Председатель Трудовой партии Кореи Ким Чен Ын

Ким Чен Ин: ядровий қурол КХДРда урушсиз ҳаётни таъминлайди

210
(Янгиланган 11:06 28.07.2020)
КХДР етакчиси сўзларига кўра, Корея уруши давридан буён душманлар билан аёвсиз кураш давом этмоқда ва "империалистлар томонидан босим" фақатгина кучайган.

ТОШКЕНТ, 28 июл – Sputnik. Шимолий Кореяда ядровий қуролнинг мавжудлиги мамлакатда тинчликни ва кафолатланган муҳофазани таъминлайди. Бу ҳақда КХДР етакчиси Ким Чен Ин душанба куни Корея уруши якунланганининг 67 йиллиги муносабати билан ўтказилган 6-фахрийлар миллий анжуманида сўзлаган тантанали нутқида айтиб ўтди.

"1950-йиллардаги уруш кулфатлари ва азобларини яна бир бор бошдан кечирмаслик учун биз урушни тўхтатадиган ва унинг олдини оладиган мутлақ кучга эга бўлмоғимиз лозим эди. Шу боис, бошқалар 100 марта қоқилиб, таслим бўладиган жойда, биз, барча қийинчиликларни енгиб, барча хилдаги таҳдид ва фитналарга сабр қилиб, ядровий держава сифатида ўз тараққий йўлимиздан бордик. Энди биз империалист-рақибларнинг душман кучлари томонидан амалга ошириладиган фаол душманлик провокацияларининг ҳар қандай шакли ва ҳарбий таҳдид билан бизни қўрқитишдан ишончли ва қатъий ҳимояланган давлатга айландик. Уруш - бу кимгадир менсимай қарайдиганлар билан қуролли можародир. Энди ҳеч ким бизга паст баҳо бера олмайди. Агар шундай қилса - бу учун тегишли тўловни амалга оширишига тўғри келади", - деб айтган Ким Чен Ин. Унинг сўзларидан Шимолий Кореянинг Марказий телеграф агентлиги (ЦТАК) иқтибос келтирган.

КХДР етакчиси сўзларига кўра, Корея уруши давридан буён душманлар билан аёвсиз кураш давом этмоқда ва "империалистлар томонидан босим" фақатгина кучайган. Мамлакатни ташқи таҳдидлардан ҳимоялаш учун КХДР ҳеч қачон бошқа мамлакатлар у билан тенглаша олмайдиган "энг қудратли миллий мудофаа салоҳиятини мукаммаллаштиришдан тўхтамайди".

"Бизнинг ишончли ва самарали жиловлаш кучларимиз туфайли бу заминда бошқа уруш бўлмайди ва бизнинг миллий хавфсизлигимиз ва келажагимиз абадий мустаҳкам кафолатланади", - деган Ким Чен Ин.

КХДР уруш ветеранларининг биринчи йиғинини 1993 йилда, уруш якунланганига 40 йил тўлганида ўтказган эди. Қолган тўрт учрашув 2012, 2013, 2015 ва 2018 йилларда ўтказилган. Ким Чен Ин ушбу тадбирда сўнгги марта 2015 йилда нутқ билан чиқиш қилган.

Жанубий Корея ОАВнинг таъкидлашича, бу йилги тадбир коронавирус пандемияси ва санкциялар иқтисодий оқибатлари олдида ички бирликни мустаҳкамлашга қаратилган.

ЦТАК хабарига кўра, Пхеньянда уруш якун топганининг 67 йиллиги муносабати билан салют отилган ва кўплаб одамлар фейерверкларни томоша қилгани келишган.

Корея уруши 1953 йилнинг 27 июлида БМТ байроғи остида уруш қилган АҚШ қўшинлари ва КХДРнинг тинчлик битимини имзолаши билан якун топган. Бу техник жиҳатдан Жанубий ва Шимолий Кореяни уруш ҳолатида қолдирган эди.

210

Туркия “Спутник V” вакцинасини ишлаб чиқаришни йўлга қўяди

85
Таъкидланишича, ишлаб чиқарилган вакцина ҳам Туркия ички бозорига, ҳам бошқа мамлакатларга етказиб берилади.

ТОШКЕНТ, 24 янв — Sputnik. Россия тўғридан-тўғри инвестициялар жамғармаси ва етакчи Туркия фармацевтика маҳсулотлари ишлаб чиқарувчиси Туркияда COVID-19 га қарши “Спутник V” вакцинасини ишлаб чиқариш тўғрисида битим имзолади. Бу ҳақда РИА Новости хабар қилмоқда.

Қайд этилишича, йилига бир неча миллион доза вакцина ишлаб чиқарилади, келгусида ишлаб чиқаришни кенгайтириш эҳтимоли муҳокама қилинмоқда. 

“Вакцина ҳам Туркия ички бозорига, ҳам бошқа мамлакатларга етказиб берилади”, - дейилган хабарда.

