Европанинг 24 та давлати “Шимолий оқим-2”га қарши АҚШ санкцияларига эътироз билдирди

442
Евроиттифоқининг 24 давлати вакиллари “Шимолий оқим-2” қувурига қарши янги санкцияларни жорий этиш режалари юзасидан АҚШга норозилик билдиришди.

ТОШКЕНТ, 14 авг - Sputnik. Германиянинг Welt газетаси, Евроиттифоқининг 24 давлати вакиллари “Шимолий оқим-2” қувурига қарши янги санкцияларни жорий этиш режалари юзасидан АҚШга норозилик билдиришганини маълум қилди.

Таъкидланишича, Европа делегацияси АҚШ Давлат департаментига ўз норозилигини 12 август куни бўлиб ўтган видеоконференция чоғида билдирган. Шу билан бирга, бу қандай даражада амалга оширилгани айтилмаган, деб ёзади РИА Новости.

Таркиб жиҳатидан норозилик ЕИнинг ташқи сиёсат ва хавфсизлик сиёсати бўйича Олий вакили Жосеп Боррелльнинг 17 июлдаги баёнотига ўҳшайди. Баёнотда айтилишича, Евроиттифоқни Вашингтон томонидан Европа компанияларига, шу жумладан “Шимолий оқим-2” лойиҳаси билан боғлиқ компанияларга, санкцияларни қўллаши ёки қўллаш таҳдидлари тез-тез учраётгани ҳолатлари ҳавотирга солмоқда.

Июл охирида АҚШ Сенати “Шимолий оқим-2” қувурига қарши қўшимча чекловчи чораларни кўзда тутувчи янги мудофаа бюджетини тасдиқлади. Унга мувофик амалдаги санкциялар қувурларни ётқизиш билан шуғулланаётган ташкилотларга ва улар билан боғлиқ суғурта компанияларига нисбатан қўлланилади.

Аввалроқ Sputnik радиоси РФ ТИВ “Шимолий оқим-2”ни қайта тиклаш истиқболларини баҳолаганини маълум қилган эди.

442

Кремл "Путин қасри" ҳақидаги хабарлар юзасидан изоҳ берди

301
(Янгиланган 20:21 20.01.2021)
Кремл Геленджикдаги Владимир Путиннинг "қасри" ҳақидаги Алексей Навальний томонидан ўтказилган суриштирувни асоссиз сафсата ва компиляция деб атади.

ТОШКЕНТ, 20 янв — Sputnik. Кремл Геленджикдаги Владимир Путиннинг "қасри" ҳақидаги Алексей Навальний томонидан ўтказилган текширувни асоссиз сафсата ва компиляция деб атади.

Куни кеча Навальний жамоаси президент Қора денгиз қирғоғида 100 миллиард рублга қаср қургани тўғрисидаги материални эълон қилди.

"Биласизми, бу мавзу 3-4 йил олдин тармоққа ташланганди. Ва бу ҳолатда қуруқ сафсата қилинмоқда, мана бу ҳийла-найранглардан фойдаланишга бир неча бор уринишди. Кўпинча ўзларини қийнашмаяпти ҳам <...> ҳеч бўлмаганда бирон бир нарсани исботлаш эмас, ҳеч бўлмаганда тасвирлаб беришга минимал уринишлар билан” - деди президент матбуот котиби Дмитрий Песков.

У ягона янгилик бу - "монтаж ҳикоялари"дан фойдаланиш бўлган, дея тахмин қилди.

"У ерда, маълум бир қасридаги бассейнда, Путиннинг Енисейда сузиб юргани акс этган <...> бутун дунёда тарқалган <...> тасвирлар қўшиб қўйилган. Бу шундай қуруқ констатация", - деб тушунтирди Кремл вакили.

Бундан ташқари, Песков россияликларни "ФБК муттаҳамларига" пул ўтказмасликка чақирди, бундай текширувлар – бу фирибгарлик эканлигини таъкидлади.

"Давлат раҳбарига қарши тайёрланган ва тайёрланаётган ахборот хужумлари ҳақида аллақачон бизга маълум. Улар бўлган, афсуски, давом этади. Бу ҳолатда президент мавжуд бўлмаган мулкка эгалик қилишда айбланмоқда. Бутун мол-мулк Россия президенти томонидан ҳар йили декларацияланади ва чоп этилган йиллик декларацияда акс этган", - деб хулоса қилди Песков.

301
Теглар:
Навальний, Кремль, Москва, Россия
Мавзу бўйича
Кремль ЕИнинг Навальний туфайли санкцияларига муносабат билдирди
Олимпиада-Навальний жанжали: АҚШ ва Британия энг қимматли нарсасини қутқармоқда
Лавров ЕИнинг Навальний туфайли санкцияларига муносабат билдирди
Навальний иши: Россия Европа Иттифоқига қарши санкция қўллади
Навальний билан боғлиқ ҳолат бўйича жиноят ишини қўзғатишга асос йўқ - Лавров
Коронавирус, Беларусь, Қорабоғ ва Навальний: РФ ташқи разведка раҳбари билан интервью

Мелания Трамп Оқ уйнинг 70 йиллик анъанасини бузди

464
(Янгиланган 18:32 20.01.2021)
Мелания Трамп АҚШ бўлажак биринчи хоними Жил Байденни Оқ уй бўйлаб экскурсияга таклиф қилишдан бош тортди.

ТОШКЕНТ, 20 янв — Sputnik. Мелания Трамп АҚШ бўлажак биринчи хоними Жил Байденни Оқ уй бўйлаб экскурсияга таклиф қилишдан бош тортиб, 70 йиллик анъанани бузди. Бу ҳақда LADbible портали хабар қилди.

Анъанага кўра, кетишдан аввал биринчи хоним турмуш ўртоғи президентлигининг сўнгги кунларида 2-3 қаватлардаги хоналар бўйлаб экскурсия уюштиради. 70 йил давомида АҚШ президентлари рафиқалари бўлажак биринчи хонимлар билан чой ичиб, уларга Оқ уй "хўжалиги"ни топширадилар. 4 йил олдин Мелания ўзи собиқ биринчи хоним Мишел Обама билан чой базмида меҳмон бўлиб, президент қароргоҳи бўйлаб сайр қилган.

Таъкидланишича, Мелания биринчи хонимнинг лавозимидан 47 фоиз маъқуллаш рейтинги билан тарк этади, бу аввалги хонимларга қараганда анча паст.

Бу анъана 1952 йилда президент Гарри Трумэннинг рафиқаси Бесс Трумэн Дуайт Эйзенхауэрнинг рафиқаси Мэми Эйзенхауэрни Оқ уй бўйлаб экскурсияга таклиф қилишидан бошланган.

АҚШнинг янги президентининг инаугурацияси 20 январ куни бўлиб ўтади. Дональд Трамп маросимда қатнашмаслигини айтганди. У инаугурациядан тўрт соат олдин Вашингтонни тарк этади.

464
Теглар:
инаугурация, сайлов, Мелания Трамп, Дональд Трамп, АҚШ
Мавзу бўйича
Дональд Трамп президент бўлгани шарафига Мелания билан рақс тушди
Дональд ва Мелания Трамплар Мирзиёевга мактуб йўллашди
Трамп ва Мелания Шавкат Мирзиёевга табрик йўллашди
Мелания Трампнинг сариқ рангдаги кўйлаги қизғин муҳокама қилинмоқда
“Дональд - жангчи”: Мелания Трамп эрини қўллаб-қувватлади
Мелания қиёфадоши? Трамп яна рафиқасини алиштириб қўйишда гумонланмоқда