Андрей Серенко

Серенко: Афғонистон бошқа воқеликда яшашни бошлади

113
Сиёсатшунос ва Россиянинг замонавий Афғонистонни ўрганиш маркази етакчи мутахассиси Андрей Серенко Америка қўшинларининг ҳақиқий олиб чиқилиши истиқболларига ва бу шунчаки сайловолди ваъдалари эканига изоҳ берди.

Трампнинг Афғонистондаги ҳарбий контингент сонини аввал саккиз минггача, сўнгра тўрт минггача қисқартириш ҳақидаги баёноти, сиёсатшуноснинг фикрига кўра, сайловолди ваъдаларидан бошқа нарса эмас. Эндиликда президентликка номзод Трамп қилаётган ҳар қандай баёнот фақатгина электорар манфаатларга асосланган, деб ҳисоблайди Андрей Серенко.

"Албатта, Афғонистон бўйича ушбу мавзуга - қўшинларни олиб чиқиш мавзусига Трампнинг қизиқиши ортиб бормоқда, чунки бугунги кунга унда ўзининг биринчи муддати охирида сайловчиларига тақдим этадиган ҳеч қандай ютуқлар йўқ. Бундан ташқари, ички тартибсизликлар унга сайловолди кампаниясини олиб боришини қийинлаштиришига олиб келди”, - дея таъкидлайди эксперт.

АҚШнинг амалдаги президенти қўлида бугунги кунда Америка жамоатчилиги учун ижобий ҳисобланадиган мавзулари кўп эмас. Сиёсатшуноснинг фикрига кўра, Афғонистондан қўшинларни олиб чиқиш мавзуси, кўпроқ афғон урушини тугатилишининг имитациясига ўхшайди.

"Трамп маррага етиб олиши ва ижобий натижа эришиши мақсадида ушбу сиёсий технологияга маҳкам ёпишиб олган", - дейди Серенко.

Аммо Трамп Оқ уйда қолиш-қолмаслигидан қатъий назар, америкаликлар барибир Афғонистондаги ҳарбий иштирокларини камайтиради, деб ҳисоблайди эксперт. Расмий Кобул воқеаларнинг бундай ривожига деярли тайёр.

113

Букри кит тимсоҳларга тўла дарёга тасодифан сузиб келди

405
(Янгиланган 23:25 21.09.2020)
Австралияда букри кит тимсоҳларга тўла дарёга тасодифан сузиб келди. Икки ҳафтадан сўнг у очиқ денгизга қайтишга муваффақ бўлди.

ТОШКЕНТ, 21 сен — Sputnik. Австралиянинг Какаду миллий боғида букри кит тимсоҳлар тўла дарёга тасодифан сузиб келди. Икки ҳафтадан сўнг кит очиқ денгизга қайтишга муваффақ бўлди. ABC телеканали хабарига асосан.

Олдинроқ дарё бўйида балиқ овлашга кетган денгиз экологлари 2 сентябрь куни учта букри китни кўришганди. Кейинчалик улардан иккитаси денгизга қайтишга муваффақ бўлди. Таъкидланишича, тарихда илк бор Какаду миллий боғнинг дарёсида 20 километр нарида китни кўришганди.

Жума куни кит саёзликка сузиб келганда, олимлар ташвишга тушдилар.

"Кит лойга ботган эди, аммо кўриниши яхши эди", - дейди Кэрол Палмер, Австралия Шимолий Ҳудуди ҳукумати олими.

Олимлар китни қутқаришнинг кўплаб вариантларини, шу жумладан уни қўрқитиш ва орқага сузиш учун баланд товушлардан фойдаланиш усулларини кўришганди. Яхшиямки, кит якшанба куни денгизга қайтишга муваффақ бўлди.

405
Вакцина против новой коронавирусной инфекции впервые в мире зарегистрирована в России 11 августа

ЖССТ коронавирусга қарши вакцина учун Россияга миннатдорчилик билдирди

1020
(Янгиланган 17:04 21.09.2020)
Жаҳон соғлиқни сақлаш ташкилоти Россияга коронавируснинг янги штаммига қарши ишлаб чиқилган вакцина учун миннатдорчилик билдирди.

ТОШКЕНТ, 21 сен — Sputnik. Жаҳон соғлиқни сақлаш ташкилоти коронавируснинг янги штаммига қарши ишлаб чиқилган вакцина учун Россияга миннатдорчилик билдирди. Бу ҳақда ЖССТнинг Европа минтақавий бюроси раҳбари Ханс Клуге маълум қилди.

ЖССТ вакили Россияда яратилган вакцина хавфсизлиги ва самарадорлигига эътиборни қаратди.

“Мен Россияга хавфсиз ва самарали вакцинани яратиш бўйича ажойиб ҳаракатлар учун миннатдорчилик билдирмоқчиман”, - деди Клюге.

Россия шу йилнинг январь ойида коронавирусга қарши вакцинани ихтиро қилишга киришди. Россия Соғлиқни сақлаш вазирлиги август ойида дунёдаги биринчи COVID-19  вакцинасини рўйхатдан ўтказди.

Мутахассислар тадқиқот натижаларига кўра, вакцинани хавфсиз деб тан олишди ва у коронавирусга қарши иммунитетни шакллантиришга имкон беришини таъкидлашди.

