Многоцелевой сторожевой корабль ближней морской зоны (корвет) Стойкий, большой противолодочный корабль (БПК) Адмирал флота Советского Союза Горшков (слева направо)

Британияликлар Россия флоти қудратини тан олишди

1117
(Янгиланган 13:18 28.07.2020)
Куни кеча Кронштадтда Бош ҳарбий-денгиз паради бўлиб ўтди. Унда Россия флотининг нодир намуналари намойиш этилди.

ТОШКЕНТ, 27 июл — Sputnik. Россия якшанба куни бўлиб ўтган кенг кўламли денгиз парадида ўз флотининг ўсаётган қудратини кўрсатди, дея ёзади Daily Mail журналисти Амелия Винн.

Муаллиф сўнгги йилларда ҲДФнинг (Ҳарбий-денгиз флоти) жиддий модернизация қилинганига эътибор қаратган. Россия президенти Владимир Путин флот таркибида яна 40 та кема ва ҲДФ гипертовушли қурол билан жиҳозланишини эълон қилган.

Бундан ташқари, журналист парад нафақат Санкт-Петербургда, балки Россиянинг бошқа қатор шаҳарларида ҳам ўтказилганига эътибор қаратган: Владивосток, Севастополь, Петропавловск-Камчатский, Балтийск, Североморск, Каспийск ва Тартусдаги ҳарбий-денгиз базада.

Нашрнинг кўплаб ўқувчилари муаллифнинг баҳосига қўшилишган.

“Денгиз чегаралари 12 километр бўйлаб ювилган бир пайтда уларни ҳимоя қилиш учун етарлича миқдордаги кема лозим”, - дея ёзган thebestcountry никли фойдланувчи.

“Ҳайратга солади!”, - дея лўнда ёзган Obvi.

“Қироллик флотини кўпайтириш зарур. Бизнинг ҳимоя қилиш керак бўлган денгиз чегараларимиз бор”, - дея ёзган Ben Hall.

“Путин сингари ватанпарвар лидеримиз бўлмагани уятли. У кема қураётган бир пайтда, Борис (Жонсон – таҳр.) Хитойга пул бермоқда”, - дея куюнган henryford1958.

Куни кеча Кронштадтда Бош ҳарбий-денгиз паради бўлиб ўтди. Унда Россия флотининг нодир намуналари намойиш этилди: “Петр Моргунов” катта десант кемаси, "Адмирал Касатонов” фрегати, “Петропавловск-Камчатский” дизель-электрик сув ости кемаси, “Советск” ва “Митиши” кичик ракета кемалари. Ушбу энг янги кемалардан айримларининг хусусиятлари махфийлигича қолмоқда.

1117
Дональд Трамп со своей женой Меланией

“Дональд - жангчи”: Мелания Трамп эрини қўллаб-қувватлади

43
(Янгиланган 14:05 28.10.2020)
АҚШнинг биринчи хоними Мелания Трамп эри Дональд Трампнинг сайловолди ташвиқоти бошланганидан бери илк марта уни қўллаб-қувватлади.

ТОШКЕНТ, 28 окт — Sputnik. Сайловолди ташвиқоти бошланганидан бери АҚШнинг биринчи хоними Мелания Трамп илк марта эрини қўллаб-қувватлади. РИА Новости хабарига асосан.

"У жангчи" ва уни яна тўрт йилга Оқ уйда қолдириш керак”, деб айтди.

"Дональд - жангчи, у бу мамлакатни яхши кўради ва у сиз учун ҳар куни курашади", - деди АҚШ президентининг рафиқаси Пенсилвания штатидаги митингда.

У ўз нутқини коронавирусга чалинганида кўрсатилган кўмак учун миннатдорлик изҳор этиш билан бошлади. "Биз Америка ушбу кутилмаган муаммони енгиб чиқишини биламиз", - Мелания Трамп. 

Бироқ турмуш ўртоғининг хизматларини санаб ўтаётганда, томошабинлардан кимдир: "бунинг устига у ёқимтой”, деб бақирганида, у жилмайиб қўйди ва ҳеч қандай ишора қилмасдан: "Қўшиламан", деди.

Тадбир учун яшил рангли ҳарбий услубдаги кўйлакни танлаган Мелания, шунингдек, эри "жинси ва ирқидан қатъи назар Дональд одамларга ёрдам беришни яхши кўришини", таъкидлади.

"Бошлаган ишини охирига етказиши ва мамлакатимиз гуллаб-яшнашида давом этиши учун биз Дональдни Оқ Уйда ушлаб қолишимиз керак", - деб қўшимча қилди у.

43
Сиэтл освобожден от анархистов: полиция США ликвидировала автономную зону CHAZ

Вашингтонда полициячиларга қарши янги норозиликлар авж олди

68
(Янгиланган 13:13 28.10.2020)
Вашингтонда юз берган ҳалокатли авариядан сўнг авж олган протекстлар полиция билан тўқнашувларга айланиб кетди

ТОШКЕНТ, 28 окт - Sputnik. Вашингтон штати Колумбия округида авария оқибатида мопед ҳайдовчисининг ўлими ҳодисасидан сўнг юз берган протест акциялари, полиция билан тўқнашувларга айланиб кетди. Бу ҳақда РИА Новости Washington Postга таянган ҳолда хабар бермоқда.

Фожиали ҳодиса жума куни маҳаллий вақт билан тахминан 22.10да юз берган. Хабарларга кўра, полициячилар шлемсиз электр мопедни бошқариб бораётган одамни кўриб қолишган ва қоидабузарни тўхтатишга уринганлар, аммо шу вақтда мопед бошқа бир транспорт билан тўқнашиб кетган. Авария оқибатида мопед ҳайдовчиси ҳалок бўлган. Полиция маълумотига кўра, мотоциклчи касалхонада жон берган.

Мопед ҳайдовчисининг вафоти шаҳарда норозилик акцияларини юзага келтирган. Митинг иштирокчилари ҳодиса тафсилотларини билишни исташган. Тартибсизликлар давомида намойишчилар полиция участкаси биносида ойналарни синдириб, бир нечта ахлат қутиларини ағдаришган. Шунингдек, намойишчилар ҳуқуқни муҳофаза қилиш органларига қарата турли предметларни улоқтиришган. Камида бир нафар полициячи жабрланган, бир киши қўлга олинган.

Колумбия округи полиция раҳбари Питер Ньюшэм тергов томонидан суриштирув ўтказилиши ва ҳалок бўлган инсон таъқиб қилиниши факти бўлган-бўлмагани, унинг ўлими асл сабабини аниқлаштирилиши зарурлигини қайд этган.

68