ОАЭ запустили первую в арабском мире атомную станцию

БААда араб дунёсида биринчи атом станцияси ишга туширилди

520
(Янгиланган 15:12 01.08.2020)
Баракадаги АЭС умумий қуввати 5,6 мегаваттдан иборат тўртта энергоблоклардан иборат бўлади. Умумий баҳоси 25 миллиард доллар бўлган электрстанция қурилиши 2011 йилда бошланган ва 2017 йилга келиб станция электр энергияни ишлаб чиқара бошлаши умид қилинган эди.

ТОШКЕНТ, 1 авг - Sputnik. Бирлашган араб амирликлари бош вазири ва Дубай ҳукмдори Муҳаммад бин Рашид Ал Мақтум шанба куни араб дунёсида биринчи бўлган "Барака" атом станцияси ишга туширилгани ҳақида эълон қилди.

"Бугун биз оммага БААда Абу-Дабидаги Barakah станциясида араб дунёсида биринчи бўлган тинч атом реактори ишга туширилгани ҳақидаги муваффақият ҳақида эълон қиламиз. Мутахассислар ядровий ёқилғини юклаб, комплекс синовларни ўтказдилар ва ишга тушириш бўйича операцияни муваффақиятли якунладилар", - деб ёзган бош вазир Twitter ижтимоий тармоғида.

Унинг таъкидлашича, БАА "давлатнинг электр энергияга бўлган эҳтиёжининг чорак қисмини хавфсиз, ишончли ва экологик жиҳатдан тоза ҳолда таъминлаб берадиган тўртта атом электр стациясини эксплуатация қилмоқчи". Бош вазир БАА томонидан амалга оширилаётган атом электр станцияси ва космик тадқиқотларни араблар илм-фанда ўз йўлларини қайта янгилаш ва бошқа буюк миллатлар билан бу борада рақобатлашишга қодирлик эканликлари ҳақида "дунёга йўлланган хабар" дея атади.

Баракадаги АЭС ҳар бири умумий қуввати 5,6 мегаваттдан иборат тўртта энергоблоклардан иборат бўлади.

Аввалроқ, БАА атом фаолиятини тартибга солиш федерал агентлиги (FANR) бош директори Христер Викторссон РИА Новости агентлигига берган интервьюсида, араб дунёсидаги биринчи Барака атом электр станцияси, агентлик унинг фаолияти учун лицензия чиқаргач ҳамда ядро ёқилғиси юкланганидан сўнг, 2020 йил бошида ишга тушириш мумкинлигини айтган эди.

Умумий баҳоси 25 миллиард доллар бўлган электрстанция қурилиши 2011 йилда бошланган ва 2017 йилга келиб станция электр энергияни ишлаб чиқара бошлаши умид қилинган эди.

520

Россия ТИВ Ғарбнинг Путиннинг РСМДга оид таклифига муносабатини масъулиятсизлик деб атади

13
Россия президенти Ўрта ва қисқа масофага учувчи ракеталарни йўқ қилиш шартномаси (ДРСМД) тўхташи шароитида кескинликка барҳам беришни таклиф қилди.

ТОШКЕНТ, 28 окт — Sputnik. Россия ТИВ Ғарбдаги ҳамкорлар Россиянинг Европада вазиятни барқарорлаштиришга бўлган уринишларига эътиборсизлик билдиряпти деб ҳисоблайди.

26 октябрь куни Россия президенти Владимир Путин Ўрта ва қисқа масофага учувчи ракеталарни йўқ қилиш шартномаси (ДРСМД) тўхташи шароитида кескинликка барҳам беришни таклиф қилди. Путин ўзаро тамойилларга асосланган тўхтатиш воситаларини ишлаб чиқишга чақирди. Европада ушбу ташаббусга ишончсизлик билан муносабат билдирди. Хусусан, Берлин бундай ғоялар “ишончга лойиқ эмаслигини” айтди.

“Биринчи салбий сигналларни, етарлича мулоҳазасиз, айнан Европадан эшитмоқдамиз”, - деди РИА Новости билан суҳбатда Россия ТИВ раҳбарининг ўринбосари Сергей Рябков.

