Полицейский стоит перед зданием бывшего консульства  США в Чэнду, провинция Сычуань, Китай

Хитой ҳукумати АҚШнинг Чэндудаги консулхонасини ёпди

199
Хитойда АҚШнинг АҚШнинг Чэндудаги консулхонаси расман ёпилди. Маҳаллий ҳукумат вакиллари муассасани ўзига қабул қилиб олди

ТОШКЕНТ, 27 июл — Sputnik. Хитойда АҚШнинг АҚШнинг Чэндудаги консулхонаси расман ёпилди. Бу ҳақда Хитой ТИВ маълумотига асосланган ҳолда РИА Новости ёзмоқда.

Шундан сўнг маҳаллий ҳукумат вакиллари муассаса ҳудудига асосий дарвоза орқали киришган ва уни ўзларига қабул қилиб олишган.

Йигирма биринчи июль куни Қўшма Штатлар Хьюстондаги Хитой бош консуллигини ёпди. АҚШга кўра, бу интеллектуал мулк ва америкаликларнинг шахсий маълумотлари муҳофазасини таъминлаш зарурати туфайли амалга оширилди.

Пекин бу ҳолатни сиёсий фитна деб атаб, жавобан "қатъий қадамлар" билан чора кўришга ваъда берди.

АҚШ ва Хитой муносабатларида сўнгги вақтларда зиддият кучаймоқда. Вашингтон ва Пекиннинг ўзаро иқтисодий даъволари бор. Бундан ташқари, америка администрацияси Хитойни коронавирус билан боғлиқ вазият ҳақида ахборот беришда виждонан ёндашмаганликда айбламоқда, Пекин эса Вашингтоннинг унинг ички ишларига, хусусан, Гонконг билан муносабатларига  аралашувидан норози.

199
Приземление самолета компании Air Astana в аэропорту Алматы

Қозоғистон етти мамлакат билан мунтазам парвозларни тикламоқда

69
2020 йил 17 августдан Қозоғистон босқичма-босқич халқаро парвозларни қайта тиклайди. Аввалига қозоғистонликлар еттита мамлакатга парвоз қилишлари мумкин.

ТОШКЕНТ, 12 авг — Sputnik. Қозоғистон босқичма-босқич қатор давлатларга, жумладан, Россияга халқаро парвозларни қайта тикламоқда. Бу ҳақда Sputnik Қозоғистон мамлакат фуқаро авиацияси қўмитасига таянган ҳолда хабар қилмоқда.

Қозоғистонликлар 17 августдан Бирлашган Араб Амирликлари, Беларусь, Германия, Нидерландия, Миср, Украина ва Россияга парвоз қилишлари мумкин.

“Соғлиқни сақлаш вазирлиги томонидан юқорида келтирилган мамлакатлар авиация ҳукумати билан биргаликда олдиндан мунтазам йўловчи рейсларини қайта тиклаш масаласи ишлаб чиқилган. Шу билан бирга шуни таъкидлаш жоизки, Россияга парвозларни амалга ошириш учун Россия томонининг рухсатномаси талаб этилади”, - дейилган хабарда.

Таъкидланишича, рейслар амалдаги ҳаво алоқалари тўғрисидаги ҳукуматлараро битимлар асосида амалга оширилади.

69

Германия ТИВ АҚШнинг “Шимолий оқим-2” бўйича таҳдидларига кескин жавоб қайтарди

252
Германия ташқи ишлар вазири энергия ташувчиларни кимдан сотиб олиш бўйича қарор Евроиттифоқнинг суверен қарори эканини урғулади.

ТОШКЕНТ, 12 авг - Sputnik. Энергия ташувчиларни кимдан сотиб олиш бўйича қарор Евроиттифоқнинг суверен қароридир ва унга ташқаридан ҳеч ким энергия сиёсатини қандай юритишни буюролмайди. Бу ҳақда Германия ташқи ишлар вазири Хайко Маас Москвада россиялик ҳамкасби Сергей Лавров билан бўлиб ўтган музокаралардан сўнг матбуот анжуманида маълум қилди.

Маас АҚШнинг “Шимолий оқим-2”га қарши санкцияларни кучайтириш режаларини шундай изоҳлади.

