Церемония открытия нового жилого комплекса на улице Рёмён в Пхеньяне

Шимолий Корея вакцина тайёрламоқда? Яхшилик кутманг, деди қўрқув аралаш шведлар

1155
(Янгиланган 15:28 01.08.2020)
Пхеньян коронавирусга қарши вакцина ишлаб чиқишга яқин эканлигини маълум қилди. Яхши-ку, тўғрими? Йўқ. Чунки КХДРда яхши нарсанинг ўзи бўлиши мумкин эмас. Швед журналистлари ва экспертлари маҳаллий аҳолини шундай дея қўрқитмоқда

Муаллиф Артур Бобров, Sputnik радиоси

Шимолий Кореяда яхши нарсанинг ўзи бўлиши мумкин эмас, вакцина кўринишида эса улар биологик қурол ишланмаларини яширганлар. Швед аҳолисини маҳаллий журналистлар ва экспертлар тахминан шундай қўрқитишмоқда.

Шундай қилиб, КХДР тўсатдан, ўзи Ғарб оламида ҳамма нарса тўсатдан рўй беради, коронавирусга қарши вакцинани яратишга яқинлигини эълон қилди. Хабар қилинишича, синовлар сут эмизувчилар синфининг энг юқори туркуми - приматлар отряди, гоминидлар оиласи Одамлар наслида аллақачон бошланган.

Бу табиийки, илгарилаб кетган дунёга алам қилди ва у дарҳол бу ишдан қинғирликлар излашга киришди. Қанақасига Корея? Яна қанақа Корея? Шимолий, нималар деяпсиз? "Ёвузлик салтанатими"? Бўлиши мумкин эмас ва бу жуда ёмон. Ва ҳоказолар.

Кўпчилик, чиндан ҳам, қандайдир яхши нарсаларни "ёвуз одамлар" кашф қилиши мумкинлигини тасаввур қилишга қодир бўлмайди. Аммо, бир қарашда, агар ушбу эртакмонанд мантиққа таяниб фикрлайдиган бўлсак, ёвузлар бу ишни ҳатто яхшироқ уддалаши керак. Улар ўз фикрларини бир жойга жамлаган бўлади, мойчечакларга хаёли бўлинмайди, интернетда мушукларни ҳам томоша қилмайди, кекса аёлларни йўлдан ўтказмайди - тишини тишига қўйиб ўзининг "ёвуз иши" билан шуғулланади.

Бу интизом, ёвузларнинг раҳбари ҳам ўта ёвуз - охирги томчисигача қолдирмай сиқиб олади. Хуллас, эртакона картиналар чизиб ўтирмаймиз, чунки бундай нарсалар ғарб матбуотида керагидан ортиқ.

Хўш, КХДР сингари мамлакатда нималарни амалга ошириш мумкин? Бирор бир жирканч ва қўрқинчли нарсанида, албатта. Вакцина ҳақида гапирсиз! Ахир бутун бошли олдинлаб кетган дунё ниманидир топиш учун бор-будини тикмоқда. Мегакомпанияларнинг мегаишланмалари ҳақида эшитганмисиз? Сиз эса 38 параллел ортида топилган, саккизинчи йўлакда ҳаракатланаётган ҳатто кадрга тушмайдиганлар ҳақида гапирасиз? Бу ерда нимадир ўхшамаяпти. Аслини олганда у ерда оммавий қирғин учун мўлжалланган биологик қурол яратилмоқда, у оппозицияда синалмоқда ва бир оздан сўнг қўлланилиши режалаштирилмоқда.

Шу ерда негадир шведлар асабийлашиб қолди. Нега айнан шведлар, жуда ғалати. Ахир улар бошқаларга ўхшамайдиган-ку - коронавирусга тупурган, барча давлатлар уй-уйларига беркиниб олган бир вақтда шведлар скандинавларга хос қайсарлик билан оммавий иммунитетни шакллантиришда давом этдилар. Шунинг учун ҳам то ҳанузга қадар йўталиб, акса уришмоқда. Олти мингга яқини энди ҳеч қачон йўтала олмайди. Шундай экан, жасорат қайга йўқолди бир онда?

