Хакер

Кутилмаган ҳужум: Шимолий Корея хакерлари фаоллашди

397
(Янгиланган 18:24 23.07.2020)
Шимолий Кореянинг Lazarus хакерлик гуруҳи Россияда мақсадли ҳужумларни амалга оширишга уринмоқда. Гуруҳ 2018 йилдан бери қатор ҳужумларни амалга оширди.

ТОШКЕНТ, 23 июл — Sputnik. Шимолий Кореянинг Lazarus хакерлик гуруҳи Россияда мақсадли ҳужумларни амалга оширишга уринмоқда, ҳужум қилиш усулларини такомиллаштирмоқда. Бу ҳақда “Касперский лаборатория”си экспертлари маълум қилди.

Компания мутахассислари 2018 йил баҳоридан бошлаб Lazarus МАТА (дастурий таъминот тизимининг тузилишини аниқлайдиган платформа) ёрдамида ҳужумларни амалга ошираётганлигини аниқлади. Унинг ўзига хос хусусияти шундаки, у ҳар қандай операцион - Windows, Linux ёки macOS тизимда ишлайдиган қурилмани бузиши мумкин.

“Ушбу ойда Россияда Lazarus ҳужумлари Manuscrypt бекдоридан ишлатилганлиги аниқланди. Ушбу восита бошқарув сервери билан ишлаш ва таркибий қисмларнинг ички номланишида МАТА билан кесишган нуқталарга эга”, - дейилган хабарда.

Польша, Германия, Туркия, Жанубий Корея, Япония ва Ҳиндистонда жойлашган ташкилотлар, шу жумладан дастурий таъминот ишлаб чиқарувчи, савдо компанияси ва интернет-провайдерлар  зарар кўрди.

Мутахассислар ҳужумларни таҳлил қилингач, Lazarus гуруҳи бундан кейин ҳам дунё бўйлаб мақсадли ҳужумларни амалга ошириш ва ўз усулларини такомиллаштиришни давом эттиради деган хулосага келди.

397
Клещ

Хитой ўлдирадиган янги вирус ҳақида огоҳлантирди

1497
(Янгиланган 19:46 08.08.2020)
Инфекцияни юқтирган беморлардан бирининг айтишича, касаллик йўтал, иссиқ кўтарилиши, шунингдек, қонда лейкоцитлар ва тромбоцитлар даражаси каби белгилар билан кузатилади.

ТОШКЕНТ, 8 авг - Sputnik. Хитойда янги SFTS вируси авж олаётгани кузатилмоқда. У каналар орқали юқади, деб хабар берган Global Times.

Сўнгги маълумотларга кўра, вирусни 60 киши юқтириб олган, етти нафари қурбон бўлган.

Дастлаб инфекция Цзянсу провинциясида аниқланган, кейинчалик вирус Аньхой провинцияси аҳолиси орасида ҳам тарқалгани қайд этилган.

Инфекцияни юқтирган беморлардан бирининг айтишича, касаллик йўтал, иссиқ кўтарилиши, шунингдек, қонда лейкоцитлар ва тромбоцитлар даражаси каби белгилар билан кузатилади.

SFTS илк маротаба 2011 йилда қайд этилган. Вирус канадан одамга, инфекцияланган одамдан бошқа одамга - қон ва шиллиқ парда орқали юқади.

1497

Бейрут марказида тўқнашувлар бошланди

700
Мухбир сўзларига кўра, ҳуқуқ тартибот ходимлари одамларни парламент биносидан узоқлаштириш учун кўз ёши келтирувчи газлардан фойдаланишмоқда. Митинг иштирокчилари бунга жавобан уларни тошбўрон қилмоқда.

ТОШКЕНТ, 8 авг – Sputnik. Ливан пойтахти Бейрут марказида парламент биноси олдида намойишчилар ва полициячилар иштирокида оммавий тўқнашувлар бошланди. Тартибсизликлар давомида кўз ёши келтирувчи газ ва тошлардан фойдаланилмоқда, деб хабар қилади РИА Новости мухбири ҳодиса жойидан.

Хабарга кўра, 16.00 да ҳукуматга қарши митинг бошланган. У дарҳол тартибсизликларга айланиб кетган.

Мухбир сўзларига кўра, ҳуқуқ тартибот ходимлари одамларни парламент биносидан узоқлаштириш учун кўз ёши келтирувчи газлардан фойдаланишмоқда. Митинг иштирокчилари бунга жавобан уларни тошбўрон қилмоқда.

Ҳуқуқ тартибот органлари вакиллари халқ босими ҳамда тошбўрон туфайли ортга чекинмоқда. Ҳудудга қўшимча кучлар жалб этилаяпти.

Эслатиб ўтамиз, Ливан пойтахти Бейрут шаҳрида 4 август куни кечки вақт даҳшатли портлаш юз берди. Ливан Бош вазири Хассан Диабга кўра, портлаш Бейрут портида олти ой давомида керакли тартибда сақланмаган 2 750 тонна аммиак селитраси туфайли юз берган.

Сўнгги маълумотларга кўра, 154 киши портлаш қурбонига айланган, 60дан зиёд одам бедарак йўқолган. Минглаб одамлар жароҳатланган. Бейрут губернатори Марван Аббуд портлаш оқибатида шаҳар 15 миллиард доллар зарар кўрганини маълум қилган эди.

700
Свеча, гвоздики

Ўзбекистон таниқли композиторидан айрилди

537
Етук композиторнинг энг сўнгги иши бир неча ой олдин шов-шувли премьераси бўлиб ўтган "101" киноасари эди.

ТОШКЕНТ, 8 авг - Sputnik. Таниқли композитор ва дирижёр, Ўзбекистонда хизмат кўрсатган санъат арбоби, "Ўзбеккино" миллий агентлиги Бадиий кенгаши аъзоси Анвар Эргашев 66 ёшида вафот этди.

Анвар Эргашев Миллий симфоник оркестри бош дирижёри ва Алишер Навоий номидаги Давлат Академик театри бадиий раҳбари лавозимларида фаолият юритган.

50 дан ортиқ бадиий ва мусиқий фильмлар, спектакллар бастакори, кўплаб қўшиқ ҳамда мусиқалар муаллифи. Унинг кинодаги ишлари сирасига "Бомба", "Шариф ва Маъриф", "Осмондаги болалар","“Аланга ичидаги фаришта", "Оқ бино оқшомлари", "Уч қирол жанги", "Ойи" фильмлари киради.

Етук композиторнинг сўнгги иши бир неча ой олдин премьераси бўлиб ўтган "101" киноасари эди.

537