Приготовление еды

“Исрофгарчилик бўлмасин”: хитойликларни овқатни тежашга чақиришди

102
Хитой етакчисининг сўзларига кўра, аҳолининг исрофгарчилик борасидаги хатти-ҳаракатлари “ваҳима ва қайғуга солади”.

ТОШКЕНТ, 11 авг — Sputnik. ХХР раиси Си Цзиньпин мамлакат аҳолисини таом истеъмол қилишда исрофгарчиликка йўл қўйишни тўхтатишга чақирди. Бу ҳақда “Синьхуа” агентлиги хабар қилмоқда.

Хитой етакчисининг сўзларига кўра, аҳолининг бу борадаги хатти-ҳаракатлари “ваҳима ва қайғуга солади”. У мамлакатда ғалла етиштириш йилдан йилга ўсиб бораётганинига қарамасдан ҳамиша озиқ-овқат хавфсизлиги соҳасидаги хатарларни англаш лозимлигини таъкидлади. Пандемия таъсири бу йил Хитой учун ташвишли сигнал бўлган.

“Қонунчиликни мустаҳкамлаш, назоратни кучайтириш, самарали чора қабул қилиш, узоқ муддатли механизм яратиш ва ҳаддан зиёд озиқ-овқат маҳсулотларини сарфлашнинг олдини олиш зарур”, - деди у. Унинг сўзларидан РИА Новости иқтибос келтирган.

Хитой раиси давлат бу йўналишда тарғибот ишларини олиб бориши даркорлигини қайд этган: жамиятни овқат ейишда ўртача сарфлашга одатлантириш, исрофгарчилик уят ва шармандали ҳолат, овқатни тежаш ифтихорли экани борасидаги муҳитни юзага келтириш.

Агентлик Хитой етакчиси ҳамиша озиқ-овқат хавфсизлигига алоҳида эътибор қаратгани ва исрофгарчиликка қарши курашиш ва тежамкорлик ташаббуслари билан чиқиш қилганини таъкидлаган.

102
Президент США Дональд Трамп в Овальном кабинете Белого дома

Дональд Трампга заҳарли модда жўнатишда гумон қилинган шахс қўлга олинди

13
Аввалроқ CNN телеканали ўз манбасига таянган ҳолда Америка етакчисига заҳарли модда солинган мактуб жўнатилгани ҳақида хабар тарқатган эди.

ТОШКЕНТ, 21 сен — Sputnik. Канада ва АҚШ чегарасида АҚШ президенти Дональд Трампга рицин заҳарли моддаси солинган мактуб жўнатишда гумон қилинган шахс ушланди. Бу ҳақда NBC телеканали манбасига таянган ҳолда хабар бермоқда.

Аввалроқ мактуб Канададан жўнатилгани маълум қилинган эди.   

CNN телеканали, ўз навбатида, АҚШга киришга уринган ва заҳар жўнатишда гумон қилинишда аёл киши қўлга олинганини хабар қилмоқда. Аниқлик киритилишича, у қуролланган бўлган.

Бошқа тафсилотлар очиқланмаган.

19 сентябрь куни CNN телеканали ўз манбаларига таянган ҳолда Америка етакчисига заҳарли модда солинган мактуб жўнатилгани ҳақида хабар тарқатган эди.

Мактуб ичида ўта хавфли рицин моддаси бўлган. Кейинроқ ФҚБ заҳарли жўнатма ушлаб қолинганини тасдиқлаган.   

13
Теглар:
Дональд Трамп, АҚШ
Пассажиры в аэропорту Домодедово имени М. В. Ломоносова

Бир нечта мамлакат фуқаролари учун Россияга кириш тақиқи бекор қилинди

150
Беларусь, Қозоғистон, Қирғизистон ва Жанубий Корея фуқаролари Россияга ҳаво ўтказиш пунктлари орқали киришлари мумкин.

ТОШКЕНТ, 21 сен — Sputnik. Россия Беларусь, Қозоғистон, Қирғизистон ва Жанубий Корея билан мунтазам авиақатновларни тикламоқда. Тегишли қарорга Россия бош вазири Михаил Мишустин имзо чекди.

Юқорида кўрсатилган давлатлар фуқаролари Россияга ҳаво ўтказиш пунктлари орқали киришлари мумкин, россияликлар, ўз навбатида, ушбу мамлакатларга парвоз қилишлари мумкин.

Россия ҳукумати сайтида ёзилишича, рейслар ҳафтасига бир марта амалга оширилади. Самолётлар Нур-Султон (Қозоғистон), Бишкек (Қирғизистон), Минск (Беларусь) шаҳарларига парвоз қилади.

Жанубий Корея билан авиақатнов эса 27 сентябрдан қайта тикланади.

Шунингдек, Россия халқаро авиақатновлар тикланиши муносабати билан чет элдан фуқароларини чартер рейсларда олиб келиш дастурини тўхтатиб қўяди.

Эслатиб ўтамиз, аввалроқ Россия Беларусь, Қозоғистон, Қирғизистон ва Жанубий Корея билан мунтазам авиақатновларни тиклашга қарор қилгани ҳақида хабар қилинган эди.

150
Теглар:
авиапарвозлар, коронавирус, Жанубий Корея, Қирғизистон, Қозоғистон, Беларусь, Россия
Денежные купюры России и США

Валюта: доллар яна кўтарилди, рубл эса пастлади

2
(Янгиланган 12:29 21.09.2020)
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 20,28 сўмга кўтарилди.

ТОШКЕНТ, 21 сен — Sputnik. Марказий банк хорижий валюталарнинг сўмга нисбатан 22 сентябрдан бошлаб янги қийматини белгилади.

Доллар курси ўтган ҳафтага нисбатан 20,28 сўмга кўтарилиб, 10 315,62 сўм ташкил қилди.

Евро ҳам 15,78 сўмга ошди ва 12 210,60 сўмни ташкил қилди.

Россия рубли эса 1,37 сўмга пасайиб, 136,28 cўмни ташкил қилди.

2