Флаги Евросоюза и стран G7

Германия ТИВ раҳбари Россиянинг G7 га қайтишига қарши чиқди

262
Германия ташқи ишлар вазири мамлакат Россиянинг “Катта еттилик” форматига қайтишига қарши эканини маълум қилди.

ТОШКЕНТ, 27 июл — Sputnik. Германия Россиянинг “Катта еттилик” форматига қайтишига қарши чиқади. Бу ҳақда Германия ташқи ишлар вазири Хайко Маас Rheinische Post нашрига берган интервьюсида маълум қилди.

Дипломат Москвани ушбу форматдан чиқариб юборишга мамлакатга Қримнинг қўшилгани ҳамда Украинадаги вазият сабаб бўлганини таъкидлаган.

“Ушбу масала ҳал қилинмаган экан, мен Россияни таклиф этишнинг (G7 саммитига - таҳр.) имконини кўрмаяпман”, — деди Маас. Унинг сўзларидан РИА Новости иқтибос келтирган.

Шунингдек,у АҚШ президенти Дональд Трампнинг G7 саммитига Россия, Ҳиндистон, Жанубий Корея ва Австралияни таклиф этишга таклифига ҳам қўшилмаслигини маълум қилди. Вазирнинг сўзларига, Берлин учун 11 ёки 12 та мамлакат эмас, балки айнан еттилик ёки йигирматалик формати мақбул саналади.

Шунингдек, Маас россиялик ҳамкасби Сергей Лавровнинг тажрибасига юқори баҳо берган. Маас Россия ТИВ раҳбари ўз мамлакатининг манфаатларини изчил ҳимоя қилиб келиши, бироқ у билан ҳар доим “ечим топиш” мумкинлигини қўшимча қилган.

Аввалроқ Трамп G7 саммитини сентябргача қолдириши ва унга тўрт давлатни - Россия, Ҳиндистон, Жанубий Корея ва Австралияни таклиф қилмоқчилигини маълум қилган эди. Унинг сўзларига кўра, “еттилик гуруҳ” ўз таркиби бўйича дунёда содир бўлаётганларни аниқ акс эттирмаяпти. Бу мамлакатларнинг “жуда эскирган гуруҳи”.

Владимир Путин ўз навбатида, Москва мулоқотга тайёрлиги ва G8 форматини тикланишини истисно этмаслиги, лекин бу у учун асосий мақсад эмаслигини таъкидлаган.

262

Туркия “Спутник V” вакцинасини ишлаб чиқаришни йўлга қўяди

85
Таъкидланишича, ишлаб чиқарилган вакцина ҳам Туркия ички бозорига, ҳам бошқа мамлакатларга етказиб берилади.

ТОШКЕНТ, 24 янв — Sputnik. Россия тўғридан-тўғри инвестициялар жамғармаси ва етакчи Туркия фармацевтика маҳсулотлари ишлаб чиқарувчиси Туркияда COVID-19 га қарши “Спутник V” вакцинасини ишлаб чиқариш тўғрисида битим имзолади. Бу ҳақда РИА Новости хабар қилмоқда.

Қайд этилишича, йилига бир неча миллион доза вакцина ишлаб чиқарилади, келгусида ишлаб чиқаришни кенгайтириш эҳтимоли муҳокама қилинмоқда. 

“Вакцина ҳам Туркия ички бозорига, ҳам бошқа мамлакатларга етказиб берилади”, - дейилган хабарда.

Туркия “Спутник V” вакцинасини ишлаб чиқаришни ташкиллаштиришга қизиқиш билдирди

"Спутник V" – Россиянинг Гамалея номидаги Миллий микробиолигия ва иммунология маркази томонидан ишлаб чиқилган ва рўйхатга олинган дунёдаги биринчи вакцинадир. Бугунги кунда Спутник V вакцинасини олганлар сони 1 миллиондан ошган ва унинг самарадорлиги 95 %ни ташкил қилган.

Эслатиб ўтамиз, аввалроқ Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиев Ўзбекистонда “Спутник V” вакцинасини тезкор сертификациялаш устида иш олиб борилаётгани ва уни чиқаришни маҳаллийлаштириш бўйича музокаралар олиб борилаётгани ҳақида маълум қилган эди.

