АҚШда ишлаб чиқилган вакцина неча пул туриши маълум бўлди

© AP Photo / Sakchai LalitВакцина от COVID-19 во время тестирования в исследовательском центре вакцин
Вакцина от COVID-19 во время тестирования в исследовательском центре вакцин - Sputnik Ўзбекистон
Oбуна бўлиш
АҚШнинг Moderna компанияси юқори даромадли мамлакатлар учун ўз вакцинасини 50-60 доллардан сотишга қарор қилди. Бошқа фармацевт компаниялар ўз вакциналарини 20 доллар атрофида баҳолашмоқда.

ТОШКЕНТ, 29 июл - Sputnik. Американинг Moderna биотехнологик компанияси томонидан ишлаб чиқарилган COVID-19 вакцинасининг нархи 50-60 долларни ташкил қилади, деб хабар қилмоқда  РИА Новости Financial Times нашрига асосан.

Ушбу нарх АҚШ ва бошқа “юқори даромадли” мамлакатлар учун белгиланган, - дейилган хабарда.

Хабарда айтилишига кўра, ушбу нарх ўзгариши мумкин, чунки ўтган ҳафтада АҚШ ҳукумати Pfizer ва BioNTech компаниялари билан 600 миллион дона вакцинани 19,5 доллардан сотиб олиш ҳақида шартнома имзолашган эди.

Эслатиб ўтамиз, бироз олдин Moderna биотехнологик компанияси коронавирусга қарши вакцина ишлаб чиқаришнинг учинчи босқичига ўтгани хабар қилинган эди. 

Moderna — 2010 йилда Америкада ташкил қилинган биотехнологик компания бўлиб дори-дармон ва вакциналар ишлаб чиқаришга ихтисослашган. Компания биринчилардан бўлиб COVID-19га қарши РНК вакцина ишлаб чиқаришга киришган эди. 2020 йил май ойининг ўрталарида Moderna ишлаб чиқарган вакцина ижобий натижа кўрсатганини хабар қилган эди. Шундан сўнг компания АҚШ ҳукуматидан 500 миллион доллар ёрдам олган ва вакцинани одамларда синашни бошлаган эди.

 

Янгиликлар лентаси
0