Стокгольм тонгги газетаси бугун хўроз қичқирмасидан одамларни қўрқитишга киришган. Сўроқ қилинган барча экспертлар - ўзларининг қўрқувда эканликларини тан олганлар. Ҳамма ҳатто ўзи тушунмаган нарсада ишончи комиллигини айтган. Ахир КХДРдаги ишланмалар ҳақида ҳали ҳеч нарса маълум эмас. Бу ишланмаларнинг мавжудлиги ҳам ҳатто номаълум.

Шведлар келтирган далилларнинг бир қисмини юқорида келтириб ўтдик. "Ёвуз мамлакат"дан яхши нарса кутиш керакмас. Мамлакат қашшоқ - шунинг учун ҳам яхши нарса кутиб ўтирма. Бу далиллар кўпчиликни қониқтиради. Кореяда ҳеч ким касал бўлмаган бўлса - вакцина қаердан пайдо бўлибди? Унчалик кучли аргумент эмаску-я, лекин омма учун бўлади. Улар биологик қурол ишланмаларига эга бўлишган! Ҳозир эса коронавирусга қарши кураш баҳонасида ўйлаб топилган ярамас нарсани банкадан олиб чиқишди - тез орада ҳаммага кўрсатиб қўйишади.

Кўриб турганингиздек, ҳаммаси ишонарли. Шу ерда ўринли савол туғилмоқда: энди буни нима қилса бўлади? Балки, тахминлар тўғри бўлиб чиқмасидан уларнинг устига бомба ташлавориш керакдир? Колин Пауэлл пробиркалари қаерда эди? Нимадир қолганми улардан?

Ва охиргиси - энг даҳшатлиси. Агар Ер ёвузлик ўқига урилиб, КХДР ростдан ҳам биринчи бўлиб вакцинани ихтиро қилса, у ҳолда... бу коронавирус дегани айнан ўша ерда яратилганининг исботи эканини дарҳол маълум қилиш керак бўлади.

1155

Эрон Арманистон ва Озарбайжон билан чегара яқинида машғулот ўтказди

155
Шунингдек, Эрон армияси бу Қорабоғ можароси ҳудудида кескинлик ошиши ва тўқнашувлар билан боғлиқ ёки йўқлигига ойдинлик киритмаган.

ТОШКЕНТ, 25 окт — Sputnik. Эроннинг қуруқликдаги қўшинлари Арманистон ва Озарбайжон билан чегараолди ҳудудларда машғулот ўтказди. Бу ҳақда РИА Новости хабар қилмоқда.

“Мамлакатнинг шимолий-ғарбий чегараолди ҳудудларида қуруқликдаги қўшинларнинг машғулотлари ўтказилди”, - дейилади Эрон армияси матбуот хизмати хабарида. Хабарда машғулотлар мақсади кучларни намойиш этиш ва жанговар шайликни ошириш эканини таъкидланган.

Машғулотларда пиёдалар бўлинмалари, артиллериялар ҳамда учувчисиз учиш қурилмалар иштирок этган.

Ҳарбийлар қайси мамлакатлар билан чегаралар яқинида машғулотлар бўлиб ўтганига аниқлик киритишмаган, аммо Эрон шимол-ғарбда, жумладан, Туркия, Арманистон ва Озарбайжон билан чегарадош.

Шунингдек, Эрон армияси бу Қорабоғ можароси ҳудудида кескинлик ошиши ва тўқнашувлар билан боғлиқ ёки йўқлигига ойдинлик киритмаган.

155
Афганский военный с пулеметом

Афғонистонда “Ал-Қоида”* етакчилари бири йўқ қилинди

162
“Рейтер” агентлигининг хабар қилишича, ал-Масри АҚШ ФҚБнинг энг кўп қидирилаётган террорчилар рўйхатида бўлган.

ТОШКЕНТ, 25 окт — Sputnik. Афғонистонда “Ал-Қоида”* террорчилик ташкилотининг етакчиларидан бири йўқ қилинди. Бу ҳақда РИА Новости “TOLO News” телеканалига таянган ҳолда хабар қилмоқда.

“... Ал-Қоида”* раҳбари Абу Муҳсин ал-Масри Ғазни провинцияси Андар туманидаги Афғонистон кучлари амалиёти вақтида йўқ қилинган”, - дейилган хабарда.

