли орасида ўз-ўзини даволаш билан шуғулланмасликни тарғибот қилган бўлсада, аҳоли халқ маслаҳатларига ишониб, бозорда табиий "дори-дармон"ларни изламоқда.

“Думба тез сотилмоқда, олиб келишга улгурмаяпмиз. Нархни унча кўтармадик. Олдин қўй ёғи бир килоси – 1 800 танга сотардик, энди эса – 2 000”, - дейди сотувчилардан бири.

Сотувчиларнинг сўзларига қараганда, илгари қўй ёғи кунига атиги 2-3 кг сотиб олинган бўлса, энди бу кўрсаткич сезиларли даражада ошди.

“Кеча 9 кило думба олиб келишди. Бугун тушликкача ҳаммасини сотиб юбордик. Талаб бор – одамлар келиб, қўй ёғини сўрашмоқда. Ҳатто гўштни олишмаяпти. Айримлар бу вирусдан ёрдам берадими, деб ҳам сўрашмоқда”, - дейди гўшт сотувчиси.

Айтганча, кўпчилик қўй ёғи ҳақиқатан ҳам мўъжизавий хусусиятларга эга эканлигига ишонишади. Кўпчилик олма-оталиклар думба шамоллашни даволаш, ўпкани тозалаш ва иситмани пасайтишга ёрдам беришига ишонишади.

Гарчи илгари Россия Федерацияси соғлиқни сақлаш вазирининг ўринбосари Олег Гриднев бу афсонани рад этганди. Унинг сўзларига кўра, ёғ вирусни даволамайди ва қон қуюқланишига салбий таъсир қилади, бу коронавирус билан оғриган беморларга зарар етказиши мумкин, деган эди у Sputnik Қозоғистонга берган интервюсида.

Дори ўрнига ерқалампири ва занжабилми?

Бозорларда занжабил ва ерқалампирга талаб сезиларли даражада ошди. Ўтган жума кунидан бошлаб олмаоталиклар бу маҳсулотларни оммавий равишда сотиб олишни бошлади.

"Кимдир мессенжерларда ерқалампир коронавируснинг олдини олишга ёрдам беради, деган хабарни тарқатди. Шундан кейин талаб ошди. Нархни кўтардик - пул ишлаш керак. Илгари бир боғламини 50 тангага сотардик, энди - 300 танга. Одамлар ерқалампирни олиш учун келиб, бу инфекцияни даволаш учун ажойиб восита, деб айтишмоқда", - дейди сотувчи.

Занжабил қозоғистонликларнинг озиқ-овқат рўйхатида яна пайдо бўлди. Қозоғистонда бу тенденция иккинчи марта кузатилмоқда. Биринчи карантин пайтида мамлакат аҳолиси ушбу маҳсулотни катта миқдорда сотиб олишди, натижада унинг нархи бир неча бор ошди.

Энди занжабил бозорда 2000 тангага сотилмоқда. Бир неча ҳафта олдин унинг нархи минг тангадан ошмаганди.

"Ҳа, нархни икки баравар оширилди, чунки одамлар бир неча соат ичида сотиб олишмоқда. Мана тугади, яна олиб келинишини кутмоқдамиз", - деб қўшимча қилди сотувчи.

1368
Мавзу:
COVID-19 умумжаҳон пандемияси (1081)
Приземление самолета компании Air Astana в аэропорту Алматы

Қозоғистон етти мамлакат билан мунтазам парвозларни тикламоқда

3
2020 йил 17 августдан Қозоғистон босқичма-босқич халқаро парвозларни қайта тиклайди. Аввалига қозоғистонликлар еттита мамлакатга парвоз қилишлари мумкин.

ТОШКЕНТ, 12 авг — Sputnik. Қозоғистон босқичма-босқич қатор давлатларга, жумладан, Россияга халқаро парвозларни қайта тикламоқда. Бу ҳақда Sputnik Қозоғистон мамлакат фуқаро авиацияси қўмитасига таянган ҳолда хабар қилмоқда.

Қозоғистонликлар 17 августдан Бирлашган Араб Амирликлари, Беларусь, Германия, Нидерландия, Миср, Украина ва Россияга парвоз қилишлари мумкин.

