Символ столицы Казахстана - Байтерек - с высоты птичьего полета. Невероятный ракурс!

Қозоғистонда 3 августдан карантин енгиллаштирилади

338
Қозоғистон соғлиқни сақлаш вазири Алексей Цой мамлакатда 3 августдан карантин енгиллаштирилишини маълум қилди. Шу билан бирга қатор чекловлар ўз кучида қолади.

ТОШКЕНТ, 28 июл — Sputnik. Қозоғистон соғлиқни сақлаш вазири Алексей Цой мамлакатда 3 августдан карантин енгиллаштирилишини маълум қилди.

Sputnik Қозоғистон нашри хабарига кўра, карантин чораларининг енгиллаштирилишига мамлакатда COVID-19 билан касалланиш ва ўлим даражасининг пасайиши ҳамда ҳафта давомида ўринларнинг бандлиги 70 фоиздан ошмаслиги сабаб бўлади.

3 августдан рухсат берилади:

- савдо марказлари, савдо уйлари, кун ва вақтини чегаралаган ҳолда савдо тармоқлари, ёпиқ озиқ-овқат ва ноозиқ-овқат бозорлари;

- болаларни коррекциялаш кабинетлари, ўқув марказлари, болаларнинг ривожланиш марказлари, 5 кишидан ошмайдиган гуруҳларда тўгараклар;

- навбатчи гуруҳлар режимида мактабгача таълим муассасалари;

- гўзаллик салонлари, сартарошхоналар, косметик ва косметологик, маникюр ва педикюр хизматларини кўратувчи марказ ҳамда салонлар;

- ижтимоий масофаланишга риоя қилган ҳолда очиқ ҳавода шахсий ва гуруҳ машғулотларни, шунингдек, 30 кишидан ошмаган ҳолда спорт бўйича миллий терма жамоа машғулотларини ўтказиш;

- аҳолининг кўчалар бўйлаб ҳаракатланиши, боғлар, хиёбон ва қирғоқ бўйларига ташриф буюриш — уч кишидан ошмаган гуруҳ ҳолида;

Ниқоб, санитария ва дезинфекция режимига ва ўриндиқларнинг 50 фоиздан кўпи тўлмаган ҳолда жамоат транспортларида белгиланган вақт оралиғида ташишга рухсат этилади.

Қуйидаги тақиқлар сақлаб қолинади:

- барча турдаги оммавий тадбирлар, кинотеатрлар, фуд-кордлар, банкет заллари.

- ресторанлар, барлар, тунги ва ўйин клублари;

- маданий объектлар, музейлар фаолияти, конференциялар, кўргазма ва форумлар ўтказиш;

- спорт заллари, фитнес-марказлар, бассейнлар, пляжлар, аквапарклар;

- диний объектлар фаолияти;

- шаҳар ташқарисига қатновчи йўловчи поездлари (электричка, иш поездларидан ташқари), умумий вагонларни шакллантириш, шаҳарлараро автобуслар (микроавтобуслар) ҳаракати.

Мамлакат ССВ раҳбари маълумотларига кўра, Қозоғистонда 5 июлдан буён 35 951 та янги коронавирус ҳолати қайд этилган. Чеклов чоралари жорий этилган вақт мобайнида янги ҳолатлар кўпайиши 29 фоизга камайган. Бир сутка давомида ўртача 1600 та янги касалланиш ҳолати аниқланмоқда.

338
Клещ

Хитой ўлдирадиган янги вирус ҳақида огоҳлантирди

1533
(Янгиланган 19:46 08.08.2020)
Инфекцияни юқтирган беморлардан бирининг айтишича, касаллик йўтал, иссиқ кўтарилиши, шунингдек, қонда лейкоцитлар ва тромбоцитлар даражаси каби белгилар билан кузатилади.

ТОШКЕНТ, 8 авг - Sputnik. Хитойда янги SFTS вируси авж олаётгани кузатилмоқда. У каналар орқали юқади, деб хабар берган Global Times.

