Праздник Курбан-Байрам в Московской Соборной мечети

Қурбон ҳайити бу йил ўзгача ўтади

339
(Янгиланган 16:39 30.07.2020)
Пайшанба куни, қуёш ботиши билан, бутун дунё мусулмонлари Ислом тақвимининг иккита асосий ҳодисаларидан бирини - Қурбон Ҳайитини ёки “қурбонлик байрамини” нишонлашни бошлайдилар.

ТОШКЕНТ, 30 июл - Sputnik. Пайшанба куни, қуёш ботиши билан, бутун дунё мусулмонлари Ислом тақвимининг иккита асосий ҳодисаларидан бирини - Қурбон Ҳайитини ёки “қурбонлик байрамини” нишонлашни бошлайдилар. Бу йил, коронавирус шароитида байрам Россияда қандай нишонланади - РИА Новости материалида.

"Афсус"

Одатда иш кунларида москвалик Тимур Батров масжидга унча кўп келолмайди, лекин катта байрамларда албатта келади. Бир йилда эса улар атиги иккита: Ийд ал-Фитр (араб тилида) ёки Рўза-Байрам (туркий тилда) ва Ийд ал-Адҳа ёки Қурбон Байрами.

Бунақа кунда одатда масжидлар гавжум. Энг асосийсига - Мир шоҳ кўчасидаги жоъме масжидига 100 мингдан ошиқ одам келади. Сўнгги йиллар статистикаси мувофиқ Қурбон ҳайити Рўза Ҳайитидан машҳурроқдир: масжидларга кўпроқ одам ташриф буюришмоқда. Намоздан кейин сайллар уюштирилади - масжидлар яқинида ёки боғларда.

"Байрамларда доим янги танишлар пайдо бўлади. Мен учун, бизнесмен сифатида бу фойдали", - дейди Батров.

Бу йил ҳаммаси ўзгача. Рамазон ҳайити куни, 24 май куни, мусулмонлар уйларида, ўз-ўзини яккалаган ҳолатда ибодат қилишди. Аммо улар Қурбон Ҳайитини диндошлари билан кутиб олишга умид қилишган.

"Шу кунларда мен, байрамга масжидга киришга рухсат берилмаслигини билдим. Тушунаман, коронавирус. Барибир, бироз хафаман", - деб тан олди Тимур.

Одамлар сони иложи борича камроқ

Россияда пандемия пасайиб бормоқда, аммо баъзи чеклов чоралари ҳамон амалда. Москвада оммавий тадбирлар тақиқланди. Қурбон ҳайитида ҳар йили 300 мингга яқин мусулмон шаҳарнинг тўртта масжидида ва мэрия томонидан ажратилган учта майдонда намоз ўқийдилар.

"Мавжуд вазиятни ва Роспотребнадзорнинг тавсияларини инобатга олган ҳолда, байрам намози энг минимал одамлар: имомлар, муфтийлар ва масжид ходимлари иштирокида ўтказилади. Жами бўлиб ўн-ўн бешта одам", - дейди Москва шаҳар муфтийси Ильдар Аляутдинов.

Қурбон байрами Россиянинг барча минтақаларида шу тарзда нишонланади.

Диндорларга Москва Жоъме масжидидан тансляцияни очиб қўшимча байрамона намозни ўқишлари маслаҳат берилди. Намоздан олдин Мусулмонлар диний бошқармаси ва Россия муфтийлар кенгаши раҳбари шайх Равил Гайнутдин нутқ сўзлайди.

Асосий маросим

Намозҳонлар нима бўлмасин барибир Худога дуолари орқали мурожаат қилишлари билан тасалли топадилар. Улар байрамнинг асосий маросими – қурбонликни амалга оширадилар.

Уни Библияда тасвирланган воқеа хотирасига амалга оширилади. Худо Авраамга (мусулмонларда - Иброҳим) ўғли Исмоилни (яҳудий-насронийлик анъаналарида - Исоқни) қурбон қилишни буюрди. Буюк пайғамбарлардан бири итоаткорлик билан болани қурбонликка олиб борди. У пичоқни тортди - лекин Худо мўъжизавий равишда пичоқни ўтмас қилиб қўйди.

"Ва ўрнига Иброҳимга бир қўчқорни берди. Бу билан У шуни кўрсатдики: Худога яқинлашиш учун инсонни қурбон қилиш керак эмас, ҳайвонлар эса одамларга итоаткорлик билан хизмат қилишга чақирилган", - деб тушунтиради муфтий Ильдар Аляутдинов.

Унинг сўзларига кўра, бу воқеа ҳали ҳам диндагилар учун долзарбдир.

