Президент Азербайджана Ильхам Алиев

Алиев Тоғли Қорабоғ атрофидаги вазиятга шарҳ берди

394
(Янгиланган 12:41 16.07.2020)
Боку маълумотига кўра, 11 нафар озарбайжон ҳарбийлари, жумладан генерал ҳалок бўлган. Арман томони тўрт нафар офицер ҳалок бўлгани ва ўн нафар ҳарбий жароҳатлангани ҳақида маълум қилди. Иккала томон отишма учун жавобгарликни бир-бирига юкламоқда.

ТОШКЕНТ, 16 июл – Sputnik. Озарбайжон президенти Илҳом Алиев тоғли қорабоғ можаросини бартараф этиш бўйича пуч музокаралар озарбайжон халқининг жонига тегганини маълум қилди, у воситачилар буни тушуниб етишлари лозимлигини айтди.

"Бу маъносиз музокаралар озарбайжон халқининг жонига тегди. Шу боис, ушбу масала билан шуғулланаётганлар ва шу кунларда ўз воситачилик таклифларини илгари сураётганлар бу ҳақда ўйлашсин, озарбайжон халқининг сабри бепоён эмас... Озарбайжоннинг ҳудудий яхлитлиги қайта тикланиши шарт, ва бизнинг бу масаладаги фикримиз қатъийдир", - деди Алиев Озарбайжоннинг биринчи ярим йилликдаги ижтимоий-иқтисодий ривожланишига ағишланган вазирлар маҳкамаси йиғилишида. Президент сўзларидан "Азертадж" давлат агентлиги иқтибос келтирган.

Озарбайжон президенти "ҳеч кимга Озарбайжондаги воқеаларни ривожлантиришга маслаҳат бермаслигини" айтди. "Бунга эҳтиёж йўқ. Бу зиён етказиши мумкин. Биз қачон, нима ва қандай қилиш кераклигини биламиз", - деган Алиев.

Қорабоғ можароси 1988 йилнинг февралида, Тоғли-Қорабоғ автоном вилояти ўзининг Озарбайжон ССР таркибидан чиқиши ҳақида эълон қилганида бошланган эди. 1992-1994 йилги қуролланган қарама-қаршилик давомида Озарбайжон Тоғли Қорабоғ ва унга қарашли еттита туман устидан назоратни бой берган. 1992 йилдан буён ОБСЕнинг Минск гуруҳи доирасида - ҳамраислар - Россия, АҚШ ва Франция бошчилигида можарони тинч йўл билан бартараф этиш бўйича музокаралар ўтказиб келинади.

Якшанба, 12 июль куни Озарбайжон ва Арманистон чегарасида –Грузия ва мос равишда Тавуш вилояти билан чегарадош Товуз туманида - тан олинмаган, вазияти тинч турган Тоғли Қорабоғдан бир неча юз километр нарида ҳарбий тўқнашувлар рўй берди. Отишма жойида - Мовсес қишлоғи яқинида - ҳарбий постлар жойлашган.

Боку маълумотига кўра, 11 нафар озарбайжон ҳарбийлари, жумладан генерал ҳалок бўлган. Арман томони тўрт нафар офицер ҳалок бўлгани ва ўн нафар ҳарбий жароҳатлангани ҳақида маълум қилди. Иккала томон отишма учун жавобгарликни бир-бирига юкламоқда.

Қатор мамлакатлар, шу жумладан, Ўзбекистон ТИВ, ва халқаро ташкилотлар Арманистон-Озарбайжон чегарасидаги вазиятдан ташвишда эканликларини билдирдилар ва томонларни мулоқотга чорладилар. РФ ТИВ Боку ва Ереванга вазиятни барқарорлаштиришда ёрдам беришга тайёрлигини маълум қилди. ОБСЕ иккала томонни зудлик билан ўт очишни тўхтатишга чақирди.

394

Космосдан ҳужум: Апофис астероиди Ерга қулаши мумкинми?

442
Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради.

ТОШКЕНТ, 5 мар — Sputnik. Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради. Бундай маълумотлар 2029 ва 2068 йилларда Ер билан тўқнашув эҳтимолини рад этиш ёки тасдиқлаш учун зарур. Апофиснинг сайёрага қулаши ҳалокатли оқибатларга олиб келиши мумкин. РИА Новости хабарига асосан.

2004 йилда Сонора чўлида (Аризона, АҚШ) жойлашган Китт-Пик миллий расадхонаси ходимлари Ерга нисбатан яқин бўлган номаълум астероидни аниқлашди. Ёмон об-ҳаво ва техник муаммолар астероидни яхшилаб кўриб чиқишни қийинлаштирди. Бироқ, бу самовий жисмнинг диаметри тахминан 400 метр эканлигини маълум бўлди.

Бир неча ойдан сўнг, Сайдинг-Спринг расадхонаси (Австралия) мутахассислари астериодни ўрганиб чиқди. Улар америкалик ҳамкасбларининг маълумотларини тасдиқлади ва орбита параметрларини аниқлади.