Сўнгги маълумотларга кўра, вирусни 60 киши юқтириб олган, етти нафари қурбон бўлган.

Дастлаб инфекция Цзянсу провинциясида аниқланган, кейинчалик вирус Аньхой провинцияси аҳолиси орасида ҳам тарқалгани қайд этилган.

Инфекцияни юқтирган беморлардан бирининг айтишича, касаллик йўтал, иссиқ кўтарилиши, шунингдек, қонда лейкоцитлар ва тромбоцитлар даражаси каби белгилар билан кузатилади.

SFTS илк маротаба 2011 йилда қайд этилган. Вирус канадан одамга, инфекцияланган одамдан бошқа одамга - қон ва шиллиқ парда орқали юқади.

1533

Бейрут марказида тўқнашувлар бошланди

716
Мухбир сўзларига кўра, ҳуқуқ тартибот ходимлари одамларни парламент биносидан узоқлаштириш учун кўз ёши келтирувчи газлардан фойдаланишмоқда. Митинг иштирокчилари бунга жавобан уларни тошбўрон қилмоқда.

ТОШКЕНТ, 8 авг – Sputnik. Ливан пойтахти Бейрут марказида парламент биноси олдида намойишчилар ва полициячилар иштирокида оммавий тўқнашувлар бошланди. Тартибсизликлар давомида кўз ёши келтирувчи газ ва тошлардан фойдаланилмоқда, деб хабар қилади РИА Новости мухбири ҳодиса жойидан.

Хабарга кўра, 16.00 да ҳукуматга қарши митинг бошланган. У дарҳол тартибсизликларга айланиб кетган.

Мухбир сўзларига кўра, ҳуқуқ тартибот ходимлари одамларни парламент биносидан узоқлаштириш учун кўз ёши келтирувчи газлардан фойдаланишмоқда. Митинг иштирокчилари бунга жавобан уларни тошбўрон қилмоқда.

Ҳуқуқ тартибот органлари вакиллари халқ босими ҳамда тошбўрон туфайли ортга чекинмоқда. Ҳудудга қўшимча кучлар жалб этилаяпти.

Эслатиб ўтамиз, Ливан пойтахти Бейрут шаҳрида 4 август куни кечки вақт даҳшатли портлаш юз берди. Ливан Бош вазири Хассан Диабга кўра, портлаш Бейрут портида олти ой давомида керакли тартибда сақланмаган 2 750 тонна аммиак селитраси туфайли юз берган.

Сўнгги маълумотларга кўра, 154 киши портлаш қурбонига айланган, 60дан зиёд одам бедарак йўқолган. Минглаб одамлар жароҳатланган. Бейрут губернатори Марван Аббуд портлаш оқибатида шаҳар 15 миллиард доллар зарар кўрганини маълум қилган эди.

716
Свеча, гвоздики

Ўзбекистон таниқли композиторидан айрилди

565
Етук композиторнинг энг сўнгги иши бир неча ой олдин шов-шувли премьераси бўлиб ўтган "101" киноасари эди.

ТОШКЕНТ, 8 авг - Sputnik. Таниқли композитор ва дирижёр, Ўзбекистонда хизмат кўрсатган санъат арбоби, "Ўзбеккино" миллий агентлиги Бадиий кенгаши аъзоси Анвар Эргашев 66 ёшида вафот этди.

Анвар Эргашев Миллий симфоник оркестри бош дирижёри ва Алишер Навоий номидаги Давлат Академик театри бадиий раҳбари лавозимларида фаолият юритган.

50 дан ортиқ бадиий ва мусиқий фильмлар, спектакллар бастакори, кўплаб қўшиқ ҳамда мусиқалар муаллифи. Унинг кинодаги ишлари сирасига "Бомба", "Шариф ва Маъриф", "Осмондаги болалар","“Аланга ичидаги фаришта", "Оқ бино оқшомлари", "Уч қирол жанги", "Ойи" фильмлари киради.

Етук композиторнинг сўнгги иши бир неча ой олдин премьераси бўлиб ўтган "101" киноасари эди.

565