Россиядаги хавфли касблар маълум қилинди

321
Ўтган йиллардаги шунга ўхшаш тадқиқотлар билан таққослаганда, шифокорлар илк марта хавфли касблар рейтингида биринчи ўринни эгаллашди.

ТОШКЕНТ, 5 авг — Sputnik. Россияда бу йилги энг хавфли касблар рейтингида шифокорлар етакчилик қилди. Улар кончи, ўт ўчирувчи ва ҳарбийларни ортда қолдиришган. Бу ҳақда РИА Новости SuperJob иш излаш сервиси тадқиқотига таянган ҳолда хабар қилмоқда.

Тадқиқот 296 та аҳоли пунктидаги минг нафар россияликларнинг очиқ сўровлари маълумотларига асосланган. Сўров 30 июлдан 3 августга қадар ўтказилган.

“Ўтган йиллардаги шунга ўхшаш тадқиқотлар билан таққослаганда, шифокорлар илк марта хавфли касблар рейтингида биринчи ўринни эгаллашди: авваллари уларнинг касбларини 2-3 фоиз россияликлар энг хавфли деб аташарди, бугун эса ҳар бир бешинчи фуқаро шундай фикрда”, - дейилган тадқиқотда.

20 фоиз россияликлар бугунги кунда шифокорлар касбининг энг хавфли деб ҳисоблаган. 10 фоиз россияликларнинг ишончи комилки, ҳаммадан кўпроқ кончилар ўз ҳаётини хавф остига қўяди.

Яна 8 фоиз россияликларнинг фикрига кўра, энг хавфли ишни ўт ўчирувчилар бажаришади. Ҳарбийлар ва ФВВ қутқарувчилар ишини 6 фоиз россиялик хавфли деб билади.

Бундан ташқари, ҳайдовчи, ҳуқуқни муҳофаза қилувчи орган ходимлари ва сиёсий арбоб касблари 4 фоиз россияликларнинг назарида хавфли саналади.

Сўровда иштирок этганларнинг икки фоизи учувчилар касбини энг хавфли касблардан бири эканини айтган. Журналист, ўқитувчи ва сапёр кабслари бир фоиз респондентларнинг фикрига кўра хавфлидир.

“Ҳозир тиббиёт ходимлари пандемия сабабли рўйхатнинг биринчи қаторида. Шифокорлар касби – бу қаҳрамонлик”, - дея келтирилган россияликларнинг сўзи тадқиқотда.

321
Утки

Минглаб ўрдаклар далаларни ҳашоротлардан тозаламоқда - видео

56
(Янгиланган 11:11 18.09.2020)
Таиландда минглаб ўрдаклар ҳашоротларга қарши курашиш учун шоли майдонларига олиб чиқилди. Натижада - майдонлар ҳам тоза ўрдаклар ҳам тўқ.

ТОШКЕНТ, 18 сен - Sputnik. Таиландда 10 мингга яқин ўрдаклар шоли далаларини ҳашоротлардан тозлашда ёрдам бермоқда. Ушбу ҳақидаги видео интернетда тарқалди, деб хабар қилмоқда РИА Новости. 

Маълум бўлишича, Накхон вилояти фермерлари ўзаро келишувга кўра шоли далаларини ҳашоротлардан тозалаш мақсадида ўрдаклар армиясидан самарали фойдаланишмоқда. Ўрдаклар 5 ой давомида деҳқонларга далаларни қумусқалардан тозалашда ёрдам беради ва шундан сўнг ўз фермаларига қайтади. 

Фермер Апиват Чалермклин айтишига қараганда ушбу амалиёт иккала томонга ҳам фойда келтирмоқда: деҳқонлар ҳашоротларга қарши турли кимёвий моддалардан фойдаланмайди, паррандачилар эса - қушларни овқатида эконом қилади. 

56
Белорусско-украинская граница

Беларус Литва ва Польша билан чегараларни ёпди

71
(Янгиланган 10:04 18.09.2020)
Лукашенко, айни дамда бутун Европанинг тақдири ҳал бўлаётганини ва Беларус, ҳатто ёлғиз қолса ҳам, тиз чўкмаслигини қатъий таъкидлади. 

ТОШКЕНТ, 18 сен - Sputnik. Беларус Литва ва Польша билан чегараларини ёпди. Бу ҳақида президент Александр Лукашенко хабар қилди. 

"Уларнинг ихтиёрида уруш бошлашдан бошқа кўп имконият қолмади. Шу сабабли биз қўшинларни кўчалардан олиб кетишга ва армиянинг ярмисини қуроллантиршга мажбурмиз. Сўнгги кунларда мен Россия президенти ва мудофаа вазири билан Иттифоқ давлатнинг умумий ҳимоясини таъминлашга, узоқ вақтдан бери унутилган ҳарбий ўқув машғулотларни янгилашга мажбурман", - деди Лукашенко. 

Лукашенко, айни дамда нафақат Беларуснинг балким бутун Европанинг тақдири ҳал бўлаётганини ва Беларус, ҳатто ёлғиз қолсак ҳам, тиз чўкмаслигини қатъий таъкидлади. 

"Ҳозир улар босимнинг навбатдаги босқичига ўтди - шафқатсиз сиёсий ва молиявий-дипломатик босим. Қўшни мамлакатлар Беларусда бўлиб ўтган сайловлар натижаларини тан олишни истамаяпти ва улар Венесуэла сценарийси бўйича "гуайдохонни" топиб олиб уни президент деб эълон қилишмоқчи", - деди Беларус президенти. 