Декабрда, маълумотларни таҳлил қилгандан сўнг, NASA Ерга яқин объектларни ўрганиш маркази мутахассислари ҳисоблаб чиқдилар: Ер билан тўқнашув эҳтимоли тахминан 2 фоизни ташкил қилади ва табиий офатнинг тахмин қилинган санаси 2029 йил 13 апрел. 2004 MN4 астероиди (кейинчалик қадимги Миср зулмат ва ёвузлик худоси шарафига Апофис деб номланди) - астрономик объектга Турин шкаласи бўйича 4 балла берилган.

Кузатувлар туфайли олимлар деярли ҳар ҳафта потенциал хавфли объектларни аниқлайди. Уларнинг орбиталари сайёра орбитасини кесиб ўтади ва шунинг учун тўқнашув эҳтимоли жуда кичик. Апофис кашф этилганидан бери 20 мингга яқин бундай осмон жисмлари - астероидлар ва кометалар аниқланди. Бироқ, Апофис ҳануз энг жиддий таҳдидлардан бири ҳисобланади.

442
Теглар:
NASA (АҚШ аэронавтика ва космикни ўрганиш миллий идораси), Россия, АҚШ, Астероид, Қуёш, Ой, космос

Европа Иттифоқи “Спутник V” вакцинаси экспертизасини бошлади

410
Европада Россиянинг коронавирусга қарши “Спутник V” вакцинасининг экспертизаси бошланди. Ҳозирча ЕИнинг икки мамлакати EMA маъқуллашини кутиб ўтирмасдан вакцинани рўйхатдан ўтказган.

ТОШКЕНТ, 4 мар — Sputnik. Европа дори воситалари агентлиги (ЕМА) Россиянинг коронавирусга қарши “Спутник V” вакцинасининг рўйхатга олинган ҳужжатларининг экспертизасини бошлади. Бу ҳақда Россия тўғридан-тўғри инвестициялар жамғармаси хабар қилди.

Қарор катталарда ўтказилган лаборатория ва клиник тадқиқотлар натижаларини инобатга олган ҳолда қабул қилинган.

“EMA “Спутник V” вакцинасининг ЕИ томонидан ўрнатилган самарадорлик, хавфсизлик ва сифат бўйича стандартларга мос келишини баҳолайди”, - дейилган хабарда.

“Спутник V” дунёда фойдаланишга рухсат берилган коронавирусга қарши дунё вакциналарининг етакчи учлигига киради. Вакцинани рўйхатдан ўтказган 42 та мамлакатнинг жами аҳолиси 1,1 миллиарддан зиёдни ташкил этади. ЕИнинг икки мамлакати EMA маъқуллашини кутиб ўтирмасдан уни рўйхатдан ўтказди. Венгрия ва Словакия ҳукумати шундай қарор қабул қилди. Февраль охирида Чехия президенти Милош Земан ҳам мамлакатга “Спутник V”ни етказиб беришни сўраганди.

410
Теглар:
Европа дори воситалари агентлиги (ЕМА), вакцина, Спутник V, Россия тўғридан-тўғри инвестициялар жамғармаси, Европа Иттифоқи
Заместитель премьер-министра Республики Казахстан Ералы Тугжанов и премьер-министром Республики Узбекистан Абдулла Арипов

Абдулла Арипов Қозоғистон бош вазири ўринбосари билан учрашди

53
Қозоғистон Бош вазирининг ўринбосари Ўзбекистонда Қозоғистон университетларининг филиалларини очиш имкониятларини кўриб чиқишни ҳамда икки давлат президентлик мактаблари ўртасида тажриба алмашишни таклиф қилди.

ТОШКЕНТ, 6 мар — Sputnik. Ўзбекистон бош вазири Aбдулла Aрипов Тошкентга ишчи ташрифи билан келган Қозоғистон бош вазирининг ўринбосари Ерали Тугжановни қабул қилди, деб хабар қилмоқда Қозоғистон бош вазири расмий сайтида.

Томонлар соғлиқни сақлаш, таълим ва фан соҳаларида Ўзбекистон-Қозоғистон ҳамкорлигини мустаҳкамлаш масалаларини муҳокама қилдилар.

Музокаралар чоғида иккала мамлакатдаги эпидемик вазият тўғрисида фикр алмашилди, COVID-19 га қарши курашиш бўйича кўрилган чораларни амалга ошириш муҳимлиги таъкидланди, шу билан бирга эпидемия ва пандемия бўлган тақдирда тезкор чоралар кўриш ва ўзаро таъсир ўтказиш бўйича қўшма самарали чораларни ишлаб чиқишга келишилди.

Юқори технологиялар соҳасидаги қўшма лойиҳаларни кенгайтиришга ва икки давлат ўртасида узлуксиз тиббий таълим соҳасида, тиббий таълим муассасалари талабалари ва ўқитувчилари ўртасида академик ҳаракатчанликни кенгайтириш, тегишли қўшма илмий тадқиқотларни ишлаб чиқиш ва амалга ошириш бўйича ўзаро алоқаларни ўрнатиш соҳасида ҳамкорликни фаоллаштиришга келишилди.

Қозоғистон Бош вазирининг ўринбосари Ўзбекистонда Қозоғистон университетларининг филиалларини очиш имкониятларини кўриб чиқишни ҳамда икки давлат президентлик мактаблари ўртасида тажриба алмашишни таклиф қилди.

Учрашув якунларига кўра, Ерали Тугжанов Ўзбекистон бош вазирини жавоб ташрифи билан Қозоғистонга таклиф этди.

53