Приспущенный флаг Кыргызстана на центральной площади в Ала-Тоо. Архивное фото

Коронавирус Марказий Осиёда: Ўзбекистон карантинни узайтиради, Қирғизистонда миллий мотам

464
Ўзбекистонда карантин узайтирилади, Қирғизистонда 30 июль коронавирус қурбонлари хотирасига миллий мотам куни сифатида эълон қилинади, Тожикистон Россия билан парвозларни қайта тиклашга қарор қилди - ҳафта давомида содир бўлган муҳим воқеалар – Sputnik шарҳида.

ТОШКЕНТ, 26 июл — Sputnik. Сўнгги маълумотларга кўра, Марказий Осиё давлатларида жами 141 909 та коронавирусни юқтирганлик ҳолати қайд этилган. Ҳафта давомида минтақада 23 мингдан зиёд янги ҳолат аниқланган.

Қозоғистон

Мамлакат аниқланган ҳолатлар бўйича ҳамон етакчиликни қўлдан бой бермай келмоқда.

Продажа мяса на одном из рынков в Казахстане
Пресс-служба акима Южно-Казахстанской области

Ўтган кун давомида Қозоғистонда 1 494 та янги ҳолат тасдиқланди. Касалланганларнинг умумий сони 81 720 нафарга етган (касаллик аломатларсиз кечаётган беморлар шулар жумласидандир). 51 823 киши ушбу касалликни енгган. 21 июль ҳолатига кўра 610 та киши вирус қурбонига айланган.

Мамлакатда 1,6 млн нафар муҳтож кишиларга 42 500 тенге (102 доллар) ёрдам пули берилган. Давлат раҳбари Қосим-Жомарт Тоқаев топшириғига биноан, июль ойида карантин жорий этилиши муносабати билан ишлайдиган, карантин туфайли даромадидан айрилган қозоғистонликларга бир марталик тўлов амалга оширилиши белгиланган эди

Қирғизистон

Ўтган сутка давомида мамлакатда пневмонияни инобатга олган ҳолда 689 та янги ҳолат аниқланган. Шу тариқа, коронавирус юқтириб олганларнинг умумий сони 32 813 нафарни ташкил этмоқда. 20 388 киши соғайиб кетишга муваффақ бўлган. Пандемия бошланган буён 1277 киши вирус қурбонига айланган. Кеча 48 та янги ўлим ҳолати қайд этилган.

Россиядан Қирғизистонга 50 нафардан зиёд шифокорлар ёрдамга келган. Улар бир ой давомида қирғизистонлик ҳамкасбларига COVID-19 устидан ғалаба қозонишда кўмаклашишади. Бундан ташқари, Россия Қирғизистонга тиббиёт жиҳозлари ва турли кўринишдаги инсонпарварлик ёрдамини жўнатган.

Президент Сооронбай Жээнбеков Қирғизистонда 30 июль коронавирусдан вафот этганлар хотирасига миллий мотам куни сифатида эълон қилинишини маълум қилди.

Ўзбекистон

25 июль куни мамлакатда 592 та коронавирус билан касалланиш ҳолати қайд этилди. Уларнинг барчаси коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

2020 йил 26 июль соат 10:00 ҳолатига кўра, мамлакатда жами 20 226 кишида коронавирус инфекцияси тасдиқланган.
Шу пайтга қадар 10 831 нафар коронавирус билан касалланганлар (54 фоиз) тузалиб кетган. Сўнгги кунларда коронавирусдан тузалганлар сони ҳам кескин ошиб бормоқда. Кечанинг ўзида бирданига 359 бемор соғайди. Вирус жами 112 кишини бевақт ҳаётдан олиб кетди. Жумладан, кеча пойтахтлик 34 ёшли ҳомиладор аёл COVID-19 нинг ўта оғир кечиши, ўткир нафас ва юрак қон-томир етишмовчилигидан вафот этди.

