Президент Таджикистана Эмомали Рахмон, архивное фото

Раҳмон Афғонистон билан чегарадаги вазиятдан ташвишга тушди

578
Раҳмон Хавфсизлик кенгаши ходимлари, ҳарбий тузилмалар ва ҳуқуқни муҳофаза қилиш органлари раҳбарларидан Афғонистон билан чегарада давлат ва миллат хавфсизлигини таъминлаш бўйича чораларни кўришни талаб қилган

ТОШКЕНТ, 22 июл — Sputnik. Тожикистон президенти Эмомали Раҳмон республика хавфсизлик кенгаши мажлисини ўтказди, деб хабар қилмоқда Sputnik Тожикистон.

Мажлисда Хавфсизлик кенгаши аъзолари, Олий суд раиси, ҳарбий тузилмалар ва ҳуқуқни муҳофаза қилиш органлари раҳбарлари иштирок этганлар.

Тожикистон ва Афғонистон чегарасида вазият ўткир тус олгани мажлисда муҳокама қилинган мавзулардан бири бўлган .

Тожикистон етакчиси Афғонистон билан чегарадош Тоғли-Бадахшон автоном вилоятида ҳолат мураккаб тус олганидан ташвишдалигини таъкидлаган.

Раҳмон Хавфсизлик кенгаши ходимлари, ҳарбий тузилмалар ва ҳуқуқни муҳофаза қилиш органлари раҳбарларига қўшни мамлакат билан чегара қисмида давлат ва миллат хавфсизлигини таъминлаш бўйича чораларни кўриш топшириғини берган.

Хусусан, давлат чегарасида ҳуқуқбузарликлар содир этилиши, трансмиллий жиноятчилик, терроризм, экстремизм ва наркотикларнинг ноқонуний айланмасини олдини олишга алоҳида эътибор қаратишни талаб қилган.

578
Мавзу:
Афғонистон: 30 йил тинчлик илинжида (58)

Қирғизистонда порахўрларга пулларни бир ойда ғазнага қайтаришга муҳлат берилди

127
(Янгиланган 19:02 21.10.2020)
Қирғизистонда иқтисодий афв эълон қилинди. Президенти вазифасини бажарувчи порахўрлардан ноқонуний йўл билан топилган даромадларини давлат ғазнасига қайтаришни талаб қилди.

ТОШКЕНТ, 21 окт — Sputnik. Қирғизистон президенти вазифасини бажарувчи, мамлакат бош вазири Садир Жапаров порахўрлардан ноқонуний йўл билан топилган даромадларини давлат ғазнасига қайтаришни талаб қилди ва уларга 30 кун муҳлат берди.

“Менга берилган ваколатлардан фойдаланиб, расман иқтисодий афв эълон қиламан. Афвдан мақсад, давлат бюджетини тўлдириш, хусусан, қўшимча ресурслар топиш. Жиноий схемалар тузган, оддий халқ ҳисобига бойлик орттирган порахўрлар, сизларга 30 кун вақт бераман! Барча топганларингизни давлат ғазнасига қайтаришингизни талаб қиламан! Давлатдан ноқонуний йўл билан олинган ҳар бир тийинни ихтиёрий равишда жойига қўйинг. Яширин мулк ва пулларингиз ҳақида очиқ маълумот беринг. Маълум қилинган мулк ва даромадларингиз дахлсизлигини, барча турдаги жазолардан озод бўлишингизни кафолатлайман”, – деган мурожаатида. Sputnik Қирғизистон мурожаатнинг тўлиқ матнини нашр этган.

Унинг сўзларига кўра,  иқтисодий авф фақат бир марта қўлланилади, бошқа имконият бўлмайди.

“Бу халқ талаби! Бу менга мамлакат тақдирини ишонган кишилар мақсади”, - дея сўзларини якунлаган Жапаров.

5 октябрь куни Бишкекда парламент сайловлари натижаларидан норози бўлганларнинг норозилик намойишлари бошланди. Намойишлар тезда тартибсизликларга айланиб кетди. 6 октябрь куни МСК сайлов натижаларини ҳақиқий эмас деб топди ва такрорий парламент сайловларни 20 декабрга белгилади.

127
Стратегический бомбардировщик ВВС США B-1 Lancer

Россия қирувчилари чегарага яқинлашаётган АҚШ бомбардимончисини ортга қайтарди

156
(Янгиланган 18:47 21.10.2020)
Россия қирувчилари Беринг денгизи устида АҚШ ҳарбий-ҳаво кучларининг стратегик бомбардимончиларини тўхтатиб қолди.

ТОШКЕНТ, 21 окт — Sputnik. Россия қирувчилари Беринг денгизи устида АҚШ ҳарбий-ҳаво кучларининг стратегик бомбардимончиларини тўхтатиб қолди, деб хабар қилди Мудофаа вазирлиги.

Ҳарбийлар чегарага яқинлашаётган иккита ҳаво нишонини қайд этишди. Уларни аниқлаш ва давлат чегараси бузилишини олдини олиш учун Шарқий ҳарбий округнинг ҳаво ҳужумидан мудофаа кучларига қарашли бўлган МиГ-31 ва Су-35 самолётлари кўтарилди.

“Россия қирувчиларининг экипажлари ҳаводаги нишонларни АҚШ ҳаво кучларининг иккита стратегик бомбардимончи B-1В эканлигини аниқладилар ва уларни Беринг денгизи бўйлаб кузатиб боришди”- дейилган хабарда.

Хорижий самолётлар ортга бурилганда, Россия қирувчилари аэродромга қайтди.

Мудофаа вазирлиги маълум қилишича, Россия қирувчиларининг барча парвозлари ҳаво ҳудудидан фойдаланиш бўйича халқаро қоидаларга қатъий риоя қилинган ҳолда амалга оширилди. Россия давлат чегарасини бузилишига йўл қўйилмади.

156

Россияда "корона"га қарши 3-чи вакцина яратилди - видео

0
Россияда М.П.Чумаков номидаги марказда яратилган коронавирусга қарши учинчи вакцинани синовлари бошланди. Ишлаб чиқувчилар декабрь ойида ССВ янги препаратни рўйхатдан ўтказади ва йил охирига қадар оммавий ишлаб чиқаришни бошлайди.

Аввалроқ Новосибирскнинг "Вектор" илмий маркази томонидан ишлаб чиқилган вакцина ҳам давлат рўйхатидан ўтганди. Шунингдек, дунёдаги биринчи “Спутник V” вакцинаси бўйича тадқиқотлар якунига етмоқда.

Айни вақтда Россия препаратини чет элда синашнинг учинчи босқичи давом этмоқда, вакцинанинг халқаро бозорда муваффақияти унинг натижаларига боғлиқ бўлади.

0