"Биз янги шароитларга кўникмоқдамиз, соғлиқ ва умрларни ҳимоя қилиш чораларини кўрмоқдамиз. Аммо дунёда нимаики бўлмасин, инсоннинг Худога бўлган ишончи мустаҳкамлигича қолмоқда", - деб таъкидлайди Исломий диний етакчи.

Муҳтожларга ёрдам

Сиз қурбонликни ўзингиз ёки махсус тайёрланган одамларнинг ёрдами билан - уйга буюртма бериш орқали амалга оширишингиз мумкин. Асосийси - жамоат жойида бўлмаслиги.

Бу йил Россия Муфтийлар Кенгаши қурбонлик нархини мусулмон хайрия жамғармаларига ўтказишни тавсия қилади - улар оммавий қурбонликни ва гўштни муҳтожларга марказлашган ҳолда тарқатишни ташкиллаштирадилар.

"Эҳсон қилгувчи ниятни айтиб, маблағларни юборади ва унинг номидан қурбонлик маросими амалга оширилишини сўрайди", - дейилади Кенгаш баёнотида.

Руҳонийлар мусулмонларга гўштни Исломнинг кўрсатмасига биноан уч қисмга бўлиш кераклигини эслатади: бирини ўзига, иккинчисини - динидан қатъи назар қўшнилари, қариндошлари ва дўстларига. Учинчисини - муҳтожларга.

"Анъанага кўра, Мусулмонлар диний бошқармаси қошидаги "Закот" хайрия жамғармаси "Қурбон байрами ҳар бир уйда" аксиясини ўтказади. Қурбонлик қилинган ҳайвон гўшти кам таъминланганларга, инвалидларга, ветеранларга, нафақаҳўрларга, болалар уйлари, жамоатчилик ташкилотлари, ижтимоий таъминот марказларига етказилади.

Озиқ-овқат тўпламлари Сурия ва Фаластинлик қочқинларга, Африка мамлакатларидаги диндошларга юборилади. Муфтийнинг сўзларига кўра, мусулмонлар ҳатто пандемия даврида ҳам Россиядаги ҳамда чет эллардаги қийин аҳволга тушганларга ёрдам беришади.

339
Мавзу:
COVID-19 умумжаҳон пандемияси (1081)
Приземление самолета компании Air Astana в аэропорту Алматы

Қозоғистон етти мамлакат билан мунтазам парвозларни тикламоқда

70
2020 йил 17 августдан Қозоғистон босқичма-босқич халқаро парвозларни қайта тиклайди. Аввалига қозоғистонликлар еттита мамлакатга парвоз қилишлари мумкин.

ТОШКЕНТ, 12 авг — Sputnik. Қозоғистон босқичма-босқич қатор давлатларга, жумладан, Россияга халқаро парвозларни қайта тикламоқда. Бу ҳақда Sputnik Қозоғистон мамлакат фуқаро авиацияси қўмитасига таянган ҳолда хабар қилмоқда.

Қозоғистонликлар 17 августдан Бирлашган Араб Амирликлари, Беларусь, Германия, Нидерландия, Миср, Украина ва Россияга парвоз қилишлари мумкин.

“Соғлиқни сақлаш вазирлиги томонидан юқорида келтирилган мамлакатлар авиация ҳукумати билан биргаликда олдиндан мунтазам йўловчи рейсларини қайта тиклаш масаласи ишлаб чиқилган. Шу билан бирга шуни таъкидлаш жоизки, Россияга парвозларни амалга ошириш учун Россия томонининг рухсатномаси талаб этилади”, - дейилган хабарда.

Таъкидланишича, рейслар амалдаги ҳаво алоқалари тўғрисидаги ҳукуматлараро битимлар асосида амалга оширилади.

70

Германия ТИВ АҚШнинг “Шимолий оқим-2” бўйича таҳдидларига кескин жавоб қайтарди

252
Германия ташқи ишлар вазири энергия ташувчиларни кимдан сотиб олиш бўйича қарор Евроиттифоқнинг суверен қарори эканини урғулади.

ТОШКЕНТ, 12 авг - Sputnik. Энергия ташувчиларни кимдан сотиб олиш бўйича қарор Евроиттифоқнинг суверен қароридир ва унга ташқаридан ҳеч ким энергия сиёсатини қандай юритишни буюролмайди. Бу ҳақда Германия ташқи ишлар вазири Хайко Маас Москвада россиялик ҳамкасби Сергей Лавров билан бўлиб ўтган музокаралардан сўнг матбуот анжуманида маълум қилди.

Маас АҚШнинг “Шимолий оқим-2”га қарши санкцияларни кучайтириш режаларини шундай изоҳлади.