Ўзбекистон президенти Шавкат Мирзиёев видеоселектор йиғилишида мамлакат пандемияга қарши қандай кураш олиб бораётганига алоҳида тўхталиб ўтилди.

Давлат раҳбарининг маълум қилишича, ҳозирги вақтда германиялик тиббиёт профессори мамлакатга келиб, даволаш жараёнларида бевосита иштирок этмоқда. Туркиядан бир гуруҳ профессорлар етиб келади. Бошқа давлатлардан ҳам энг тажрибали мутахассисларни жалб қилиш бўйича иш олиб борилмоқда.

Мирзиёев бугунги кунда энг муҳим вазифа аҳоли ўртасида вирус занжирини узиш ҳисобланиши, бунинг учун карантин талабларига сўзсиз амал қилиш, уларнинг иммунитетини мустаҳкамлаш, соғлигини асраб-авайлаш, ҳар бир инсоннинг ҳаёти учун курашиш зарурлигини таъкидлади.

Йиғилишда президент касаллик юқтирилишининг олдини олиш, ўлим ҳолатларини кескин камайтириш мақсадида Республика махсус комиссиясининг амалдаги карантин чекловларини узайтириш таклифига розилик билдирганини маълум қилди.

Ўзбекистонда коронавирус пандемиясини жиловлашда жасорат кўрсатган 200 нафардан зиёд фидойилар фахрий унвон, орден ва медаллар билан тақдирланди.

Тожикистон

Сўнгги маълумотларга кўра, ўтган кун давомида 46 кишига коронавирус ташхиси қўйилган. Коронавирус билан касалланганларнинг умумий сони 7150 нафарга етган. Шулардан 5906 нафари (82,6 фоизи) тузалиб кетишга муваффақ бўлган. Пандемия бошланганидан буён 59 киши қурбон бўлган. Ҳафта давомида иккита ўлим ҳолати кузатилди.

COVID-19 билан касалланиш камайганига қарамасдан тўйлардаги меҳмонлар сони 30-40 нафаргача қисқартирилди. Аввалги тартибга кўра тўй соҳиби кафе ёки ресторанга 100 кишини меҳмонга чақириши мумкин эди.

Тожикистон Россия томонини мамлакат ҳукумати Россия билан парвозларни тиклаш тўғрисида қарор қабул қилгани ҳақида расман хабардор қилган.

Туркманистон

Туркманистон минтақада ҳозирга қадар коронавирус расман қайд этилмаган ва минтақадаги инфекциядан холи мамлакат бўлиб турибди.

Шунга қарамасдан Туркманистонда 13 июлдан бошлаб ниқоб тақиш мажбурий қилиб белгиланган. Шунингдек, қатор йирик бозорлар, Ашхободда барча истироҳат боғлари ва савдо марказлари вақтинча фаолиятини  тўхтатган. ЖССТ миссияси мамлакатга ташрифидан сўнг ўзини худди коронавирус кириб келгандек иш тутишини тавсия қилган эди.

Сўнгги маълумотларга кўра, дунё бўйлаб 16 миллиондан зиёд киши коронавирусни юқтириб олган. Касалликдан шифо топганлар сони 10 миллионга яқинлашмоқда. Қурбонлар сони 640 мингдан ошган.

464
Мавзу:
COVID-19 умумжаҳон пандемияси (1073)

Путин Россияда COVID-19 га қарши биринчи вакцина рўйхатга олинганини эълон қилди

176
(Янгиланган 14:32 11.08.2020)
Дунёда биринчи бўлиб коронавирусга қарши вакцина бугун эрталаб Россияда рўйхатга олинди. Россия ССВ у юқори самарали ва хавфсиз эканини маълум қилди.

ТОШКЕНТ, 11 авг — Sputnik. Россия президенти Владимир Путин Россияда коронавирусга қарши биринчи вакцина рўйхатга олинганини эълон қилди.