“Билдирилган таклифларнинг жиддийлиги уларни атрофлича ўрганишни талаб қилади. Бу таклифларнинг теранлиги обдон англашни талаб қилади. Бу Россия Федерацияси раҳбариятининг Европада янги “ракета инқирози” юзага келишига йўл қўймаслик нуқтаи назаридан у ерда ҳарбий-сиёсий вазиятни барқарорлаштиришга йўл топишга қаратилган кайфиятининг ифодасидир”, - деди Рябков.

Путин АҚШнинг ДРСМДдан чиқишини жиддий хато деб атади

ДРСМД глобал стратегик барқарорликни таъминлашга ундарди. 2019 йилда АҚШ Россияни ушбу шартномани шартларини бузганликда айблаб, ундан чиқди. Москва бу айбловларни рад этди ва савол туғдирган ракетани намойиш қилиш ва бу мавзуни муҳокама қилишга тайёрлигини билдирди. Аммо АҚШ ён бермади ва бир томонлама шартномадан чиқди.

13

Қирғизистонда бешта партия бирлашиб ҳукуматга талабларни илгари сурди

113
(Янгиланган 15:01 28.10.2020)
Темирбек Асанбековнинг таъкидига кўра, ҳукумат мулоқот қилиши лозим, акс ҳолда, янги сиёсий блок "қонун ҳимояси учун" митингга чиқади.

ТОШКЕНТ, 28 окт — Sputnik. Қирғизистонда "Умут" жамоат-сиёсий ҳаракати ташкил қилинди. Унинг таркибидан: "Мекен интимаги", "Ислоҳот", "Бүтүн Қирғизистон", "Замондош", "Социал-демократлар" партиялари, "Қирғизистон ёшлари" сиёсий ташкилоти, "Калыс" ҳаракати ва ёшлар ҳаракати раҳбари Чингиз Макешов ўрин олди. Бу ҳақда "Мекен интимаги" етакчиси Темирбек Асанбеков хабар берган.

Янги ҳаракат "ҳукуматнинг алоҳида сиёсий гуруҳлар ва шахслар томонидан узурпация қилиниши тенденциялари" юзасидан ташвиш билдиришган.

Sputnik Қирғизистон нашрининг ёзишича, партиялар резолюция қабул қилиб, президент в.б. Садир Жапаров ва Жогорку Кенеш депутатларига қуйидаги талабларни илгари суришган:

2020 йилнинг 20 декабрига қадар парламент сайловлари ҳаққоний ва эркин ўтишини таъминлаш;

Президент в.б Садир Жапаровга — сайловда иштирок этиш учун гаров пасайтирилиши, сайловда иштирок этиш бўйича чекловлар ҳамда №2 рақамли форма ўзгаришини назарда тутувчи "ҚР президенти сайловлари ва ҚР Жогорку Кенеш депутатлари сайловлари тўғрисида Конституциявий қонунларга ўзгартишлар киритиш";

2020 йил 4 октябрда сайловолди даври ва сайлов куни ҳаракат қилган Бош прокуратура, ИИВ ва ГНКБ раҳбарларини қонунбузарликларнинг олдини олишда огоҳлантириш сингари чораларни қўлламаганлиги, ҳаракатсизлиги ҳамда сотилиш ва маъмурий ресурслардан фойдаланиш сингари қонунбузарлик ҳолатлари учун жавобгарликка тортиш;

ҚР МСҚ амалдорларига нисбатан ноқонуний босим ва таҳдидларни тўхтатиш;

Жогорку Кенеш конституцияда белгиланган беш йиллик муддат ўтганлиги боис тарқатилиши лозим;

МСҚ 4 октябрдаги сайловларда иштирок этган партияларга сайлов гаровини қайтариши керак;

Ҳукумат мулоқотга бориши лозим, акс ҳолда янги сиёсий блок "қонун ҳимояси" учун митингга чиқиши мумкин, деб таъкидлаган Асанбеков.

113