"Германия ҳукумати учун трансатлантик алоқалар кўп йиллар давомида улкан аҳамиятга эга бўлиб келган, ва нафақат биз учун, балки умуман Европа учун ҳам. Улар ҳар қандай сиёсий вазиятдан чуқурроқдир. Аммо шунга қарамай, алоҳида таъкидлаб ўтишимиз керак, шериклар ўртасидаги санкциялар мавжудлиги - бу нотўғри йўл, бу ёлғон йўли. Ва охир-оқибат, биз энергия ташувчиларни қаердан сотиб олишимиз – бу бизнинг суверен қароримиз. Ҳеч бир давлат таҳдидлар ёрдамида ЕИнинг энергия сиёсатини белгилаб беролмайди", - деди у.

Вазирнинг таъкидлашича, ЕИ ичидан экстерриториал санкциялар ҳалқаро ҳуқуқни қанчалар бузаётганлиги муҳокама қилинмоқда, ва бу позицияни АҚШ давлат котиби билан бўлган суҳбатда "аниқ ифода этганини" таъкидлади.

“Шимолий оқим-2” лойиҳаси Россия соҳилидан Болтиқ денгизи бўйлаб Германияга олиб борадиган, қуввати йилига 55 миллиард кубометр бўлган газ қувурини ётқизишни кўзда тутади. Лойиҳани амалга ошириш билан, ягона акционери Газпром бўлган Nord Stream 2 AG шуғулланмоқда. Унинг европалик шериклари - Royal Dutch Shell, OMV, Engie, Uniper и Wintershall  - лойиҳани ярмини молиялаштирмоқдалар, ҳар бири 950 миллион евродан.

Ўз суюлтирилган газини ЕИда илгари сураётган АҚШ, лойиҳага фаол қарши чиқмоқда. Ўтган йилнинг охирида АҚШ “Шимолий оқим-2”-га қарши санкцияларни мудофаа бюджетига киритди, бунинг натижасида қувурларни ётқизиш билан шуғулланган Швейцариянинг Allseas компанияси ишни деярли дарҳол тўхтатди.

Июль ойида Давлат департаменти “Америка душманларига санкциялар орқали қарши курашиш” тўғрисидаги қонун доирасига ўз тавсияларни чоп этди, ва унга “Шимолий оқим-2” ва “Турк оқими”нинг иккинчи қувурини киритди. Бу Россиянинг экспорт газ қувур линиялари билан боғлиқ инвестициялар ва бошқа фаолиятни санкциялар хавфи остига қўяди. Бундан ташқари, июль ойида Конгресс вакиллар палатаси ва Сенат лойиҳага қарши кенгайтирилган санкцияларни ўз ичига олган мудофаа бюджети вариантларини тасдиқладилар.

252

Самарада мигрантларнинг чегара олдида тўпланишига йўл қўйилмайди

3
Россия-Қозоғистон чегарасида тўпланган меҳнат мигрантлар ватанига қайтарилди. Бироқ минтақа ҳукумати шунга ўхшаш ҳолат яна қайтарилмаслиги учун чора кўрмоқда.

ТОШКЕНТ, 12 авг — Sputnik. Россия чегаралари ва Самара вилоятидан 7 август ҳолатига кўра жами икки мингдан зиёд Ўзбекистон ҳамда юзга яқин Тожикистон фуқаролари олиб кетилди. Бу ҳақда Sputnik Тожикистон нашрига Самара вилояти Инсон ҳуқуқлари бўйича вакили Ольга Гальцова маълум қилди.

Чет эл фуқароларини олиб кетиш босқичма-босқич амалга оширилган. Шунингдек, улар учун барча зарурий шароитларга эга бўлган чодирли лагерь ташкил этилган.

Тожикистон фуқаролари Қозондан 28 июль куни самолётда, Ўзбекистон фуқароларининг сўнгги гуруҳи 7 август куни ватанига жўнатилган.

Лекин шундай эҳтимол борки, мигрантлар фирибгарлик тузоғига илиниб, яна Россия чегаралари яқинига келишга уринишади.

“Самара вилояти Большая Черниговка тумани ҳудудида чет эл фуқаролари тўпланишининг олдини олиш ҳамда уларнинг Оренбург вилояти ҳудудига ўтиш уринишини олдини олиш мақсадида ЙПХ (ДПС) қўйилган”, - дейилган хабарда.

Эслатиб ўтамиз, аввалроқ Россия-Қозоғистон чегарасида тўпланган жами 1850 нафар Ўзбекистон фуқаролари қайтарилган эди. Уларнинг 920 нафари Оренбург вилоятининг “Бузулук”, 930 нафари эса Самара вилоятининг “Кинел” станциясидан поездларда ватанга олиб келинди.

3