"Германия ҳукумати учун трансатлантик алоқалар кўп йиллар давомида улкан аҳамиятга эга бўлиб келган, ва нафақат биз учун, балки умуман Европа учун ҳам. Улар ҳар қандай сиёсий вазиятдан чуқурроқдир. Аммо шунга қарамай, алоҳида таъкидлаб ўтишимиз керак, шериклар ўртасидаги санкциялар мавжудлиги - бу нотўғри йўл, бу ёлғон йўли. Ва охир-оқибат, биз энергия ташувчиларни қаердан сотиб олишимиз – бу бизнинг суверен қароримиз. Ҳеч бир давлат таҳдидлар ёрдамида ЕИнинг энергия сиёсатини белгилаб беролмайди", - деди у.

Вазирнинг таъкидлашича, ЕИ ичидан экстерриториал санкциялар ҳалқаро ҳуқуқни қанчалар бузаётганлиги муҳокама қилинмоқда, ва бу позицияни АҚШ давлат котиби билан бўлган суҳбатда "аниқ ифода этганини" таъкидлади.

“Шимолий оқим-2” лойиҳаси Россия соҳилидан Болтиқ денгизи бўйлаб Германияга олиб борадиган, қуввати йилига 55 миллиард кубометр бўлган газ қувурини ётқизишни кўзда тутади. Лойиҳани амалга ошириш билан, ягона акционери Газпром бўлган Nord Stream 2 AG шуғулланмоқда. Унинг европалик шериклари - Royal Dutch Shell, OMV, Engie, Uniper и Wintershall  - лойиҳани ярмини молиялаштирмоқдалар, ҳар бири 950 миллион евродан.

Ўз суюлтирилган газини ЕИда илгари сураётган АҚШ, лойиҳага фаол қарши чиқмоқда. Ўтган йилнинг охирида АҚШ “Шимолий оқим-2”-га қарши санкцияларни мудофаа бюджетига киритди, бунинг натижасида қувурларни ётқизиш билан шуғулланган Швейцариянинг Allseas компанияси ишни деярли дарҳол тўхтатди.

Июль ойида Давлат департаменти “Америка душманларига санкциялар орқали қарши курашиш” тўғрисидаги қонун доирасига ўз тавсияларни чоп этди, ва унга “Шимолий оқим-2” ва “Турк оқими”нинг иккинчи қувурини киритди. Бу Россиянинг экспорт газ қувур линиялари билан боғлиқ инвестициялар ва бошқа фаолиятни санкциялар хавфи остига қўяди. Бундан ташқари, июль ойида Конгресс вакиллар палатаси ва Сенат лойиҳага қарши кенгайтирилган санкцияларни ўз ичига олган мудофаа бюджети вариантларини тасдиқладилар.

252
Абдурахмонова Мадинабону Жахонгир кизи, 2006 года рождения

Бедарак йўқолган 14 яшар қиз бир ойдан бери қидирилмоқда Тошкент ИИББ

13
Бухоро вилояти, “Дилобод-Зафаробод” МФЙ манзили бўйича яшовчи Мадинабону Абдураҳмонова 9 июль куни тахминан соат 06.00 да уйидан чиқиб, қайтиб келмаган.

ТОШКЕНТ, 12 авг — Sputnik. Бедарак йўқолган 14 ёшли Мадинабону Абдураҳмонова қидирилмоқда, деб хабар қилди Тошкент шаҳар ИИББ.

Хабарда айтилишича, 2006 йилда туғилган, Бухоро вилояти, “Дилобод-Зафаробод” МФЙ манзили бўйича яшовчи Абдураҳмонова Мадинабону Жаҳонгир қизи 2020 йил 9 июль куни тахминан соат 06.00 да уйидан чиқиб, қайтиб келмаган.

Белгилари: бўйи 160 см, кўзлари қора, сочлари тўқ жигар ранг.

Кийимлари: ҳаво ранг кўйлак, қора шим. Ёнида қора аёллар сумкаси бор эди.

“Ҳурматли ҳамшаҳарлар ва Тошкент меҳмонлари! Агар сиз Мадинобону Абдурахмоновани кўрган бўлсангиз ёки унинг турар жойи ҳақида бирор маълумотга эга бўлсангиз, қуйидаги рақамлар орқали хабар беришингизни сўраймиз: +99865-220-40-99; +99865-220-40-30; +99865-224-52-49 (Бухоро вилояти ИИБ), 71-232-30-40, 71-232-40-50 (Тошкент шаҳар ИИББ) ёки 102”, - дейилган хабарда.

13