85
Теглар:
вакцина, Спутник V, Россия тўғридан-тўғри инвестициялар жамғармаси, Туркия
Генерал Ллойд Джеймс Остин III

Илк бор афроамерикалик Пентагон раҳбари бўлди - Сенат Ллойд Остин номзодини маъқуллади

227
(Янгиланган 10:05 23.01.2021)
АҚШ Сенати Мудофаа раҳбари номзодини маъқуллади. Пентагон раҳбари лавозимини тўрт юлдузли генерал рангига эга 67 ёшли Ллойд Остин эгаллади. У 2016 йилдан истеъфода эди

ТОШКЕНТ, 23 янв — Sputnik. АҚШ Сенати Пентагон раҳбари лавозимига Ллойд Остин номзодини маъқуллади, деб хабар бермоқда РИА Новости.

Остин учун 93 нафар сенатор овоз берган, икки киши қарши чиққан. Сал олдин унинг номзодини сенатнинг мудофаа қўмитаси қўллаб-қувватлаган эди. 

Фуқаролик мудофаа вазири лавозимига етти йилгача бўлган муддат аввал истеъфога чиққан ҳарбийлар сафидан номзодлар учун конгресснинг махсус рухсатномаси талаб этилади. Остин 2016 йилда истеъфога чиққан.

Ллойд Остин 67 ёшда, тўрт юлдузли генерал рангига эга. Остин АҚШ мудофаа идорасига раҳбарлик қилган биринчи афроамерикаликка айланди. Германияда, Қўшма Штатларнинг кўплаб нуқталарида хизмат қилган, штаблар раҳбарлари бирлашган қўмитасида фаолият юритган, дивизия қўмондони бўлган ва 2006 йилда генерал-лейтенант унвонини олган.

2010-йилда Остин АҚШнинг Ироқдаги кучлари қўмондони этиб тайинланган ва мамлакатдан аста-секин чиқарилиши учун жавоб берган. 2011 йилнинг декабрида уни қуруқликдаги кучлар штаби қўмондони ўринбосари этиб тайинлашган, 2013-2016 йилларда у АҚШ ҲК Марказий қўмондонлигига раҳбарлик қилган.

Бу лавозимда у Вашингтоннинг "Ислом давлати"га қарши кураш стратегиясини ишлаб чиқишда бош рольни ўйнаган. 2016 йилда истеъфодан сўнг энг йирик қурол ишлаб чиқарувчи - Raytheon директорлар кенгашида лавозимни эгаллаган.

227

Товарларнинг нархларини чет-эл валюталарига боғлаш мумкин бўлди

327
“Валютани тартибга солиш тўғрисида”ги қонунга киритилган қўшимчаларга кўра, эндиликда товарларнинг нархлари чет-эл валюталари ва шартли бирликларига боғланиши мумкин.

ТОШКЕНТ, 24 янв — Sputnik. 22 январь куни қабул қилинган қонун билан “Валютани тартибга солиш тўғрисида"ги қонунга қўшимчалар киритилди.

Унга мувофиқ, Ўзбекистонда реализация қилинадиган товарлар (ишлар, хизматлар) нархлари чет эл валюталарига ва шартли бирликларга боғланиши мумкин. Бу тартиб фақат президент қарорлари асосида давлат-хусусий шериклик тўғрисидаги битимлар ва Ҳукумат орқали жалб этилган чет эл инвестициялари лойиҳаларига тааллуқли. Бунга қадар мазкур тартиб мавжуд эмас эди.

Концессиялар билан боғлиқ муносабатлар “Давлат-хусусий шериклик тўғрисида”ги қонунда ўз аксини топмоқда.

Концессия лойиҳаларини рўёбга чиқариш ДХШ лойиҳалари учун белгиланган тартибда амалга оширилади.

Эндиликда фақатгина қиймати 1 млн доллардан ортиқ лойиҳаларининг тендер ҳужжатлари ва ДХШ тўғрисидаги битимларнинг лойиҳалари келишилади.

Киритилган қўшимчалар билан маҳаллий ижро этувчи ҳокимият органларининг давлат-хусусий шериклик соҳасидаги ваколатлари белгиланди.

Давлат-хусусий шериклик лойиҳаларига оид маълумотларнинг эълон қилинадиган қисми аниқлаштирилди.

Хусусан, бунда расмий веб-сайтларга лойиҳа тарафлари, фаолият йўналиши, жойлашган ери, лойиҳа муддати ва умумий қиймати, товарлар, давлат томонидан қўллаб-қувватлаш ҳажми ва турларига оид маълумотлар жойланади.

327