Заместитель директора департамента информации и печати МИД РФ Алексей Зайцев

Россия парвозларни тиклаш учун хорижий давлатларга қандай  талаб қўймоқда - Зайцев

699
(Янгиланган 19:14 31.07.2020)
Россия касалланиш даражаси кўп бўлмаган хорижий давлатлар билан авиапарвозларни қайта тиклаш имконини ўрганмоқда, лекин март ойида киритилган чекловларни тўлиқ бекор қилишга ҳали эрта.

ТОШКЕНТ, 31 июл - Sputnik.  РФ ТИВ Ахборот ва матбуот департаменти директори ўринбосари Алексей Зайцев Россия халқаро парвозларни тиклаш бўйича қандай иш олиб бораётгани ҳақида гапириб берди.

"Яқин келажакда 14 кун мобайнида касалланиш даражаси 100 минг аҳолига 40 кишидан ва ўртача кунлик ўсиш суръати 1% дан кўп бўлмаган давалатлар билан авиақатновларни тиклаш имконияти кўриб чиқилмоқда", - деди Зайцев.  

РФ Матбуот департаменти вакили сўзларига кўра, Россия халқаро парвозларни тиклаш бўйича машаққатли ишларни амалга оширмоқда. Аммо март ойида жорий этилган чет элликлар ва фуқаролиги бўлмаган шахсларнинг РФ ҳудудига киришига вақтинча чекловларнинг тўлиқ бекор қилиниши, шунингдек, Россия фуқароларининг ҳаво чегарасидан бошқа назорат пунктлари орқали ўтишлари ҳақида гапиришга ҳали эрта.

Sputnik Беларусь хабар беришича, Зайцев Россия ТИВ турли мамлакатларнинг хорижий рейсларни қабул қилишга тайёрлигини ва бу борада киритилган махсус талабларни таҳлил қилаётганини маълум қилди. Масалан, коронавирусга тест сертификатини тақдим этилиши ва чет элликларнинг карантинга жойлаштириш зарурияти.

Эслатиб ўтамиз, 1 августдан россияликларга Буюк Британия, Туркия ва Танзанияга парвоз қилиш руҳсати берилади. Шу билан бирга, 15 июлдан бошлаб, уйга қайтганидан сўнг, сайёҳлар карантинга жойлаштирилиши шарт эмас, COVID-19 тестини топшириш кифоя бўлади.

Тўлиқ шарҳни аудиофайлда тингланг.

Почему Россия не для всех открывает границы, пояснили в МИД РФ
699

ОАВлар Ким Чен Иннинг рафиқаси ғойиб бўлгани ҳақида хабар қилди

385
(Янгиланган 16:19 24.10.2020)
ОАВлар Ким Чен Иннинг рафиқаси ғойиб бўлгани ҳақида хабар қилди – у йил бошидан бери жамоатчилик олдида кўринмаяпти.

ТОШКЕНТ, 24 окт — Sputnik. Жанубий Корея матбуотида Ким Чен Иннинг рафиқаси – Ли Соль Чжу ғойиб бўлгани ҳақида хабарлар пайдо бўлди.

Daily NK нашри ёзишича, мамлакатнинг биринчи хоними охирги марта 25 январда расмий лавҳаларда кўринган. Янги йил байрами муносабати билан “Самчжиен” мусиқа театрида ташкил этилган тантанада Ли Соль Чжу турмуш ўртоғига ҳамроҳлик қилганди.

Бундан кейин Шимолий Кореянинг етакчиси бир неча бор омма олдида кўриниш берган, фабрикалар, турли қурилиш ишлари назорат қилиш мақсадида жойларга чиққан.

10 октябрда КХДРда Кореянинг Ишчи партияси ташкил топганлигининг 75 йиллиги муносабати билан ҳарбий парад бўлиб ўтди, бироқ тадбирда Ли Соль Чжу қатнашмади.

Журналистлар фикрига кўра, камералар ниҳогидан узоқ вақтгача ғойиб бўлишининг сабаблари бири  Ким Чен Иннинг рафиқаси ҳомиладор ёки COVID-19'га чалинмаслик учун ўзини эҳтиёт қилмоқда. Шунингдек, Ли Соль Чжу бегоналарнинг ёрдамисиз ҳаракатлана олмайдиган холасига қараяпти, деган тахминларни билдиришмоқда.

385

Курскда 17 ёшли қиз 30 нафар йигитни военкоматга олиб келди

879
(Янгиланган 13:20 23.10.2020)
Россия ҳарбийлари ёшларни ҳарбий хизматга жалб этишнинг антиқа услубини топишди. Илк тажрибада янги чора 100 % самарали эканини намойиш қилди.

ТОШКЕНТ, 23 окт — Sputnik. Россиянинг Курск шаҳрида 17 ёшли ўқувчи қиз 30 нафар йигитларни ҳарбий хизмат учун военкоматга олиб келишга ёрдам берди, деб хабар қилмоқда РИА Новости. 

Ўқувчи қиз уйма-уй юриб чақириқ ёшига етган йигитларга "повестка" топширишда ёрдам берган. Йигитлар эшик ортида турган қизни кўриб, иккиланмасдан эшикни очишганда уларнинг қўлига военкомат повесткаси тутқазилган.

"Мен ҳарбий хизматни ўтаб келган ёшларга ҳурмат билан қарайман. Буни шарафли мажбурият деб ҳисоблайман ва ушбу ишни амалга оширишда ёрдам бердим", - дейди у қиз боланинг ўзи.  

Хабарда айтилишига кўра, повестка олган йигитларнинг барчаси ўз вақтида ҳарбий муассасага етиб келган. 

Военкомат эса ушбу тажрибадан мамнун. Улар келажакда ҳам бундай амалиётдан фойдаланишлари мумкинлигини хабар қилишган. Ёрдамчи қизга эса - миннатдорлик қоғизи топширилган. 

879
Кошелек с деньгами

Ўқитувчиларнинг ойлик маоши 10 миллионгача оширилади - Шерматов

191
Халқ таълими вазирининг таъкидлашича, синф раҳбарларининг ойлик маошлари 1,5 бараварга оширилади. 2024 йилга қадар эса юқори натижаларга эришган педагогларнинг ойлик маоши 15 бараваргача оширилади.

ТОШКЕНТ, 24 окт — Sputnik. Халқ таълими вазири Шерзот Шерматовнинг маълум қилишича, синф раҳбарлиги учун тўловлар 1,5 бараварга оширилади. Бу ҳақда вазир 24 октябр куни АОКАда ўтказилган матбуот анжуманида маълум қилди. 

Қайд этилишича, яқин кунларда мамлакатдаги таълим-тарбия тизимини янада такомиллаштириш, илм-фан соҳасини ривожлантириш масаласида Ўзбекистон президенти Фармони лойиҳаси қабул қилинади. Унга кўра,  методистларнинг иш ҳақи миқдори олий тоифали ўқитувчининг базавий таъриф ставкаси миқдорига тенглаштирилади.

2024 йилга қадар эса юқори натижаларга эришган педагоглар ойлик маоши меҳнатга ҳақ тўлашнинг энг кам миқдори 15 бараваригача босқичма-босқич ошириб борилади.  

Бундан ташқари битирувчиларнинг олий таълим муассасаларига ўқишга кириш кўрсаткичлари юқори бўлган умумтаълим муассасаларининг раҳбарлари рағбатлантирилиб, Халқаро фан олимпиадалари ғолибларининг ўқитувчиларига тўғридан-тўғри олий малака тоифаси берилади.

191