“Рейтер” агентлигининг хабар қилишича, ал-Масри АҚШ ФҚБнинг энг кўп қидирилаётган террорчилар рўйхатида бўлган.

* Россия ва қатор давлатларда тақиқланган террорчилик ташкилоти

162
Первая тренировка Жасура Жалолиддинова в составе ФК Тамбов

Она орзуси, Шомуродов ва муваффақият сари қадам: Жалолиддиновнинг футболдаги тарихи

143
(Янгиланган 21:09 25.10.2020)
2020 йил ёзида ўзбек футболчиси Жасурбек Жалолиддинов Россиянинг “Локомотив” клубига ўтди. Трансфер ўзбек ва рус спорти дунёсида катта шов-шувга сабаб бўлди. Sputnik ҳозир ижара ҳуқуқи асосида “Тамбов”да тўп сураётган футболчининг муваффақияти тарихини сўраб билди.

ТОШКЕНТ, 25 окт — Sputnik. Марина Чернышова-Мельник. Ўзбекистоннинг энг иқтидорли ёш футболчиларидан бири Жасур Жалолиддинов 2020 йил ёз ойидан буён нафақат ўзбекистонлик мухлислар диққатини ўзига қаратмоқда. У Россияга келгандан сўнг у ҳақидаги хабарлар ОАВда тез-тез пайдо бўла бошлади.

Она орзуси ва ҳаётини ўзгартирган таклиф

Жасурбек Навоийда таваллуд топган. Болакайнинг онаси ўғли футболчи бўлишни орзу қиларди. Унинг энг яхши кўрган футболчиси “Ливерпуль”, "Манчестер Юнайтед" ва "Реал Мадрид"да тўп сурган таниқли англиялик ҳужумчи Майкл Оуэн эди. Минг афсуски, Жасурбек гўдаклик чоғида онаси вафот этди, бироқ унинг орзусини ўғли барибир рўёбга чиқарди.

“Уйимиз олдида катта стадион бор эди, мен у ерда барча бўш вақтимни ўтказардим. Катта ёшли футбочилар жамоаси машғулот ўтказарди. Аввалига барча ўйинлар ва машғулотларни катта қизиқиш билан кузатардим, кейин ўзим тўп ўйнашга уриниб кўрдим. Тез орада катталар менга эътибор қаратишди ва ўргата бошлашди. Жуда ҳаракат қилардим, кўп шуғулландим, вақт ўтиб мени жамоага қабул қилишди”, - дейди Жасурбек.

Жалолиддинов 8 ёшга тўлганида унинг ҳаёти тубдан ўзгариб кетди. Навоийда “Бунёдкор” академиясининг республика турнири бўлиб ўтаётган эди. Жасур тўп сураётган маҳаллий жамоа пойтахтнинг машҳур клубига қарши ўйнади. Улар ютқазишди, рақиб мураббийи эса истеъдодли футболчини кўз остига олиб қўйди ва турнирдан сўнг уни ўз жамоасига ўтишни таклиф қилди. Болакай ўзида йўқ хурсанд эди, ахир “Бундёдкор” мамлакатдаги энг яхши спорт академияларидан бири саналади. Бироқ машғулотлар учун Тошкентга кўчиш керак эди.

“Бувим мени қўйиб юборишни хоҳламас эди. Ахир мен кичик бир бола эдим, уйда икки тоғам менга ғамхўрлик қиларди, пойтахтда эса ҳеч қандай қариндош ва таниш йўқ эди. Лекин мен кетишни жуда ҳам хоҳлардим: бу катта имконият эканини англардим. Уйда мен йиғладим, натижада бувим тақдирга тан берди”, - дея эслайди футболчи.

Пойтахтдаги ҳаёт ва дебют

Тошкентда у республиканинг турли шаҳарларидан келган болалар яшайдиган “Бунёдкор” академиясига жойлашди. Жасур оддий маҳаллий мактабда таҳсил олган, лекин асосий вақтини машғулотларда ўтказган. Академияда энг кичиги у эди, қолган ўйинчилар 8-9-синфларда ўқишарди. Қаҳрамонимиз бир муаммога дуч келади: рус тилини билмасди ва бу машғулот жараёнига халал берарди. Гап шундаки, жамоа мураббийи русийзабон эди ва барча дарсларни бу тилда олиб борарди. Шу боис ҳар бир ўйинчи рус тилини билиши шарт эди, Жасур эса аввалига унинг олдига қўйилган вазифаларни тушунмасди.

