Флаги США

АҚШнинг Россияга қарши санкциялар учун нишонлар рўйхати деярли тугади

301
АҚШ президентининг миллий хавфсизлик бўйича маслаҳатчиси Роберт О'Брайен Россияга қарши санкциялар учун нишонлар рўйхати деярли туганини маълум қилди.

ТОШКЕНТ, 10 август - Sputnik. Россияга қарши ўта кўп санкциялар жорий қилинди, шу сабабли улар учун янги нишонлар деярли қолмади. Буни АҚШ президентининг миллий хавфсизлик бўйича маслаҳатчиси Роберт О'Брайен CBS телеканалига берган интерьюсида тан олди.

Унинг сўзларига кўра, Оқ уйнинг олдинги маъмуриятларининг ҳеч бири "ҳозиргиси каби Россияга нисбатан қаттиққўл бўлмаган", чунки Трампнинг Овал кабинетда бўлган даврида АҚШ Россиянинг юзлаб ташкилотлари ва жисмоний шахсларига чекловлар жорий этди.

"Россияга қарши санкцияларни қўллашимиз мумкин бўлган деярли ҳеч ким қолмади ... Биз Россияга қарши ўта кўп санкциялар жорий этдик – алоҳида шахслар, компаниялар, ҳукумат. Русларга (санкциялар жорий этишга имкониятлар) унча қолмади, аммо биз уларга сигналлар юборишда давом этамиз", - дея унинг сўзларини келтиради РИА Новости.

Америка сайловларига аралашиш ҳақида гапирганда, О'Брайен, АҚШ бир қатор давлатларнинг уларга таъсир ўтказишга уринишларидан хабардор эканлигини яна бир бор таъкидлади. Унинг таъкидлашича, агар Вашингтон чет элдан сайлов жараёнига янги аралашувларни қайд этса, ҳукумат "Хитой, Россия ёки Эрон бўлишидан қатъи назар" энг қатъий чораларни кўради.

"Уларнинг раҳбарлари президент сифатида Трампними ёки Джо Байденни афзал кўришларидан қатъи назар, фарқи йўқ", - дея қўшимча қилди АҚШ президентининг маслаҳатчиси.

301

Лукашенко 5 ноябрдан президент сифатида тан олинмайди - Европарламент

385
(Янгиланган 17:08 19.09.2020)
Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган.

ТОШКЕНТ, 19 сен — Sputnik. Европарламент Александр Лукашенкони 5 ноябрдан бошлаб республика раҳбари деб ҳисоблашдан тўхташлари ҳақида баёнот берди.

"Амалдаги аторитар етакчи Александр Лукашенконинг ваколатлари муддати тугаши билан <…>, парлмент уни мамлакат президенти сифатида бошқа тан олмайди", - дейилади резолюцияда.

Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган. Шунингдек, Европарламент Лукашенкога нисбатан эҳтимолий санкцияларни ҳам қўллаб-қувватлаган.

Беларус ТИВ Европарламентнинг ушбу ҳаракатларидан ихлоси қайтганлигини маълум қилди. Идора, шунингдек, ўзини холис ва демократик тузилма сифатида намойиш этадиган ушбу ташкилот "бурнидан нарироққа қарашга" ўзида сиёсий ирода топа олмаганлигини қайд этган.

Республика кенгашида резолюциянинг қабул қилиниши давлатнинг ички ишларига аралашув сифатида баҳоланди. Россия Давлат думаси спикери Вячеслав Володин ҳам ушбу ҳужжатга "ички аралашув" сифатида баҳо берган эди. Володинга кўра, резолюциянинг қабул қилиниши мамлакатдаги ҳукумат органларини алмаштиришга бўлган уринишдир.

Беларусдаги воқеалар

Беларусдаги оммавий протестлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 фоиз овоз олган. Оппозиция сайловларда Светлана Тихановская ғалаба қозонди, дея ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомет, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Расмий маълумотларга, илк кунларда 6,7 мингдан зиёд қўлга олинган. ИИВ хабарига кўра, тартибсизликлар давомида юзлаб одамлар жабрланган, жумладан, 120дан ортиқ куч ходимлари ҳам. Беларус ҳукумати маълумотига кўра, уч киши қурбон бўлган.

385
Панорама Риги

Латвиялик шифокор русийзабон эркакка ёрдам беришдан бош тортганини айтиб мақтанди

570
Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга

ТОШКЕНТ, 19 сен — Sputnik. Латвия шифокорлари ҳамжамияти вице-президенти, анестезиолог-реаниматолог Робертс Фурманис касалхонага келган инсонга у фақат рус тилида гапиргани учун ёрдам беришдан бош тортгани ҳақидаги бир воқеа ҳақида сўзлаб берди. Sputnik Latvija хабари асосида.

Яқинда Ригадаги Страдыня номидаги касалхонада унга футболкасида "Россия" ёзуви бўлган эркак мурожаат қилган. Ташриф буюрувчи ундан туғруқхона бўлимини топишда ёрдам беришни сўраб, мурожаат қилган эди. Аммо латвиялик мутахассис эркакка бегона тилда гапиришдан бош тортган.

"Мен унга: "Хайрли кун. Бу ер Латвия. Аввало мулоқотни латиш тилида бошлаш кераклигини эслатмоқчиман", дедим. Эркак бурилди ва жўнаворди", — деди Фурманис.

Шифокорнинг сўзларига кўра, у "суягигача латиш", ва унда ҳатто айнан шундай ёзувлар битилган майкаси ҳам бор.

Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга.

570