“Соғлиқни сақлаш вазирлиги томонидан юқорида келтирилган мамлакатлар авиация ҳукумати билан биргаликда олдиндан мунтазам йўловчи рейсларини қайта тиклаш масаласи ишлаб чиқилган. Шу билан бирга шуни таъкидлаш жоизки, Россияга парвозларни амалга ошириш учун Россия томонининг рухсатномаси талаб этилади”, - дейилган хабарда.

Таъкидланишича, рейслар амалдаги ҳаво алоқалари тўғрисидаги ҳукуматлараро битимлар асосида амалга оширилади.

3

Германия ТИВ АҚШнинг “Шимолий оқим-2” бўйича таҳдидларига кескин жавоб қайтарди

246
Германия ташқи ишлар вазири энергия ташувчиларни кимдан сотиб олиш бўйича қарор Евроиттифоқнинг суверен қарори эканини урғулади.

ТОШКЕНТ, 12 авг - Sputnik. Энергия ташувчиларни кимдан сотиб олиш бўйича қарор Евроиттифоқнинг суверен қароридир ва унга ташқаридан ҳеч ким энергия сиёсатини қандай юритишни буюролмайди. Бу ҳақда Германия ташқи ишлар вазири Хайко Маас Москвада россиялик ҳамкасби Сергей Лавров билан бўлиб ўтган музокаралардан сўнг матбуот анжуманида маълум қилди.

Маас АҚШнинг “Шимолий оқим-2”га қарши санкцияларни кучайтириш режаларини шундай изоҳлади.

"Германия ҳукумати учун трансатлантик алоқалар кўп йиллар давомида улкан аҳамиятга эга бўлиб келган, ва нафақат биз учун, балки умуман Европа учун ҳам. Улар ҳар қандай сиёсий вазиятдан чуқурроқдир. Аммо шунга қарамай, алоҳида таъкидлаб ўтишимиз керак, шериклар ўртасидаги санкциялар мавжудлиги - бу нотўғри йўл, бу ёлғон йўли. Ва охир-оқибат, биз энергия ташувчиларни қаердан сотиб олишимиз – бу бизнинг суверен қароримиз. Ҳеч бир давлат таҳдидлар ёрдамида ЕИнинг энергия сиёсатини белгилаб беролмайди", - деди у.

Вазирнинг таъкидлашича, ЕИ ичидан экстерриториал санкциялар ҳалқаро ҳуқуқни қанчалар бузаётганлиги муҳокама қилинмоқда, ва бу позицияни АҚШ давлат котиби билан бўлган суҳбатда "аниқ ифода этганини" таъкидлади.

“Шимолий оқим-2” лойиҳаси Россия соҳилидан Болтиқ денгизи бўйлаб Германияга олиб борадиган, қуввати йилига 55 миллиард кубометр бўлган газ қувурини ётқизишни кўзда тутади. Лойиҳани амалга ошириш билан, ягона акционери Газпром бўлган Nord Stream 2 AG шуғулланмоқда. Унинг европалик шериклари - Royal Dutch Shell, OMV, Engie, Uniper и Wintershall  - лойиҳани ярмини молиялаштирмоқдалар, ҳар бири 950 миллион евродан.

Ўз суюлтирилган газини ЕИда илгари сураётган АҚШ, лойиҳага фаол қарши чиқмоқда. Ўтган йилнинг охирида АҚШ “Шимолий оқим-2”-га қарши санкцияларни мудофаа бюджетига киритди, бунинг натижасида қувурларни ётқизиш билан шуғулланган Швейцариянинг Allseas компанияси ишни деярли дарҳол тўхтатди.

Июль ойида Давлат департаменти “Америка душманларига санкциялар орқали қарши курашиш” тўғрисидаги қонун доирасига ўз тавсияларни чоп этди, ва унга “Шимолий оқим-2” ва “Турк оқими”нинг иккинчи қувурини киритди. Бу Россиянинг экспорт газ қувур линиялари билан боғлиқ инвестициялар ва бошқа фаолиятни санкциялар хавфи остига қўяди. Бундан ташқари, июль ойида Конгресс вакиллар палатаси ва Сенат лойиҳага қарши кенгайтирилган санкцияларни ўз ичига олган мудофаа бюджети вариантларини тасдиқладилар.

246