Жасур Жалоллидинов на тренеровке в ФК Бунёдкор
Жасур Жалоллидинов на тренеровке в ФК "Бунёдкор"

У тилни ўргана бошлади ва жамоадошлари билан ҳамиша бу тилда сўзлашиб, муваффақиятга эришди. Ҳеч қандай дарс олиб, курсга қатнамаган. Фақат тил муҳитига шўнғиган ҳолда ўрганган. Каттароқ ёшдаги ўйинчиларга бошида у адашиб қолмаслиги учун Жалолиддиновни бир ўзини сайр қилишга қўйиб юбормаслик топширилган.

Жасур қарийб ўн йил “Бунёдкор” шарафини ҳимоя қилди. У ҳам маҳаллий, ҳам республика, ҳам халқаро турнирларда қатнашарди. Жамоа таркибида Украина, Малайзия ва бошқа мамлакатларга борган. Жамоа иштирок этган турнирларда у энг яхши бомбардир деб топиларди.

16 ёшида футболчининг фаолиятида янги буралиш юз берди: у “Бунёдкорнинг” “Пахтакорга” қарши биринчи ўйинида қатнашди. У захирадан майдонга тушиб, ярим соатдан зиёд ўйнади. Ўзини муносиб равишда кўрсатди, ўйиндан сўнг асосий жамоа мураббийи Миржалол Қосимов Жасурбекни ўз жамоасига чақирди.

“У шунчаки мен биринчи жамоа яшаётган академиянинг учинчи қаватига кўчишимни айтди. Мен ажойиб бир шок ҳолатида эдим. Ахир улар мен авваллари сўрашишни орзу қилган болалар. Энди эса менинг ҳамкасбларим ва бир майдонда тўп сурамиз. Лекин мураббий мен меҳнат қилишим ва босар-тусаримни билмасдан қолмаслигим кераклигини айтди. Биринчи ўйинларда мен захирада ўтириб кузатардим. Кейин Миржалол Қўшоқович майдонга чақирди. Мен чигилни ёзишдан кейин энди формамни кийган эдим, ... 8 дақиқада томошабинлар қаршида тўп сурдим. Ўзбекистон чемпионатидаги илк ўйиним шундай кечди. Буларнинг бари имконсиз бўлиб туюларди, мен жуда бахтиёр эдим. Мен миллий чемпионат тарихида энг ёш футболчи бўлдим”, - дейди Жалолиддинов.

2010 йилда клубга Вадим Абрамов, Ўзбекистон миллий терма жамоасининг ҳозирги бош мураббийи раҳбарлик қилди. У Жасурни деярли ҳар бир ўйинда асосий таркибда майдонга чиқарарди. Абрамов унга ишонарди ва ҳамиша қўллаб-қувватларди.

“Ҳатто мен ёмон ўйнаганимда, мен ишончга сазовор эмасман деб ўйлардим. Лекин менга барибир имконият беришарди. Мавсумнинг учинчи ўйинида мен гол урдим ва ўзбек футболи тарихида энг ёш гол муаллифига айландим. Ўтган мавсумда мен ҳамиша майдонга тушардим ва Ўзбекистон чемпионатида мени энг яхши ёш ўйинчи деб топишди”, - дея ёдга олади у.

Жасур Жалолиддинов
Из личного архива Жалолиддинова
Жасур Жалолиддинов

Трансфер ва Россия клуби

Ёш ва иқтидорли футболчи ҳар ерда кўзга ташланади. Сўнгги йилларда турли жамоа мураббийлари Жалолиддиновга қизиқиш билдиришди, унинг трансфери ҳақида сўрашди. Лекин аввалига ҳаммаси агентлар билан музокаралар даражасида эди. Баҳор ойида қаҳрамонимиз у Москванинг “Локомотив” раҳбари назарига тушганини билган. Ўзи илгари бу жамоа ўйинларини кузатмаган.