ЖССТ бошидан Россиянинг коронавирус вакцинасига қизиқиш билдирган. Сентябрь ойининг бошларида машҳур тиббиёт журнали The Lancet Россия “Спутник V” вакцинаси клиник синовларининг икки босқич натижаларини эълон қилди.

1020
Мавзу:
COVID-19 умумжаҳон пандемияси
Глава МИД РФ Сергей Лавров

Лавров ОДКБ номидан БМТ Бош Ассамблеясида чиқиш қилди

9
РФ ТИВ раҳбарининг таъкидлашича ҳозирда, "қоидаларга асосланган дунё тартиботи" сингари концепция ва стандартларни куч билан ўтказиш, бир вақтнинг ўзида давлатларнинг ички ишларига аралашишга уриниш ҳолатлари кўриниш бермоқда.

ТОШКЕНТ, 22 сен - Sputnik. Дунё ажратувчи чизиқлардан толиқди, қуролли можаролар, халқаро жиноятчилик ва янги чақириқлар ҳар томонлама кўмак ва ҳамкорликни кучайтиришни талаб қилмоқда, деб баёнот қилди Россия ТИВ раҳбари Сергей Лавров БМТ Бош Ассамблеяси олий ҳафталигида КХШТ (ОДКБ) номидан қилган видеомурожаатида.

"Бугун, таассуфки, дунёнинг турли минтақаларида қуролли можаролар авж олишда давом этмоқда. Унга: халқаро терроризм, нарко- ва кибержиноятчилик, иқлим ўзгариши каби замонамизнинг ўткир таҳдидлари келиб қўшилмоқда. Жорий йилда бу рўйхат ижтимоий-иқтисодий ва бошқа соҳаларда жиддий инқироз ҳолатларини келтириб чиқарган яна бир хавфли чақириқ: коронавирус пандемияси билан тўлдирилди", - деди Лавров.

Унинг сўзларига кўра, глобал муаммоларга жавоб қайтариш йилдан йилга, айниқса, ҳозирги, дунё ҳамжамиятининг бир-бирига нисбатан адовати ўсиб бораётган бир шароитда тобора мураккаблашиб бормоқда. Бундай ҳолатлар айрим давлатларнинг бошқа давлатлар қонуний манфаатлари билан ҳисоблашишни истамаслиги билан боғлиқдир, деб қайд этди Лавров.

Ташқи ишлар вазири таъкидлаганидек, "қоидаларга асосланган дунё тартиботи" сингари концепция ва стандартларни куч билан ўтказиш, бир вақтнинг ўзида давлатларнинг ички ишларига аралашишга уриниш, БМТ Хавфсизлик Кенгаши ҳуқуқларига зид равишда бир томонлама санкциялар қўллаш, муросасизлик ва нафрат кўриниш бермоқда.

"Аммо тарихнинг табиий боришини синдириб бўлмайди. Бугунги кунда халқаро майдонда иқтисодий тараққиётнинг янги марказлари кучаймоқда, қуролли можароларни фақатгина тинчлик воситалари билан бартараф этишга зарурат кучаймоқда, ўзаро боғлиқлик ўсиб бормоқда. Дунё ажратувчи чизиқлардан, давлатларни "ўзимизники" ва "бегоналарга" бўлишлардан чарчади, дунё ҳартомонлама ўзаро ёрдам ва ҳамкорликни оширишни талаб қилмоқда. Бошқача қилиб айтганда, БМТ ташкил топган вақтда, 75 йил олдин ўртага ташланган мақсадлар тобора аҳамиятлироқ бўлиб бормоқда2, - деб қайд этди вазир.

Лавров, шунингдек, тарихни қайта кўриб чиқиб, фашизм устидан қозонилган ғалабала ҳал этувчи ҳиссани қўшган халқлар ролини пасайтиришга бўлаётган уринишларни бемаънилик, дея атади. У тарих сабоқларини ёдда сақлашга, халоскор-жангчилар жасоратига ҳурмат кўрсатишга, уларнинг шарафига қад ростланган ёдгорликларнинг бутлигини таъминлашга чақирди.

Россия Ташқи ишлар вазирлиги раҳбари сўзларига кўра, замонавий шароитларда БМТ ўз уставига қатъий мувофиқ равишда иш олиб борадиган самарали тузилма бўлиб қолиши керак, БМТ тизими асосий органлари мандатларини хиралаштириб, улар ваколатларини такрорлашларига йўл қўймаслик керак, бу фақат керакли мақсадларга эришишни кечиктиради.

Жаҳон ҳамжамиятининг асосий вазифаларидан бири: можароларни халқаро миқёсда тан олинган музокаралар форматлари доирасида, халқаро ҳуқуқ нормалари асосида фақат тинчлик, сиёсий ва дипломатик воситалар билан ҳал этиш бўлиб қолиши керак, бунда терроризмга ва халқаро уюшган жиноятчиликка қарши курашда ҳамкорликни кенгайтириш сўзсиз устуворликни касб этиши лозим, дея таъкидлайди Лавров.

Шунингдек, глобал барқарорликни сақлаб қолиш учун қурол-яроғ, қуролсизланиш ва қуролни тарқатмаслик назорати тизимини заифлаштиришга уринишларни чеклаш деди вазир.

9