“Менга маълум бўлишича, бугун эрталаб дунёда биринчи янги коронавирус инфекциясига қарши вакцина рўйхатдан ўтказилди. Биламан, у етарли даражада самарали ишлайди, барқарор иммунитетни шакллантиради, такрорлайман, барча зарурий текширувлардан ўтди”, - деди у ҳукумат аъзолари билан йиғилишда. Унинг сўзларидан РИА Новости иқтибос келтирган.

У коронавирусга қарши вакцина устида иш олиб борганларга миннатдорчилик билдирган ва бу бутун дунё учун муҳим қадам эканини қайд этган.

Шунингдек, Россия етакчиси қизларидан бири коронавирусга қарши ушбу вакцина билан эмланганини маълум қилди.

Эслатиб ўтамиз, аввалроқ Гамалея номидаги Миллий эпидемиология ва микробиология тадқиқотлар марказида ишлаб чиқилган вакцина 12 августда рўйхатдан ўтказилиши кутилаётган хабар қилинган эди.

176
Боевики движения Талибан во время освобождения

Ашраф Ғани 400 нафар толибни озод қилиш тўғрисидаги фармонга имзо чекди

38
Аввалроқ Кобул оғир жиноятлар учун маҳкум қилинган бир неча юз жангариларни озод қилишдан бош тортганди. Бу масалани ҳал қилиш учун Лоя жирға кенгаши бўлиб ўтди.

ТОШКЕНТ, 11 авг — Sputnik. Афғонистон президенти Ашраф Ғани “Толибон”*нинг қолган 400 аъзосини озод қилиш тўғрисидаги фармонни имзолади. Бу ҳақда TOLO News  телеканали президент саройидаги манбасига таянган ҳолда хабар қилмоқда.

Шунингдек, Ғани қамоқдан афғон миллий хавфсизлик кучлари ходимларини озод қилиш тўғрисидаги ҳужжатга имзо чеккан. Бошқа тафсилотлар келтирилмаган.

Якшанба куни Афғонистоннинг Маслаҳат Лоя жирғаси аъзолари 400 нафар маҳбус толибларни озод қилиш тўғрисидаги қарор қабул қилди ва толиблар ва мамлакат ҳукуматини мамлакатдаги низо ва зўравонликларга барҳам бериш ва келишмовчиликларни музокаралар билан ҳал қилишга чақирди. Баёнотда яна таъкидланишича: Афғонистон халқи ва ҳукумати озод қилинган жангариларнинг фаолияти назорат қилиниши ва улар урушга қайтмасликларига ишончлари комил бўлиши зарур.

Озод қилинган 400 киши турли вақтлар давомида оғир жиноят учун маҳкум қилинган: улардан 156 нафари ўлим жазосига маҳкум қилинган, 105 нафари қотилликда айбланмоқда, 34 – қотилликка сабаб бўлган одам ўғирлашда, 51 – гиёҳванд моддаси контрабандаси, 44 нафари Афғонистон ва унинг иттифоқдошларининг қора рўйхатига киритилган, 6 нафари бошқа жиноятларда айбланмоқда, яна 4 нафарининг жинояти кўрсатилмаган.

Афғонлараро музокаралар бошланишидан олдин (Доҳада бўлиб ўтиши кутилмоқда) Афғонистон ҳукуматига “Толибон”* томонидан топширилган озод қилиниши керак бўлган кишилар рўйхатида жами 5 минг жангарининг исми келтирилганди. Ҳозирга қадар 4,6 минг маҳбус ва рўйхатдан ташқари яна 500 киши озодликка чиқарилган.

2020 йил февраль ойи охирида Қатарда АҚШ ва “Толибон”* радикал ҳаракати 18 йиллик урушдан сўнг тинфлик битимини имзолади. Битим чет эл қўшинларини 14 ой ичида Афғонистондан олиб чиқилиши ва асирлар билан алмашиш якунлангандан кейин афғонлараро мулоқот бошланишини назарда тутади.