“Ватандошимиз Элдор Шомуродов “Ростов”га ўтгандан кейин бутун Ўзбекистон Россия футболини кузатишни бошлади”, - дея аниқлик киритди футболчи.

Жорий йил ёзида ёш ўйинчининг “Локомотив”га трансфери тўғрисида расмий таклиф келиб тушди. “Бунёдкор”да молиявий қийинчиликлар бор эди, сўнгги йил фақат академия тарбияланувчилари қолганди. Шунинг учун клуб унинг трансферига розилик билдирган.

Янги жамоада Жасурни яхши қарши олишди, бунинг устига у ерда аллақачон кўплаб легионерлар бор эди. Спортчи ўзбек ва рус футболи ўртасидаги фарққа эътибор қаратган: унинг республикасида ўйин техникасига катта эътибор қаратилади, Россияда эса кучга эътибор катта.

Афсуски, “Локомотив”нинг жорий мавсумида Жасур захирада бўлди ва майдонга тушмади.

“Албатта, трансфер вақтида ҳеч ким менинг янги жамоадаги позицияим ҳақида кафолат бера олмайди. Мен дарҳол асосий таркибда ўйнамаслигимни билган эдим, холос. Лекин ҳеч киси йўқ, ҳаммаси олдинди. Шомуродов ҳам “Ростов” шарафини ҳимоя қилиш учун дарҳол майдонга тушмаган эди, қарийб бир йил захирада эди”, - дейди Жасур.

Октябрда “темирйўлчилар” уни “Тамбов”га ижарага бериб юборди. Ҳозир жамоа стадион тайёр эмаслиги сабаб Саранскда ўз майдонидаги баҳсларни ўтказмоқда. Ўзбекистонлик футболчи “Динамо-Брянск”га қарши кечган ўйинда дебют қилди.

Жорий мавсумда футболчи кейинги йил “Локомотив”га юқори тайёргарлик билан қайтиш учун ўз олдига кўпроқ ўйнаш ва тайёрлигини оширишни мақсад қилиб қўйган.

“Мамлакат чемпионатида иштирок этмоқчи бўлсанг, жамоангда ўзингни яхши кўрсатишинг керак”,  - деб ишонади Жасур.

Унинг учун майдондаги энг қулай позиция ярим ҳимоянинг ўнг қаноти ҳисобланади.

Ўзбекча ош ва кумирлар

Спортчи бўш вақтларини уйда компьютер ўйинларини ўйнаш билан ўтказади. Баъзан шаҳар бўйлаб сайр қилади.

У ҳақиқий ўзбек сифатида ҳаётини ошсиз тасаввур қила олмайди. Ҳафтасига камида бир марта маҳаллий кафега ошхўрликка боради.

“Бунёдкор”да ўйиндан бир кун олдин ҳамиша ош танаввул қилардик, дам олиш кунлари ҳам. Бу ерда агентлардан маслаҳат сўрадим: яхши ўзбек ресторани қаерда бор? Улар топишди ва мен бу ерда ватанимни эслаш учун келаман. Чойхонада ватандошларимни кўриш ёқимли. Улар мен футболчи эканимни билишади ва ҳамиша илиқ қарши олишади”,  - дейди спортчи.

Мавсумнинг биринчи ярми “Тамбов” учун 18 декабрда якунланади. Ёш футболчи бўш вақтини ватанида, Навоийда ўтказмоқчи. У бувиси ва тоғаларини соғинган.

Элдор Шомуродов ўзбек футболидаги унинг кумиридир. Улар баъзан гаплашиб туришади, Шомуродов ватандошига маслаҳатлар бериб туради.

Россиялик футболчилардан яқинда Италиянинг “Аталанта” клубига ўтган ва “Локомотив”нинг собиқ ярим ҳимоячиси Алексей Миранчук.

“У менга ўхшаб чапақай. Унинг ўйин услуби, ҳамиша ўрганиш ва маҳоратини ошириш иштиёқи ёқади. Интервьюларимнинг бирида Алексейни жуда ҳурмат қилишимни айтганман. Шундан сўнг у менинг олдимга келиб сўрашди ва ўшандан буён машғулотларда ёрдам берди”, - дейди у.

Асосий мақсадларидан бири хорижда улкан спорт ютуқларини қўлга киритишдир.

143