Александр Лукашенко айтишга кўра, Беларусдаги тезкорлик билан ҳукуматни эгаллаб олиш бўйича "бликкриг" операцияси амалга ошмади. У бундан ўнлаб йиллар олдин ҳам амалга ошмаган эди келажакда ҳам амалга ошмайди. 

"Мен Беларус, Польша ёки Литва, бизга таалуқли бўлмаган масалалар ҳал қилинадиган, ҳарбий ҳаракатлар театрига айланишни истамайман. Мен тинчликсевар одамман", - деди Лукашенко. 

Эслатиб ўтамиз, Беларусда август бошида бўлиб ўтган президент сайловларидан сўнг норозилик намойишлари бошланиб кетган эди. Мухолифат ҳукуматни сайлов натижаларини қалбакилаштиришда айблаб, кўчага минглаб одамларни олиб чиққан эди. Беларус президенти ушбу ҳаракатлар четдан туриб амалга оширилаётган фитна, аслида аксарият аҳоли буни истамайди. Лукашенко ҳукумат бошида узоқроқ қолиб кетганини тан олиб, Уонституцияга ўзгартириш киритиб, қонуний тартибда янги сайловлар ўтказишни ваъда берган эди. 

71
Цифровой фотоаппарат Зенит-М

ОАВлар фуқаро шахсий суратидан қандай ҳолларда рухсатсиз фойдаланиши мумкин?

1
(Янгиланган 12:08 18.09.2020)
Ҳуқуқшунос фикрига кўра, ахброт коммуникация ривожланган даврда фуқаро шахсий ҳаётига доир маълумотларни ҳимоя қилиш жуда муҳим. Шу сабабли ҳам Фуқаролик кодексига ўзгартириш киритилмоқда.

ТОШКЕНТ, 18 сен – Sputnik. Фуқаролик кодексининг янги таҳририга кўра, шахсий фотосуратларидан рухсатсизх фойдаланиш қандай ҳолларда қонуний  бўлади? Бу борада Адлия вазирлиги ҳузуридаги Ҳуқуқий сиёсат тадқиқот институти директори Аъзам Мадаминов изоҳ берди.

Маълумот учун, бироз олдин Фуқаролик кодексининг янги таҳририга фуқаронинг ўз тасвирига бўлган ҳуқуқи ҳимоясига доир модда киритилиши жамиятда фаол муҳокамага бўлган эди. Айрим ОАВларда ушбу модда давлат хизматчиларини ҳимоя қилишга қаратилган деган фикрлар ҳам айтилди. 

Тасвирга туширишга ва ундан фойдаланишга розилик олиш ҳамда истиснолар

Янги Фуқаролик кодексида, умумий қоида тариқасида - ҳар қандай фуқаронинг фото ёки видео тасвиридан фойдаланиш учун унинг розилиги талаб қилинади.

Истиснолар, яъни розилик талаб этилмайдиган ҳолатлар:

1.Тасвирдан давлат ёки жамият манфаатлари учун фойдаланилганда:

  • жиноятчи ёки бедарак йўқолганларни қидиришда;
  • давлат ва жамоат арбоблари, маданият ва илм-фан соҳаларининг таниқли вакиллари суратларини жамият учун қизиқарли  ахборот тарқатиш мақсадларида фойдаланганда;
  • давлат хизматчиларини хизмат вазифаларини бажариш жараёнида тасвирга тушириш ва бундай тасвирлардан фойдаланиш ҳоллари киради.

2. Оммавий тадбирларда ва жамоат жойларида ушбу жойлардаги умумий жараёнларни акс эттириш мақсадида олинган суратларда. Масалан байрамлар, ресторанлар, кўчаларда ва ҳо казо.

3. Ушбу фуқаронинг ҳуқуқларини ҳимоя қилиш мақсадида олинган суратлар учун ҳам рухсат талаб этилмайди.

Қандай жавобгарлик белгиланган ?

Фуқаро суратидан мақсадга номувофиқ фойдаланганда фуқаролик ҳуқуқий характерга эга бўлган жавобгарлик келиб чиқади. Маъмурий ёки жиноий жавбогарлик келиб чиқмайди. Яъни “жабрланган” фуқарол ўз тасвирини фотоаппарат ёки мобил телефондан ўчириб ташлашни, ОАВ ёки рекламадан олиб олиб ташлашни талаб қилиш ҳуқуқига эга бўлади.

Ҳуқуқшунос фикрига кўра, ахброт коммуникация ривожланган даврда фуқаро шахсий ҳаётига доир маълумотларни ҳимоя қилиш жуда муҳим.

“Фуқаронинг тасвирини ҳимоя қилиш бугунги ахборот коммуникация ривожланган даврда жуда муҳим. Чунки, ижтимоий тармоқларда фуқароларнинг тасвирларидан фойдаланган ҳолда уларнинг шаъни ва қадр-қимматига путур етказувчи, оилавий ва шахсий сирини ошкор этувчи маълумотлар тарқатиш ҳоллари кам эмас. Оқибатда, жамиятда фуқаролар ўртасида турли низолар келиб чиқмоқда”, - дейди ҳуқуқшунос.

Мадаминов айтишига кўра, Ўзбекистон бу каби қонунлар қабул қилишда биринчилардан эмас. Шунга ўшаш талаблар Европа, Россия ва Қўшни Қозоғистон қонунчилигида ҳам назарда тутилган.

1