Туркия “Спутник V” вакцинасини ишлаб чиқаришни ташкиллаштиришга қизиқиш билдирди

"Спутник V" – Россиянинг Гамалея номидаги Миллий микробиолигия ва иммунология маркази томонидан ишлаб чиқилган ва рўйхатга олинган дунёдаги биринчи вакцинадир. Бугунги кунда Спутник V вакцинасини олганлар сони 1 миллиондан ошган ва унинг самарадорлиги 95 %ни ташкил қилган.

Эслатиб ўтамиз, аввалроқ Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиев Ўзбекистонда “Спутник V” вакцинасини тезкор сертификациялаш устида иш олиб борилаётгани ва уни чиқаришни маҳаллийлаштириш бўйича музокаралар олиб борилаётгани ҳақида маълум қилган эди.

85
Теглар:
вакцина, Спутник V, Россия тўғридан-тўғри инвестициялар жамғармаси, Туркия
Генерал Ллойд Джеймс Остин III

Илк бор афроамерикалик Пентагон раҳбари бўлди - Сенат Ллойд Остин номзодини маъқуллади

227
(Янгиланган 10:05 23.01.2021)
АҚШ Сенати Мудофаа раҳбари номзодини маъқуллади. Пентагон раҳбари лавозимини тўрт юлдузли генерал рангига эга 67 ёшли Ллойд Остин эгаллади. У 2016 йилдан истеъфода эди

ТОШКЕНТ, 23 янв — Sputnik. АҚШ Сенати Пентагон раҳбари лавозимига Ллойд Остин номзодини маъқуллади, деб хабар бермоқда РИА Новости.

Остин учун 93 нафар сенатор овоз берган, икки киши қарши чиққан. Сал олдин унинг номзодини сенатнинг мудофаа қўмитаси қўллаб-қувватлаган эди. 

Фуқаролик мудофаа вазири лавозимига етти йилгача бўлган муддат аввал истеъфога чиққан ҳарбийлар сафидан номзодлар учун конгресснинг махсус рухсатномаси талаб этилади. Остин 2016 йилда истеъфога чиққан.

Ллойд Остин 67 ёшда, тўрт юлдузли генерал рангига эга. Остин АҚШ мудофаа идорасига раҳбарлик қилган биринчи афроамерикаликка айланди. Германияда, Қўшма Штатларнинг кўплаб нуқталарида хизмат қилган, штаблар раҳбарлари бирлашган қўмитасида фаолият юритган, дивизия қўмондони бўлган ва 2006 йилда генерал-лейтенант унвонини олган.

2010-йилда Остин АҚШнинг Ироқдаги кучлари қўмондони этиб тайинланган ва мамлакатдан аста-секин чиқарилиши учун жавоб берган. 2011 йилнинг декабрида уни қуруқликдаги кучлар штаби қўмондони ўринбосари этиб тайинлашган, 2013-2016 йилларда у АҚШ ҲК Марказий қўмондонлигига раҳбарлик қилган.

Бу лавозимда у Вашингтоннинг "Ислом давлати"га қарши кураш стратегиясини ишлаб чиқишда бош рольни ўйнаган. 2016 йилда истеъфодан сўнг энг йирик қурол ишлаб чиқарувчи - Raytheon директорлар кенгашида лавозимни эгаллаган.

227

Товарларнинг нархларини чет-эл валюталарига боғлаш мумкин бўлди

337
“Валютани тартибга солиш тўғрисида”ги қонунга киритилган қўшимчаларга кўра, эндиликда товарларнинг нархлари чет-эл валюталари ва шартли бирликларига боғланиши мумкин.

ТОШКЕНТ, 24 янв — Sputnik. 22 январь куни қабул қилинган қонун билан “Валютани тартибга солиш тўғрисида"ги қонунга қўшимчалар киритилди.

Унга мувофиқ, Ўзбекистонда реализация қилинадиган товарлар (ишлар, хизматлар) нархлари чет эл валюталарига ва шартли бирликларга боғланиши мумкин. Бу тартиб фақат президент қарорлари асосида давлат-хусусий шериклик тўғрисидаги битимлар ва Ҳукумат орқали жалб этилган чет эл инвестициялари лойиҳаларига тааллуқли. Бунга қадар мазкур тартиб мавжуд эмас эди.

Концессиялар билан боғлиқ муносабатлар “Давлат-хусусий шериклик тўғрисида”ги қонунда ўз аксини топмоқда.

Концессия лойиҳаларини рўёбга чиқариш ДХШ лойиҳалари учун белгиланган тартибда амалга оширилади.

Эндиликда фақатгина қиймати 1 млн доллардан ортиқ лойиҳаларининг тендер ҳужжатлари ва ДХШ тўғрисидаги битимларнинг лойиҳалари келишилади.

Киритилган қўшимчалар билан маҳаллий ижро этувчи ҳокимият органларининг давлат-хусусий шериклик соҳасидаги ваколатлари белгиланди.

Давлат-хусусий шериклик лойиҳаларига оид маълумотларнинг эълон қилинадиган қисми аниқлаштирилди.

Хусусан, бунда расмий веб-сайтларга лойиҳа тарафлари, фаолият йўналиши, жойлашган ери, лойиҳа муддати ва умумий қиймати, товарлар, давлат томонидан қўллаб-қувватлаш ҳажми ва турларига оид маълумотлар жойланади.

337