Июль ойига келиб ушбу битим доирасида америка ҳарбийлари Афғонистондаги бешта базани тарк этди. АҚШ давлат котиби Майк Помпео август ойи бошида Лоя жирғадан қамоқдаги толибларни озод қилиш қилишга ва бу билан афғонлараро музокаралар олиб бориш йўлидаги сўнгги тўсиқни олиб ташлашга чақирган эди.

* - Россия ва қатор давлатларда тақиқланган террорчилик ташкилоти

38

Баррикада ва шовқинли гранаталар: сайловдан сўнг Минскда тартибсизликлар авж олди

0
(Янгиланган 14:13 11.08.2020)
Президент сайловидан сўнг икки кундан бери Беларусда норозилик намойишлари ўтказилмоқда. Энг катта намойиш Минскда бўлиб ўтди.

Душанба, кунинг иккинчи ярмида беларуслар яна пойтахт кўчаларига чиқишди. Норозилик намойишлари республиканинг барча вилоят марказларида ўтказилди.

Пойтахтнинг Пушкин майдонида намойишчилар ахлат қутилардан баррикаларни қуриб олишди. Намойишчилардан бири полиция томон портловчи қурилмани улоқтиришга ҳаракат қилади, бироқ қурилма унинг қўлида портлаб кетди. Олган жароҳатлардан эркак вафот этди.

Милиция намойишчиларни тарқатиш учун ёруғлик-шовқин гранаталар қўллади. Кўплаб намойишчилар қўлга олинди.

Милиция ички қўшин ва “Альфа” бўлинмаси ёрдами билан намойишчиларни тарқатиб юборди. Айни вақтда коммунал хизматлар кўчаларни тозаламоқда.

Эслатиб ўтамиз, 9 август куни мамлакатда президентлик сайлови бўлиб ўтди. Дастлабки маълумотларга кўра, президент Александр Лукашенко 80,08 фоиз овоз тўплаган. Унинг асосий рақиби Светлана Тихановская 10,09 фоиз овозга эга бўлди.

0
  • © REUTERS / Vasily Fedosenko

    People attend a rally following the presidential election in Minsk, Belarus August 11, 2020. The opposition rejected official election results handing President Alexander Lukashenko a landslide re-election victory.

  • © AP Photo / Sergei Grits

    Police run to block protesters during a mass rally following presidential elections in Minsk, Belarus, Monday, Aug. 10, 2020. Thousands of people have protested in Belarus for a second straight night after official results from weekend elections gave an overwhelming victory to authoritarian President Alexander Lukashenko, extending his 26-year rule. A heavy police contingent blocked central squares and avenues, moving quickly to disperse protesters and detained dozens.

  • © AFP 2018 / Sergei Gapon

    Жароҳатланган намойишчи

  • © REUTERS / Vasily Fedosenko

    Минск полицияси намойиш вақтида.

  • © AFP 2018 / Sergei Gapon

    Минск кўчаларидаги тартибсизликлар.

  • © Sputnik / Viktor Tolochko

    Минск кўчаларидан бирида намойишчилар

  • © AP Photo / Sergei Grits

    Президент сайловидан сўнг намойишлар.

  • © REUTERS / Vasily Fedosenko

    Президент сайловидан сўнг намойишлар.

  • © Sputnik / Viktor Tolochko

    Минскда ҳуқуқ тартибот орган ходимлари.

  • © Sputnik / Viktor Tolochko

    Минскда намойишчи.

  • © REUTERS / Vasily Fedosenko

    Президент сайловидан сўнг Минскда норозилик намойишлари ўтказилмоқда.

  • © REUTERS / Vasily Fedosenko

    Минскда ўтган тунда намойиш ва тартибсизликлар давом этди.

  • © REUTERS / Vasily Fedosenko

    Намойишга чиққан аёл